ديوان الشاعر ::: محمد العاند :::

[محمد العاند]

ديـوان الـشـاعـر : محمد العاند

[محمد العاند]

دام القبايل سوت جمـوع وصفـوف=حنا هل الوقفـات واهـل الشجاعـه
يومنهـا بالخيـل ودروع وسيـوف=يشهـد لنـا تاريخنـا باتسـا عــه
مثل البحر لاجاك طوف على طـوف=قطع شـراع اللـى تعلـى اشراعـه
الوايلي طبعه مـع النـاس معـروف=فيـه الحميـا والـكـرم والقنـاعـه
ياقف لون اعداه صفوا له اصفـوف=دايم يجـي متبـوع ماهـو اتباعـه
نظراتنا اكبر مـن الحلـم والشـوف=وصدورنا صـوب السمـا بارتفاعـه
الله خلقنـا مابنـا كلمـة الـخـوف=مثل الاسـود الـي تعشـا السباعـه
من الكويت الى المنامه الى الجـوف=الى الرياض الارض تشهـد وقاعـه
هذا وانا ما اصنف النـاس بصنـوف=كلن على مـا قيـل حامـى متاعـه
وعسى السحاب الي نشا مزن مردوف=يسـوقـه الله سـوقـةٍ باندفـاعـه
وينزل مطرها فوق ربعي بلا وقـوف=حتـى يصـدر لزبيـدي بضـاعـه
من شاعرن تاقف له حروف وحروف=ياخذ من الجـزلات صاعـه وباعـه

[محمد العاند]

انا ليا ضاقت عليه عـارف نـوي=اضرب على الكايد اللي ما تمنيتـه
اسري الظلام وظلام الليل هو ضوي=آطا الصعيبة ولا به مـن ترجيتـه
عزيز مهجة ونظراتي على علـوي=واللي يجي من تحت رجلي توطيته
وكان الليالي تبي تظلم على جـوي=انا العنيـد وزمانـي قـد تحديتـه
ماهمني لو مشيت الـدرب متلـوي=ما اخاف دربي مادام انـي توليتـه
ما هو بأنا اللي يسب الحظ ويعوي=وان فات فايت علي ما قلت يا ليته
يقول اسوي ولكن ماهـو مسـوي=اخف نسمة تطفـي نـار كبريتـه
ما كل من عاش في دنياه متقـوي=والامر للي ليامـن ضقـت ناديتـه

[محمد العاند]

كل عام وانتم بخير ايها الكرام

مقدمة اهداء للبطل منتظر الزيدي .







وش نبي بالسيف صار السيف عاله=دام ما للسيف في هالوقـت قيمـة
اكبـر اهانـة لبـوش ولاحتفالـه=يدخل التاريخ فـي جزمـة قديمـة
لو ما صابت راس بوش ولا عياله=اعتبرها لانتصـار اكبـر هزيمـة
لأرعن امريكا ومن وقـف بجالـه=ما بقا عـزة ولا قـدر وحشيمـة
دخنـت كتـف العروبـة بالرجالـة=ودفعت فاتـورة حسـاب الظليمـة
من يدور من غزاة ارضـه عدالـة=لا يحسب ما بقى له مـن حطيمـة

[محمد العاند]

ومع قصيدة العروبة وهي من قديمي نوعا ما ..






