[[ خَفَايَا رُوْحْ تَعْبَانْهْ ]]

[أبو غرام]

بسم الله الرحمن الرحيم

والصلاة والسلام على أشرف الانبياء والمرسلين

سيدنا محمد وعلى آله وصحبه أجمعين

أما بعد ..

فإنه سيكون في هذا الركن الهاديء و الخاص بي

بــعــ من بعضي ـــضٌ

من أفكارٍ متناثره ..أو ابياتٍ وليدةٍ لم تكتمل النمو ..

أو خواطر.. بسيطه .. أو تفعيلةٍ لم تظهر للجميع .. أوقصائد مكتمله وتعكسني

هنا

أجمع شتاتي وأنتثر

هنا

سيكون للبوحِ معنىً آخر .. وهنا سأكون تحت المجهر وأمام الكل

واضح



هنا

سيكون لتمرد الذات


معنى



هنا

سيكون لجنون العقل


حكمه


وهنا

سأكون أنا .. وهو .. وهم ..
والمتحدث بلسانها هي وهنّ

هنا

مساحتي الحرّه في الركن الهاديء

.
.
.
ودي / تقديري

[أبو غرام]

ما أجمل ان يبتديء الإنسان
بما يعتقد ويؤمن به

وما اجمل ان يكون البدء في بعض بعضي

من العقيدة والدين والوطن

فكما تعلمنا

الله

فالمليك

فالوطن

..........

وحينما يبتلى الوطن بوجود شرذمة ضاله تحاول المساس به

يجب ان نقف معه .. من باب الدين .. فالعرض لأن وطننا عرضنا
ولاننا عاهدنا على صون المليك والوطن

ومن هذا المنطق

وحينما بائت جهود الفئة الضاله بالفشل في تفجير سمو الامير
محمد بن نايف
كان لاخوكم هذه الوقفه والتي تشرفت بخروجها للنور في مجلة ساهر
الامنيه والتي لا تباع والصادرة من الامن العام بمنطقة حائل
فشكرا لهم على اختيار النص

http://www.alriyadh.com/2009/08/28/img/229797565423.jpg


من فضل ربي دابر الشر معثور=ان ماعثره الامن ربي عثر به
مقيولةٍ من قبل حكمه ودستور=الحق منصورٍ وربك جهر به
يمنى بيمنى الرب ما يلحقه جور=شلفا شطيره تقطع اللي بطر به
وآل سعود من اوله مهد وقصور=الدين خادم ارضها منتشر به
من ساس كونه بيرق الحق منصور=هو منطلق حكمه ونهجه ودربه
من اوله تاقف للإرهاب بالزور=تقطع لشوكه يوم ربي أمر به
تاريخها ابيض مع الناس مشهور=تختار من نسله عظيمٍ سطر به
وبمحمد النايف مواثيق وحضور=في حقبته هان الظلال وحدر به
نايب على الميلات ساطي وساطور=شيخٍ وداره تحتوي من حضر به
في قصته مع باهت الوجه والنور=أكبر دليل الحق دايم بقربه
أمّن عليه وتايه الفكر بالسور=وفي مجلسه أول كلام ابتدر به
أهلاً هلا بك والخطا كسر مجبور=والنفس لا تابت يزول الخطر به
والخاين اللي ناقض العهد مسحور=بيّت نوايا الشر وربك عثر به
ثارت قنابل بوقته بآخر الدور= وطارت من اسبابه شواهق حضر به
ثارت براسه دون ماغيره يثور=الله عثر به يوم محدن غدر به
وألفن سلامه يابو نايف ومشكور=في قصتك كيد الظلام اندحر به
نجمك علا ونجوم غيرك بلا نور=نورك سطع جنح الظلال انخفر به
والخاتمه دايم والارهاب معثور=إن ماعثره الامن ربي عثر به
مقيولةٍ من قبل حكمه ودستور=من ينصر المولى يشوف النصر به



http://www.google.com/hostednews/afp/media/ALeqM5irDt1sbWV2c9e3w1IPa3BaP7tCLA?size=l

[أبو غرام]

وفي عودة سلطان الخير

وأمير الانسانيه

صاحب السمو الملكي الامير / سلطان بن عبدالعزيز آل سعود

هاضت وجادت قرائح الشعراء وكان لي شرف الكتابة به
وبكذا نص

و هذا إحداها اتى حينما تزينت المملكه
من أجل استقبال أميرها المحبوب :

http://upload.alhilal.com/img/019/br%20(2).jpg



زانت .. ديار العز .. واستدنت الشال=واستقبلت .. غرب البحر .. والهوا الزين
من فرحته .. ترقص .. على .. ضفة الجال=ومن لهفته .. تفرك .. على الغام .. بيدين
تمايلت .. والعين .. من محجره سال=اصدق .. مشاعر .. ود .. في عصر .. الالفين
تبكي .. فرح .. في رجعته .. طيّب الفال=عقب .. البطا .. مثل الضيا .. نّور العين
عقيدها ..حامي حماها .. بالافعال=مرخص .. عظيم الشان .. عند اللقا .. الشين
باني لها .. بالمجد .. تاريخ .. وآمال=لايذ بها .. بالفكر .. عن .. حرة البين ..
شايل شموخه .. دوم .. ماضاق .. باحمال=مضرب مثل .. للبيض .. نجم الميادين
كاسي .. حياها .. عرف .. عن .. هرجة الضال=.. زارع .. ثراها .. جود .. مع .. نفحة الدين
كاوي .. قلوب الضد .. من وين .. مامال=رافع .. مقامه .. فوق .. بنت السلاطين
ماسح .. دموعه .. رفق .. تقدير .. وإجلال=مفني .. على شانه .. جموع .. المعادين
مغدق .. كثير المال .. لو شانت .. الحال=كافل .. طلايبها .. على .. العسر .. واللين
شيخن .. كريم .. معرّب .. الجد .. و الخال=ولي عهدن .. ألفوا به .. دواوين
مالومها .. ترجيه .. بقفاه .. وإقبال=مثله .. فلا تلقى .. بعدة .. ملايين
يادار .. عيشي الفرحِ .. مع راحة البال=في .. عودة السلطان .. راعي الميامين
نامي .. قريرة عين .. ضفيه .. بوصال=.. سكرة غلا .. تكفيه .. في .. ردة الدين

[أبو غرام]

http://up4.m5zn.com/9bjndthcm6y53q1w0kvpz47xgs82rf/2009/12/10/03/1whip0kdk.gif

عودة الامير كانت كالغيث على قلوب المتعطشين لعودته

ولهذا تجدهم مع كل إشراقة صباح أو حلول ليل

يناشدون الاله عودته .. وانظارهم تتجه صوب
السماء أملا في معانقة الامير قبل نزوله ارض الوطن

وهذه حال أخوكم مع انتظار عودة الامير
.
.
.

(( نشى السحاب ))




نشى السحاب.. وخاطبنه.. عيوني=ماشفت ..ياوجه السعد ..وجه سلطان؟
مالاح لك.. برقٍ.. بديع الفنوني ؟=مقبل.. وتنتظره.. جماهير وإخوان؟
إبن الكرام.. الوايليّ.. المصوني=شبيهك ..اللي مدته.. تروي أوطان
يحيي نبات.. النفس ..عقب الغبوني=ويجلي جذور.. الهم مع وكر.. الاحزان
يمناه.. تدفي ..طالبين ..المعوني=ويساره.. تغني.. عن براثين ..ديّان
من طيبته.. كنك ..قريب ..وتموني=تامر.. وتنهي.. كلمته : سم.. يافلان
يودع لك ..النفس ..العظيمه ..حنوني=ماتلفته.. قولة.. أميرٍ.. وله شان
حسناه.. فاقت ..بالهقاوي.. الظنوني=كنه.. ملاك ..الجود ..في ..هيئة انسان
رجلٍ.. حكيم ..وهمته ..ماتهوني=عند ..المواقف ..بيرقه.. ثابت ..وبان
ذيبٍ.. عن الجزلات.. لا ..مايهوني=حرٍ.. كفخ ..بالطيب.. قدام.. الاعيان
وان.. صوتوا.. بالحرب ..وسن السنوني=واويله.. اللي صاح ..بالقوم.. عدوان
تضيق.. دنياه.. ويضيع ..الزبوني=ويوطى ..على خشمه.. بثقلٍ.. وحقران
شيخٍ.. زما.. بالشعب ..فوق ..المتوني=واقلع ..بهم.. بالفكر ..عن وحش ..الاكوان
يوم ان.. غيره.. صاب.. عقله.. جنوني=عقيدنا.. لاسعادنا.. دوم.. ظميان
مثله ..وعلى ..مثله ..نهيل ..المزوني=دمع.. الفرح ..لجله.. ترانيم.. وألحان
كم بنت.. غنت له ..جميل ..اللحوني=في رجعته.. ترقص.. على زين.. الاشجان
يالله ..لك الحمد ..العظيم.. المنوني=سلمّت ..من فضلك.. سلايل.. كحيلان
ويامزنةٍ.. وافق ..نشاكي.. شجوني=هلي.. معي ..لا لاح ..بالجو.. ذيبان
تمايلي.. بالزينِ.. هزي.. الغصوني=قضي.. جديل.. الود.. ديمٍ.. وهتان
اسقي الفضا.. من قبل.. ركبه.. يجوني=بثي ..الفرح ..بسهول بجبال.. وديان
وختامها.. لو ..انهم ..خيروني=لطير ..وارقى.. فوق.. لعيون ..بلهان
لكون.. علمٍ.. للغلا.. بالعيوني=وأول.. سعودي.. ينتشي.. بشوف ..سلطان

[أبو غرام]

النصح

بابٌ جميل .. يُكسب الاجر .. ويُحصّن عن مغبات القادم

وقيل قديماً .. النصيحة بجمل :


width=598 height=422



أشد مايمضي على الشخص لا فاق=شوفة حياته ضايعه دون ترتيب
لا عاد ما يصغي لغير الذي راق=يبقى حبيس الهم والغبن والريب
يمشي به المركب على غير ما لاق=تدفع رياح الجهل شرواه ويغيب
دام التجارب مالها كشف و اوراق=كثر الحسايف توجع القلب وتعيب
خطو الولد ماضاق لو الفضا ضاق=يعرف خلاصه كيف؟من وين؟ ويصيب
والخلق بين الصعب والسهل ورقاق=متفاوته كلٍ على عزمه يجيب
من لاتعدل في مسيره فلا ذاق=حلو الحياة اللي بها علقم وطيب
مادمت حيٍ والنِفَس منكم باق=يبقى الامل وضّاح لو لاحلك شيب
لاترتخي اثبت على رجلٍ وساق=حث الخطا وارقى لعالي المراقيب
عشرة بيوتٍ صاغها شخص توّاق=للنصح يوم النصح بحرش العراقيب

[أبو غرام]

قصه وقصيده :

حدث ان تهاتفت مع شخص عزيز على الذات
بل اعتبره استاذ اتعلم منه
وبعد التحادث حول الشعر ومايكتب
اتى بسؤال هو : لِمَ لم ارى لك الا النصوص المتجهمه ؟
حتى الابتسامه حينما تبتسم لسان حالها وخافيها الحزن
وانا اعلم بمقدرتك الشخصيه في الشعر ولكن .. لما ؟
فقلت له بضحكة متجهمه ^_^ : لأن القلب قفرُُ من الحب
يبست ارضه ونش نبعه فلم يبقى منه الا ماتراه
من حزن او صدمات او نصح
ثم اردفته قائلا :هذه سنة الحياه ..ثمّ.. خلاص كبرنا على الحب ^_^
فقال : أو أن القلب خاوي ومتروك ^_* ؟

* لا أشوف أحد يقول لي بعدين
تراك شايب
ترى اطخه .. هههه .. << حاط صوره رمزيه لمسدس ^_^ من باب التهديد هههههه




النص :



مليت .. من نظم الشعر.. والتصاوير..!=مدام.. راح.. اللي رفا.. هاجس النظم..!
بكسر قلم.. وانثر حبر.. والتعابير..!=بختم ..عليها.. كاظمة ..غيضها.. كظم..!
متجهمه.. بنت الفرح ..والتباشير..!=مدهالها.. ساطي ..نهش ..عارض العظم..!
سنة.. حياه.. امورها .. بالدواوير..!=نوبات.. تمشي ..ونوب.. تشكي ..عسر هضم..!
ماعاد.. لي بالعشق.. وقطف النواوير..!=خلاص..كافي.. من ..حلا.. قاضمه .. قضم..!
شعلة .. وجودٍ.. وافقت ..صلة البير..!=زالت ..وقتّاله ..غدى.. بهرجة الخضم..!
من عقب ..ما دوحه ..روابي ..ونوافير..!=هدّاجها.. يروي ..جموعٍ ..من الجضم..!
امست يباس وقفرها مابه الطير=نشّت .. وعوده ..باقيٍ به.. نبض.. نظم..!


