ديوان الشاعر ::: حماد صالح ::: (شاعر البيتين)

[شاعر البيتين]

ديـوان الـشـاعـر : حماد صالح (شاعر البيتين)

[شاعر البيتين]

هي مشاعر وأحاسيس أنسان صيغة بقالب شعري .....هي خربشات قلم وحديث روح ونزف قلب

أضعها أمامكم وكلي أمل أن تروق لذائقتكم..

أن وصفتموها بالشعر ولقبتموني بالشاعر وقلتم عن مجموعها (ديوان)

فهو كرم منكم ومسئوليه حملتموني أياها ...وهي أن لا أكتب إلا الجزيل الذي يليق بذائقتكم الراقيه ..
.
.
.
.
.
بسم الله وعلى بركة الله ..

[شاعر البيتين]

منتدى الويلان


أول مشاركه لي في هذه الشبكه الرائعه أبيات مختصره ..



ياجماعه رحبو فيني بقوه = جيتكم مشتاق لمصافح لقاكم
المحبه والموده والمروه = جيت أدورها بروعة منتداكم
جيت أدور للمعزه والأخوه = ياعساكم تقبلوني ياعساكم
شاعر البيتين شب اليوم ضوه = رحبو بي ياعساني من فداكم
الشعر جوه حلو يازين جوه = شعري وفكري تراه اليوم جاكم
منتدى الويلان تو العلم توه = المشاعر والشعر جت من غلاكم

[شاعر البيتين]

حلم ساخر


حلم ٍ حلمته قلت يالله عسى خير = وأبحرت في بحر العنا والبواخر
مدري حلمت أوصرت في واقع ٍ غير = بعض الليالي يصبح الحلم ساخر
حلمت بك ياسيد كل الغنادير = ياماأخذ ٍ لب القلوب من الآخر
حلمي كبير وصار للحلم تفسير = وأزريت أنام بليل عشر الآواخر
من صغر سني مارضيت أجي الآخير = لأ معك راظي لوني بالآخر
دامك لمير أنا خويك يالآمير = من حقي أفرح وأتكبر وأفاخر
سخرت بيت الشعر والقاف تسخير = للي ملك عقلي وباالزين زاخر
حلفت مني مايجيه أي تقصير = عن مدح ذاك الزين ماني بذاخر

[شاعر البيتين]

سم حالي



سم حالي بنت بدو ٍ تسكن الشرقيه = كن الأرض تبوس خطوتها ليا مرتها
جادل ٍ من دونها البارود والجنبيه = بنت عز ٍ للمعالي رافعه رايتها
بنت قوم ٍ يكرمون الجار والطرقيه = عزوة ٍ واسعدها مادام هم عزوتها
حظ أبوها وأمها مادامها نشميه = ياعسى ماتنقطع عن ناظري جرتها
صورة ٍعندي لها في خافقي مخفيه = ماتخيل كيف أبا أوصف لكم صورتها
عن بنات اليوم تفرق كنها حوريه = في طهارتها وعفتها وفي عزتها
مترفه سنعه رفيعة شان وسعوديه = واهني الديره اللي تعتبر ديرتها
قدها فتان وعيون المها سحريه = روجها محظوظ مادامه على شفتها
بالبهاء والحسن والأخلاق والحنيه = ألف ماشاء الله عليها ماخذه راحتها
والغنج والطيش والإصرار والنديه = تستمد المترفه منهم سماء قوتها
والتسامح والحلا والزين والجديه = والرومنسيه ونظرات الخجل ميزتها
الغلا والعشق والوان الزهر منقيه = جيت اقدمها لها ياجعلني فدوتها
يابنات المملكه عندي لكم برقيه = تذكر اسم الله عليها كل من شافتها
ياعساها ماتشوف المعضله والسيه = وياعسى أبياتي ليا من جاتها سرتها

[شاعر البيتين]

أهداء الى رابح الغضيان


ليه أسبوعين يارابح ملاحظ لي = شيء غريب ٍ ولايطري على بالي
من أول ٍ ناكر العشره يفض فض لي = واليوم ياصاحبي ماعاد يفضالي
قام يتأخر برده ويتميرض لي = هو كيف ياخوك هذا الوضع يرضالي
من عقب ماكان قبل أجيه يركض لي = مديت حبل الوصال وقطع حبالي
وليا طلبته طلب ماعاد يرفض لي = ويقولي أنت تامر أمر ياالغالي
ولايمشي الا على أمري ومن فضلي = مرات مر المذاق ومرة ٍ حالي
ولو ما أعترض له يجيني ويتعرض لي = أشغل هجوسي وتفكيري وجوالي

[شاعر البيتين]

الخيانه






ياشينها لامن قسا الوقـت وأيقنـت= أنك وحيـد ولامعـك مـن يقديـك
وياشينها لامنك أنضمـت وأنهنـت = جار الزمن بك عقب ماهو معليـك
كل الأوادم تفهم الدرس غير أنـت = مع أنـك معلـم وتحفـظ مباديـك
ياقلب لاتحزن على معرفـة بنـت = أخلاصك وصدقك هو اللي يواسيك
خانتك ياقلب الشقا وأنـت ماخنـت = ومادامها سوت كذا قول مـا أبيـك
لعبتهـا صـح وعلينـا تمسكنـت = أثرك تخون الحب واللي مصافيـك
ليما عرفت أنـك بقلبـي تمكنـت = وأخلصت لك بالحب وبروحي أفديك
وأخفيت حبك في خفوقي ولا أعلنت = خايف عليك ولابعد بـان خافيـك
ياليت موتي حان وبقبـري أدفنـت = من قبل لا أعرفك وقبل أنصدم فيك
على كثر مافـي غرامـك تفننـت = وعلى كثر ماكنت من قلبي أغليـك
وعلى كثر مازنت لك وأنت مازنت = جازيتني بالغـدر ربـي يجازيـك

[شاعر البيتين]

غلا شاعر البيتين



متيم بحب الغالي اللي كمل بالزين = معي حق يوم أني تعبت وتخيرته
هي الغاليه هي باشة الزين والغالين = أحبه أحبه أسمه وطيشه وخشمرته
ذبحني غلاه ونظرته لانظر بالعين = وصوتٍ موسيقي في ترانيم حنجرته
أذا قالي لبيه وحده من الثنتين = تخدرت وألا بالساليب خدرته
وأذا قالت أحبك على طول قلت أقين = قنابل غلاها بأوسط القلب فجرته
لوالناس واجد هي تميز عن الباقين = ياكم واحد ٍ غيري من الناس ساحرته
عسى دربنا يازين ماينقسم دربين = ىونبعد عن الحساد والداب وشجرته
طلبتك عشان رضاي ياغاليه تكفين = قراري أنا ياناحل العود قررته
تحطين في قلبك غلا شاعر البيتين = وأنا اله يساعدني أذا بحرك أبحرته