شوعرَفك اُسكـت ولـه..!

[أبو غرام]

وشلون تحصرني حدود الشك واقواس الظنون..؟
وشلون تطعنى من شفاهك سيـوف الأسئلـة..؟
يا كبرها ياعبرها.. وشلون اهونهـا و تهـون..؟
لاصرت بعيونك اخونك.. هذى اكبـر مشكلـة..!
اقسـم بربـي ماتسـاوي بالغـلا غيـر العيـون
وعندي على هـذا الكـلام اكبـر دليـل وامثلـة
ياشمعة الدنيـا وياحزامـي.. ويالقلـب الحنـون
ياربع فصولـى ياتجاهاتـي.. ياشوقـي ياالولـه
ياأكبر مـن الاحـلام والامـال.. ياحـد الجنـون
يااروع من الروعة واكبـر مـن خيـال اتخيلـه
يامكحل عيوني وماليها.. ويـا ظلـم الجفـون..!
لاشحت بوصل الرموش ..الظلم منها ما اعدله..!
انت وخطاك وخوفك وظنك ومابـك مـن طعـون
تدللـوا.. واللـي تبونـه مـن غلاكـم اعملـة
ان كان مامنتوا على من فيـه بالدنيـا يمـون..!
ومن لامنى باقول له : شوعرَفك اُسكـت ولـه..!
والله لو اعطي من غلاك لكـل منهـم يعشقـون
لغيـر اسبـب بالهـوى ازمـة واكبـر معضلـة
مابيك تتضايق ولا تزعل وهـم.. لـو يزعلـون
ماني بهم مكلـوف وبغيـرك ابـد مالـي صلـة
مافية ريح الا تهز مـن الشجـر كـل الغصـون
لولا جذورة ..كـل ماهبـت يطيـح مـن اولـه
بعض الرياح احيـان لاهبـت تبشـر بالمـزون
تمطر.. وتغسل ماعجز صمـت الليالـي يغسلـة
وانا لعب فينى غلاك وجيـت كلـي فـي سكـون
سمه سكونٍ يسبـق الاعصـار كـان اتحللـة..!
ماجيت ابين من انا..؟ لاصرت تعرف من اكون..!
انت الوحيد اللي عرفت كثير غيـرك يجهلـه..!
جيتك ابي اقولك انـى مـن الممكـن اخـون..!
ماهو غمـوض.. ولاسـؤال ٍطالبـك وتعللـة..!
ماخونك الا بشرط واحد..! غيرة ابـدا مايكـون
ان خانـتـك غمازتـيـنٍ بالـخـدود المذهـلـة

لا أعلم إسم صاحبها إلا أنه من أهل الجوف

[سعود المسعودي]

ابو غرام

الله يعطيك العافيه على الاختيار اللي اكثر من رائع

[أبو غرام]

الله يسلمك يالبناخي

شكرا لك ولمرورك الطيب من هنا

[حـــور]

ابوغرام
تقبل مروري
ولاهنت

[أبو غرام]

حور
حياكي الله
دمتي بود

[سعد النفج]

ابو غرام

نقل رائع ..

اخذني هذا النص بعيداً..

تقديري لك ..

[أبو غرام]

هلا بك يابن نفج يالله حيه

شكرا لك ولمرورك من هنا

فائق الود والتقدير

[سليمان الجعفري]

الاخ العزيز/ ابو غرام

الله يعطيك الف عافيه على الاختيار اللي اكثر من رائع

لاهنت ... ياالغالي .. دمت ودام .. حضورك ... المميز

لك اجمل التحايا والاحترام

[عوض بن خميس]

ابو غرام انت
مبدع و متألق.......
حرام عليك اين هذا الذوق والابداع مستخبى من زمان؟؟
نص راقى نص رايق . نص شامخ بحجم ناقلة..
تقبل تحياتى ومودتى

[احساس قلم]

ابو غرام قصيدة رائعه
لشاعر تابعته منذُ فترة
هو (فيصل السهو)
فـ صح لسان الشاعر وسلمة يد ناقل
القصيدة

[أبو غرام]

الف شكر لكم

لاعدمت تواصلكم