صرنا دعاية حرب في تـال الازمـان=هـذي نهايـة عصرنـا بالعـروبـة
وين العرب يوم العرب شانهم شـان=من يوم ما خلوا طريـق مشـوا بـه
عبـادة الخنزيـر جتنـا والاوثــان=وشارون قال لبـوش هـذي حروبـه
حطـوا لنـا صـدام حجـة وبرهـان=وسووا لابن لادن اسطـورة كذوبـة
وبيعوا شباب الدين في وسـط دكـان=واستبدلـوا باجـر الجهـاد العقوبـة
لعبوا بني صهيـون بقلـوب عميـان=ومن العمى حتى الوطن فجـروا بـه
وصار الاسلام ارهاب في كل عنـوان=الله اكبـر دينـنـا شكـكـوا بــه
كنا عرب .. بـس قسمونـا لعربـان=وكلن يجي له يـوم يمشـون صوبـه
بارض العراق الشعب يذبح وينهـان=سلبٍ ونهب وكـل بيـت عثـوا بـه
واطفال تذبح وانهتك عرض الانسـان=وحتى السجين بسجنهم عذبـوا بـه
خطة بلير وبـوش بحضـور عنـان=تقاسموا نفـط العـراق وغـدوا بـه
والقدس يذبح شعبهـا دون عـدوان=وكم واحـد بسجونهـم غيبـوا بـه
وتهديدهم يرسل على الشام وايـران=وباكبر دمـار سلاحهـم هـددوا بـه
هجمة على اصول العقيدة والاركـان=فتنة ولا هـي بالحسـاب محسوبـة
طبخة ومطبوخة على بـلاد الافغـان=واظنهـم قـدر اليهـود طبخـوا بـه
واظنهـم نـاس للاوطـان خــوان=تكسب جوايـز مسلـم غـرروا بـه
واظنهـا واظنهـا كـان مـن كـان=يا الله دخيلـك عـن كبايـر ذنوبـه
فرعون بوش وصار شارون هامـان=والله يمـهـل للعـبـاد العـقـوبـة
غنوا لنـا باكبـر مزاميـر شيطـان=حتـى رغبنـا للطـرب واللعـوبـة
ورحنا نشجع سوبـر ستـار لبنـان=وكثير من شعب العرب شاركـوا بـه
شعب يموت وشعب يرقـص لقنـان=والجرح ينزف كنهـم مـا دروا بـه
وانا اطلب من الله يثبت هـل الشـان=وادعي لهـم باليـوم مليـون نوبـة
حكام نجـد اللـي يـردون الاوطـان=اللي حكموها مـن الشمـال لجنوبـه
على الشريعة حكمهم عدل واحسـان=ما همهـم ريـح الشمـال وهبوبـه
متمسكيـن بدينـنـا دون الاديــان=نمشي على هدي الرسـوب ودروبـه
هدي الرسول اللي دعى الانس والجان=وما خابوا اللـي ربهـم وحـدوا بـه

[محمد العاند]

صورة مع التحية لكم اخواني الكرام في شبكة ويلان الكريمة ..

صورة مع عدم التحية لمن تسلق القمة على سلم معاناتي ..









الله خلقني عزيز النفـس مـن صغـري=ولاامثل اطباع غيري واتـرك اطباعـي
الله خلقهـا طبيعـة وانـت مـا تـدري=متبـوع دايـم اشلـون اصيـر تباعـي
دفاي عن بـارد الايـام مـن جمـري..=والشعر مركب .. وانا اللي طاوي شراعي
وكنـك تعـلا بشانـك : عزتـي قـدري=لو اشكي الفقر ما اقبـل مـدت ذراعـي
شف كيف بس الورق لا طاح من سدري=خـلاك فـوق الثريـا وانـت بالقاعـي
ولولا الجبل مايجيك السيل مـن حـدري=ولاشفت بين القصايـد حـرف لابداعـي
ياكبر ظلم الزمـان ويـا كبـر صـدري=اشيل همي .. وغيـري يلبـس اقناعـي
( هذي احروفي تهجاهـا الزمـن بـدري=باملاك غيري وهي تنبض من اوجاعي )

[محمد العاند]

عند البحر وملاطم الموج والريح=والشمس يذبحها البحر مع نحرها
قبل الغروب وظلمة الليل ماتطيح=جابت مراسيل القوافى خبرها
واشوف شرهات الخواطر مذابيح=ماتت وخفاق الضماير قبرها
والصبر ماله فى يدينى مفاتيح=كن الزمن بمعانده لي كسرها
جني مقادير اليالى مراويح=حوته وشافت وسط قلبي بحرها
وتاقف بى العزه وانا مااقبل اطيح=واشوم عن بعض البشر مااعتبرها
ناسن اتسوى للمصالح مفاطيح=بين الردى والطيب ينبت شعرها
اذناب قوم و جمهم من ضحاضيح=واليوم بصدور المجالس غترها
ولى زمان اهل النقا والطحاطيح=وما الوم نفسى لو تبين قهرها

[محمد العاند]