:)

وسلامتكم

[أبو غرام]

سيف السَّعد ما تكسبه ناصع اللون=وإن جاك ناصع يعني ما تمتلك سيف
السيف كايد دونه ارصاد وعيون=وايمان تحرس منزله لا لفى ضيف
لنه كريمٍ عضوا انجاذ وسنون=تعصبوا له دون تزويرٍ وزيف
تبّاعته ما بين صاحي ومجنون=اصنافهم بدوٍ وحضرٍ من الريف
الضيف لا جاهم تلقوه بالهون=جسوه دون اللمس باشعة الطيف
ان كان بوحه خاليٍ مابه فنون=سمّوا خياله لا مشى مطرة الصيف
وان كان رمحه مدبب الراس مسنون=شدوا له البيرق وصبوا له الكيف
هذا الكلام وزبدة الهرج بالعون=تغنيك عن قولة حسايف ويا حيف
اما تشيل السيف وتخضّب ردون=والا بلاش السيف يا مخايل السيف

[أبو غرام]

http://s88m.net/uuu/uploads/images/s88m.com-ed1611c469.jpg
صوره تعبيريه لا اكثر





سيلٍ تحدر من سفوح=اروى ينابيع الغرام
يشكي من الريم الجموح=تظمى وهدّاره سنام
ياسيل عجّل بالنزوح=مالك على درب الملام
مدام بالمنشى تفوح=ريح الهجر قبل السلام
ابعد قبل مزنه يلوح=يمطر عذابك باحتدام
وقته فلا ينفع تنوح=النجم ماقض الظلام
هذي الحقيقه لاتبوح=استر على بعض الكلام

[أبو غرام]

width=598 height=350



عمر الهنا ماعاش في ظل سمه=دايم يعاني من خفا جرعة السم
هذي الحقيقه يوم تاتي مطمه=حرّه عميقٍ نشّف العين والفم
السم ظامي خافقي غصب ضمه=وش عاد ينفع خافقٍ للظمى ضم
واللي رضع من عاني الوقت همه=يموت مايروى من ملاهد الهم
لو للزمن قلب وضميرٍ وذمه=ماصلني في صافي الجور والغم
البارحه ياكبر جرحٍ المه=بين المحاني واهجه ذوّب الصم
قطّع معاليقي من اوزار زمّه=ياليت صدري ماتزهلّه الزم
كبير واكبر من مسيله وجمه=قدام عيني فايقٍ عالي الجم
حاولت اداري شين وجهه وغمه=واستر مضاريبه على سترة الكم
جاني كذا ماوالله اقبلت يمه=الله حسيبه كيف طاولبي اليم
ياليت جرحي ينتثر منه دمه=مار البلا جرحي فلا ينزف الدم
عجزت ابيّن ما بقلبي واذمه=وازريت أكابر دون ماقول به ذم
وياوقت قلي وش جراله وخمه=اودعني الجمره وانا صابر لكم ؟
تعبت من قولة بسيطه وغمه=سحابته تمطر من الغث مالم
وش عاد لو قالوا تراك ابن عمه=الموت نوباتٍ يجي من ضنا العم
ولو للزمن عزه وشيمه وهمه=يضفني عن صافي الجور والغم
كتبتها من دون تحديد دمه=ليلة شجن رقّت بها فورة الدم

[أبو غرام]

فرْشيّااااااااات


العشق قضينا جديله وذاته=حتى سبرنا خافي العشق بالذات
ياما دخلنا في غياهب عباته=وياما نهلنا من حلا الحب بسكات
بعض البشر لاذاق حلو بلهاته=افصح بها للكل وبالكل آفات
ودك الى شفت الهوى في حياته=بشويش تاكل منه وبشويش تقتات
قطره تبل الكبد حتى وفاته=اوفق من الجغمه تجي عقب ما فات

[أبو غرام]

..... نص لم يكتمل .. في طور النمو ....



http://www.weelan.org/misc/weelan_6b4d8b51fa725613e5fecb6094aeb898.jpg


ان كنت.. تبغى.. البعد.. بأية ..وسيله..!=جاك ..الخطا.. منساق.. وانصحك.. تتليه..!
شد الرحال.. وقض ..باب ..الفضيله..!=واودع.. كياني.. بالعتب ..من.. تجليه..!
مدام.. في ..سلمك.. هبوبي.. عليله..!=من.. وين.. مالبّت ..خفوقك ..تصاليه..!
روّح.. عسى ..مثواك.. دارٍ.. محيله..!=تلقى.. بها ..خاين.. يضفك.. وتغليه..!
شخصٍ.. من ..اسبابه.. حياتك ..ذليله..!=ظالم.. ونبضك ..عاجزٍ.. لا ..يخليه..!
ترفا.. الخمال.. ويرجسك ..بالمليله..!=وترجي.. وصاله.. ويتمادى.. بتعاليه..!
مالك.. فضل.. عنده.. ولا لك ..جميله..!=الكبر.. عبا.. هاجسه.. في.. تسليه..!
هذا.. وانا.. ماني.. مدور.. بديله..!=وان.. مال.. في.. حكمه.. فلاني.. مراعيه..!
يحرم.. علي.. اتبع.. خطاوي.. مقيله..!=وان.. عاد.. عوّد.. قلت.. يامرحبا.. فيه..!

[أبو غرام]

راح العميد وتاه راعي السفينه=والساريه ما عادها ترفع اعلام
في مقتبل عمر الوجود وسنينه=ناحت حمامه حظها نام ما قام

[أبو غرام]

لــ ــه :


شه انتبه لي واطرق البال وافهم=واحفظ حديثي في مسيرة حياتك
فرايدٍ تنجي من اليم لليم=قلايدٍ تضوي مغبة عناتك
ان صنتهن تسلم من الكي والسم=وان خنتهن خانت حياتك رفاتك


عود العمر يزهى على مبسم الهم=والحزن روضاته تفيض بلهاتك


والصبر جنه يبعد النوح والذم=والكسب خفراتٍ تجدد هناتك
والبوح يظهر خافي الجاش والدم=يبقي لك الضيقه رصيد لطانتك


وإليا غديت بغيب الايام مهتم=اتموت من قبل اتسجل وفاتك


والشح شح النفس عن شاهق الصم=والجود ماقلل عوامل غناتك


وغصن الغرام ان طاح في ميسر الغم=سوّد على بهجة مساك وغداتك


من الكبد مخلوق لاشك واعلم=درب الحياه اقشر معاضب رضاتك


تمت وباقي النصح ياخوك ماتم=وتنجح اذا زبد الفكر صار ذاتك

[أبو غرام]

.. من القديم .. فألتمس لها العذر على الدوام ..
جنون العشق


من جنون العشق لي عشق الجنون=ومن زمان الصمت لي رفض الزمان
تايهن مابين وظعي والظنون=مكتوي من نار فقدي للامان
يامزون الحب وانتي لي مزون=برقك ابعد عن عيوني بلا بيان
لو اقول الوبل قرّب للعيون=تمنع الافكار حدسي والمكان
بين اكون اليوم وبين اني مكون=قربك اللي مثل بعدك في اوان
كنكي في البعد شمسٍ والجفون=تعكس الاوضاع يمي بلا احتضان
يامزون الحب غيرك لو يجون=كثرهم عندي كما قل الهوان
مايسد بغيبتك ابداً عيون=انتي اللي معكي امشي بالضمان
قالها من حب مافكر يخون=خايفٍ من قلب غيره لو هو خان

[أبو غرام]

http://www.weelan.org/misc/weelan_14_1161790491.jpg



شق الفضا والجرح الاسود فلا انشق=نوّخ على صندوق جاشي ركابه
لو ينهمر دمعي من القلب مارق=ولو ينكسر ضلعي تزايد زهابه
طاغي ومتغطرس ولا يمشي الحق=منه المشاعر سابحه في عذابه
مايفجعه قولة هزيلٍ ومندق=ولايردعه قولة غدا به مصابه
وش عاد تعني قولة إن الفضا شق؟؟=والحظ الاقشر معتمٍ في قرابه
ما للحياة ألوان وأغصان تورق=الهمّ سوّد بالمصاب وعثى به
لو تنكشف حالي وللخلق تنطق=ناحت لها ارواحٍ من اول تهابه
مار الصبر ملبوس لا شك يرفق=يمنع خليل القاف يصدح بما به
دنيت نجر الظيم من خافقٍ طق=وبيّحت شيب العين مما سطى به
وسترتها والبنت في صدرها اق=وختمتها والنفس تشكي ذهابه

[أبو غرام]

وجهة نظر .. اتمنى تقبلها


http://gallery.johina.net/up/1/1156551777.jpg




يقولون .. لا ضاق .. الصقر .. بالبلد .. طار..!=وأقول .. الصقر .. ماتبعده .. أي.. ضيقه..!
حرٍ.. يكف .. الدار.. وإن .. مالت .. أقدار..!=عدّل.. مفاهيم .. الجهل .. في .. طريقه ..!
مايلفته.. هرج ..الخفايا .. والاسرار..!=ولا يجذبه .. زين .. النحاس .. وبريقه ..!
الحر .. حر .. وماكر .. الحر .. سنجار..!=وشهي ..البلاد .. اللي .. تحاول .. تعيقه ..؟
مدام.. شلفا.. العز.. يمناه.. كالنار..!=ومدام.. يسرى .. الجود ..دسمه .. غريقه ..!
والله .. فلا .. ضاقت ..ولو ..صكوا .. اقطار..!=وسود .. الليالي.. الصم .. يلمح.. رقيقه..!


http://gallery.johina.net/up/1/1156551129.jpg



الصقر.. لا ضاق ..البلد.. فج .. الاغوار..!=وإليا.. انمسك ..بالغبن ..معلن.. نعيقه..!
مايبعده.. ياكود.. لابيّن .. وثار..!=دخان .. غدرٍ .. ظاهرٍ.. من .. رفيقه..!
وقته .. يموت .. ويندفن .. داخل ..اسوار..!=يعني .. فلا .. يترك .. ديارٍ.. عريقه ..!
ويقال .. لاضاق .. الصقر .. بالبلد .. طار..!=واقول الصقر.. لا ضاق .. سيّح .. رحيقه..!


ودمتم بالود والتقدير

[أبو غرام]

http://www.y1y1.com/data/media/632/Birds-1.jpg

عصفور غرّد فوق غصن لحمامه=واطرب مسامعها على زين الاشجان
وسط الشجر والعشق شعشع غرامه=وباقي الطيور المنصته قلبها لان
ذعذاع ودٍ منتشي من غمامه=هوّن على كبد المولايف باوزان
نبضه وقافه مقترن بالملامه=ودرب الهوى مايعرف اشكال والوان
يِنشد لها وشلون حظي علامه؟=ساق القدم يمك على غير عنوان
منك الخطر بيّن ولا بي سلامه=ابسط معاناتي فلا ابصر اعيان
لجلك دفقت الشوف من راس هامه=ولجلك بنات الجنس ماغصنهن دان
مرهف وجود وصادقٍ في كلامه=دايم يترجم هاجسه عذب الالحان
عصفور ..يمكن.. مار طاح بحمامه=قصة غرامه سالفة ظيم واحزان
ودك تقول لخافقه و بكرامه=لاتقرب اللي ماهم اعمام واخوان
حتى ولو هالك جماله وخامه=الزين مايتبع على كل من زان


حتى ولو هالك جماله وخامه=الزين مايتبع على كل من زان

[أبو غرام]

.. الصوره .. تحتاج لتعديل .. حتى تقبل الطرح ..

