المساعد الشخصي الرقمي

مشاهدة النسخة كاملة : ~ صدمــــــــة مـــــــــــــــــــــــــشاعـر ~

محمد هايش الرويلي
19/07/05, (05:47 PM)
~ صدمـة مشاعـر ~

0

تبطين واللـة ماتقوليـن مسكيـن
لآنتي ولا مليون مثلـك وشـرواك
من مثل شكلك لـو بغينـا ملاييـن
ومن مثل جنسك والحلايـا حلايـاك
صدمة مشاعر صافحت هاجس البين
وطعنة خفوقي تنتشي عند طريـاك
غلطة عمر عانيت منهـا الامريـن
قبل أرسمك ملهوف وأكتبك وأقراك
صدق الغلا ماهو حكايـة وتخميـن
بين المواجـع والملامـة ولقيـاك
ياشاعرة واللي خلقنا مـن الطيـن
أنك بدون أحساس والزيـف مبـداك
يوم الشعر يرسـم ورود البساتيـن
وفجأة كتبتي الشعر بكفوف يمنـاك
بأحساس غيرك تحتوين المظاميـن
وبشعور غيرك صارت الناس تقراك
مـدام واللـة ماتخطيـن حرفيـن
لية الشعر مكسور خاطـر بلامـاك
هذي حقيقـة قلتهـا لـو تموتيـن
لخلي كـل الخلـق يابنـت تجفـاك
دام الوفا عنـدك مجـرد عناويـن
وصابك غرور وظلك التيه وأغـواك
كان الامل يستوطن الخاطر الزيـن
وملامحي يطغـى عليهـا خطايـاك
لو الصبر عبـرة والايـام سكيـن
وأحساسي الصادق ضحية نؤايـاك
ياما تجاهلت الخطايـا مـن سنيـن
وكسر الخواطر مالها غير فرقـاك
ماني مـن اللـي مثـل ماتريديـن
حرً ولد حـرً .. ولا أظـن يخفـاك
ماني من اللي بالمواقـف تهزيـن
ولاني من اللي لازعلتـي ترجـاك
من لايراني بعين .. ماراه بالعيـن
وكرامتي تسوي غرامـك وتسـواك
ملعـون قـافٍ مايخليـكِ تبكيـن
وملعون حرفٍ مايجيبك من أقصاك


0

محمد بن هايش الرويلي
محمد المقبل
19/07/05, (08:38 PM)
مـن لايرانـي بعيـن .. مـاراه بالعـيـن
..................وكرامتـي تسـوي غـرامـك وتـسـواك
الاخ محمد هايش الرويلي

الف نعم فيك... وصح لسانك على هذه القصيده الرائعه

لك كل الود والاحترام
احساااااس شبل وايل
20/07/05, (11:06 AM)
مـانـي مــن الـلــي مـثــل ماتـريـديـن
حــرً ولــد حــرً .. ولا أظــن يخـفـاك
مانـي مـن الـلـي بالمـواقـف تهـزيـن
ولانـي مـن الـلـي لازعلـتـي تـرجـاك
مـن لايرانـي بعيـن .. مـاراه بالعـيـن
وكرامتـي تسـوي غـرامـك وتـسـواك
مـلـعـون قـــافٍ مايـخـلـيـكِ تـبـكـيـن
وملعون حرفٍ مايجيبـك مـن أقصـاك


0
مليووووووون صح لساااااانك مايكفوووون


لاهنــــــــــــــت وتســــــــلم




نحيـــــــــاتــــــــــي لـــــــــك