مشاهدة النسخة كاملة : اللي يجي حياه الله
الحميدي بن طالب العنزي
22/01/10, (07:25 PM)
السلام عليكم ورحمة الله وبركاتة.....
سلام يالشعار والاحرار من نسل الحرار=اصحابنا اللي في مواقفها يبين طيبها
خذ مصطلح والزاي غير الباء وهذا بأختصار=احروف في جملة مفيدة ياحلو ترتيبها
سلامة الجعفري
22/01/10, (08:10 PM)
يامرحبا باسم الرجال اهل المواقيف الكبار = واللي تضرك خلها واللي تسرك جيبها !
انته ترى شاعر مجاري لايمين ولايسار = بعض الجمل مافيه داعي يتعبك تركيبها !
الحميدي بن طالب العنزي
22/01/10, (09:08 PM)
سامحك ربي ياسلامه يوم ضيقت الحصار=حتى الضيوف الزايره مايكتمل ترحيبها
قلي متى سكرت ثوبك ياسلامه بالزرار=وادياركم ياصاحبي دايم تعشي ذيبها
مشاري بن فالح
22/01/10, (09:09 PM)
السلام عليكم ورحمة الله وبركاتة.....
سلام يالشعار والاحرار من نسل الحرار=اصحابنا اللي في مواقفها يبين طيبها
خذ مصطلح والزاي غير الباء وهذا بأختصار=احروف في جملة مفيدة ياحلو ترتيبها
ياسلام الله سلامه شاعر(ن) ذيك الديار
....................................... اللي لها تاريخها .. كم شاعر(ن) يحكي بها
:
واحروفكم متشابهه .. بالمصطلح نفس المسار
...................................... ... في كلامي جملة(ن) بالمختصر لاتتعبوا بتجريبها
:
:
سلامة الجعفري
22/01/10, (09:54 PM)
ماعليش طلعت يالحميدي وتوي راجع
انت بمحلك ماانت ضيف ولك معزة واعتبار =واكيد ماكل الليالي حضرتك يسري بها
لكن تراني يوم ازايد تحت نار القدر نار = ابغاك تضرى فالصعايب من بعد تجريبها
سلامة الجعفري
22/01/10, (10:02 PM)
مشكور على حضورك يامشاري
بس ترى المحاورة بين اثنين مايصلح يدخل بينهم اي احد او هذا مخالف للنظام
الحميدي بن طالب العنزي
22/01/10, (10:08 PM)
لا عادي ماعند مشكلة....
الذيب تبقى هيبته فالليل والا فالنهار=ولو تكثر القطعان قدمه يقدر يضحيبها
ترى الحمولة كايدة ولا تجي بالاختيار=انت المعزب والحمولة لازم تزوزيبها
سلامة الجعفري
22/01/10, (10:20 PM)
ترى الزلل يمحاه عند اهل السلوم الاعتذار = واللي مايترك زلته يلصق بشخصه عيبها
ياللي تبي هدم العمارة وانت ماطلت الجدار = عندك بيوت الطين واستعجل على تخريبها
مشاري بن فالح
22/01/10, (10:29 PM)
الشكر لله ...
ولكن تفاجأءت بعد ارسال الابيااات ... شفت رد اخوي سلامه فوووق بس يوم دخلت هنا ماكان اي رد
والا انا اعرف الشروط يالذيب ....
متابع من بعيد <<
:
:
سلامة الجعفري
22/01/10, (10:38 PM)
ماعندك مشكلة ياراعي اكحلا
اهم شي حضورك الله محييك
الحميدي بن طالب العنزي
22/01/10, (10:44 PM)
ماني بمخطي ياسلامة يوم ارد الاعتبار=ونيتك ياهالجعفري ربك عليم بغيبها
ترى العمارة كل ابوها قابلة للانهيار=شف الاساس وعدلة ماينفعك تشطيبها
سلامة الجعفري
22/01/10, (11:01 PM)
الهيئة اللي تنكر المنكر ليا عم الديار = كم واحد ٍ وسط المجالس بالخطا يحكي بها!
اساسها فالارض متعمق مثل عمق البحار = ماهي بخيمه كل ماهب الهوا يومي بها
الحميدي بن طالب العنزي
22/01/10, (11:17 PM)
ابنشد الهيئة عن الميسر وعن لعب القمار=كان الضماير صافية لابد ماتفتيبها
ترى الحقايق واضحة ولايغطيها غبار=ايام تنكر لعبتك وايام ماتصخيبها
سلامة الجعفري
22/01/10, (11:28 PM)
الحكم في هذين تدري فيه الاطفال الصغار = استفتهم فالعقرب اللي سمها بذنيبها !
اليا حجزت اوكيه لك من بعد حجز الانتظار = انته تودي سالفه للناس والا تجيبها !
نافع عيد الجديد
22/01/10, (11:39 PM)
هناااااااااااااااااااااا الابداع
شعار مبدعين وطاروق كايف
متابع وبين الصفوف
الحميدي بن طالب العنزي
22/01/10, (11:48 PM)
مدام بعض الاسئلة فيها بياضٍ مع سمار=حتى الاجابة ياسلامة لو تجي ماليبها
ترى الخسارة واضحة ماتشبهك يالانتصار=واعزتي للسبحة اللي في يدك توميبها
الحميدي بن طالب العنزي
22/01/10, (11:57 PM)
هناااااااااااااااااااااا الابداع
شعار مبدعين وطاروق كايف
متابع وبين الصفوف
حياك الله.....يابو عيد....
وجودك شرف طال عمرك....
سلامة الجعفري
23/01/10, (12:33 AM)
انا عطيتك جو حتى تعرف اسلوب الحوار = لكن جمالاتي عليك الله يخلفني بها !
ماعاد باقي بعد هذي غير نسدل فالستار = المسرحيه زايفة والمخرج ابلشني بها !
تصبح على خير يالحميدي
وصح لسانك تشرفت باللعب معك
والى لقاء اخر
سلامة الجعفري
23/01/10, (12:35 AM)
هناااااااااااااااااااااا الابداع
شعار مبدعين وطاروق كايف
متابع وبين الصفوف
الابداع بحضورك يانافع
مشكور واتشرف بحضورك
معيض بن عريفج
23/01/10, (10:15 PM)
طاروق في غاية الروعه للأمانه
الله يعطيكم العافيه وصحت السنتكم اثنينكم
سعود المسعودي
17/03/10, (12:07 PM)
صحت السنتكم
تقبلو مروري المتواضع