نص تشرفت بنشرهم له في جريدة الراي
فشكرا لهم على النشر
فهذا جل ما املكه لهم


.
.
.

مدخل


يا صباح الخير يا خير الصباح=ياوليفٍ هيّض الجاش نحره
ابتدي به وانتهي به والرباح= همّي اللي لا ترزّم ينثره
اسعد الله صاحبي سيد الملاح=جعل قلبه لا لمح حزن أنكره





ياللي تعاتبني وانا مقدر اجيك=دونك ملخص رحلتي في رساله
من قبل عرفك ماشقى هاجسي فيك=ومن بعد عرفك حالتي منك حاله
اسلى مع الاصحاب واسهى واناجيك=واقول كم يومٍ خطيرٍ مضى له
تمت سنه والعين تعشق تراعيك=والكسب نصٍ ترسله في رساله
الله يصبرني على مر حاليك=والله يحقق للحشا ما طرى له
تقرب مجاهيمك وتسهل حراويك=وتنبت بذورٍ نوها فيك داله
وعقب البطا اسعد بحضرة معاليك=والصبر يصبح سيدٍ له جماله
آخذ بيديك وقلبي يدرى خطاويك=مثل البخيل اللي يداري حلاله
واروى من الغدران واكشف مناويك=واكشف خفايا من يود بثماله
ازعل جميع الخلق لاشك وارضيك=واقول شفّي اليوم راح وغداله
ومنهو عذلني فيك رديت بـاغليك=ولا تنقد المحبوب باللي بداله
هذي حقايق خافيه في رجاويك=والحق لو يظهر تطول الرساله
وياللي تعاتبني وانا مقدر اجيك=هذا الملخص لو تقول اش جراله
عايش على الحرجه بودي الاقيك=واطفي ظما عاشق تمحور ظلاله


المخرج

قفلت قلبي عن هوى البيض واغضيت=واعلنت في صفو المشاعر غرامك
شاعر ويغريني الغنج لا تعديت=مار البعض مثل الشعر في سنامك
اوضح وتذبح خافقي لا تمثنيت=باب الماسنجر ثم شاهدت كامك

[أبو غرام]

للشام رونقه وجماله الآخاذ

من طبيعة خضراء ووجيه بيضاء ايضا
^_^

المهم ان من يذهب هنالك للسياحه كثير
ولكن ليس الكل منهم يضبط النفس حينما يسافر

ولهذا تعرّض الكثير من اهل الارشاد لهم من خلال
مواضيعهم
واحببت هنا ان آخذ الموضوع من وجهة نظر وزاوية اخرى
وهي وجهة نظر هؤلاء السائحين
عسى ان يفهم اهل الخير نظرتهم
وعسى ان يهديهم الله .. ويستهرم ويسترنا في الدنيا والاخره
نص فرفوشي .. فلا يهمكم كثير ماسبق كتابته ^.^
.
.
.

http://dc10.arabsh.com/i/01523/scvhbdt2m8b2.gif


(( الشيخه صباح ))



انتهينا قبل حتى نبتدي=راحت العشره مع إطلال الصباح
ضفت القش المبجّل بالندي=وإنتحت ولسانه يصرخ : لا سماح
كلمتينن قلتهن وانا اعدي=سببن مع كسرة الخاطر جراح
هو صحيح ان الذهب يصبح صدي؟=او صحيح ان البحر ملحه قراح؟
هو صحيح ان الزمن مابه ردي=امتطى العليا وغدا له به جناح؟
انتبه طالبك تكفى لا تغدي=ياعشيري لا تقول الوقت راح
البلا النفس الرضيه تعتدي=مايرده خوف ولا صوت النواح
هايمه وبشخص فاجر تقتدي=معجبه باسلوب جمعه للرباح
هوّن لعينه امورن كالجدي=وهونتها لجل .. يا شيخه صباح
صار لبسه غير .. ياهي ترتدي=كسوتن صارت لصيداته سلاح
وانا منهم صادتن ..وانا فدي=فدوة اللي تستره عني ولاح
ارقب المرقاب وألمح مرقدي=من ورى بحر وعجاجن مع رياح
بس قرد ومدري وشبه مقردي=ينتهض والقول ياتي مع صياح
صدق زله ماهي قصدن او حدي=والمصيبه وقتها عند الرواح
قلتها ماكنت قاصد اعتدي=الله يهديها تكش من المزاح
لكن العلم الاكيد اني غدي=ارخي القرش وتجيني له نباح
قالوا قبلي ارخ قرشك يابعدي=قرشك اللي مايهز مابه رباح
وانا معها برتخي وارخي يدي=واتحلوا وارضي الشيخه صباح
ما اقول ابدن كلامن به ردي=الشريفه بشوفها العز استراح
لجل باكر حين صبحه يبتدي=يقبل وحنا بونسه وانشراح
فلي خاطر صاحبك هيا افردي=شعرك اللي جمّلك بين الملاح
اللي منّه صرت اطنش منقدي=واطلب الونسه واسميكي نجاح
رغم انّ القرش قبلي ينقدي=الا انه صدتك مثل الرماح
صدق قالوا ان الخليجي كالجدي=ينجرف بالساع ويقول انفتاح
والحقيقه هو بنهجه مقتدي=رفعة السيقان تحتاج لسماح

^_^

وسلاااااااااااااااامتكم

[أبو غرام]

ما تم كتابته في النص السابق

قديم وليس إلا لوضع البهجة ورسم الابتسامه
على محيا كل من يمر من هنا

علما بأن كاتبها لم يذهب لتلك الديار .. كبده تفرك . يقول ليتني رحت
وكان جل ما يفعله لا راحوا زملائه ان يقول : سموا باسمي سمايه ^_^

.
.
.
عودا للنصوص .. ومع نص قديم كذلك .. ووالقديم لا يعدّل

وباب النصح الجميل :


هز الضلوع الحدب واعتاش وارتز=واركز بيارق خافقك في رزازه
هزه ورزه عزه منشان يعتز=ولا عاش قلبٍ مايقز بفزازه
من لايخز الناس يجبن اذا خز=يرتاع قلبه ما يقز بخزازه
ودك الى شفت الردي قام يرتز=تفرك على علباه لجل ارتزازه
الناقص اللي سحنته تشبه الوز=مزيون لكن وش وراها القزازه؟
بالحقد والاخباث عايش على الحز=يمشي مع الانجاس خبث وحزازه
واحذر يكون الفكر تعتاش بالرز=الرز ما طلّع رجال بفزازه
نزو القلوب اللي تنز العلا نز=ماعاينت طبخ العشا والخبازه
تعجن من كبود المعادين تمتز=تخبز على هونه تمز بمزازه
وان لزت الانفاس يمك لها لز=خلك شديد الباس فيك اللزازه
لو زام دمك فوق الاكتاف لا تنز=الموت اهون من هوان اللزازه
امزج شجاعة فارسن عالم وحز=مع الفكر صبر ولباقه ومفازه
واليد وحده مابها سترن وعز=يجزها نقض الجزا باجتزازه
هذي نصايح صاحبن ينشد العز=يطلب من الطيب يطيب بمفازه
والخاتمه حكمه وحطه على قز=ما بالعفن ياخوك كسب ومفازه



جميلة تلك النصوص القديمه .. على الرغم مما بها ..
إلا أن لها ذكراها العالقة في الفكر والتي لا تنفك تشتاق لها
كلما كنت وحدك بعيدا عن الكل .. هائم في ماضيك الجميل

[أبو غرام]

http://www.weelan.org/misc/weelan_151fa67ffaabdc457a267db410dea420.jpg

(( عديل الروح )



الله .. يعين .. النفس .. ياهي .. تمنا=شوف .. الغظي .. من بعد .. غيبه .. وفقدان
ناحت .. به .. الاقدار .. منا.. ومنا=وانا .. على .. عرش الغلا .. ارجي .. يبان
كم .. ليلةٍ .. والجاش .. حزنه .. يغنا=ينزف .. على .. عذب .. القوافي .. والالحان
يشرح .. بها .. المقسوم .. كيفه .. تعنا=بين .. الرجا .. والياس .. جمره .. وظميان
قل .. الفرج .. مار .. المشاعر .. تأنا=تجحد .. على .. ماقيل .. من باب .. نكران
الجرح .. غاير .. والضلوع .. اقسمنا=بين .. الانين .. وبين .. صدات .. الاكوان
وينك .. عديل الروح .. وين انت .. وإنا؟=تكفى .. تغانم .. باقي .. الوقت .. زملان
ازريت .. اكابر .. والهواجس .. لونا=لفن .. عناقيد .. المرض .. ود .. وإحسان
صاحن .. بعالي .. الصوت .. ياشين .. ضنا=ماعاد.. لك .. يازين .. وجهه .. وعنوان

[أبو غرام]

http://www.weelan.org/misc/weelan_33e9a72b7d69ce9a4442f1e583c729a5.jpg

نص يشرح نفسه .. بنفسه



صمّ.. الجبال.. النايفه.. ملبسه.. ثلج=وارض.. القفر.. عجزت.. على.. ضب.. ماها
وحدب.. الضلوع.. ان.. ظامها.. صاطي.. الخلج=باحت.. خوافي.. مابها.. من.. وذاها
لاضاق.. خاطر.. صاحبك.. طرّف.. الخرج=ضف.. الحمول.. النازفه.. من.. قراها
والى.. زما.. درّج لها.. بالفضا.. درج=كث.. العنا.. بين.. ارضها.. مع.. سماها
عزي.. لنفسٍ.. بالخفا.. تنعلج.. علج=الكل.. طيّب.. فاغره.. من ..شناها
ماهي.. هوان.. ولاهي.. تبّاعة.. البلج=كود.. النجاح.. الحلو.. كثّر.. عداها
ماهزها.. كبر.. المنازل.. على.. المرج=النفس.. عليا.. والمراجل.. ضناها
ياغير.. دوشات.. الخفا.. تطلب.. العرج=ترجي.. صليب.. الراي.. يشكي.. لظاها
هرجة.. وذا.. قصادها.. مابغى.. الفرج=جمرة.. غضا.. يبون.. رجلي.. تطاها
يقولها.. من ذاق.. طعنٍ.. مع ..الحرج=اقرب.. قريبٍ ..قبضته.. لي ..ثناها
يانفس.. مدام.. الجبل.. ملبسه ..ثلج=لولاهـ.. عالي.. ماتوشح.. بماها
شيمي.. عن ..الهفوات.. عن ناقص.. الهرج=والهافي ..اللي.. مشيته.. في.. ذراها
التايهه.. تسري.. بلا.. قيدٍ.. وسرج=والله.. حسيب.. اللي.. تقفا.. خفاها

[أبو غرام]

اليوم .. تسامرت مع الاخ الكريم والغالي
خالد الغانم .. فتطرقنا لأمور كثيره
ومنحنيات وزوايا في العمر .. وكان منها التطرق للشعر والعمر الشعري
وهل يغير من الشخص وافكاره وهل يكتسب الشخص التطور ام لا

وبعد البحث في حديثه .. وجدتني انشد كثيراً للماضي .. وهنالك من اولى القصائد
مايبقى بالفكر .. ولايمكن نسيانه .. فإليكم نص عمره يربو فوق العشر سنوات
احب ان اراه هنا .. كلما مررت بهذه الصفحه .. وهو يشرح نفسه بنفسه .. وعذرا
فقد كُتب وصاحبه حديث عهدٍ بالشعر


