المساعد الشخصي الرقمي

مشاهدة النسخة كاملة : هذا شهـر تسعـه إذا كـان مفهـوم!!!

نايف الفدعاني
21/09/08, (10:47 PM)
هذا شهـر تسعـه إذا كـان مفهـوم!!!=لا تكلمينـي فـي نـهـاره دقيـقـه
إذا اتصلتي ينجـرح يمكـن الصـوم=و ماهو رفيق اللـي يـوازي رفيقـه
غمضي وفتحي يمضي الشهر في يوم=لك راحتـك لا راح ماسـك طريقـه
الورد مثلـك مرهـt وحيـل نعٌـوم ما مات لو هو شهر وسطـه رحيقـه
ما هو بكيفـي أكسـر بخاطـرك دوم=داخل على الله لا يجي الصدر ضيقـه
يرضيك ذنبي لا غدى لجسمي هـدوم=قولـي مدامـه مـا تضـر الحقيقـه
مدامهـا خطبـه بـلا عقـد مبـروم=لسـع اللهب أهـون إذا بـه حريقـه
والشاهد الله داخـل القلـب لـك روم=لو عاف ما يكره إذا أخطـى صديقـه
ياللع تصلح حالها من هـو معصـوم؟=عبدك ضعيف أدنات شـي(ن) يعيقـه
(ويا الله تسامح بنت ما تقـدر تصـوم=وشلون تقدر والعسـل طعـم ريقـه)
إذا الهوى بيسـاب مـا فيـه معلـوم=كثير مشكـل لـك نهـي أيـك تيقـه
هالحب مثل الشمـس للنـاس ملـزوم=لو هو بعيد(ن) عنـك ياصـل بريقـه
يا ما سبحت بدنيتـي منجبـر عـوم=وشفت الخطايا فيه يـا هـي عميقـه
كم واحد(ن)من عطف الأخوان محروم=وكم واحد(ن)صاحبه يسـوى شقيقـه
واللي غبنٌي جالس العـدل مـا يقـوم=ويشوف جور الكفـر يهـزم فريقـه
وضعه خنقني والنفس صـار مكتـوم=والنبض من ضغطـي تزايـد خفيقـه
من شوف حاله كنٌه انسـان مضيـوم=واذكر له امجاد(ن) خبرنـا (........)
وش فيه عزمه ما اشبعه كثرة النـوم=مدري وش اللـي ينعمـل لـه يفيقـه
الماضي عيبه لا أنذكر ينبـش همـوم=القدس لوله صـوت تسمـع شهيقـه
يا أمتي يكفي ترى الديـن لـك تـوم=ويكفـي ابتعدتـي عــن مواثيـقـه
يا امتـي نخدمـك حاكـم ومحكـوم=وتشهد على خدمتـك كعبـه عتيقـه=
والدار مـن سبُـت تفكـك مصـدوم=لـو يتحـد رعـدك هبلهـم صعيقـه
هذي النهايـه كـوم والباديـه كـوم=ولا يشد بالـك كـود كلمـه رقيقـه


أخوكم


نايف الفدعاني
البدر
22/09/08, (06:29 PM)
هذا شهر تسعـه إذا كـان مفهـوم!!!
....................لا تكلمينـي فـي نـهـاره دقيـقـه
إذا اتصلتي ينجـرح يمكـن الصـوم
....................و ماهو رفيق اللـي يـوازي رفيقـه
غمضي وفتحي يمضي الشهر في يوم
...................لك راحتـك لا راح ماسـك طريقـه


بكل صراحه القصيده مميزه بكل ماتعنيه الكلمه

قصيده جزله كما عودتنا

مع تحفظي على مبدا الابيات السابقه .

لكن لايسعني الا ان اقول صح لسانك
هندي المقبل
23/09/08, (05:13 PM)
الشاعر نايف الفدعاني

صح لسانك والله يغفر الذنوب ان شاء الله

شكرا
طلال الايداء
23/09/08, (10:29 PM)
صح الله لسانكـــــــــ

ملايين
ولاهنت على النص الجميل

وفي انتظاار جديدكـ ان شالله

اخووووكــ طلال الايداااء
بدرفهد الجعفري
24/09/08, (02:46 AM)
نايف الفدعاني

صح لسانك

اسمتعت بما كتبت
ماجد الغانم
25/09/08, (05:56 AM)
الغاالي

نايف الفدعاني

صح لساانك ..ولاهنت

قصيدة راائعه اتحفتنا بها ...جميل هذا الأحساس

لله درك

دمت بكل خير ...وداام هذا الحضور الرائع

تقبل خالص تحيااااتي
عليا الشمري
25/09/08, (08:52 AM)
:
:
نايف الفدعاني ..
ونص يوقظ النفس ويدق جرس واقع الحال الا من رحم ربي ..
مدد بلا عدد صح لسانك
وصحت روحك الى الجنه
تقديري
:
:
جنون الحلم
26/09/08, (02:38 AM)
نايف الفدعاني
نص مميز
وكلمات جميله

دمت ولاهنت
جنوووووووون الحلم