مشاهدة النسخة كاملة : ديوان الشاعر ::: سعود العواجي :::
سعود العواجي
31/08/06, (02:28 AM)
لا يازمن
ترى الرجل في هالزمن لازم يحسب له حساب=أمـا بيغلـب هالزمـن وإلا الزمـان بيغلبـه
لك حق والله يازمـن لاشنابنـا محـدٍ يهـاب=دام الصغيـر بوقتنـا قـام يتفاخـر بشنـبـه
لا يازمن في هالزمن كل ٍ يبي نفسـه عقـاب=يظن ذكره صـار نـار وتـو مالـم ّ حطبـه
صار الردي في وقتنا يكسب من علومه اعجاب=مقيول والله يازمن مـن دور الطيـب كسبـه
كم واحد ٍ صار الطموح بداخله مثل السـراب=دامه يشوف بوجه بابـه ويـن مالـد ّ عتبـه
بعض الرجال بهالزمن مايوسع أفكـاره كتـاب=وبعض الرجال من الجهل ماكل شي ٍ يعجبـه
كم شايب ٍ فكره صغير وتلمح بوجهـه شبـاب=وكم من شباب ٍ ذل وقته هالزمـان ..وشيبـه
لايازمن لو صرت ضدي ماابي منـك ثـواب=أزعل ترى مثل الطفـل لـو ماينفـذ مطلبـه
حتى الكذوب ليا غدا هرجه مثل وبل السحـاب=ماكل اذن ٍ يازمـن تصغـي عليـه وتشربـه
قل لبن آدم يازمـن وجهـك مـرده للتـراب=يوم الحساب بوقتهـا ماينفعـك قولـة : يبـه
قل يازمن منهو سألك ولالقـى منـك جـواب=غير الغريب اللي يخون بسلم ربعـه وعربـه
*******
الصداقه
ليا متى نرضى على الضيم ونضيم=وليا متى نبقى على الحال بخصـام
راكب ٍ في روسنا ابليـس الرجيـم=ولا بقـى فينـا مـوده واحتـرام
أن سكتنـا كـن مافينـا حلـيـم=وان تكلمنا "على الدنيا السـلام"!!!
مامشينـا بالصـراط المستقـيـم=ولا تعلمنـا المـعـزه والـوئـام
ناكـل بلحم"الصداقـه" مـن قديـم=لين صـار اللحـم بيدينـا عظـام
نركـز رمـاح العـداوه بالصميـم=ولايسوي أفعالنا "ولـد الحـرام "!!
راينـا يبقـى مثـل راي الغشيـم=مانعرف الهرج واسلـوب الكـلام
كل منا حـط فـي عينـه خصيـم=أن صحى به سـب وإلا مـا ينـام
كن مافي ضلوعنـا قلـب ٍ رحيـم=وكن مافينا على الذمـه" لجـام"!!
فـي بعضنـا لا نحـط ولا نقـيـم=لين تشرب من مواردنـا الحيـااام
من يقول"العقل بالجسـم السليـم"=يعـرف ان العقـل مافـاد النعـام
نستلـذ الهـرج بالليـل العتـيـم=ونستغل الضرب من تحت الحزام !!
الفهيـم الخبـل والخبـل الفهيـم=واختلط بالحابـل النابـل ..سهـام
من بقى يرجي ورى عقل ٍ سقيـم=مثل من يرجي ورى الكافر صيام !!
أن خذلنـي الظـن والله العلـيـم=لين يطري الموت مافينـا أنسجـام
ويلكم يانـاس مـن نـار الجحيـم=ترفضون الوصل لعنـاد السـلااام
يابشـر مامـات برعانـا اليتيـم=وعلمنا واضح مثـل بـدر التمـام
كم ورثنا الصيت من فعل ٍ عظيـم=وكم لنا بالمجـد رايـات وسنـام
أن تركنا الغيض عشنا فـي نعيـم=وأن تبعنا الكره متنا فـي خصـام
*********
رسالة من القلب للشاعر بدر الحنيف
يابدر خل اللي يبي يصطـاد فالمـاء العكـر=يصطاد دام ان المشاعـر بيننـا متوالفـه !!
ويابدر وش دور الكلام اللي بلا عقـل وفكـر=دامه يصب بمجمله وسـط العقـول التالفـه
من عرف نقصان العقول الحمـد لله والشكـر=اللي يثيـرون الغبا..وأرائهـم ..متخالفـه !!