يالله يالمولى عليك التدابير=يامفرج النكبات فيك اتكلنا
يارازقٍ خلقك ومحيي الضوامير=ياواهبٍ عقلٍ بحمله كملنا
يالله انا طالبك زين المغاتير=مع صحبةٍ كانوا لنا مثل اهلنا
ماعاد باقي للغلا و التقادير=ذرة وجودٍ في زمانٍ حملنا
مالوا علينا دون ذنبٍ وتبرير=يالله بيّن علمنا من جهلنا
ماني بمخطي يوم اصاليهم البير=من عافنا حنا له اول تفلنا
لفوا صحيح الوقت لي جو تغبير=مالوا على الغلطه وللحق ملنا
شانت نوايانا و كل التعابير=تهنا عن الزينات منها وهملنا
لو بينوا الخافي تزول التغابير=نمشي على حقٍ مسطر عدلنا
حنا شبيهه بالرضا كالمساطير=مافينا عوجا لو يقولوا وقلنا
وحنا شبيهه بالزعل كالسواطير=نكسر عظامه يوم صلنا وجلنا
حنا الصقور ولا يقال العصافير=حنا النشامى يوم يذكر فعلنا
ماني بناسي وقتنا والمقادير=وماني بغافل وقتنا وش جعلنا
كنا رفاقى عز وكنا اوامير=وكنا صداقى لا هرجنا صملنا
واليوم وضعي مايبي زود تبرير=من يوم ابديتوا الجفا وامتثلنا
خلاص لاتطرون قولة مسايير=ياكود نعرف وش خفايا عملنا


الله يذكر ايام الكليه بالخير


لا اعلم لماذا .. ولكن .. منذ الصباح والشوق
للايام الماضيه متزايد من خلال الذكريات الجميله
يالله عسى ذكرى خير

[أبو غرام]

(( البخل ))

آفة الرجوله .. وكما الحكمة التي عندي
لاشفت البخيل فلا تستبعد منه شي


سر ياقلم واكتب على حبر واوراق=وانثر معاني ساميه في حضوره
اكتب على هام الورق صاحبي باق=خايف من القطات تهدم قصوره
ياحيف خطون مايثبّت على ساق=تعصف به الدنيا على غير شوره
لوهو تعذر قال وضعي غدا شاق=نستر على وضعه نكفكف اموره
ولو كان به زله وصدره بها ضاق=حقٍّ علينا الوصل نجبر كسوره
هذا العشم هذاهو تقدير الارفاق=بالزود لا زادت سنين مخبوره
مار البلا في صاحبي ماتت اشواق=واصبح يقيس الوضع باشياء معثوره
قله مدامه ناوينٍ ترك الاعذاق=هبيت يا تارك جموعن صبوره
والى مشى اكتب على دربه افراق=ومسموح دام البخل سبة ظهوره

[أبو غرام]

الحال ماهي مثلها اول كما الحال=دارت عليها اوقات قشرى قلبتها
تلعب بها من جال لي جال ليجال=امور صعبه ماسبق وعرفتها
لو عندها من غيبة ايامها اقوال=ماتقترب للنار حتى حطبتها
مار العزا لا ذقت من وقتك اهوال=نظره سريعه بحال ناس اخلفتها
تصغر بعينك بعدها كل الافعال=حتى ليالي الهم نفسك رضتها
دام الدهر ماينفع الحال لا مال=ماينفعك كثرة شكاوي لهدتها


دام الدهر ماينفع الحال لا مال=ماينفعك كثرة شكاوي لهدتها

[أبو غرام]

رضيت الهم يطويني وانا اللي ما طواني هم=تجرعت المرار انواع اراجي بس يخليني


.
.
.

رحلتي والضلوع اللي تمنا ضمتك وجعى

على ذكرى الغرام .. تنوح
.
وتحفظ باقي ..اسرارك

غديتي بغبة التوديع

وعيني حايره
وجلى

.
سألت الشمعه : اش فيكي ؟

ترد بحسره :

اغيابك

[أبو غرام]

الله على اللي قلبها مابعد نيش=فطفوطتن ومقرطسه من مهدها
الله حباها الزين من دون تنقيش=نصف الجمال اليوسفي في جسدها
غارن لشوفه لا بسات الدنانيش=ومن شافها بالعين غصبٍ حسدها
اخلاقها تكسي جماله كما الريش=والدين ساس العز واصبح عمدها
امشي على شانه وامشّي لها الجيش=واكسب حروب الضد وآخذ بيدها

* جميلٌ حبُ المراهقه

[أبو غرام]

http://www.weelan.org/misc/weelan_ff92ff2a360502be4fd0824a5fb8645d.jpg

صوره تعبيريه

الموت قرّب والحبل صار ممسوس=والله يهوّن قطعته من يدينا
حقٍ لو ان الخوف بالنفس مغروس=نجزع ولكن نقبل اللي علينا

[أبو غرام]

http://www.weelan.org/misc/weelan_05771e873fe464672655c4a8263db97f.jpg



راحن ثلاث ايام والعين ترجيك=واليوم رابع يوم غايب مسارك

الله يسامح خافقك في تجنيك=يضرب على ودك ويخفي مدارك

ياليتني ما قلت لك باني اغليك=ما كان تبعد عن مناري منارك

مار الوكاد ان الغلا صاح يبغيك=والله يعين القلب من كي نارك





يضرب = يمشي

[أبو غرام]

.. شطحة فكريه ..



مصيبةٌ تلك الصفات المتأصله في نفوس الحسّاد

مصيبه
.
.
.

حقد .. غيره .. غل .. بغضاء .. كراهيه .. جبن .. نميمه .. غيبه

قهر .. خوف .. (( حسد ))

والقائمة تطول

.
.
.
ولكن تساؤلي مع ذاتي يكون من خلال هذا السؤال

: من هو الحاسد ؟

أيعقل ان يكون رجلاً كريم الاخلاق ؟ أو ذا مكانةٍ طيبة في مجتمعه ؟

هل كل الصفات الرديئة به ؟ أم البعض منها ؟

.
.
أسئلة كثيره تدور في الفكر بلا أجوبةٍ شافيه
.
.
إلا أنها إتفقت .. على أن .. كل حاسدٍ : لئيم

فلا بارك الله بالحسدة اينما وجدوا

[أبو غرام]

http://uploads.5llj.com/uploads/images/sea-khlij-8f8f51da5b.gif



حسافه يالغرام اللي وهبته من غلاك ولك=على كف الوفا جالك كسير وباح مكنونه
سقاك الشهد وانفاسه حياها من هواك وبك=علشانك يغض الطرف وياما يخلف ظنونه
زرعكم فرحته بكره حصدكم شوكته والعك=من اول عصف في وده تغيب وتترك العونه
حسافه يازمان الامس خساره يا دموع التك=نشت من اوجاع الالم غصبٍ تسير وبهونه

[أبو غرام]

صوت وصدى

مع الشاعر الكبير

محمد الرويان

الصوت :

حـيــيــت يـــــا وجــــــه الــسّــعــد والـتـبـاشـيــر
يـالـجــعــفــري يــــاريــــف ربــــعـــــه وجـــــــــاره

اهـــلا(ن) هـــلا اعـــداد مــاغــرد الـطـيــر
واعـــــداد مـــــا لآح الــنــجــم فــــــي مــــــداره

واعـــــــــــداد مــــاصــــفــــن دلال مـــبـــاهـــيـــر
بــالــلـــي لـــــــه الـقــيــفــان فــــــــن وشــــطــــاره

من روس قوم(ن) ماتحسب المخاسير
عــاداتــهــم بـالـطــيــب كـــســـب الـــصـــداره

جــعــافـــره لاصـــــــار بــالــوقـــت تـقــصــيــر
يـــردون حـــوض الـمــوت غّـــي وجـســاره

يقـولـهـا الـلــي صـخــر الـقــاف تـصـخـيـر
ولـــه فـــي مـجــال الـحــرف فــــن ومــهــاره

خـــوتــــك تـــشــــرى بــالــذهـــب والـدنــانــيــر
ويـــزيـــد حـــرفــــي فـــــــي جــنــابـــك وقـــــــاره

شــاعـــر ولـــــك عــنـــدي مـــعـــزه وتــقــديــر
اقـــولـــهـــا مـــــــــن راس يــــقـــــدح ســــطـــــاره

صـورتــلــك مـــــا لآج بـالـنـفــس تـصــويــر
وارســلــتـــهـــا احـــــلـــــى ســــــــــلام بـــــوقــــــاره
ا
لـــذ واصـفــى مــــن حـلـيــب المـصـاغـيـر
وانــقـــى مـــــن الـــمـــي الـــقـــراح بــغــضــاره

وسـجـلـتــهــا لــعــيـــون شـــيــــخ الـمـنـاعــيــر
لـلــشــاعــر الـــلــــي يــســتــحــق الــــصــــدراه
.
.
.
الصدى :


سر ياقلم وانثر بديع التفاكير=على الورق للي حليمٍ بجاره
متوشحٍ بالورد وازهى النواوير=واجمل حروف القاف اقطف ثماره
تلفي لابو موسى نديم المناعير=المرجلي عنوان طيب ووقاره
سلطان حرف ومنزله بالهوامير=منبع قصيد وفكر زاهب شراره
في مجلسٍ مدهال روس البواتير=على الكرم مبناه وايضاً عماره
سلم عليه وعطه رد التباشير=صدى جوابٍ وافيٍ في مداره
قله عشيرك ياعشيره على الخير=والشر هيّن دام فينا نعاره
يشري غلاكم ويتشرف بتقدير=والشعر دوله وانت فيها الاماره
من عالي قومٍ مابها علم تقصير=تاريخها واضح من اول حضاره
ماتنطفي نارك على الدوم تسعير=والصقر ينجب صقر جنسه وكاره
نشفق على خوة هل الطيب والغير=لو طبّلت ما والله نقرب مساره
يالوايلي لو كان للود تصوير=بيّن غلاك ومجلسك بالصداره
اقولها والطير لا عاشر الطير=تشابهوا والكل يعكس مناره
مايجتمع حرٍ ووكري بتعبير=هذا بخشاش وذاك باعلى السماره
كتبتها ردٍ على قافٍ منير=لمحمد الرويان راعي الجداره

[أبو غرام]

عذرا لعدم تنسيق
نص الشاعر محمد

ولكن لاني نسخت نصه من موقع آخر
بينما نصي متواجد لدي

.. تنويه ..

[أبو غرام]

الكل في نومه يخم المخده=وانا عشير الليل والنوم مابيه

منهو يبادلني جروح الموده=يسهر معي ليله على ذكر ماضيه

نجم الوفا غايب وتاه بمصده=واهل السهر تنعى خوافي تغاضيه

ما للهنا جره ونوض ومرده=ضاعت مطاريشه مع أول تعاليه

الله يسامح صاحبي في ملده=ورّثني السهره على ندب طاريه

اقولها والقلب ماضاق حده=اوسع من الدنيا على ما مشت فيه

لاشك والهاجس فلا باح سده=الا على اللي واضحاتٍ مماشيه

ومنهو يسامرني على كيف وده=يمكن يجيه النوم لا قال مافيه

[أبو غرام]

دنيا غريبه رزت زعيط ومعيط=ضفت هطاليس البشر في زريبه
قامت تنطط والبلا زود تنطيط=وعين الحيا مردوم فوقه قليبه
جَمعة ردا ياجعلها لهفّة مقيط=متفرحثه بالشين دوم بغليبه
زعيط ينخى معيط يرجيه تنقيط=ومعيط لولا زعيط مافاح عيبه
توالفوا في مخنزٍ دون تخطيط=والطير يغلي الطير لامسى صحيبه
اشكالهم واجد .. يجي بعدها .. طـيـط=يالله تزيل امثالهم بالمصيبه
اقولها واللي بثرها .. بعد .. طيط =وفعلاً على ماقيل دنيا غريبه


* الغرض من طيط هنا :

الايحاء أن هنالك نص أو عباره تم حذفها ..بمعنى : جزء من النص مفقود

وهذه هي فكرة الموضوع



** وضع صوت داخل النص **

[أبو غرام]

يقول الشاعر ابو خالد
خلف الغريب :