بسم الله الرحمن الرحيم


هذه الابيات اهديها لابطال غزة









شيخنا العاجز يعجـز دولتيـن=قصة التاريخ بـدروس وعبـر
ما ثنى عزم المجاهد عاجزيـن=لا صلاح الدين مات ولا عمـر
ما تنسينـا اليالـى والسنيـن=يوم صلى الشيخ ركعات الفجر
الله اكبر يوم سووا لـه كميـن=حيلة الكفـار باسلـوب الغـدر
قصتـه لـو يتفطنهـا فطيـن=كان شاف انه يموت و ينتصر
ورث ابغزه شبابـا مـا تليـن=قوم ذو بأس اشد من الصخـر
شوفهم على ارض غزه مرتكين=والاصابع بالشهـاده تحتضـر
ما طفت نار العرب والله يعيـن=والرماد ليا حرثتـه بـه جمـر
وكان هالامه تبى النصر المبين=ينصرون الى على دينه صبـر
مثل ماكانواعلى غزوة حنيـن=ومثل ماكانواعلى غـزوة بـدر

[محمد العاند]

الوضع ياساده ماهو حمـل تاجيـل=ان مادرسنـا وضعنـا مـا قـرانـا
اول عدوتنـا الوحيـده اسرائـيـل=واليوم حتـي مـن بعضنـا عدانـا
ضعنا ورا زيـف القيـم والتماثيـل=حتى الدعا نبخـل علـى الله دعانـا
نص العرب تهوى السياحه على النيل=يالله من بعـض الذنـوب اتحمانـا
تقليد لاهل الغـرب بالحـط والشيـل=لا لبسنـا.. لا مشينـا.. لا هوانـا
والله لو انـا نواخـذ علـى القيـل=كان ارضنا يطبـق عليهـا سمانـا
لكـن ربـي يدفـع الجيـل بالجيـل=ونبقى عبـر لاجيالنـا مـن ورانـا
يـا امـة الاسـلام شبـوا قناديـل=على طريـق اللـي لهديـه هدانـا
ماعـاد ينفعنـا الغنـا والمووايـل=ياناس فنان العـرب وش عطانـا؟؟
ارض العرب ساحه لكـل البهاذيـل=كلـن يجـرب قوتـه فـي فنـانـا
والموت باطراف العرب يحسب الميل=تخطيط من ياهـود مـدري سولانـا
وراع الغنـم بالمختبـر والتحاليـل=وان ماسقانـا سـم غيـره سقانـا
والزول مابين الئشبـك والمحابيـل=حلمـه يـدور لـه ذرا فـي ذرانـا
ياعرب هبوا لا تضيـع المحاصيـل=كـل الفتـن ديـروا عليهـا رحانـا
اما حمينـا الـدار هـي والمعاميـل=ولا نـمـوت ولاتحـلـق لحـانـا

[محمد العاند]

لو البحر ياخذ همـوم المخاليـق=نثرت همي فـوق شاطيـه كلـه
ياكثر ما سليت نفسي عن الضيق=اثره معي مثـل المبـاري لظلـه
تمشي بي الدنيا علي غير ما اطيق=كن السعاده درب ماصـرت ادلـه
واحيان تصفقني مع الوقت تصفيق=واعيش في صدمـة حيـاةٍ مملـه
شرعت بيبـان الوفـا للمواثيـق=ولقيـت بيبـان الغـدر مسفهلـه
وانا لو اني للغدر ناشـف الريـق=امـوت حلقـي بالـردى ماأبلـه
( صحيح شي يشقق القلب تشقيق=لا شلت هم وصاحبه مافطن لـه )
صديـق لكنـه قليـل توافـيـق=ذيب وخاوا له مع الـدرب علـه
اشعلت له شمعت وفـا بالمعاليـق=واقفيت عنه وخاطري فيـه غلـه
ويلومني خبـلٍ يحـط المساحيـق=مثل الفتاه الـي بصـدر المجلـه
هذاك ما طبعه طبـوع المطاليـق=وده ابطينـي صاحبـه واستغلـه
مايدري ان جبال نفسي شواهيـق=ومعانقة صـدر السحـاب بمحلـه
تقراني حروف القصايد طواريـق=ونفسي تحاسبني على كـل زلـة

[محمد العاند]

لا يازمـن لا تقتـل الحلـم مقهـور=خلـه يعيـش ويظهـر البـحـر دره
بالك تكون بصدمة الوقـت مبهـور=ولا تلتفـت للـي يطـيـح وتـجـره
وليا انبلـج فجـر كسـا الليـل بالنـور=قل للشتا يطرد عـن الصيـف حـره
شف كيف شعبله غدا شخص مشهور=رويبضـه واصبـح نجـم بالمجـره
اغرس امل فوق الورق تطلع زهـور=وخل الحلا يطرد عن الكـاس مـره
ماكل من غاص البحـر جـاب بلـور=ولا كـل مـن نـادا احروفـه تبـره
لا صار ما تلفي مشاعر على اشعـور=ماينبنـي بيـت القصـيـد بمـقـره
لو ينعرض حرفك على كل جمهـور=بانت عـلا مـات الحـزن والمسـره