زمرة فساد مجمعه من نـوع حسّـاد وخكـر=والكـل شكّـل مـع خويـه قـوة ٍ متحالفـه
ويابدر وش علم الثعالب صار مافيهـا مكـر=وياليت من يخطي يدفّع في خطاه."مخالفه"!!!
ويابدر وش لي في سوالف..زيد..وعبيد..وبكر=مدام اشوف انك على علم بأموور السالفـه!!
***********
فزعة زمن
ياحبيبي كنت اظـن البعـد فـي شوفـك يمـن=ويوم شفتك انبهـرت وصابنـي حالـة إغمـاء
لنـك الغالـي وشوفـك مايقـدر فـي ثـمـن=كيـف لامنـي رأيتـك بـاأول أيـام اللـقـاء
ماغفابـي ياحبيبـي مـن بعـد صـدك جفـن=كيف انام ودمعتي تعزف علـى أوتـار البكـاء
كيف قلبي لالقى فـي عالمـك أحلامـك وطـن=مالقـى إلا حلـم واقـع تحـت خـط الاستـواء
ويوم صرت امشي بدربك وأحتري فزعة زمـن=وانت تدري ان كل خطوه صوب قلبك..للوراء !!
أيه أمشي بس مـدري كـل خطواتـي لمـن ؟=تضيق نفسي وأشعر اني كـدت أصعـد للسمـاء
المهم اني نقشت اسمك علـى ضلوعـي وأظـن=أن ثالث حرف بأسمك آخـر حـروف الهجـاء
كيف تبغى انسان " ميـت" ينتظـر منـك كفـن=والغريبه كيف ميـت يحضـر بوقـت العـزاااء
يوم شفـت ان الريـاح العاتيـه عكـس السفـن=أيقنت باني صرت فيدين الهوى "كبش الفـداء"!!
ياحبيبي وانـت حبـك هـم وجـروح وحـزن=وليش اجامل بالغلا وأصبر علـى كبـر البـلاء
وانت في صهوة غلاي وماخـذن قلبـي رسـن=فان كنـت تفعـل ماتبـي فالله يفعـل مايشـاء
ويوم شفتك صرت احس ان معظم جروحي شفن=بعدها والله عرفـت ان كـل جـرح ٍ لـه دواء
وقلت من "باب السعـاده" يابعـد عمـري إذن !=مستحيل أقول: ايه إن قلت لي في يـوم :لاااء!!
*********************
بعض البشر
بعض البشر مدري وش اللي بلاهم=تعقد حواجبهم غضب يوم أجيهـم
أن جيتهم أبغى أسولـف معاهـم=ماكني إلا جيت أسولف ..عليهم !!
ماعدت أميز طيبهم مـن رداهـم=ولاعدت أميز وش نوايـا حديهـم
لان اطيب شخص فيهـم أرداهـم=ولأن أردى شخص موجود فيهم!
من يوم مااعطوا للرجوله قفاهـم=مافيه شخص ٍ بالمواقـف يبيهـم
مالوم نفسي يوم عكـرت ماهـم=والله لو اني صرت حسبة أخيهـم
من لحم خلق الله يقلـط عشاهـم=وان جيتهم قاموا و"مشوا" يديهم !!
هم يحسبوني تو باقـي ..وراهـم=مادريوا أني قبلهـم ..واحتريهـم
باعوا ضمايرهم "بحفنـة دراهـم"=وقامت دنافيس البشـر تشتريهـم
مافيه شخص ً فيهم تقول : فاهـم=ولافيه شخص ماسلم من حكيهـم
قردهـم الله يـوم زود عمـاهـم=وانا أرجـي الله فالحيـاه يهديهـم
بالضبط شفهم يشبهـون لنساهـم=ولاعندهم أدنى أحتـرام لذويهـم
وش ظل فيهم يوم ربي عطاهـم=وقاموا يتباهوا..كذب !! مما لديهم
ويابدر معهم صار صعب التفاهـم=وقبلك ترى بلغت ولد " الصليهم"!!
بااروح عنهم وأتقي عـن غثاهـم=ويقطعني الله كان أبرجع إليهـم ]
سعود العواجي
01/09/06, (05:48 AM)
كلام سري للغاية
قصيده كتبتها على عجااااااااله ...!!
هزني منظر طفل صغير وهو غارق بدمه تحت الركام ..طفل عربي لايعلم ولايدرك ماهو الحرب وماهو القصف ..طفل حرم من الحياه بين اهله والسبب هو سياسة دول لايعلم بأبعادها ولانواياها....