يا قلب لا تضيق من دربك ومشواره=تكفى ترى البرق لاح الهمه الهمه
مس الاعنه لخيل الصبر ومهاره=وميدان صدرك فسيح وذمتك ذمه
درب المعزه حرام تردك اخطاره=اصبر على الشوك حتى تصعد القمه
والوقت لو كرر الغاره ورى الغاره=هذي طبوعه حلاه يذوب في سمه
مادمت مؤمن بربك فارض بقداره=والغيب ما اعطاه ربي صفوة الامه
ياحسين قلبي من اسبابك ضرب طاره=ومن اول يخطي الهاجوس ويخمه
ادير الافكار والايام غداره=هذي مطمه تروح وتقبل مطمه
المبتدا في زمان البس والفاره=مكسور لو قيل لك مرفوع بالضمه
وقت تعلت به اشراره على اخياره=ياطا العزيز ويعز النذل ما همه
يضحك ويبكي رزين العقل بادواره=والنور غطوه عنا عميه وصمه


فكان ردي :


يكفيك من منطلق شوفتك للحاره=كيف الشوارع ترز العفن والرمه
كيف العيون اتكابر عالي اسواره=لو ماعطاها لزاهي المجلس تلمه
الوقت ياخوك غامض غير اسراره=دنياه دنيا غدى فِمسلكه رمه
والطيب لو ينتشر ويفوح نواره=ريح العفن تقطعه بالساع متشمه
الصبر والعزم والهوجاس واغواره=مظلةٍ تمنع الطيحات بالغمه
والحظ والعرف والتخطيط وانواره=مع ماسبق تنتهض بالشخص وتزمه
هذي حقايق زمانٍ غير اطواره=في منهجه نرصد التغيير بالدمه
اكبر مصيبه يشك الجار في جاره=وش ترتجي من زمن غابر بلا ذمه

[أبو غرام]

وهذه ايضاً كانت من بيننا
وتشرفت ولازلت اتشرف بالتجاوب معه




ليش اضّيقها وهي اصلا ضياق=وليش اقصّرها وهي عدة سنين
العمر لو طال يختم بالفراق=وكلنا عن هالحياة مفارقين
من قبل تاكل من الدنيا طراق=عيش عمرك منت عايش مرتين
لا تحسب للسمين وللدقاق=الدقاق يزول ويزول السمين
وانظر بقلبك شف احوال العراق=تقتنع لاشفت دار الرافدين
والهموم اللي على قلبك رواق=فلها بالصبر والذكر المبين
ماحدن مع هالزمن سوى اتفاق=يوم عسر ويوم يسر ويوم بين
غامر بدنياك لو فيها اصطفاق=دلو ماء ودلو نص ودلو طين
مايزيد الرزق كثر الاحتراق=ولاينقص فيه حبك للثمين
ولايجي بالهم والا بالطقاق=ولابحرقة قلب والا سهر عين
القناعه كنز طول الدهر باق=والطمع ضيع كنوز الطامعين
واللوازم ودها رجل حقاق=دون ستر الوجه لايمكن يلين
بس حاول مايجي منك نفاق=وش حلاة الادمي من دون دين ؟



الصدى




في مسير العمر وقفه وانسياق=ودرب مظلم آخره واضح مبين
ياعشيري لاتقول الوقت ضاق=الجمل كتفه على الدايم متين
مايضيق ولايعيق ولا يعاق=عارفن قدره مع السر الدفين
لا اكتسيت الدين وايقنت المذاق=تكتشف دنياك مافيها غبين
والبلد لاشفتها تاكل طراق=اصح واعلم تالي الفسقه انين
اسع واسبح البحر وسطه عماق=وإنتشل در الجواهر والثمين
واحذر الهفوه سمينه والدقاق=لو يفوت الدق مافات السمين
العمر شاشة بياضن في براق=والخطا نقطة سوادن بالجبين
واللوازم مابها ميل وحقاق=واجبن توفيه مادامك رزين
الفتى حرن يطيق اللي يطاق=وان تمادى الوضع عدل باليمين
والحياة ابواب له فكرن وساق=وجاشن اجسر بالمصاعب مايلين
ان زهى بك حظ فجيت الزراق= وان تردى ماهو مقسومن يزين
الرضا تفاحة الصبر ورواق=عن هبوب السخط يوم الوقت شين
والحظيظ اللي مسيره بالفواق=ولامشى ماهو مدان ولامدين

[أبو غرام]

http://www.weelan.org/misc/weelan_c2df4c968558d267cc2de7de0e01e615.jpg





لو اكن الصوت يفضحن العيون=دام سدي فاح بيّن ماخفاه
الحزن والهم وأطياف الشجون=ديمةٍ هلت على جمري غضاه
مانفعني كثر تشييد الحصون=القدر وبله من أعلاه وسماه
ياجنون العشق ياعشق الجنون=ياعذاب القلب ياشعرة غلاه
ياهيام الروح يالروح الفتون=ياضباب الانس يالبرد ودفاه
يالعنود الفارع الخجلى المصون=يا أميرة حرف واحساس ومهاه
ياطشاشة عف في وقت المجون=يالطيفة حس وعظام ونباه
يابياض الثلج عن سود الظنون=يارحيق الشهد يازهرة حياه
في حضورك اكتمل مال وبنون=وفي غيابك دارت الدنيا ورحاه
مايهون الوضع عيا لا يهون=لوعة الفرقى شديده في لظاه
كنت اشوفك ضي فكر وزيزفون=كنت اعدك سدرة الحب وبقاه
كنت اظن الموت له قلبٍ حنون=ناسي انه عبد خادم للإله
يا إله الكون لك حمدٍ منون=والمصايب درب شايك للنجاه
طالبك يارب تفرغ للمتون=صبر وافر يروي الجاش وظماه
وطالبك مابين كاف وبين نون=تجمع الارواح بالجنه معاه
مانفعني كثر تشييد الحصون=القدر وبله من اعلاه وسماه
راضينٍ باللي جرالي لو يكون=جرح بعده غايرٍ وسط اللهاه
الصبر وإن كان فن من الفنون= الرضا تفاحته روضة جناه

[أبو غرام]

للكل اصحاب يفخر بهم وهم زملاء واصحاب له
منذ القدم
وانا كذلك .. ولهذه اتت هذه القصيده



شاش الفكر والقاف من شوشتي شاش=فـاض وتزبـد وانحـدر مـن مسيلـه
اروى قوافـل وافقـت وبـل ورشـاش=تـارد بحـور الشعـر تنهـل جزيلـه
تكتب عن الهقـوات كيـف الغثـا راش=وتسـرد حقايـق كاشفـه للهميـلـه
هبيتـي ياصحبـة ردى دربهـا مـاش=بانـت بوايـن جهلهـا مـن رزيـلـه
جذره عميق وزادها النبـت بخشـاش=ماتنتهـض مـادام روحــه قتيـلـه
ترضى تعيش العمر اسمه مع الـلاش=مـن ضيعتـه عيـت تسـوي جميلـه
كل الفعايـل عندهـا نقـص واقـراش=في سلمهـا بالطيـب محـدن يجيلـه
ودك تركـه بالخفـا داخـل خـيـاش=ترمي بها عرض البحـر مـع طويلـه
دام الشجر مايـل وسيقانـه هشـاش=مابـه ثمـر وان قلـت مابـه ظليلـه
جث الجذور اوفق من مقابـل اكـداش=والغرس حرثـه يجلـب اللـي تخيلـه
وشاش الفكر والقاف من شوشتي شاش=هـاض وتزبـد وانتثـر مـن مسيلـه
من صحبتن شاشت وشوّش لها الجاش=عنـد اللقـا تسـوى ربـوع وقبيلـه
حيـاكِ ياخـوة غـلا نهجهـا عـاش=علـى النقـا والطيـب دايـم حصيلـه
تاقف مواقـف ثابتـه مابهـا غشـاش=عكس الجمـوع اللـي تبـور بعميلـه
ثلـه ولكـن عـن طوابيـر واجيـاش=صملاتهـا تبـري الجـروح العليـلـه
اولهم اللي جاشه ابيض مـن الشـاش=عنـد اللقـا بالحـق يوفـي قبيـلـه
والثاني اللـي مدتـه ماهـي طشـاش=يكفيـك لوهـي ظاهـره مـن قليلـه
والثالث اللـي ماهـو نجـسٍ ونبـاش=يفـرض عليـك الـود قـدره تشيلـه
الكـل منهـم ماخـذن طيبـه وحـاش=مـع الكـرم والجـود يمنـى صهيلـه
والكل منهـم لا لفـى ميـل وغبـاش=ينـزل بكتـفـه للحـمـول الثقيـلـه
خالد وماجـد خصمهـم دوم منـداش=وسالـم معاهـم بالفـعـل مانزيـلـه
متكامليـن(ن) دون تفنيـد ونـقـاش=حازوا على الطـولات مـن دون ميلـه
هذي حقيقـة ماوصـل قلبـي ونـاش=من صحبـةٍ شافـت بصـدري نثيلـه
ظللتهم مـار الـردي فـض وانحـاش=عنـد اختبـاره صـار قلبـه دليـلـه
ذل وتخبـى مارفـع راسـه وهــاش=محـدن بقـى ياكـود نسـل الاصيلـه
فيهم كتبـت الشعـر تقديـر وانعـاش=للرفقـة اللـي مانـمـت به هزيـلـه
ومنهم فرقت الطيب عن شلـة ادبـاش=عاشـت حياتـه ظاريـه لذليـلـه
وختامها صلوا عـدد خفقـة الجـاش=على النبـي هـادي البشـر للفضيلـه

[أبو غرام]

http://www.weelan.org/misc/weelan_343708476.jpg
نص شرفني أخي رعد الشمري بنشره
فله الشكر والعرفان مني .. فهو خادم للشعر والشعراء المبدعين
واختارني منهم .. فله مني كل الشكر والتقدير ماحييت
واختياره وشهادته وسام على صدري اعتز به وافاخر

http://www.weelan.org/misc/weelan_5175_94192502021_570202021_1870480_3859900_ n.jpg



عزي لقلبٍ ربّعت به صواديف=وألحانها من نزف جرحه تجره
تسمر على ليل العنا والتكاليف=وتطرب على شكوى القضى والمضره
وان كانها تضفي على القلب وتضيف=اضفت بلاوي كايده ماتسره
حمله ثقيل وباقي الحمل ماشيف=ولو ينتخي بالعزم فالعزم غره
خارت مطايا هقوته والتحاسيف=انشت سحابة دمعته من مقره
يسبق خياله برق ورعود ويقيف=يمنع شموخه هل وبله ودره
تسمع صهيل الضيم في خايع الريف=وتلمح على خديه كره وفره
كنه جمع حظه وزين التصاريف=وفي ظلمة الحرمان فكه وذره
ماعاد باقي له مع الوقت تعريف=على ضفاف الهم محدن يمره
قل الفرج ياكود طرق التواصيف=يطفي بها نارٍ بصدره تحره
باسه شديد ولا لقى له مجاديف=تاه بعذابه والبحر ضاع بره
من شاهده بالعين صدّق بلا زيف= ان النوايب تكسر اللي تمره
العام تذكر ضحكته باول الصيف=واليوم كن الضحك مايوم مره
يالله انا طالبك حقق له الكيف=عسى السعد ياتيه بالعمر مره
قلبٍ عرفته همسته حيف ياحيف=وإليا نطق دعيت لله دره
يرجي من الرحمن صبرٍ وتخفيف=ويبعد خفوقه عن تدابير شره

[أبو غرام]

http://www.weelan.org/misc/weelan_goldvish_6.jpg




انتي الغلا يا مهجة القلب والبال=وانتي رجا ضلوعٍ لشخصٍ يودك
ياغاليه لو يكثر القيل والقال=واكتب رسايل في هواك ومصدك
مابان لك خافي شقا الفكر والحال=ونفسٍ تنوح بدوم ليتن بحدك
مار الوكاد العمر لازل ماطال=ويكفيني اسعد بالرسايل وردك

[أبو غرام]

