معقول

[عزوز الفدعاني]

بسم الله الرحمن الرحيم ..

السلام عليكم ورحمة الله وبركاته ..

اسعد الله اوقاتكم بكل خير وسعاده ،،،،

يشرفني ويسعدني .. اني اكون احد اعضاء هذا المنتدى ..


احب ابدأ مشاركاتي ... بكم بيت لي .. واتمنى انها تعجبكم ..

تراني هاوي شعر وإذا في كسووور او اخطاء ياليت تنصحوووني ..



مــعــقــول ..


معقول تنساني وتنسى حناني
00000000000000000000 ياللي سكنت في وسط قلبي وعيني
خابرك كريمٍ بوصلك منت باناني
00000000000000000000 تكفى لاتذبح القلب بصدك عني
عندي اماني وانت كل الاماني
00000000000000000000 ضاع عمري وضاعت سنيني
يارب حقق لي هذي الاماني
000000000000000000 يارب مالي احد غيرك لاتخليني



اتمنى انها تعجبكم ...

<< لي محاولات كتابة قصائد ..

لكن احس ان فيها كسوور . وبعضها يبيلها ترتيب ..

بس ان شاء الله مع نصائحكم راح اكون في الساحه الشعريه ..

اتمنى منكم النصيحه .. إذا كان هناك اخطاء او كسووور

[الصقار]

الاخ عزوز \حياك الله وصدقني يوجد في هذا المنتدى شعار ومشرفين اذا اخذت كلامهم على محمل الجد رايح تستفيد
اما بالنسبه للابيات السابقه يوجدبها كسور وخلل بالوزن اعتبارا من البيت الثاني..اتمنى لك التوفيق وارجو ان تقبل كلامي بصدر رحب
تقبل مروري ودمت بخير

[خلف الغريب]

هلا فيك اخوي عزوز والله يحييك بين ربعك واخوانك في ويلان..

اسمح لي بنقل المشاركة لمنتدى المحاولات الشعرية وهناك نحاول تبيين ما فيها من مزايا وخلل..

تحياتي..

[عزوز الفدعاني]

اشكركم اخواني .. الكرام على هالمرور الرائع ..

بالنسبه لاخوي ... ابن هندي ...


اخوي الغالي .. انا ماجيت هنا الا علشان اسمع كلامكم ونصايحكم ... وتوجيهاتكم ...

وان شاء الله ... نستفيد من خبرتكم الشعريه والعلميه .. واتمنى اني اتثقف من ثقافتكم ...


وبالنسبه لاخوي الشاعر خلف الغريب


اخوي ... انت المسؤل هنا .. وما اقدر اعترض ..

وكل اللي اقدر اقوله ....

سمعاً وطاعاه ..


بارك الله فيكم .

[خلف الغريب]

الله لا يهينك اخوي عزوز ولي عودة قريبا..

[سليمان الجعفري]

الاخ عزوز

الله يعطيك الف عافيه وانااضم صوتي الى ابن هندي

انه يوجد كسور وخلل بالوزن اعتبارا من البيت الثاني.

اتمنى لك التوفيق وارجو ان تقبل كلامي بصدر رحب

وتكرر المحاولة ماحد خلق من بطن امه متعلم

تقبل مروري ودمت بخير

[هندي المقبل]

اخي عزوز اهلا بك واسمح لي ببعض الملاحظات على ابياتك كل بيت على حده لتعرف اين الخلل.

معقول تنساني وتنسى حناني
00000000000000000000 ياللي سكنت في وسط قلبي وعيني
كلمة "في" الموجوده في الشطر الثاني للبيت تكسر البيت لو استبدبتها بحرف "بـ" لزال الكسر واصبح البيت سليم من ناحية الوزن ليكون كالتالي
معقول تنساني وتنسى حناني == ياللي سكنت بوسط قلبي وعيني

خابرك كريمٍ بوصلك منت باناني
00000000000000000000 تكفى لاتذبح القلب بصدك عني

البيت هذا في خلل في الوزن كبير جدا سواء في الشطر الاول او الثاني
كذلك هناك خلل في القافيه في الشطر الثاني فقد غيرت القافيه عن البيت الاول فكانت في البيت الاولي "عيني" وتغيرت في البيت الثاني الي "عني" وهذا خلل في القاف ويجب عليك ان تلتزم بالثلاثة الاخرف الاخير حرف الياء والنون والياء الاخيره. حتى تكون القافيه سليمه

عندي اماني وانت كل الاماني
00000000000000000000 ضاع عمري وضاعت سنيني
في الشطر الثاني هناك خلل في الوزن وان كنت عدت للقافيه الصحيحه.
فلو كان "العمر ضاع ومعك ضاعت سنيني" ربما كان افضل.

يارب حقق لي هذي الاماني
000000000000000000 يارب مالي احد غيرك لاتخليني
هناك خلل في الوزن في البيت ويكون اوضح واكبر في الشطر الثاني من البيت .

============================
اخي عزوز الابيات يوجد بها ترابط جيد وكلمات جميله فقط بإعادة ترتيبها وتلافي الخلل في الوزن سوف تكون مميزه ولتستطيع ان تختبر القصيده هل هي موزونه غن "هيجن" القصيده على لحن واحد ان استطعت ان تغني كل ابياتها دون ان تغير في اللحن فالقصيده موزونه بأذن الله

اهلا بك اخي العزيز واتمنى ان لاتستسلم بل استمر وان شاء الله ستصل الي المراد

[سعد النفج]

عزوز

حاولت اسوي تعديل بالقصيد على عجاله . لكن ركز في وزنها و قوافيها ..
وانشالله الجايات أفضل .. وهذا لا يجرد القصيد من الابداع ..



معقول تنساني وتنسى حناني
00000000000000000000 ياللي سكنت بوسط قلبي وعيني
خابرك راعي وصل منت بأناني
00000000000000000000 تكفى تراني منك صاير حزيني
عندي اماني بين كل الثواني
00000000000000000000 والوقت راح وفيك ضاعت سنيني
يارب حقق غايتي والاماني
000000000000000000 يارب مالي غيرك احدن يعيني

[عزوز الفدعاني]

بسم الله الرحمن الرحيم .

السلام عليكم ورحمة الله وبركاته ..

اشكركم جميعاً .. على مابذلتوه وماقصرتو والله يعطيكم العافيه

خلف الغريب الله لايهينك يالغالي ،، سليمنا الجعفري مشكوور وماقصرت يالغالي ،، هندي المقبل بارك الله فيك اخوي ع التوضيح والله يعطيك الصحه والعافيه يارب لاهنت وبيض الله وجهك يالغالي ،، سعد النفج بارك الله فيك اخوي الغالي والله لايحرمني منكم جميعاً وإن شاء الله اتعلم واستفيد منكم ومن خبرتكم الشعريه والعلميه والعمليه ..

وصحيح كما ذكر احد الاخوان .. انو مافيه احد ولد متعلم ... وأنا لي عوده إن شاء الله بنفس هذه الابيات

لكن تكون موزونه ومقفاه بإذن واحد أحد .. وانا بصراحه أتمنى من كل قلبي ان أستفيد منكم واتعلم من خبرتكم

بارك الله فيكم اخواني .. ماقصرتو وبيض الله وجيهكم عساكم ع القوه والله يعطيكم الصحه والعافيه يارب.

[فهد الشافي]

صح لسانك اخي عزوز الفدعاني


تقبل تحياتي