باختصار .
هذا هو النتاج ...،،
،
،
،
،
،
،
،
،
،
،
هذا هـو اللـي صـار يالواقـع المـر=صرنا نتكلـم بـس خلـف الستـاره !
الكل منـا لازعـل قـال: "أنـا حـر "=وشلون "حـر" ولا افتهـم للأشـاره ؟
"الفار" يلعـب والسبـب غيبـة "الهـر"=أصلاً ولابـه "هـر " يصطـاد فـاره !!
كـلام زايـف تقلبـه كبسـة الــزر=صار الهدف منـه مجـرد ...أثـاااااره
قولـة يسـار وخلـف لوماتبـي سـر=واذا تبـي قـدام غيّـر ..مسـاره ؟؟!
يهون عـادي نتـرك القـدس تنضـر=لا واخساااااره آآآآآآآه لا واخسااااااااره
لو هـان أنّـا نتـرك الـدار ..ونفـر=" حتـى جحـا ماهـان يتـرك حمـاره
مايـوم عرقنـا علـى لفحـة الـحـر=ولايرفـع " الامبيـر" زود الـحـراره !
"نعيـش جـو" وغيرنـا عايـش فبـر=ولا لحقنـا نعيـش عصـر الحضـاره
اذا الحبـل يصبـر علـى قـوة الجـر=العظم مايجبـر بطـووول أنكسـاره !!
يثور فينا الغيـض و "يدوسنـا" الشـر=ونشب لحظه مثل جمـر "السيقـاره"!!
تدري من اللي جـاب هالواقـع المـر=أدخل وخذها في صررريـح العبـاره !
أكتب" ثلاث حروف"فـي كلمـة السـر=ويطلع لك المسئول (( برج التجاره ))؟؟
******
حفنة جروووح
ماعاد انا تفرق معـي تبقـى بعينـي أو تـروح=لنـي عرفـت ان النهايـه ياكـذا وإلا ..كـذا ؟!
تبت "مفاهيم القطاعـه" واضحـه كـل الوضـوح=مثل " الورود ليا تحرك غصنها فاحـت شـذا !!
وأنا كذا ياصاحبي في جعبتـي " حفنـة جـروح"=ولو كنت احس اني حبيبـك ماحصـل منـك أذى
لنك بنيت من المواجع..هم ..واحزان..وصـروح=من بعد ماسار الخفوق بصوب دربـك ..وأحتـذا
على أمتداد الحلـم فينـي مابقـى فينـي طمـوح=وتصدق أني ماهقيت الحـال يصبـح ..هكـذا ؟؟
من قبل لااشم الخيانه مـن نظـر عينـك تفـوح=قلت احتمال انه يموت الحـب فـي قلبـك ..لـذا
قبلت اصير اني جسد لو مارفضـت تصيـر روح=ورفضت أموت من العطش لو صار عرقي لك غذا
ماني مكابر لو كتمـت الجـرح وعيونـي تبـوح=وأنا بطبعي مستعـد أسامحـك وأرضـى ..إذا !
علمتني مدامك اصـلا ً نـاوي ٍ عنـي تـروووح=القلب من صدق المشاعر في غرامك وش خذا ؟
******
موضفة بنك
شورك ياعبدالله مـدام الحـب يطـرق بابـي=باسباب بنـت ٍ حطهـا الله للخفـوق أعقوبـه
تزعل وانا لاجيت ابرضيها تقول لي : مابـي=وارجع وانا اتأسف واقول بكل مره..توبـه !!
وليا رضت ترضى بعد مابهذلـت باأعصابـي=وتصيـر بنـت ٍ طيبـه وحنيّنـه وحبـوبـه
والله ليا منها ازعلـت تضيـق فينـي ثيابـي=وامشي وانا آهذري ولابس "غترتي" مقلوبه !!
من يوم مامرت بجنبي لابسـه "بنجابـي"=والجسم يوحي للدلع مع انها "دبدوبـه""!!
اقسـم بربـي لـو رآهـا واحـد ٍ "عزابـي"=ليطق من زود القهر لو شافهـا " مخطوبـه"!!
أم العيـون الناعسـه والشّـفـه ..العنـابـي=لو تبتسم ضاع " الصقيع " بجمـرة ٍ مشبوبـه
"موظفـة بنـك" وذبحنـي زولهـا الجذابـي=ومديرها لو يستحي ماحطها .." مندوبـه "؟؟!!