كان هذا رد من الشاعر .. محمد بن موسى

على نص حول النوم وتجافيه


ياللـي لقـيـت العـلـم بالله وده
.......................................وده علـى جائـز يفسـر معانيـه
وعطه الجواب وصافيـات المـوده
...................................وقله عسى الله يسعده فـي لياليـه
يالله عساك بطـول عمـره تمـده
.................................وتعطية من طيب الرغد لين ترضيه
لاشـك ياللـي فارقتـك المـخـده
....................................ومره تخم النـوم عينـك وتخطيـه
ذكرتنـي ياصـاح باللـي نــوده
......................................اللي يسر ويبهـج القلـب طاريـه
اللي ظروفـه عـن لقانـا تحـده
..................................واتلى العهد به يشكي الظيم والتيـه
هيضتني وانـا علـى بحـر جـده
.....................................وبيحت سرن للملا كنـت مخفيـه
اطلب عسى ربـك علينـا يـرده
...................................وترتاح عيني يوم نقـراء قوافيـه


وكان هذا هو الرد



الله يرد صويحبك من مصده=تسعد به عيونك على شوف قافيه
وطير الحشا من زود فرحك تهده=وتردد ابياته علشان تعطيه
فرحة لقا تاتي عقب طول مده=من دون علمك تنذهل في تمثنيه
تقرا كتابه ثمّ تعرف مرده=عن غيبته واللي غدا له بماضيه
يشرح لك اسبابه ويحلف بجده=ومن لهفتك تنسى عن الحلف تنهيه
مشتاق وقوله مامضى ارجوك عده=وانت بغرامك تايه وحالتك .. ايه
ماتنوصف ياللي على بحر جده=لذة شعورٍ بين قاضي وقاضيه
هذا رجا اللي عاف نوم المخده=يسهر طوال الليل والنوم جافيه
إنك تعيش العمر زاهي بحده=وتنسى زمان الهجر واللي جرى فيه


والشاعر محمد بن موسى من القلة القلائل الذين يفخر بهم الشعر وينتهض
اتشرف بالتحاور شعريا وفكريا معه

[أبو غرام]

http://img105.herosh.com/2010/07/31/585137869.jpg


http://www.weelan.org/misc/weelan_ffe71a39fc2bbbd03d035471eb58e99e.mp3

قصيدة افخر بأنها تكون في الغالي الصديق
ماجد ابن غانم الهياف الجعفري العنزي
وقد قيلت في حفل زفافه
وماقيل فيه قليل فهو يستحق ذلك وزياده

المشاركه كانت :
.
.


من طلعة الدنيا وهي تقرن اشباه=الذيب كفوه ذيب والعفن زيه
هذا مع هذا يباريه بخطاه=وهذا مع هذا فلا شاع ضيه
يعني المراجل مالها غير منصاه=قومٍ تحوش الطيب والنار حيه
مايجتمع في ماكره كود شرواه=العفن ماله في ذرى الجود فيه
وانا افتخر في عرفة الطيب واظماه=وافخر بعرف اهل المراجل سويه
ادري بكم .. ما جابكم .. غير ممشاه=يكفي .. لكم .. في حفلة القرم جيه
ماجد ابن هياف وينبيك مسماه=الجعفري رمز الوفا والحميه
ضف المراجل في عبايته برضاه=وحسن النبا جمّله عند البريه
مريحمي الجد لا جيت منشاه=يعني عزيز الجاه نفسه ابيه
رفيق عمر واضحٍ منه مبداه=على النقا ثابت وجزل العطيه
افخر بعرفه وافتخر في مزاياه=مدامني مثله على الدرب زيه
عشرة سنين ماهو توه عرفناه=وفوقه رحيم ولابته وايليه
افخر بعرفه واتفاخر بطرياه=وافرح لعرسه كني اليوم خيه
الله يبارك له عسى السعد يهناه=تمضي ليالي العمر حاله هنيه
في حفلته جينا علشان نلقاه=والقاف ترجم ماخفى من خويه
ومن طلعة الدنيا وهي تجمع اشباه=الذيب كفوه ذيب والعفن زيه


في الختام
سامح الله المصورين .. اللي على كثرهم .. محد قال ياولد انتبه ترى نبي نصورك :D
طلعت صوري اللهم يا كافي .. مره فاتح الفرّه ومره تقل نايم ,,والحقيقه كنت ألخس ابو عيد وهو يكتب قصيدته
:p
وبالاخير .. افخر بمعرفة ابو غانم .. والحكمة تقول :
عن المرء لا تسل وسل عن قرينه...فكل قرينٍ بالمقارن يقتدي

كذلك لا انسى شكر من مدني بالصوت .. فشكراً له .. ومن فضل ربي أنها لاقت استحسان الحضور
وكان التصفيق دافعاً لي :rolleyes: .. وسبباً في إعتمادي على الحفظ كثيراً والذي طمس معالم بعض الكلمات وأوجد التشابه هههههههه ^_^

علماً بأنه لم يظهر في الصوت إلا من هم حول من سجل الصوت<< يبي يعلمكم إن كل القاعه صفقت له :D
هههههههههههههههه
عموماً شكرا له .. وعسى ان نكون تجملنا عند ابو غانم


:)

[أبو غرام]

كيبورديه للتواصل مع قلوبكم الطاهره ..
ونص في طور النمو .. توقفت ها هنا حيث النوم غلبني ..


الجاش بور وجرهد الحب قاسي=والعين ترقب والهوى ناقص ارباح
واللي لفاني صاغرٍ عن مقاسي=واللي تبيه النفس غايب ولا لاح
طرفة حضورٍ ساسها من يباسي=والحظ عاثر يوم خلي غصب راح
الله وأكبر يالعيون النعاسي= من بعدكن عذب الشعر محزمه طاح
صكت عليه هموم قلب الكراسي=والمعضله من صعبها عطرها فاح
من عقب مارجمه عظيمٍ وراسي=ما تشكله قو العواصف والارياح
اليوم تلعبه صغار المآسي=لو هي هبايب وهجها بان منزاح

[أبو غرام]

هاض الضمير وبيّح القلب مكنون
وسالت عروق العشق عقب اليباسه
.
.
احيت غرامن كان ميت ومدفون
وادفت ضلوعن مالقت له لباسه

[أبو غرام]

تدري وش اللي يحرق القلب ويغيض=شوفة حقيرٍ ماخذن فوق قدره
وتدري وش اللي يثلج الصدر ويعيض=لامن تثارى الوقت واجتث جذره

[أبو غرام]

مثل الصباح الحلو لا عانـق الغيـم=تدامجوا واستنزفـوا وبـل همّـال
احيوا نبات الارض والخلق ترنيـم=الكـل منهـم غيّـر اليابـس لبـال
فرحة مطر يفرح بها القلب ويهيـم=يسرح بها فكره من الجـال للجـال
نشوة حياة الناس هـزه نبـا غيـم=ونشوة حياتي هزها طيّـب الفـال
في رجعته غّيم على جـوي الديـم=بل العروق اليابسـه حـرّك آمـال
نوّر حيـاة القلـب والقلـب ماليـم=ومن لام قلبي جعل قلبه على الصال
شيخن يكف المجد ويشيـل ويقيـم=يركز بيارق شيخته وين مـا مـال
حاف الكرم والجود من دون ترقيـم=وباب الشجاعه مثبتـه دوم بافعـال
كم من عظيمن حاول لدارنـا يظيـم=وامسى غبين مكبله يديـه باغـلال
ولي عهدن ذكره يرفع بـه الريـم=عن باقي الغزلان يِطرَق لها البـال
شيخن على داره كما صقرن يحيـم=يحمي حماها عن هوى كـل عيّـال
هذي حقيقـة صاحبـي دون تعتيـم=مثل الضيا نوّر لي الجاش والحـال
اسرح معه بالفكر طربـان واشيـم=وعن هرجة العدوان حطيت الاقفـال
يالله لك الحمد وعسى وضعه يديـم=يبقى لنا وجـه السعـد دوم بقبـال
كتبتها فـي لحظـة اعـلان تعميـم=نشوة فرح في رجعته طيّب الفـال

[أبو غرام]

دام الصداقه ما لها جذر وشروك=اضرب عليها الإكس وإلعن ثواها
ملعون ابو من يجحد الطيب .. صعلوك=ومن باع خوة صاحبه ماشراها
الرفقة اللي مابها عقد وصكوك=اموثقه بالطيب في محتواها
ماتنبغى لو جمّلوها وجابوك=وقالوا تفضلها على ما تراها
لابو العفانه لابو عرفتك لابوك=يابن الردي .. ديرتك ماني بسماها
يمنايَ ارفع من مصافحك يالعوك=يسرايَ تكرم عن ميامن طماها
انا عشير اللي الى جو حطوك=باقصى المراجل .. واقفٍ من وراها
نسل النشامى ماهم نسلٍ من ابوك=والنايفه تصعب على من بغاها
مايكسبه هافي وضايع و معكوك =غير النشامى ما يتناول مداها
علاقتي معهم مهي .. عطني ودوك=على النقا نمشي وواضح خفاها
لاجيت انادي فردهم قلت : ياخوك=احرص على عمق الصداقه معاها
روحي فداهم .. فوقها كامل البوك=كل الذي املك فدا في ذراها
اكسب معرفتهم ولا يبعدن شوك=كله ولا اخسر مشاهد ضياها
هذي الصداقه ساسها جذر وشروك=تنحت صخر والعفن يكتب بماها

[أبو غرام]

ياويل جاشي على شوفك ولقياكي=وياشيب عيني من الحرمان والصده
هايم بحبك وروحي حيل تبغاكي=والحظ الاقشر وقفلي بأول الحده
قلبي هوى الشرق لا ذعذع بذكراكي=منكي صويب الحشا ينعى هبا كده

[أبو غرام]

التايهه والناقصه وان لفتني=جنبتها مدامها من ورى بنت
اشيم ولو هي بالخطايا رمتني=دامي جبل للطيب اصغيت واذعنت
اغلب ولاهي بالردى غالبتني=البحر ما ضره زقاره من الكنت
خلَّه على ما تشتهي وان جفتني=ما طاح من نجم السما طاح لا هنت
وان كان وِدَه بالخبر لا بغتني=تلقى جديدي ناشره وإسمها ..إنت
حصري لذكرى عشتها واحتوتني=مضمونها في وصفها صيغته .. كنت

[أبو غرام]

بعض البشر رايه يساوي ملايين=وبعض لبداه ناكس على المرح

[أبو غرام]

تبطي عظم ما تاصل اللي تريده=وان قاله الله ماتنول العوافي
منت بجبل انت الهدف والطريده=وانا النجم اللي ضربك بقوافي
عند اللقا معروف.. كفوك ..شريده=اسبق من الغزلان وقت الخوافي
ومن البخل سفرتك دايم جريده=وبين البشر علمك من اهل الهوافي
حتى بدينك منت صاحب فريده=ضايع ولا تعرف اصول الطوافي
لا ترتكز مدامك ابن المريده=تقصر يمينك مابها اية دوافي
اباخذ اللي آخذه او اريده=وإن كان لك حيله فخلك توافي
وتبطي عظم ما تاصل اللي تريده=وان قاله الله ماتنول العوافي

[أبو غرام]

بما إني كتبت كيبورديه عن الاحساس في الالعاب
مشت معي الفكره وقلت اكملها هنا ^_^
بس مدري ليه
حبيت أغير
^_^
ويارب تكون حلوه ومهضومه



إحساسي إني فاقدٍ شخصٍ أغليه=وإحساسه إني دالهنٍ في حياتي
لا والذي سواه ماني بناسيه=لكن على ماقيل كاتم بذاتي
صابر على فرقاه والعين ترجيه=والصمت بصمة موقفي لي وفاتي
يحرم علي اتبع خطاوي هقاويه=عمر النخل ما مال عند المماتي
أقولها والقلب لا شك يغليه=يكفيه قولة هاجسي : يا غناتي
الله يسامح خافقه في تجنيه=ظنه اعيش العمر مسلى واحاتي
مايدري ان الحب غدرى مواريه=وجهه .. هَنا .. وإقفايته .. بالشتاتي
منهو خنع له .. طاح .. قبّل مواطيه=وامست حياته مثل بعض الخواتي
ومنهو شمخ .. ما طاع .. نوّخ مماشيه=يبقى جبل لو كان جوفه رفاتي
هذي الحقيقه ماتبي صوت توحيه=كتبتها والفكر عارف ُمناتي
ردٍ على اللي ظن جاشي عثى فيه=واني اعيش العمر وأجمل حياتي
وإحساسي إني فاقدٍ شخصٍ أغليه= يعني كئيب وحالتي بنحتاتي

