ديوان الشاعر ::: زياد الشمري :::

[زياد الشمري]

( حنا مثل بدوً تشد الرحالي )


يالله يامرسـي رواس الجبالـي=ياغافـر الـزلات رب البريـه
طلبت عفوك ياعزيز الجلالـي=ياعالم ٍ سـر الامـور الخفيـه
يارب لاتجعـل جميـع اتكالـي=على عمل نفس ٍ حياتـه شقيـه
لكن على رحمة جلالك لحالـي=افزع بها لعبد ٍ امـوره رديـه
كل ماسواك يجيه حال الزوالـي=والحي لو عمـر تجيـه المنيـه
حنـــّـا مثل بدو ٍ تشـد الرحالـي=لابد مانـولــم زهـاب المطيـه
نمشي على الدرب السليم العدالي=ونجنب دروب الخطا والخطيـه
منهاجنا واحـد ولا لـه بدالـي=منهج كتـاب الله وسنـة نبيـه
في دولة أمنه على كـل جالـي=تحكم بشـرع الله ودايـم ابيّـه
في ظل ابو متعب عزيز المعالي=ومعه ابو خالد كريـم السجيـه
قبلة بيوت الله جنوب وشمالـي=وبين الدول حزنا مكانـه عليـه
الشكـر للمعبـود اول وتالـي=راع الوهايب والفضل والعطيـه
وصلو عدد نبت الوعر والسهالي=علـى نبـي ٍ مالحقنـا جزيـه




( الورق مدهر )

خليتني وانا ارتجي منك الاحسان=ياللي حياتي في يمينك رهينه
ارفق على قلب من العام ولهان=ويعاني هموم الزمان الدفينه
يرجي حنان ٍ مختفي دون عنوان=تزايدت فيه الجروح السنينه
ياصاحبي عذبتني طول الازمان=تركتني وسط الليال الحزينه
إليا حكينا لامنا حتى الاخوان=وليا سكتنا صارت اكبر غبينه
إترك غرامك مالنا فيه برهان=غرامك بأقصى الحشا خابرينه
مار البلا زود التجافي والاحزان=وفراق نبع ٍ مالقينا معينه
صار الورق مدهر على روس الاغصان=من غبت ياضي الزمان وسنينه
حتى المدينه شفتها دون سكان=كنه قفر من بعد ماهي مدينه
ولا النجوم الساطعه وسط الاكوان=ماعاد له يامتعب القلب عينه
مافيه شي ٍحالته زي ماكان=شاح الزمان بشوفتك فاقدينه
من بعد ماخليتني ضاع الاحسان=يامن حياتي في يمينه رهينه




( الشمس غابت )

الشـمس غـابت والفضا سـاده الليـل =ليـل ٍ يـذكـرني حـبيب ٍ نـسـاني
ليـل ٍ إذا شفـتــه أشـوف البـهـاذيــل =واشـوف هـمي لالفا الليل جاني
معنى كذى كل يوم أعاني من الويل =كل ماتغيب الشمس احزن واعاني
أداري احــزانـي واردد مــواويـــل =وارثي غـرام ٍ في حـياتي بلاني
أدور الــخـِـلان ويـــَّــا الـتـعــالـيـل =يمـكن تـنسِّـيني حـبيب ٍ جـفـانـي
وازيـن دلالـي واصـف المعـامـيـل =واشعل حطب ناري ولاحدٍ حداني
واشرب من قـهوةٍ بها البن والهـيل =ألـهّ‍ِـي بـروحـي عـن اللي رماني
أحـيا وانا ودي حــيـاتي تـسـاهـيـل =ولو ضحكت سني غرامه بكاني
لاصرت انا وحدي دموعي هماليل =وضحكي لو يطـِّول خذاله ثواني
ماينفعـن كـثـر الحـيـل والتحـايـيـل = هـمـي نـوانـي ولا نـواني لفـاني
عـقـبه طـفـت أنـوارنـا والقـنـاديـل = وفي غيبته ضاعت جميع الأماني
من غـيـبته لاماجـنـينا المحاصيل =وانهدت صروح الغلا والمباني
كن الشجر بعده عن اغصانه يميل =وحـتى الحـكي دونه بـليا معـاني
بـكـيـت ودمعـي ماحـوته المناديل =مـن سـبـة غـيابه تحـطم كـيـاني
ليـتـه يجـيـني بـالليالي المـقـابـيـل =ويرجع على قلب ٍ طواه الزماني




( تناظرني عيونك )

تـناظرني عـيونك يا عيوني والعـيون هـيام=وانـا مااقـدر أداري نـظرة ٍ جـتـني من عـيونـك
تعاتـبني بنظـراتك وترسـل للعـيون سـهـــــام=تـعـذبـني تـبـهــذلـني وفـيــني زادت طـعــونــك
أخـاف انـك تخـلـيني أعاني قــسـوة الايـــــــام=أنا .ودي تكلمني أعــرف اقـــــــصـاك من دونـــك
حبيبي والعمر يجري يشابـه مـــشـية الاقـــــدام= تكلـم واعزف بقـلـبي حبـيـبي أعذب لحونـك
ألا يامن سباني في غرامه بااجمل الأحلام=أنا خايف سمعت اللي عن دروبي يردونـك
حبـيبي لاتـصدق حكـيهم خـلك مـن الاوهـام=أنا مابي كلام الناس يطوي خطـوتي دونـك
ياخلي إحبس دموعك ولو ان الظروف جسام=تـرى مـاجابـتـه أمـه عـذول ٍيبـْكـي جـفونـك
ولــــو إنـي أمـــيــر ٍ لا أصــيـــر لأمـرك الخـدام=تدلـل آمر عـيـوني فـديـت الدنـيا من دونك
أنا مارضى بغيرك لو تزايد في فضاي اجرام=لأن انت المجره والكواكـب تـسـبح بكونـك
تــفـهـّــم ياحـبـيــبي مـا سـمــعـتـــه والـســلام خــتـــام=ولا تـسـتـعـجل بحكـم ٍقـريـتـه داخل عـيونك