جتني وانا موظف معاها ماحسبـت حسابـي=يعني موظف غلطتي وسط العمل ..محسوبـه
حاولت انا بشتى الطرق اقيس سـرّ اعجابـي=يوم ان شعرت اني ضحيـة خطـة ٍ ملعوبـه
بس البلا من طحت محد ٍ بالهوى " سما بـي"=طيحة حكيم ٍ يـوم خانـه هرجـه وأسلوبـه
أخاف تهـدم عينهـا مستقبلـي ..الايجابـي=من بعد ماكنت انا ابني الحلم طوبه ...طوبه !!
اول مديري يشتكـي لاشـاف كثـر غيابـي=واليـوم أداوم لـو تزيـد اشغالـي المطلوبـه
تكفى وانا لاقلت تكفى وانت تعـرف ..مابـي=أخاف قلبي لاتصيبه من حلاهـا ...نوبـه !!
لامرت بوسط القسـم يصيـر جـو أرهابـي=ويطري عليّه أندلاع الحرب في " بعقوبـه "!!
سألتها من دللّـك يابنـت ..قالـت : بابـي!!=ومن يوم قالتها وأنا ابلع ريقي ..بـا أعجوبـه
جمالها غربي وانـا ادري جدهـا " اعرابـي"=ومن " الغنج " يوم ان تسولف كنها مغصوبه !!
حسبي عليها لا اخرجتني عن نطـاق آدابـي=وخلت شعوري بالقصيد يبيـن مـن مكتوبـه
******
علاقة فاشله
دامك تجاهلني كـذا مـن دون ذنـب ولاسبـب=بلاش تتعبني معك وارحل وانا خالـي الوفـاض
اما تخلينـي مابيـن دمـوع عينـك والهـدب=وإلا اعيش بقلب فيه من النقاوه ..والبيـاض !
عاملتك بكـل احتـرام وطيـب واسلـوب وأدب=وحملتني كتلة أسى وجروح وهمـوم ٍ اغـلاض
بيني وبينك فـرق يفرضـه التفـاوت بالنسـب=يعني "علاقه فاشله" على طريـق الانقـراض !!
المشكله محتار أواصـل معـك وإلا ..انسحـب=وليا أنسحبت أخاف قلبي تجيه ثوره وأنتفـاض
واصبح بدوامة "قلق" و"ارهاق" و"احزان" و"تعب"=واحس دمعي كل لحظه لاسمع طاريك ..فـاض
طيب بلاش انه يسجل لي تواجـد عـن كثـب=لن الخفوق ان قابلك تجيـه حالـة إنقبـاض !
وافرض ليا مني زعلت وبعدها "طـاح الحطـب"=هل تعتقد اني اجي علـى سبيـل الافتـراض !
لا ..لا..محال اني أجـي مـدام بعـدك انكتـب=واللي انكتب أكبر مصيبه ..ياآلهي ..لااعتراض
على الاقل ليا فشلت من الهـوى هـذا ..يجـب=أني اتخذ غلطة غرامي فيك "عبره" و" إتعاض "!!
******
الموت الوشيك
لا.. لا تعاندني وقلبي صايـر بقبضـة يديـك=دام اني ادري كل طعنـه مـن يديـك اتعـوّره
مرات في ساعة غضب ازعل واقول اني ماابيـك=والا الحقيقـه انـي أحبـك حب ماتتصـوّره
تدري شلون اعرف بطاري جيتك من قبل اجيك=لاشفت في عيني المكان اللي انـت فيـه منـوّره
من يوم اشوف الشوق يتطاول على نظرة عينيك=أحس بأشواقي على جوع اللقـا ..متضـوّره
وتدري ليا شفت الخجل يبوس حمرة وجنتيـك=أغض طرفـي خايـف من اعصابي المتهـوّره
بالله علمني ليا من شفت ذيك وشفـت ذيـك=ويش اخلي منـك وإلا ويـش فيـك ..آدوّره
بلاك والله عارف اني أعشقك وأمـوت فيـك=وبلاي والله عارف اخلاقك دلع " ومجـوّره"!!
لاشفتك معصب علي أقول : بسم الله عليـك=لاصار دمك حار خلقه كيـف لـو بتفـوّره ؟؟
وان شفتني ادعي وأقول الله يجـازي والديـك=هذا لأن الله بلاني بحـب خشـف مصـوّره
حلاك من شعرك على صدرك مـرور بشفتيـك=ومن زاوية خصرك اليا خدود ٍ عليـك مـدوّره
نظرتك تحمل لائحه مضمونها " الموت الوشيك "=وسلسالك وجيدك كما "روضة ورود مسوّره" !!