وسلامتكم

[أبو غرام]

كثرة المحاسيس ^_^


احساسي اني فاقدٍ شخصٍ اغليه=واحساسه اني دالهٍ في مصده
لا والذي سواه ماني بناسيه=لكن على ماقيل بالصبر شده
بصبر على جفواه والعين تنعيه=واجحد محاسيسٍ تراجي مرده

[أبو غرام]

دعابه مع العزيز والغالي

محمد بن موسى المرجلي

العشير



بالمنتدى ماتقدر تبيح بفكارك=خصٍ اذا جالك محمد على الطاري
شخصٍ كريمٍ لكن يغابش اسرارك=لولا الحيا يمكن يطالبك بالباري
شامخ على الألعاب ويراقب اسوارك=عينه كما الدربيل وإلا طلق ناري
حتى عوض يشناه : ياطير ما طارك=وإلى زعل اوعزه : هيا إلى الساري
لله ولا كونن يباريكِ في كارك=تقتل قتيلك وانت كنك و لاداري
ياخوك كف البحث و افرط لي اخبارك=فل الشريط بقافٍ أحلى من اشعاري
خل نتحاور ضحك ..نكتب على: آرك=مدامنا جيران .. جدرك على جداري

[أبو غرام]

في حفل إخوان الكريم والعزيز تركي صالح وسالم صالح

كانت لي هذه الابيات كمشاركه :


مبروك يامسلط وسلطان=طير السعد يمكم شدا
جينا ملبينِ للإخوان=ولمعانق اللي لكم بدا
طلق الوجيه أوفق الخلان=وربعٍ على الطيب تتعدا
في حفلكم نطرب القيفان=الجاش من شانكم ندا




الله يتمم حفلكم والتباشير=دعوة محبٍ صاغها في سطوره
يقطف جميل القاف واحلى التعابير=وينثر شذى زفراتها في حضوره
شاعر وجاشه ممتلي بالتصاوير=وبله .. طشاشه .. شد قوم وقصوره
تاقف مسامع منصته من بواتير=والى انتهى جادوا بصفقه و ثوره
ينبت لهم في عالي الفكر تنوير=ويمدهم بالنور من وهج نوره
في قاعةٍ ضمت حضور وطوابير=حراسها شاشوا على جال سوره
ترحابهم : أهلاً هلا .. بالمناعير=ومنزالهم : أهلاً هلا .. بالصقوره
منشانهم تسهل وتقصر مشاوير=والقاف يزهى في محاجر جهوره
الله يتمم حفلهم بالتباشير=دعوة محبٍ صاغها من شعوره
والله يجمّلنا على سرع تحضير=في ليلةٍ فيها المشاعر جسوره

وهم وخالقي إخوان عزيزين لإخوان عزيزين
أعتز وأفخر بمعرفتهم جميعاً

[أبو غرام]

بعد الدعابه الكيبورديه للغالي محمد
اتت
هذه الكيبورديه الثانيه ...... ويظهر ان المواصل يحرك الفكر كثيراً
((يكثّر الكيبورديات .. ويوضّح وجهات النظر ^_^))

.
.
.
علّها ترتقي لذائقتكم



ناض الضمير اللي من العام مكلوم=هاض وتفجر وانبعث من مخافه
درّج على عوجٍ هواهن بزيزوم=فتّت حياهن واسود الثوب عافه
سبة رجا اضحى طريدٍ بلا لوم=الحلم كايد لو يقولوا خرافه
الله يلوم اللي يلومه على الدوم=من عاش بالذله حياته كلافه
يمنى الشجيع ان وافقت حفنة رخوم=تمسي هوان وتشتكي ألف آفه
بعض السكوت يحطك بخانة البوم=لو كنت طيب ساسك من الغرافه
الصبر جنه لكن الفعل معلوم=يبقى رصيدٍ للذي غصب حافه
سر يا ضميري واكتب العهد مبروم=لا .. لا تجامل ..عفنٍ .. القلب .. شافه
لا عاد تكسر بالرفق شخص وتسوم=ماترفعك قولة مخاوي لتافه
انا نديمٍ للعلا حرٍ احوم=اشيم عن دنس النوايا وقرافه
مليت قول الحكي فضه ومذموم=واصبر واصابر واتغيشم واسافه
واقول ياليت الحكي صف مردوم=والا المحاجر مثل عنق الزرافه
وان المخابي تجمع اطياب ورموم=حتى الذهب .. صفوه .. يعاني شفافه
ناسي وغادي والفكر ومضه غيوم=بامر الولي لا جاك فاض بضفافه
منه ذكرت السلة اللي بها الكوم=تفاحها أخضر ولا من نظافه
تمسي خمج والدود يبني بها رجوم=عقب الغلا تقلع و يرجى ذلافه
هذي الحقيقه والعمر قدر قمقوم=زل التجارب وانتهى من جفافه
لا ..لا تجامل يا ضميري من اليوم=صفّ الذهب من عتمةٍ في خلافه
وناض الضمير اللي من العام مكلوم=هاض وتفجر وانبعث من مخافه
درّج على عوجٍ هواهن بزيزوم=فتّت حياهن واسود الثوب عافه
سبة رجا اضحى طريدٍ بلا لوم=الحلم كايد لو يقولوا خرافه


وســـــــــلااااااااااااااامــتــكـم

[أبو غرام]

ليه ياقلبي تدور ولا تِقَرّْب=خايفٍ من طعنةٍ عقب الأمان؟
كان حظك بالخفايا ماتِجَرّْب=صفّ نية خافقك وإنخ الزمان


.
.
.
جائز المليحان

[أبو غرام]

كان هذا رد الشاعر الجميل والحبيب
وصاحب الجيوش الشعريه ابو مسوى ^_^
وماهو صاحي للامانه <<< يحاول يطلّع على ابو موسى اشاعه ^_^




لبيه جيتك اجاري حرفك وآرك=ياللي من الناس تنشدني عن اخباري
جيتك بجيش القوافي في عقر دارك=متحيزم(ن) في جديد القاف واشعاري
شمّر عن ايديك جيتك رافض اعذارك=عادتك صنديد بين الناس مغواري
وابيك تشرح لزواري وزوارك=عن سر قلبك قبل لكشف لك اسراري
خابرك وافي ونبغى نسمع اشوارك=باللي هجرني وفارق زوله اسواري
اما انت تفّصح وتكتب كفك اقرارك=والا انت تطفي لهيبً يحرق ازهاري
مابيك ؟وقت الشدايد ياجمل بارك= ابيك تنهض تشيل الحمّل ياجاري


ويوم شفته تسذاااا .. قالت ماله الا الهروب منه .. بأني أجيب العيد <<< أمحق فكر ^_^


هات القلم سجل على المحضر لجارك=ابيات شعرٍ تجيب العيد ياجاري
ابعترف واستقر مدامني بدارك=ولاني بخايف وعمري في ذرى الباري
غروٍ صدفته .. سبقته : حلوه اسوارك=فيها المعالي تشابه عالي اسواري
لد وتبسم وقال الكار من كارك=واصنافنا نادره بالحيل يا كاري
قلت البقا في وفا افكاري وافكارك=والوضع مزري وعرفك صار اجباري
انا السكير ومتيم في هوى بارك=ياخمرةٍ فاخره سميتها باري
من بعدها ضيقة المغبون في جارك=لاعاش سكره ولا خمره ولا طاري
نفحة شقا قلتها اطفي بها نارك=وإقفل محاضرك ياخلي عن اخباري
ومن بعدها طرّف الهين من اسرارك=واياك والعيد .. تاتي به على داري



هذا ماتم إلى اللحظة هذي ... جائز المليحان .. ويلان ^_^
هههههههههههه

[أبو غرام]

كيبورديه صباحيه ايضاً ...



جيتك على وضح النقا طالب رضاك=اسوق يمنى الود وتشوح غيثك
مزنك عشيري عاقبت نفس تنخاك=عدت على ماقيل : ياشوق ليتك
ما عاد لك بالعشق روحٍ تمناك=الجوف خالي شمعته دون زيتك
روضي خضر يوم المحاني تذرّاك=يومك تقول البيت ياخل بيتك
واليوم بعد الغدر ماوالله ارجاك=قاضي وعدلك بالهجر وإرتضيتك
يحرم علي اقول نفسي تحراك=لو طال وقتك يالخطا ما جفيتك
وان قاله الله وجيت ياغير آطاك=واقول سمّ الظيم منّه سقيتك
ودي مثل كرهي على الكل يجزاك=كثر الذي تعطيه أنا عطيتك
وحده بوحده ودامها هيك مابغاك=ماني صحيب وخل عنّك : فديتك



الله والعالم بستمر اواصل ثاني مره عشان بس اقصد
ههههههههههههههه والله يستر

[أبو غرام]

يا محمد الرويان بكشف لك احساس=خافي وعين الحسد لا لا تشوفه
من زود خوفي يابيض القلب ينداس=حتى خليلي ما عطيته وصوفه
هيبة يباس الجوف لا قلت يا ناس=عيّت على عين المعنّى تحوفه
الود فايق والغلا فاس بالراس=والبوح مابيّن حقايق نشوفه
مترادفين الضد والكل بالكاس=والموت كان الصمت سبّب عزوفه
ويا سرّي المدفون لا باس لا باس=محمد الرويان اعرف ظروفه
احرص من الضبه على جمع حراس=والطيب وسمه والنصايح حروفه
يمه زعجت القاف مكتوب بانفاس=لانه حكيم وسر خله يروفه

[أبو غرام]

كان هذا رد الشاعر المجنون شعرياً
ابو موسى ...

<< طش الغتره مع الطاقيه ويقول لعيونك يابو احمد


:more55:


اهلاً هلا يالوايلي عذب الاحساس =يامقلّط الجزلات واجب ضيوفه
ايوالله احضر وافتخر وارفع الراس=مادام مثلك حاضر(ن) مانعوفه
انصاك لو دونك جموع(ن) وحراس=وماهمنا لوصار فيها كلوفه
ابشر بعزك لو بها يقطع الراس=وينشال من فوق المتن مع كتوفه
آقف معك مثل المهلهل لجساس=واللي يقّرب غير يلقى حتوفه
وان كانها بالبعّد مع عذب الانفاس=لعيون جائز غير بيته نحوفه
مدامها طيبه ونخوة ونوماس= نرضي اهلها لين تقضّب كفوفه
وان كانها بالغصّب لندق الاجراس=لضرب بصفي ما احتمي من صفوفه
لـ( أجيه ) تالي الليل يالذيب عساس =ومع الشروق تشوف عينك وصوفه
هذا جوابي يافتى الجود بقياس =عشرة بيوت أبدون نقص وحسوفه



وانا اقول بيّض الله وجهك يابو موسى
وتقول وتفعل يالبناخي

[أبو غرام]

اعترف لك مابقى بالعمر شي=حتى اني اضحك وألعب معاك
جيتلك واضح وفارد لك يدي=وارتجي من خالقي اكسب رضاك

[أبو غرام]

من القديم ...وكيبورديات الجوالات


سر ياقلم وإكتب على زين الاوراق =اوراق حَرفه ينكتب بالازره
دزه على عجلٍ على رجل وساق=لمحة بصر والعلم ياصل مقره
بعده وسولف للذي عندنا راق=بالليلة اللي مابها غث ذره
قله تراني مِحرق الليله احراق=كم كبدٍ احرق ترتجي لي مضره
الغيب يخفى لكن النفس تنساق=تظهر خوافي كامنه وسط صره
وانا اشهد إن الوقت بيّن لي اوراق=واشهد بان فلانٍ اصله مغره
خوة فلس ياخوك صحبته تنعاق=ماتنومن مدام بالقلب مره
هذا وهو ماينشرى وسط الاسواق=الهرش مايبغى ولاحدن يمره

[أبو غرام]

