لـ روح البياض متعب عيسى العنزي

[فهد الغبين]

كتبت بالسواد
لرحيل البياض متعب عيسى

هي نداء لكل وايلي وكل محب لـ متعب عيسى
دعونا نعمل لمتعب في مماته ما لم نعملة له في حياته


فتحت الصفحة الغبرا على سوء الخبر..ناهيك=عن اللي مرني لحظه قريت اليوم عنوانه
ياعارف كيف راح اللي غيابة فقدة مناجيك=ياعارف ويش عذر اللي تكاسل عن مدا اعوانه
ياعارف من يواسيهاا ..بعد مامات ..ياخي اشفيك=ياعارف من يعزيها ..بعد ماقفت اضعانه
عذاري ..لو بكت كل الجموع بفقـــدها غاليك=أمانة لا تهلين الدموع الا على شانه
وامانةلو بكت كل الحروف وجتلك تعزيك=تعزين الجموع اللي تجيك تشارك اشجانه
ترى موته ..مهو موت عليك انتي وانا بناخيك=ترى موته ..يابنتاخي ..خسارة اخ لخوانه
حزينه يالحروف اللي فقدتي من زمن راعيك=وحزينه يالحروف اللي لبستي اروع الحانه
وحزينه ..يالعيون اللي بعد ما رحت جت تبكيك=وحزينه يالقلوب اللي تعرف الطيب ميزانه
يامتعب لوصرخ طفل ٍ وبمهاده على ..طاريك=ابد مايلحق ..الطيبه ..بكـاء ٍ ..كنت ..تحنانه
يامتعب طاحت الدمعة على خدي وانا اناديك=أمانه ليه رحت انت وفتحت الهم بيبانه
عذاري ..يافخر ذاك الفقيد اللي تفاخر فيك=عذاري ..يـ الم صدر القصيد إن مالت اغصانه
ترى لو راح متعب ..ياعذاري كلنا ..نفديك=وترى اصغر بني وايل ..يمد الروح من شانه
أمانه لو عبس وجه الزمان ..استفزعي.. وناتيك=كفايه ما فزعنا له ..وهو حي ٍ ..على اعيانه

[البندري العنزي]

رحم الله شاعرنا وإبن قبيلتنا العزيزة متعب العنزي

والهم اهله وقبيلته ومحبينه السلوان
ونسأل الله ان يتقبله في فسيح جناته

شاعر بحجم متعب العنزي خسارة للساحة الثقافية بأكملها فهو احد الاسماء السعودية والخليجية التي رفعت راية الشعر

واحد المؤسسين للحراك الثقافي الشعبي بكل جدارة ، كما ان له مواقف عديدة تجاه وطنه وقبيلته وابناء الساحة الشعبية عموما ً

متعب العنزي مساحة من الوفاء تجسدت في وطن الخير

شكرا ً اخي فهد الغبين فلا استغرب منك هذا الرثاء المؤلم والمبكي لأنك احد الاوفياء لأسمك الذي يعبر عن شريحة مهمة في ابناء قبيلتنا العريقة ، في هذا اليوم اصبحنا كلنا ( عذاري ) متعب العنزي

وإنا لله وإنا إليه راجعون

[سالم صالح]

رحم الله شاعرنا الوفي /متعب عيسى العنزي
واللهم اهله الصبر والسلوان واسكنه فسيح جناته
وشكر وعرفان لك اخي/ فهد الغبين على هذه المشاعر الرائعة التي تعبر على عمق الوفاء والنخوة لديك فلقد ابدعت بمن يستحق الابداع
وانا معك بعالي صوتي كما هو حال عيال وائل كذلك الى (عذاري) نحن لعيناك واعتبرينا اخوة لك
وعيال وائل عندما يسمعون نداء استفزاع فهم اهل لذلك والمواقف تشهد
واخيرا شكراً شكراً لك على هذه الوقفه اخي فهد فهذا ليس غريب على الغبين
ورحم الله اخينا وشاعرنا (متعب العنزي) رحمة واسعة وغفر له ماتقدم من ذنبه وماتاخر

[شــامخ]

فهد الغبين صح لســانك


الله يرحمه ويغمد روحه الجنه

[ماجد الغانم]

الأخ العزيز

فهد الغبين

صح لسانك ...ولاهنت

والله يرحم متعب ويسكنه فسيح جناته

إنا لله وإنا إليه راجعون

[سعود المسعودي]

الأخ العزيز

فهد الغبين

صح لسانك ...ولاهنت

والله يرحم متعب ويسكنه فسيح جناته

إنا لله وإنا إليه راجعون