تقول "قف مي يور هارد" أقولك : يو كان تيك"=مدري احس حتى اساليبي معك متطوّره
وان قلت احبك وانت شايف غيرك بقلبي شريك=هذا ترى مثل الرصيد بوسـط شيـك مـزوّره
لكن عليك الله وآمانه لو بقـول أنـي ماابيـك=أعرف بأني موت احبـك حب ماتتصـوّره !!
******
بصيص ضوء
ياصاحبي دامك تشوف ان الهـوى تعكيـر جـو=قلي من اللـي بالهـوى عكّـر علـى صفاوتـك
ياأن بأسلوبـك تبـي جرحـي بعـد فرقـاك..أو=تبي تبين لي بصدك وش كثـر ...غلاااااوتـك !!
طيب أذا قلبـك يخـون وحطنـي رفيـق " سـو"=وش قلت : وأنا دافع ٍ عمـري ثمـن رضاوتـك
من يوم ماشفت الغلا مثـل الخيـال بـدون نـو=وأنا محال احسب غلاك ليـا أختلـف تفاااوتـك!
وإذا تشوف ان الفـراق يحرضـك بالله ...تـو!=أصبر ترى صبري نفذ منـك ومـن ...قساوتـك!
لعلني ألقـى ورى "ليـل الغـلا" بصيـص ضـو=على الاقل إن جيـت لـك اطمـح ورى حفاوتـك
وأبي على كثر اهتمامك فـي وداعـي بـس لـو=تشوف وشلون //الحضاره// جـرّدت بداوتـك؟؟
وليا سألتك عن غلاي تقول لي: Idon"t no = وماأقولك غير آآآآه منك وآآآه مـن شقاوتـك !!
وأنا معك ببقى كذا واللي تبـي تسويـه ..سـو=مدام يجذبني دلعك ! وصوتـك ! ...وطراوتـك !
وياصاحبي يالله عسى قلبي على الصدمـات قـو=ويالله عسى عينـي تطيـب ليـا رأت حلاوتـك
وأن كان قلبـك ضلنـي فأختارنـي يانـا ياهـو=أما تعاملنـي بغـلا وإلا تخـف ...عداوتـك ؟!
******
سعود العواجي
01/09/06, (05:50 AM)
فترة نقاهه
وفّر على نفسك بااوادعك ياسعـود)=هذي هي آخر جملة ٍ مـن شفاهـه !!
حاولت أبرر لكـن العـذر ..مـردود=والعذر بعـد الذنـب أكبـر تفاهـه !
صابر عليه وكـل شـي ٍ لـه حـدود=وعجزت أعكّر فيـه صفـوة مياهـه
دام أعترافي كان "واضـح" ومقصـود=ياليت يعرف وش شعوري تجاهه ؟؟!
إذا عطيتـه حـب بوصـال وعهـود=يشـره إذا مشيـت عكـس إتجاهـه
فوق المحبـه يـوم عاملتـه بـزود=لايظن فيني "نقص عقـل " ونباهـه !
إذا أحـب ..أحـب ّ! باآقـل مجهـود=ولا اخذت معه الحب " فترة نقاهه "!!
حظي رماني بشخص طايش ومقـرود=واكبر دليل أن حب ..حـب بشراهـه
ماالوم دمع ٍ ضـاق بعيونـه السـود=لاصار // ذيب الهم // ياكل //شياهه !
وصلت معه لـدرب ضيـق ومسـدود=من يوم كثروا في عيوني ...أشباهـه
لاحط جواله على طوووول "موجـود"=وكثـر اتصالـي مايثيـر أنتبـاهـه
وشلون أدينه ظلم ! وأيامـي شهـود=لاأثبت على جرح الخفوق ..اشتباهـه
أصلا ً فراقه مثل وصله بـلا ..فـود=عايش معـاه بوسـط هـم ومتاهـه
أهم شي أن قال لي : روووح ياسعود=أسمي هو آخر ماانطقت به شفاهه !!!
******
أنا عنزي وابوي من جدي عقاب
إذا انت شايف خطوتي يمـك متاهـات وعـذاب=أرجوك اصحى لاتقيس خطاي فـي بعـد نظـري
أطمح ولكن ماملـى وجـه الطمـوح إلا التـراب=وأنا اعرف اني من بقايا الهم واللوعه ...ثـري !
