مشاهدة النسخة كاملة : سلامه لاهنت
سعوط المجانين
01/03/09, (08:39 PM)
والله اني كاره الموال يالربع الحشام 00 مير تغيير النظام = يجبر الشاعر على تنويع نغمات المقام 00 يوم شبت نارها ولعي يانار في راس الفتيله ولعي
سلامه شاعر ٍ من جيز هالشعار = ولكن فيه ميزات ٍ خصوصيه
انت شاعر ذاع صيتك مير وضعك به شكوك 00 بالتعامل والسلوك = مااطيب اخلاقك بجده مير شينه في تبوك 00 يوم شبت نارها ولعي يانار في راس الفتيله ولعي
انا بغلق معك موضوعنا اللي صار = وانا مالي دخل بالداب والحيه
رابح الغضيان
01/03/09, (09:28 PM)
الشاعر/سعوط المجانين
صح لسانك مبدع
وبنتظار الرائع/سلامه
متابع
فديتكم
تحياتي
هيـاا العـازمـي
01/03/09, (10:38 PM)
.
.
لله درك يا سعوووط
يصح لساانك ومنطوقكك
ولسان سلامه مقدما
متابعة
.
.
وعز الله انه ليل والمسرى فيه وعر
:)
جبار بن عابر
02/03/09, (01:57 AM)
صعوط المجانين
صح لسانـــــــك
وباانتظار المبدع / سلامه
سعود المسعودي
02/03/09, (03:51 AM)
صعوط المجانين
صح لسانـــــــك
وباانتظار المبدع / سلامه
دمت بكل خير
سلامة الجعفري
02/03/09, (10:17 PM)
مانت مجبور تسوي شي مالك به مراد .. عن خطا والا عماد =تدعي منهج رشيد وسكتك منهج رشاد..يوم شبت نارها ولعي يانار في راس الفتيله ولعي
سلامة من متى ينصاك بالاشوار = وهو يعرفك لاهذي ولاذيه
كل رجل وله مقام وكل موقف له مقال..سلم بسلوم الرجال = وانت تسعى بالديار وتو مانلت المنال ..يوم شبت نارها ولعي يانار في راس الفتيله ولعي
مواضيعك عرفناها طوال قصار = تجي بالشمس وتجنب عن الفيه
سلامة الجعفري
02/03/09, (10:19 PM)
اشكر جميع المتابعين بدون تخصيص
واعتذر لتاخري ياماجد حيث كنت مسافر
سعوط المجانين
03/03/09, (02:07 PM)
ياسلامه دامك انته منصبك منصب عريف 00 لاتعاند ياضعيف = لاتناوش رتبة الضابط ويقلعك لعفيف 00 يوم شبت نارها ولعي يانار في راس الفتيله ولعي
سلامه نعرفه لا من شعمنا نار = علومه كلها تصبح طبيعيه
ان سعينا بالديار اعرف خذينا اللي اهم 00 صاحبك شاعر علم = وانت دوبك نابت ٍ لك ريش ونامي لك عظم 00 يوم شبت نارها ولعي يانار في راس الفتيله ولعي
مواضيعي تقص العظم بالمنشار = وتبين قصة الناس الحونشيه
سعوط المجانين
03/03/09, (02:11 PM)
رابح الغضيان
ياهلا ومرحبا وصح بدنك يالغالي
,,
سعوط المجانين
03/03/09, (02:11 PM)
هيا العازمي
صح بدنك وشاكر لك مرورك الكريم
,,
سعوط المجانين
03/03/09, (02:13 PM)
يزن علاء
صح بدنك وشاكر لك حضورك الراقي
,,
سعوط المجانين
03/03/09, (02:14 PM)
صقر الصقور
هلا ومسهلا ولك الشكر
سلامة الجعفري
03/03/09, (04:48 PM)
انت والنعمين شاعر ماتكسر بالبيوت .. مار مثل العنكبوت = بيتها تتعب على بنيه وهو ماله ثبوت..يوم شبت نارها ولعي يانار في راس الفتيله ولعي
ياماجد ليه دايم تعشق التكرار = انا مااحب لعبة طاق طاقيه
من عرفتك وانت هذي هرجتك مابه جديد .. دور القول المفيد = ماسك ٍ بندق وترمي بس ماعمرك تصيد .. يوم شبت نارها ولعي يانار في راس الفتيله ولعي
تروح يمين يارجال والا يسار = تدل الدرب لامن طحت بيديه
كاتب الجعفري
03/03/09, (08:40 PM)
صحت السنتكم
ابداع بلاحدود
سعوط المجانين
03/03/09, (09:33 PM)
بيتنا عامر وساسه ثابت وبنيه جويد 00 يامحرفة القصيد = اعلنوها بالاذاعه وارسلوها بالبريد 00 يوم شبت نارها ولعي يانار في راس الفتيله ولعي
ترى التكرار قالوا ينفع الشطّار = وكلمة شاطر ٍ فيها مية نيه
ماخبرت اني ضربت فبندقي واخطت هدف 00 وانت ضربك بالصدف = نوب ٍ تدف المعاني ونوب احد ٍ لك يدف 00 يوم شبت نارها ولعي يانار في راس الفتيله ولعي
انا دروبي ياضوي ماعليها غبار = على قول المثل ميه على ميه
سعوط المجانين
03/03/09, (09:46 PM)
كاتب
صح بدنك يالقرم
,,
سلامة الجعفري
04/03/09, (12:19 AM)
كيف اعلم واحد ٍ توه عرف مسك القلم .. لو يعلم ماعلم = وان صدر به حكم عادل قال للقاضي ظلم .. يوم شبت نارها ولعي يانار في راس الفتيله ولعي
تره اخطا معي يامكرمين الجار = ولكن طيب منا نغفر السيه
