تكفون يالويلان..

[عوض الشايع]

من داخل اسور السجن والمساجين....................والناس تتأهب لوقت الزياره

نفثت قطران القهر والنكاتين ..........................وشبيت من ظيم الليالي زقاره:sm34:

وتشكل الدخان صوره لنسرين........................بروز خبث يضم وسطه طهاره

وقالت سلام وقلت ياربي تعين.........................ماني بناقص غبن عندي غزاره

صديت عنها خايف دموعي تبين......................وتشوف في وجهي عظيم انكساره

قالت علامك ياعوض خاطرك شين.................كنك لشوفي يابن الآجواد كاره

قلت اصبري يامترفه وش تقولين..............شوفك ورب البيت عندي بشاره

قالت علامك قلت مسجون في دين..........وحطو على باب السجن لي خفاره

قالت ابوي البارحه جوله اثنين..................ارداهم اللي مرتبه في الوزاره

تجار يعني يملكون الملايين........................وابوي فكر قبل يصدر قراره

عطاك مهله تنتهي يوم الاثنين......................يعني شهر والسبت اول نهاره

قلت اسمعي واللي خلقني من الطين..............لفزع الويلان وتشن غاره

تكفون يالويلان هالحين هالحين..............تجمعو للعود ننصى دياره

والآجر للي يجمع اثنين بالدين....................مع النبي ينعم بلذة جواره

تكفون يالويلان ماباقي شين................اخاف طيري يبتعد عن مداره[/poem]

للتواصل ومد يد العون
nnn560@hotmail.com:sm13::sm13:[/color][/size]

[فايز الرسلاني]

صح لسانكـ



.

.



أنصا الشيوخ .. وتلقا خيـر ..

[سامي السيف]

ابشر بعزك يا ابن وايل عنزه كلها شيوخ

[فهد الشافي]

عنزة كلها شيوخ ...



وصح لسانك

وابشر بالخير

[ابوفايز]

صح لسانك ويعطيك الف عا فيه

[سعود المسعودي]

عوض الشايع
الله لايهينك
احسنت
و
صح لسانك ويعطيك الف عا فيه

[ماجد الغانم]

الأخ العزيز

عوض الشايع

صح لسانك ...ولاهنت

وانشاء الله تفرج هالكربه


تقبل تحياااااااتي