خلقت وانا من سراب ليـا سـراب ليـا سـراب=ماغير ادرهج خطوتي بالـدرب وأقـص آثـري
وليا عرفت اني عنزي وابوي من جـدي عقـاب=رفعت راسي يـوم صيتـه بالملا..شّـد ظهـري
ماجيت شاعر منزرع في كلمتـه عشريـن نـاب=جيتك وانا من دم راسـك يابعـد راسـي بـري
ماعابني شعـري ولاسويـت لـي شـي ٍ يُعـاب=هذا لأني صرت في بعض المواقف ..عنصـري!
أشيب من هول الزمن وأرجع على وضعي شباب=وأحيان عمري لـو حسبتـه مايقـاس بمظهـري
أوفي ولكـن الوفـا منكـور يامـااااال الذهـاب=وما اخون والله لو تنكّـر لحـم يـدي لـاظفـري
أنا بدوي طبعي مااحسب لغيـر خلاقـي حسـاب=وأن شفتني بدور الحضاره قلت رجال ..حضري !
أعشق طواريق الشعر وأكـره أساليـب العتـاب=وأذوب في هرج الغرام أن صار معسول وطـري
ويضيق صدري لا سمعت من البشر "كلمة أعجاب"=لني بشعري ماوصلت لـقيس وإلا...البحتـري !!
أمـا كلامـي لانطقتـه يشبـه لنّـو السـحـاب=وإلا عساه يموت فينـي قبـل ياصـل لـنحـري
وان كان شفت الاسئله ماتت قبل نطـق الجـواب=وش لي أبيع من التعب وقلـوب غيـري تشتـري
برحل مدام ان الرحيل بهاالزمن ..عين الصـواب=ومدام عقلي من جلست يقول لي : وش تحتـري؟؟
ليا بقيت أبقـى علـى خـوة عزيزيـن الجنـاب=وليا رحلت أكيد محد ٍ في خفا أحوالـي ..دري!!
*******
نسج العنكبوت
ياللي نسجت الحلم فيني مثـل " نسـج العنكبـوت"=خذني معك وإلا انتشلني مـن "دياجيـر" الظـلام !!
اخاف لامن رحت عنـي كلهـا ساعـه و " امـوت"=وأن مت منت بقايل ٍ من بعد موتي .. ياحراااااام ؟؟!!
معاك أحس ان الكلام أرحـم كثيـر مـن السكـوت=وأحيان احس ان السكوت أرحم كثير مـن الكـلام !!
ياني احبك كثر طيبة مـن سكـن فـي "حضرمـوت"=وأكثر من أعداد "الحجيج " بداخل " البيـت الحـرام"
وغلاك أكبر من غلا "عقاب العواجي" عنـد " نـوت"=وأكبر من " الخيبـه " بوجـه ٍ مايعـرف الأحتـرام
لو كان " لاحجام الغـلا" بالقلـب مقيـاس وثبـوت=أن كان مبطي قست " وزن الحب " " بالكيلو جرام "!!
من بعد ماصنت المشاعر حزت منـي كـل صـوت=إلين توجك الخفوق وصرت فـي " عـرش" الغـرام
ولو هو على كيفي عسفت الحرف لعيونـك ..بيـوت=لكن أخاف ان كل بيـت ٍ مايجـي " قـد المقـام "!!
لو هو يغار " الشيح" مره مـن مـذاق " العنـزروت"=أن كان ماغار " النفل " من ريحة أنفاس " الخـزام"!!
ياليت لو تسمح بجي من داخل ضلوعـك وآفـوووت=إلين اشوف أني بقلبك و" أفرش فراشـي وأنـام "!!
بنام ولامني صحيـت بخافقـك وأحتجـت " قـوت"=في عينك اليمنى " شراب " وعينك اليسرى " طعـام "
ياليـت لـو معلـق ٍ بعـروق قلبـي " باراشـوت "=حتى ليا منـه سقـط يمنـع حـدوث الأرتطـام !!
من ماشفت الهوى صايـر مثـل " لعـب البلـوت "=أول بداياتـه زعـل وآخـر نهاياتـه ...خـصـام
وأنت يوم انـك تركـت الحـب فـاعماقـي يمـوت=(( تعتقد حالي بعد جرحك على أحسـن مايـرام ؟؟!!