الجبل ثابت على ماقيل لو هبت هبوب .. يامدورة الذهوب = وش لقيتو ا بالشمال وش لقيتو بالجنوب .. يوم شبت نارها ولعي يانار في راس الفتيله ولعي
الا ياولدعي ياشاعر ٍ قمار = تسوي بلبله وتقول ماليه
سعوط المجانين
05/03/09, (12:39 PM)
زاد هرجك ياسلامه وانت ضاري بالهروج 00 بالدخول وبالخروج = والمعاني كلها لاشافتك اقفت تموج 00 يوم شبت نارها ولعي يانار في راس الفتيله ولعي
على راسك تضويها يابو عمّار = وثم ٍ تتهم جيش اليهوديه
صح ثابت ياسلامه هذا لو انك جبل 00 مار طبّل بالطبل = ضاقت الدنيا وضاقت فيكم بشتى السبل 00 يوم شبت نارها ولعي يانار في راس الفتيله ولعي
سلامه يتهم والولدعي مابار = حسيب الله عليكم يالضواويّه
سلامة الجعفري
05/03/09, (06:27 PM)
الهروج لواحد ٍ مثلك تقل ساعي بريد .. مايفيد ويستفيد = والمعاني عندنا والا انت تنقص ماتزيد ..يوم شبت نارها ولعي يانار في راس الفتيله ولعي
يهود الله يمحاكم عن الاقطار = حراميه من الماضي حراميه
اعتبرني كالجيل ياصاحبي وان انت ريح .. من يزاح ومن يزيح=والمثل معروف مبطي مايصح الا الصحيح .. يوم شبت نارها ولعي يانار في راس الفتيله ولعي
صراحه والله انك ثعلب ٍ مكار = ومن مكر الثعالب فيك ماريه
الصقار
05/03/09, (07:04 PM)
صح الله السنتكم جميعا
شعار رائعين
ومتابعتكم متعه
تحياتي لكم جميعا
متاااااااااااااااااااااااااااابع
سعوط المجانين
05/03/09, (11:31 PM)
انت ياراع المعاني وينك بوقت ٍ مضا 00 يوم انا فوق الغضا = لجل ربعي ارضي الزعلان وازعل من رضا 00 يوم شبت نارها ولعي يانار في راس الفتيله ولعي
اعبد الله واصلي واحتمي للجار = وكلام ٍ نسمعه مااعطيه اهميه
الجبل ثابت كلامك صح وانته ماثبت ّ00 رحت مدري انسحبت = ولا انا ثابت بوجه القوم بالماقف ماغبت 00 يوم شبت نارها ولعي يانار في راس الفتيله ولعي
ترى كلمتك هذي ماعليها إشعار = ابقبلها ولكن نفسي معـيّه
شمــــــــوخ
05/03/09, (11:39 PM)
:more3:
متآآآآآآآآآآبعه ماشاءالله مبدعييين
لكم أجمل تحيه
سأظل
متآآآبعه :more19:
كاتب الجعفري
06/03/09, (01:26 AM)
اعتبرنـي كالجيـل ياصاحـبـي وان انــت ريــح .. مــن يــزاح ومــن يـزيـح=والمثل معروف مبطي مايصح الا الصحيح .. يوم شبت نارها ولعي يانار في راس الفتيله ولعي
صح لسانك وابدعت
الجبـل ثـابـت كـلامـك صــح وانـتـه ماثـبـت ّ00 رحــت مــدري انسحـبـت=ولا انا ثابت بوجه القوم بالماقف ماغبت 00 يوم شبت نارها ولعي يانار في راس الفتيله ولعي
صح لسانك وابدعت بالرد
متابعين بقوة
سليمان الجعفري
06/03/09, (01:33 AM)
سعوط المجانين :more19:
سلامه الجعفري:more19:
صح الله السنتكم جميعاً
ويعطيكم الف عافيه
انا متابع
سلامة الجعفري
06/03/09, (02:22 AM)
يامزعل كل راضي يامرضي من زعل .. خانتك بعض الجمل = الغضا وشلون فوقه صرت وضح لي مثل ..يوم شبت نارها ولعي يانار في راس الفتيله ولعي
وانا مسلم ترى ماني من الكفار = وانا اعرف ان مابالدين حريه
روحت قدام عينك كن عينك ماتشوف .. لاتعذر بالظروف = استرح بالي وحطيت النقط فوق الحروف ..يوم شبت نارها ولعي يانار في راس الفتيله ولعي
مثل كلمتك لاتبلش ولاتحتار = هروج وبيننا الاوضاع عاديه
بدرفهد الجعفري
06/03/09, (02:25 AM)
الله الله
صح الله السنتكم
تابعت .... ومازلت مستمتع
سعوط المجانين
06/03/09, (04:54 AM)
شموح , كاتب الجعفري , سليمان الجعفري
لاهنتو وصحة ابدانكم جميع
تقديري
سعوط المجانين
06/03/09, (04:55 AM)
بدر الجعفري
صح بدنك
سلامه الجعفري
صح بدنك ولاهنت يالذيب واستمتعت باللعب معك لامجامله جزل كالعاده
تقديري
سلامة الجعفري
07/03/09, (01:39 AM)
جميع المتابيعن شكرا لكم جزيل الشكر
سعوط المجانين ماعليك زود انت مبدع كذلك ماتتحتاج شهادة
الى اللقاء
فهد الشافي
24/04/09, (04:22 PM)
الشاعر/سعوط المجانين
صح لسانك مبدع
وبنتظار الرائع/سلامه
متابع
فديتكم
تحياتي
شجاع النومسي
02/05/09, (01:25 PM)
الله يعطيكم العافيه على الابداع والحضور الرائع