( زياد عكروش )

رسـمـت انا دربٍ به الورد مفـروش=ودرب المحـبه ماعـرفـنا مـصـيره
لاواحـسايف حـبنا صار مـغـشـوش=ومـحـبتـك مـاهـي لـقـلـبي جـديـره
كـن الجـفا مابـيـنـنا جـنود وجـيوش=وحـشودهم تـنـذر بحـربٍ خـطيره
كنت احسبن حبك على كفي نقوش=وانه يـساوي في حـياتـك عـشـيره
أثر الخصام بداخلك كان مخشوش=والغـيره بقـلبك عن الفـيـن غـيـره
ياللي تبـيع العـِشـره بحـفنة قـروش=أغـراك بالـدنـيـا زواهـي حـريـره
تـر آخـر الدنـيـا تـوابـيـت ونعـوش=ودك تـودعـها حَـسـيـن السـريــره
ماهـمني نظره ولا هـمني رمـوش=ولاتخضعـن نظرات عـين ٍ نظيره
ماخْضع لو يسلم أسامه على بوش=وصارو صداقه عقب حربٍ مريره
تركتـني ومن يترك زياد عكروش=ياويـن يـلقى زياد عـكـروش غـيـره



حصار غزه مستمر فوق الاسبوع


ياعين هاتي دمعك اليوم مــدرار = وهاتي جميع اللي تخفى من دموع
ياعين انا مقهور في داخلي نـار = ضاقت بي الحيله ادور على سنوع
جانا الخبر عبر الجرايد ولاخبار = مطبوع ولا بـالإذاعـات مـسـمـــوع
قالو لنا غزه تعـانـي من حـصـار = ثم جا خبر بعده عن إنشاء مشروع
ياهي مصيبه منظر الذل والـعـار = اللي على وجيه العرب صار مطبوع
وشلون احفاذ الخنازير الاشـرار = داسو كرامتـنـا بـالاكــراه والطـــوع
وشلون؟ ياعالم تـنـامـون بالـدار = وحصار غزه مستمر فوق الاسبوع
ولاهو حصار الا إبـاده للاعـمـار = وتدمير شعـب يناضل لحق مشروع
تخـيلو !! حرارة الجو بالاصفار = وجدار هده قصف والبـاب مـجـدوع
الاب ضاقت به وسيعات الاقـطار = واطفال تصرخ بينهم عود مصروع
والبرد هجماته من يمين ويسار = منظر أسى في داخل الدار موضوع
هذا مجرد غيض من فيض ماصار = لامـاء ولاكهـرب والامداد مـقـطـوع
حتى حدود الجار من دونه جدار = لو انهدم فـتـره وتـلـقــاه مـصـنـوع
ياليت لويقبس سنا الحرب بالنار = يمكن نحرر شعب عـانا من الـروع
وهالحل لشعب العرب حيل جـبـار = أصعب على هالشعب من حبة الكوع
يالـله يالـلي تـعـلم السـر وجـهـار = يافارج الكـربـه عـلى كـل مـفـجـوع
تنجي شعب غزه من حصار الاسوار = وتامنهم بلطفك من الخوف والجوع




ميادين المحبه والغرام





سلام ياأجمل ميادين المحبه والغرام=ياللي لك القلب الوفي سلم مفاتيح الغلا

ياللي غرامك داخل الأعماق يهديك السلام=ويبلغك خالص تحيات الموده والولا

الحب جارف والمشاعر حركت موج الهيام=والمشكله بالموج لامنه على المركب علا

والحمد لله موجنا هادي ولا فيه احتدام=والجو صافي والسما غيمه تولا وانجلا

من راقب الله واحتسب يجزاه من بعد الصيام=واللي تمادا بالخطا بين الخلايق يبتلا

واللي عشق شقرا الجدايل في غرامه مايلام=لو يبتلا بدرب عوج يشوف غيره مبتلا

لو تنصحه دربك خطا يزعل ولا يقبل كلام=تقفي به دروب الجهاله عن طريق المعتلا

أعود لك ياأول احلامي ويامسك الختام=ياللي غرامك من ورى حدب المحاني مانجلا

تعالي بقربي نبي إنهيجن ولابه ملام=أو نلعب االدحه ونردد ياهلا بك ياهلا

أنا فدا هالضحكه وكثر الغنج والإبتسام=أنا فدا لعيونك النعاس ياريم الفلا

باسطرالأبيات باقلام المشاعر والهيام=وأكتب على قلبي بدمي ياحياتي يالغلا

وسلامتكم