********
بدون عنوان
ياما سمعـت مـن السوالـف وطنشّـت=وبعـض السوالـف ماتثيـر أهتمامـي
مدام شفت "اردى" المخاليـق..لا طشّـت=ينهش "بلحمي" لين يرمي " عظامـي "!!
من يـوم ماحسّبـت عمـري وبلشّـت=وأنا أقيـس الهـرج وأووزن كلامـي !!
أمير ! لـو ماشفتنـي لابـس ٍ "بشّـت"=والبشـت مانـزّل ورفّـع مقـامـي !!
ليا انتخوا بي // لابتي// لجلهم " ششّت"=وعنـد المواقـف دوم مكّـرب حزامـي
أحمي دروبي مااشتكي لـو " تليشّـت "=وفزعة //خوالي// مثل فزعة //عمامي !!
ومدام حـزن مـن المراجـل وحوّشـت=وخسرت !! لاكنّي كسبـت أحترامـي !
وجودهـم لايعنـي أنـي " تهمّـشـت"="اكبر عدو" ينحـط داخـل أكمامـي ؟؟!!
أنصبت !! لا..لا..كنت آبقـول: أندّشـت=وياكم رميه جات مـن غيـر رامـي !!
عايش وكنـي عنـد الأنـذال ماعشّـت=ياحييييييف والله صيت بعض "الأسامي"!!
من شانهـم يامـا زعلـت وتهاوشّـت=وبأسبابهم خلوا لي الجـرح " دامـي"!!
خليتهـم وراي // ضقـت ..وتبلـشّـت=قدمتهم // إليـن صـاروا ..أمامـي !!
بدروبهـم لاهشّـت فيهـم ولا ..نشّـت=واليـوم مايبغـون حتـى سلااااامـي !!
وأن كانها "بالصيت" و"الطيب"..كوشّـت="والحمـد لله فعـل الاجـداد سامـي"!!
وأن شفتنـي ساكـت ولايـوم ناقشّـت=تأكـد أنـه مايطـول "صيـاااامـي" !!
"الجيب" جيبي لو أبـي كـان " فتشّـت"=وأقدر أرد الهـرج حامـي بحاااامـي ؟
لكـن تعبـت مـن السوالـف وطنشّـت=لّن السوالف ماتثييير أهتمااااااامـي ؟؟!!
*******
صحيح بالدنيا خذيت الصيت والشان الرفيع***ويكفي اني من نسل وائل كليب التغلبي
ياما حملت من المتاعـب فـوق مـالا استطيـع=حتى شعرت ان "الهموم السـود" هـدت منكبـي
المسأله ماهي بقـاف وشعـر وأسلـوب ٍ بديـع=المسألـه لازم أجمّـل صيـت ربعـي وعربـي
أما أقول من القصايد وأكسب أرضـاء الجميـع=وإلا بلاش استنزف حضوري..وجهدي..وتعبي !!
صحيح بالدنيا خذيت الصيـت والشـان الرفيـع=ويكفي بأني من نسل "وائـل كليـب التغلبـي"!!
لكنّي أقدر اثبـت وجـودي ولايمكـن : اضيـع=دام أني اتبع جملة ٍ قيلـت بعد "عهـد النبـي"
ان الفتى من قال : انا ..هذا هو الرجل الشجيـع=وليس الفتى من افتخر وقال : قد كـان أبـي !!
شربت "دم المرجله" من يوم انا طفـل ٍ رضيـع=ولا انفطمت إلا بعـد مادسّـم الطيـب ..شنبـي
من عّدني صاحب فـلا اسـوم بغلاتـه أو ابيـع=دام " الغدر" ماهو بـمن طبعي ولا هو مذهبي !!
واللي ذبح لي من حلاله " شاة" من ضمن "القطيع"=نذر ٍ على نفسـي أذا مااذوقـه "لحـم الظبـي"
وأغليه والله مثل مااغلى "شالح" أخـوه "الفديـع"=وأعامله مثل الاخـو حتـى ولـو كـان اجنبـي
لأن طبعي من عطاني قلبه اصبـح لـه مطيـع=ولا أفرق باالتعامل بين " شايـب " أو " صبـي"
ومن الفراسه فوق ماني طيّـب وبالـي وسيـع=" أني آتحاشى اصتدم بالهرج مع رجل ٍ غبـي" !!
