معك تحقيق ياسلامه الجعفري

[سعوط المجانين]

سعوط المجانين



لقيت ابو زيد تال الوقت يلبس قناع = بالديره اللي ثمان شهور هاجرها

ليه يتخفّى وانا خابره رجل ٍ شجاع = من بعد ماكان يصدح في منابرها


سلامة الجعفري

اظن ابوزيد نفسه ترغب الانقطاع = والعز ينهى على نفسه ويامرها
ماهو بمعقول قولك لاتجي باندفاع = دقق على جرة ٍ عينك تناظرها


سعوط المجانين

غلطته ماتنغفر على جميع البقاع = في مقبل الوقت ليته مايكررها

ماني غشيم ٍ وافرق بالثني والرباع = يوم ٍ بعض البشر تحفر مقابرها


سلامة الجعفري


كانك مصمل على الدعوى وصعب اقتناع = علم بها واحد ٍ مبطي يدورها
الديرة اللي عثت فيها ذياب ٍ جياع = يبكي على مجدها اللي فات حاضرها


سعوط المجانين

بعض البشر مظهر ٍ راسه ومخفي الكراع = لكن ٍّ نفسه كذا مالله بجابرها

نحمى المواقيف لامن صار فيها نزاع = انواجه القوم ونكسّر مناخرها

سلامة الجعفري

بعض البشر لو يجيه هجوم مابه دفاع = ماغير شاطر بكلمات ٍ يكررها
والنعم لكن بتال الوقت فيك انجضاع = من بعد عاشرت قوم ٍ مانعاشرها

سعوط المجانين

من بعد ذيك الخلافه زاد رتم الصراع = يالله عسى اهل المهاجر في مهاجرها

ان غبت فعرف انا الشاعر طويل الذراع = وقفاتنا كل خلق الله تذكرها



سلامة الجعفري

جتكم خلافه جديده جعل منها انتفاع = واللي هجر داركم ماهو بزايرها
لكن هون عن الدعوى وعلمك يذاع = واقول ماجد بطل وايل وشاعرها

[سلامة الجعفري]

الليلة نكمل ان شاء الله

[أبو غرام]

صح لسان الشاعرين


والليله الليله وجات

وهذا حنا ماسكمين الصفوف

وانا مع صف الجعفري

[سعوط المجانين]

ابو غرام

تواجدك الدائم يزيدنا شرف

تقديري

[خلف الغريب]

والله اني حتى انا لقيت جرة ابو زيد...

مواصل التحقيق معك يا سلامة..

بصفك يا سعوط المجانين واتمنى موافاتي بنتيجة التحقيق..

[سعوط المجانين]

هلا ومرحبا يابو خالد

لا ماعليك ازهله التحقيق جاري على قدم وساق وراح اوافيك باآخر التفاصيل بس لاتبعد

تقديري

[عبدالرحمن اليمني]

لاهنتم كلام جميل ويستحق التقدير لكل من شارك في البدع والرد ومن شارك في الرد على الموضوع سعوط المجانين وسلامه الجعفري صحة ألسنتكم شعار مابكم حيله

الى الأمام موفقين بإذن لله

[سلامة الجعفري]

ابو غرام

خلف الغريب

عبدالرحمن اليمني


الله يحييكم جميع

تواجدكم يشرفنا

[سلامة الجعفري]

شكرا لك ياماجد وانا قضيت وتعبت والختام عندك


والى اللقاء في محاورات قادمة

[صالح السالم]

هههههههههههههههههههههه
هين يا سلامه

الغازي اللي يبي مكسب وعود بساع ... مغامراته ما اظن انه يكررها


والله اني عرفت الجره لكن قلت ما ابي ابين لأحد

تحياتي لكم جميعاً

[خلف الغريب]

ههههههههههههههههههههه

الله عليكم وصحت السنتكم يا مبدعين ...

اجل افتح لنا تحقيق مع كاتب يا سعوط المجانين الجرة ماهي بعيدة ..


ابدعت يا سعوط المجانين كما هي عادتك ولا يهون سلامة شاعرنا الكبير ...

تحياتي وودي لكم وبانتظار تفتح ملف التحقيق الثاني ..

[سعوط المجانين]

صح لسانك ياسلامه ولاهنت

وبما اني كنت البادئ فاارى من الافضل ان الختام عندك كما هو حاصل الآن

تقديري

,,

[سعوط المجانين]

صالح السالم

شاكر لك مرورك الجميل

خلف الغريب

صح بدنك وبيض الله وجهك

والله كاتب ماقصيت جرته هههه للحين لكن ابشر نبي نقص الجره وعساه يطيح بيدينا

تقديري

,,

[سلامة الجعفري]

صالح السالم


خلف الغريب


حضوركم يسعدني



لكن خلو سعوط المجانين يدبر حاله

انا الحمد لله بري ولاعلي من غيري

لكن انا اقول اغنمو الخير ليا جاكم

ترى المصري يتنشنش الاخبار لاتجنون على مسكين بري

ههههههههه


تحياتي

[سعود المسعودي]

تحيه للجميع

وصح الله السنتكم