مشاهدة النسخة كاملة : المهمل المنسي !!
هلال بن مزعل العنزي
15/09/08, (05:58 AM)
عطش دامي أحسه والسفر مرهق=أبتنفس أبستجمع بعض أمسي
أبحيا شك وجداني بها المأزق=يقيني هزّه المجهول في رأسي
غروبك نور يقتاته جفا المشرق=تمرّد هاجسك وأهتزّ بي بأسي
سفر ترنيمة الهامس بلا منطق=عتب تلويحة الذابل على الممسي
لمحتك كبت بأسبابك غدى مطلق=وهمت بصمت جلساتي بعد همسي
دخيلك والأسى بالعاطفه أورق=وطفل الغربه آثرته على نفسي
كثير إكفوف زارتني قبل تغرق=وهزت جذع وجداني وجيت أرسي
أبادر كبريا حب ٍ وطعن أزرق=أعانقها وعاري حظها أكسي
أهمّش لذّة رقادي ولا تفرق=يهيم بضمّة الغيمة ضيا شمسي
ويوم اعتزت خلاني غديت أحمق=لقيت الوهم ينسج لي قلق حبسي
أنا يا صاح مريتك قبل تطرق=خفوقي يوم أشغلني بكم حدسي
أحس إيقاعك النّازف يبي يخنق=بقايا هامتي والوجد هو غرسي
إلا شفتك حزين أستصعبك وأرفق=لأنك في وناساتك سبب ونسي
وجيتك يوم أرهقني ضما" يحرق=كثر ما أدمنت ببحور الكِحِلْ غطسي
عدد ضيقة شراييني وظلم الحق=دبل ناس" فلا جتني على عرسي
أبي لي لو بعض فزعه أبسترزق=أبتشيخ مشاعر وامتطي كرسي
وش ذنوبي وباب العاطفه مغلق=وحلمي العاثر الخايف غدى عكسي
إذا منتب تواسيني وتتألق=وتنعش نكستي وتهين بي خرسي
ضروري تذكر لولفك وليف أوثق=مدام إني غديت المهمل المنسي
عادل العايش
15/09/08, (06:15 AM)
شاعرنا هلال
صح الله لسانك
قصيده راائعه بروعة حظورك الدائم
دمت بخير
تقبل مروري
الصقار
15/09/08, (08:39 AM)
صح لسانك شاعرنا هلالاحساس جميل..................
إلا شفتك حزين أستصعبك وأرفق
لأنك في وناساتك سبـب ونسـي
تقيل جل تقديري
تركي صالح
15/09/08, (02:32 PM)
هلال مزعل العنزي
صح لسانك وسلم بنانك
على هذا النص الشعري الرائع
والذي أبحر بنا الى مراسيه الفاخره
وموانيئه الهاديئه
ليكون لنا معه هذا الانسجام والتناغم اللامحدود
دمت وسلمت
وتقبل فائق التقدير والاحترام
سليمان الجعفري
15/09/08, (03:43 PM)
الشاعر/ هلال مزعل العنزي
صح لسانك وسلم بنانك على هذا النص الشعري الرائع
والذي أبحر بنا الى مراسيه الفاخره وموانيئه الهاديئه
ليكون لنا معه هذا الانسجام والتناغم اللامحدود
الله يعطيك الف عافيه ولاهنت يالقرم
تقبل تحياتي واحترامي
بدرفهد الجعفري
15/09/08, (04:12 PM)
أبي لي لو بعض فزعه أبستـرزق
.........أبتشيخ مشاعر وامتطـي كرسـي
قافيه صعبه اجدت العزف عليها
صح لسانك
الشاعر : هلال بن مزعل العنزي
احترامي وتقديري لك وصح لسانك الف مره ... لا ماتكفي مليون مره
عساك سالم
ماجد الغانم
15/09/08, (06:19 PM)
الغالي
هلال مزعل العنزي
صح لسااانك ...ولاهنت
قمة الأبداااع والروووعه حضيت به هذه الباذخة الجميلة
التي اتحفتنا بها
لله درك
دمت بكل خير ...ودام هذا الحضور الراائع
تقبل خالص تحيااااااتي
تركي علي الخالدي
15/09/08, (10:18 PM)
المميز دائما بشعره واخلاقه
الشاعر : هلال بن مزعل
كعادتك منبع للأبداع
بكل صراحه اني سجلت بهذه المنتدى بعد ماشفت اسمك وقريت لك هذه القصيده
ولايهنون باقي اعضاء وادارة المنتدى المميزين
صح لسانك وانا وراك وراك
رابح الغضيان
15/09/08, (10:20 PM)
صــــــــــــــح السانك اخوي هلال
قصيدة رائعه
تحيااااااااتي لك
البدر
16/09/08, (02:48 AM)
شاعر كبير بحجم هلال مزعل
لان يأتي بأقل من هذا الابداع
صح لسانك ويعطيك العافيه
صقر وايل
16/09/08, (03:29 AM)
الشاعر هلال العنزي صح لسانك قصيده رائعه ولاهنت
تقبل تحياتي
هندي المقبل
16/09/08, (03:39 PM)
الشاعر / هلال بن مزعل الدهمشي
اسم من ذهب ونثلا لنا الدرر عبر هذه القصيده المميزه
كعادتك لا تاتي الا بالجزل ... سلم عقلك وبداك على هذا الابداع
صح لسانك وتقبل اعجابي بما تكتب
هلال بن مزعل العنزي
24/09/08, (01:04 PM)
أحبة الشعر :
همساتكم آثرها الحس ، واستلطفتها العاطفة ، وسما بها الشعر !!
ماذا أقول ؟!
ما أجمل الحب صادقا !!
ما أجمل الوصال !!
سأنتشي ... سأبتسم ... سأغرد ... سأمتطي صهوة من خيلاء !!
ألستم من آنس المشاعر واستأنس بها ؟!
ألستم من أوقد الحماسة في جوف الحرف ؟!
آه ... ما أنبلكم !!
آه ... ما ألطفكم !!
دمتم معي :
مجدا أدخره لغد مشرق !!
دمتم هنا :
تسامرون قافية السلام ، وتناصرون خفقات الأسى !!
لست إلا بكم :
فلتقبلوا أخاكم الجاهل الثقيل !!
ودي ،،،
( أبو صلاح )
هلال بن مزعل العنزي
29/09/08, (10:21 AM)
عادل العايش :
أشكر لكم هذا الحس الأخوي ، وأتمنى أن تحوز " خربشات " قلم أخيكم على رضاكم !!
دمتم في خير ، والله يحفظكم ،،،
هلال بن مزعل العنزي
06/10/08, (08:09 AM)
ابن هندي :
دمتم أحبة أوفياء !!
دام همسكم الذي أثار حماسة الشعر !!
سعود المسعودي
08/10/08, (06:02 AM)
الشاعر الرائع/هلال العنزي
صح السانك مليووووووووون ولايكفوووووووووون
رائع يالشاعروالدكتور/هلال
سالم صالح
09/10/08, (08:23 PM)
الشاعر الرائع/هلال العنزي
صح السانك على هذه الفاتنة فانت شاعر تجيد التنوع في الشعر وهذا قلما نجده
دمت رائعا والله يعطيك العافية
القماصي 1
09/10/08, (09:40 PM)
صح لسانك
بصراحه ابدااااااااااااااااااااااااااااع
هلال بن مزعل العنزي
13/10/08, (03:03 AM)
هنيئا لي بكم !!