[محمد العاند]

اشيل حملي لو غدا كبر الاهـرام=كني هزمت بوجه الايـام دولـه
والفقـر لا منـه تشكّـوه الازلام=عزيت نفسي وانتصرت ببطولـه
تكفيني العزه على دين الاسـلام=( حياتنا ماهى مجـرد سيولـه )
صحيح خانتنـا مفاهيـم الايـام=لان الزمن هذا ( زمان المقوله )
المسأله صارت دعايات واعـلام=وصار البطل باكبر كـلامٍ يقولـه
لحروفنا ياما مشت روس الاقلام=يوم المشاعر ما هدفهـا عمولـه
وياما غرسنا بارضنا شجرة احلام=وليا اثمرت حتى الثمر ما نطوله
واليوم بكهوف الملل حلمنا نـام=كنه يبى يرمـى علينـا خمولـه
وكان الادب مظلوم بيدين ظـلام=ماهي غريبه تشتهر بـه خبولـه
جار الزمان وخلط العام بالشـام=واكبر مهرج بالعرب صفقوا لـه

[محمد العاند]

اخلط العقل في دنياك جرعـة جنـون=وفك اسرك من حبال العقـل والخيـال
وان حسبت الخطايا تحت شوف العيون=ينتهي بك زمانك عبد وسـط الرجـال
وان كتبت القصايد لاجل مـا يملكـون=صرت شاعر ذليل ولو ملكـت الريـال
وان نختك العروبه والعـرب يلعبـون=( فالكـلام كـلامًُ والفعـالُ فـعـال )
لا تخيل المطيره جتك بـرق و مـزون=من جنوب الجزيره لين حـد الشمـال
شاعرٍ مـا يقلـد سابقـات اللحـون=مـن بنيـات فكـره ممتلكهـا حـلال
شاعرٍ ما تلبّس شعـر غيـرى زبـون=فيض فكري تجمـل بالحكـم والمثـال
لو نقول الحقيقـه للعـرب يزعلـون=الحقيقة مريـرة قـد تطيـل الجـدال
اكبر القوم ينهض لاجل ضحكة مجون=يلبسون المعاصى مثل لبـس النعـال
يدعـون العروبـه كلهـم يـدعـون=والعروبه تعاني من جيـوش احتـلال
اين جسمن تداعى لا اشتكى تشتكـون=اين درع الجزيره اين سيـف العـدال
جرح الامه عميـق وكلكـم تطعنـون=وافتخـار العروبـه بالغنـا والجمـال
لا تلومون شاعر صار شعـره يمـون=دام ما كـل مـذن فـي وطنـا بـلال

[محمد العاند]

اضع بين ايديكم هذه المتواضعه

وهى رد على نقاش بينى وبين بعض الشعراء حول الشعر








شعرى يجينى ساعة الحلـم والغيـض=وانا الصريح اللي كثر طيبـى اعـداى
وانا القصيد الي رمى بالبحـر فيـض=تنبع جزيلات القصايـد مـن احـداى
واكثرهن من بين المحانـى روابيـض=وان روحن عـدن علـى كـل عـداى
كم شاعرن يلفى على الشعر تحريـض=وكم شاعرا مثـل قصيـدى اومبـداى
الله مفوضنى علـى الشعـر تفويـض=كنه سحـاب وينتشـي غيـم بـرداى
مارحت ابيضهـن بالاعـلام تبييـض=الخيـل خيلـي والمعـارك ببـيـداى
يا مقرضين الشعر والحـرف تقريـض=ياليتكـم جيـتـوا تـقـدون بـقـداى
اسرى على وجه الدجى واكسب البييض=ياعلهـن طـول اليالـى مـن فـداى
وسويت مستشفـى دكاتـر وتمريـض=ولياانمرض شاعر خـذا وصفـة دواى
لا ستصعبن روضهن الفكـر ترويـض=ولايفن تلفـى علـى صـوت حـداى
واليوم اعرضهن على الناس تعريـض= هديتى واجمل هديـه مـن اهـداى