اللي مخوفنـي كثيـر أشيـاء لاجتنـي آضيـع=ومن ضمنها شـي ٍ اذا جانـي يعكّـر مشربـي
"الكذب" و"الجهل بأمور الدين" و" الفشل الذريـع"=ولياعجزت آهدي أعصابي ليـا زاد غضبـي !!
من يوم صار الهم " ذيب" وقلبي " الحمل الوديع"=ينهش بلحمي ليـن ماقطّـع وريـدي وعصبـي
لكـن لـي الله والله العالـم بحالـي والشفيـع=ليـا سجـدت لطاعتـه ذليـل وأثنيـت ركبـي
من بعدها والله لو انـي شلـت مـالا استطيـع=أهم شي اني احس انـي خذيـت اللـي أبـي !! *******
سالفة قيس
تعال آباعلمك عـن" سالفـة قيـس"=من قبل طيفـك لايغيـب ويصيّـف
تراك لامن شفتني فيس تـو فيـس=أحتاج لـي مـده عشـان آتكيّـف
ياللي نصبت بخافقي"عرش بلقيـس"=قدرك كبيـر وفـوق قلبـي خفيّـف
صدري "كنيسة عشق" والهم "قسيس"=وشوقي "عباده" والخفوق المضيّـف
مايعادلـك مال"الفتيحي"و"الدريـس"=حتـى ولـو حطيـت مال"الخريّـف"
لاشفت خصرك آتعوذ مـن ابليـس=وآضيع بك يابـو عويـد ٍ سخيّـف
هبلتني يامعطـي الـذوق تدريـس=عن مجمل الصوت الرقيق الرهيّـف
زينك ماهو من زين "ريما" ولا "ميس"=اللي لبسن تـاج الجمـال المزيّـف
يكفي تحرك باالعـروق الاحاسيـس=لاشفت زولـك ياالمتيـن النحيّـف!
لاصار صيفك بين "لندن" و"باريـس"=وأنا أقضي الصيف تحت "المكيّف"!!
ماالوم قلبـي لاانهكتـه الهواجيـس=لاصار من طـاري فراقـك ضعيّـف
ودام الهجر يحاك خلـف الكواليـس=قلبـك علـى "دم الخيانـه" نظيّـف
حفظت طيفك دون مااحس وآقيـس=وأنـا أدري ان الذاكـره "ماتسيّـف"
تعال آبجـدد معـك "سالفـة قيـس"=من قبل طيفـك لايغيـب ويصيّـف
تركي صالح
30/04/09, (11:46 PM)
الحلم
من استوطن هذا المكان حتما ً استوطن قلوبكم . قصيده لعلها تجدها المساحه بين زخم هذا الجمال.
"العمر رحله " والصبر يُعد نوع من الجهاد = واليأس عن تحقيق حلم يراودك " قلة وعي !
والآدمي مهما وضع خطة لتحقيق المراد = مافيه حلم يحققه إلا بمجهود وسعي
وانا تركت الحلم يغلي فوق " نيران الفؤاد" = وليا طفى " حطبت " من صدري وشبيت اضلعي !!
وقفت من بين "التعاسه" و"الفرح" موقف حياد = وإلا الزمن ماهوب لا ضدي ولا واقف معي
على غرار الجرح وسنين الشقا والاضطهاد = حاولت لاكن ماقدرت القى مكان لموضعي !
كم لي وانا اتابع " مسار الريح " وآحرث الرماد = واضيق لامنه تفجر وسط همي .. منبعي
الحلم لامنه لبس بعد الامل "ثوب الحداد" = ماتستفيد العين لو تكثّر على الحلم " النعي" !
واذا ان صوتي عند غيري ماله اية امتداد = يكفي ليا منه هجر "فمي" ولاذ "بمسمعي"
الشعر عندي مثل ليله من ليالي شهرزاد = رغم انه اذنب في بعض فكري وكدّر مضجعي
وانا ليا مني اعتبرته "نزوه" و "كبوة جواد" = يطري علي اسلوب "ابو الطيب" وفكّر "الاصمعي"
كذا تمرست الادب والفضل من رب العباد = اللي وهبني اجعله خاتم يدور بااصبعي
وماعمر شعري انخدم من كبّر اسمي ...والوكاد = اني بري من تهمة الحاقد ومما يدعي
تركت مبدأ : من يخاف الشمس ينعم باالبراد = واخذت مبدأ : مايقول الرجل شي إلا يعي :
ان الطموح احيان يقتله التغطرس والعناد = باالذات لامن قابله رجال به قلة وعي !!