من درج الكيبوردات ...نزلت في القديم
وهاهي الان تعود للظهور هنا


شيطون وتعجبني كثير بشيطنتك=مملوح وتسلب خافقي من دون نور
ياوجد حالي يوم تاتي تأتأتك=ماكني إلا هامةٍ قامت تخور
مجنون خلقه والمدارس نتّختك=والطالب اللي مثلي ماكول القشور
اقبلت يمك والمشاعر نجّحتك=من قبل شوفك هاجسي منّك يثور
ياليت قلبي ماحفظ لك منزلتك=مادمت خاين من هوايه ماتفور
مزن الموادع نزّلتها طأطأتك=يالجرهد اللي قفرها دايم يبور
والعين..بعد الرفع..ردت..حدّرتك=الوقت يقلب والزمن دايم يدور
مقيولةٍ من قبل حكمه فسّرتك=تاصفك باجمل من عبارات النثور
الغادر اللي شيطنتبه أجّجتك=يموت وحده ماسكن عرش وقصور
تلوعه الدنيا كما هي لوّعتك=ويطيح من عين المجالس والحضور
وشيطنته اللي من أول نوّختك=تاتيه من غيرك على كفٍ جسور
كاس المراره مثل ماهي جرّعتك=تشربه ..سك .. وتعرف اوجاع الصدور
اقولها والنفس ماهي معبّرتك=لاشك ما لك في خفا جاشي أمور
استودع الله شيطنتك وتأتأتك=ياغافله ماني على امثالك صبور
القلب عافك والمشاعر ودّعتك=والطالب اللي هقوتك طالب حضور
اشد واعتى من براثن طقطقتك=دكتور في نبش الطلاسم والجذور
يكفيك سمى .. ثرثرتك..بـ:شيطنتك=ويكفيك مزنه مانشت لجل معثور
ودعتك الله والمشاعر ودّعتك=ياملحةٍ تاهت مع اسراب الغرور

[أبو غرام]

همٍ وضيقه فوقهن حفنة بكاء
تكالبن وسط الحشا في خفوقي
..
.
لوهن على غّيٍ غدا هدره عواء
من ضنكةٍ حلت غثاها سبوقي
..

[أبو غرام]

.. شطحات فكريه ..
.......................





من المعلوم لدى الكثير
أن أطباء علم النفس لديهم فلسفةً
لتعديل السلوك لدى الفرد


تقوم أساساً على إلمام الشخص بمعاييره
ومن ثمّ تقييم ذاته ومعرفة مكامن الخلل لديه
حتى يتمكن بعد ذلك من معالجة هذه العلل

فتكون النتيجة المثمره تولّد شخص بهيئةٍ جديده وفكر جديد
يحمل موجبات روحه الاولى واقل القليل من سلبياتها
.
.

ولكن الواقع .. والغريب في امر هذا الجيل -بل وأمرنا جميعاً الآن -

أن هذه المُسلّمَه لم تعد صالحه ..

ذاك ان الشخص الذي أراد التغير للأفضل

بدأ يقوم بما يطلبه منه اطباء علم النفس -لتهذيب الروح- حتى وإن لم يذهب إليهم بشكل حرّفي ويقوم بجميع الخطوات
.. حتى يصل للعلل

من ثمّ .. تجده يتأقلم معها ويندمج

.. بل حتى تجده يحرص عليها اشد الحرص .. فلا يحاول تغييرها

او التقليل منها ومن سيطرتها عليه

داعياً الغير للإلمام بها ومعرفتها .. حتى يتعاملوا معه وفقها ومن خلالها ..
وفي حال أخطأوا عليه - بالصواب - ..وهو بعينه خطأ لأنه ..تعارض معه لا أكثر ..

فهم المخطؤون لأنهم علموا سلبياته ولم يعملوا على تفاديها ...

هذا ما أراه كثيراً في مجتمعنا
بل وفينا كما اسلفت .. وممن نحرص عليهم كثيراً
من أعلى شخصيه .. حتى أقلها شأناً .. ممن عرفناهم فأحببناهم .. كما هم ..بعيوبهم وإيجابياتهم

فكانت لحظات الايجاب منهم .. رااائعه .. أما مكمن الخلل ..
فكان هو في السلبيات .. وكيفية التعامل معها ؟
.
.

اعتقد بأننا حينما نصل إلى هذه النقطه من الاصتدام مع السلبيات فإننا نكون قد وصلنا إلى طريق مسدود .. والسؤال الطروح سيكون :
متى ستكون نقطة العوده ؟

أم هل هذا يعني بأننا وصلنا إلى : طريق اللا عوده ؟ فيكون الانفصال والابتعاد هو الحل ؟ وهل بالابتعاد حل ؟
.
.

ثمّ تخيلوا معي لو كان المَعّنِيّ بهذا الكلام .. شخصاً ذا سلطه
أو إنثى أحببتها وهي متعلقه بسلبياتها أو ذكر فيما لوكانت القارئة إنثى
والغرض من التعدد بالأمثلة هنا ..هو لفتح المجال الخصب للتفكير بعظم المشكله .. ومن ثمّ الوصول معي إلى السؤال التالي :

مالطريقة المثلى للسلامة من هذه العلّه ؟
.
.
.

أسئلةٌ كثيرةٌ تدور - ولكنها تتلخص لدي بمفاهيم -

أن الكمال لله .. وأن أَحِبَ الناس كما هِيَ ..

وأن المبادئ لدى الشخص إن تزلزلت لأجل أمر ..
تنجح مؤقتاً وماتلبث أن تصبح سلاحاً عليه

تؤدي بالنهايه .. لنهايةٍ مؤلمه - فلا تساوم على مبادئك -
.
.




أخوكم أبو أحمد

[أبو غرام]

ليتك يا جائز تعرف اللي بصدري
كان انتهت قصة شياطين الايام
تدري او ادري لازم بيوم تدري
ان الفتى يضيق ليا عاش باوهام



يابن الفهد يامازن اقبل لي عذري=ماجاني ياخوك الخبر عجل بشمام
و هاك الجواب الصح ماهو بغدري=من جاش صاحي ما تفيا ولا نام
عمر الفتى ما ضاق والحال : مدري=أجمل حياته لا تغشته الاحلام
الضيقة القشرى تجي بعد : بدري=- إليا - وعى من غي الاوهام - ان قام -


وحياك الباري يا مازن على الدوام

[أبو غرام]

راقت لي كثيرا هذه الحكمه :


لا تبتلش يالعبد وان كنت مهموم=عينك تنام وخالقك ماينامي
ولا تاكل اي شي من دون مقسوم=لو تقضبه بين اربعك والبهامي

[أبو غرام]

تحية ودٍ وتقديرٍ وإحترام

لكل من مر ويمر وسيمر من هنا

أخوكم أبو أحمد

[أبو غرام]

على ذكرى الطريق اللي تزين وانهجر لسنين=نما غصن الغرام وحت مايبست من اوراقه
نما عشق الورود وقطفة الرمان ويا التين=وعشب إخضرّ من فرحه توزع داخل اشواقه

.
.
.
أبو أحمد

[أبو غرام]

... من القديم ...

حكمة تقول : الناس مخابر ماهي مظاهر
أحببت أن اترجمها بفكرة أخرى
علها ترتقي لكم


ياللي تخقا بالهدم وانت رثه=ماتدري ان الناس ماهي بالازوال
معجبك فكرك يوم هرجك تكثه=تلطخ على شقيك من دون ماتبال
اعمى وناقص واشهد انك مغثه=واشهد بعد ان الفكر زامي خبال
لكن على ماقيل لاشفت غثه=اصبر عسى مولاك يقلعه لو طال
الطيب كايد لو يجيلك تجثه=تشلع شرايينه ردى حظ وإهمال
والعقل لو قلنا تجمّل وحثه=تطلع معك غنوة على البال يا لال
خالي ذهن حتى بسرك تبثه=إبلا لزز تظهر خوافيك بالحال
وش عاد لو قالوا كبيرٍ وجثه؟=جسم البغل مثلك فلا يحمل اثقال
وختامها قبلي يقولوا المغثه=تسهل إذا ورّادها واحدٍ ضال

[أبو غرام]

قالوا [ يابن وايل ] نبي منك طاروق=رسالةٍ بالعيد .. عبر .. الموبايلْْ
قلت [ التهاني ] حق والمسأله ذوق=طبعاً [ حقوق النشر ] لعيال وايلْْ
كل عام [ والويلان ] وأمجادها فوق=شطرٍ يكفي عن [ جميع ] الرسايلْْ


مما راق لي

[أبو غرام]

بالعين دمع وبالصدر ألف ضيقه
واللي مجنني : حياته على ويش ؟
.
.
نار الحكي شبت بجوفي حريقه
واصبر على كيه ولا آصل الطيش
.
.

[أبو غرام]

كم لي اعاني من هوا البيض والغي
كم لي اقول البيض بالحسن واحد
.
.
لين القدر قدّر لي وانعمت بالفي
وقته عرفت البيض ماهن بواحد
.
.
يفرح بخطو البيض معسر من الري
ماذاق طعم الشهد والفكر جاحد
.
.
البيض بين البين واسود وكالضي
واللي خلقني ماهن ابداً بواحد
.
.

[أبو غرام]

يا داخلٍ بين البصل والقشوره
غير العَفن ماقيل تلقى العوافي
.
.
وش لك بحرجه هافيه ومخبوره
وريح البصل يقفاها كثر التجافي
.
.

[أبو غرام]

السلام عليكم ورحمة الله وبركاته
اما بعد .. فيستمر مسلسل الكيبورديات
وكلي أمل أن ترتقي لذائقتكم

.
.
.

http://www.weelan.org/misc/weelan_ed1558993abeb8160f3bd2f0c4f1fa72.gif


قلبي كبير وقلبك [ اصغر ] من الصوره=وش [ صاب ] قلبي يوم يعشق له صغيّر ؟
ياما عذلته قلت : بنتٍ [ وغندوره ]=واعمى الفكر عيّا يطاوعني [ يغيّر ]
حتى [ رضخت ] لجيش حبك وطابوره=واصبحت أجيب [ الراي ] .. وأقول .. وأخيّر
اتبع هوا [ نفسي ] ولا هي بمجبوره=تتبع هوا [ نفسك ] ولا انته لي مجيّر
لو كنت مثلي [ صحت ] بالظيم والجوره=ولو كنت [ مثلك ] ماني لمثلك [ محيّر ]
يعني [ خسارة ] عمرِ راحت [ بأموره ]=مالي بها [ ياكود ] طيرٍ لها [ أطيّر ]
عزاهِ [ ياروحٍ ] تنوحين معذوره=زهرة شبابك روّحة [ سبة ] جفيّر
لكن بسيطه [ والقضى ] دور باكوره =بكره [ تشيخ ] وتنسل في هوا [ صغيّر ]
وقلبي كبير وقلبك [ أصغر ] من الصوره=لأنك [ صغير ] ولا تبي مثلي [ كبيّر ]

.
.
.

وسلامتكم

[أبو غرام]

إليا دعيت لحفل ناس أتشرّف=يعاد كسبه بالمراجل سميني
ناسٍ تشوش وطيبها ما تطرّف=تحفظ سلوم جدودها الغايبيني
اشوش وألبّي لها وآتعرّف=كنوز الرجال تضبها الغانميني
وشلون ..لاصار الحفل والتشرّف=في جمعة اللي بالعلا دايميني
آتي لهم .. والشعر .. باب يتصرّف=يذكر حقايق واضحه تحتويني
إيه المنيع .. إليا بغيت إتعرّف=خوال أبويه مرخصين الثميني
ربعٍ لهم بالجود دلوٍ يغرّف=ينهل جميل الفعل درٍ دفيني
معروف طيبهم .. تعدى التسرّف=سيلٍ يفيض ويعجب الناظريني
افخر بهم وبحفلهم وآتشرّف=مادمت ضامي والوصل يرتويني
في عرسهم حاضر وشعري تزرّف=بالصدق عانق ترثة الاوليني
ولو اني زايد ..والقصايد.. تحرّف=ماطاوعتني الناس ويقال فيني
لكن حقيقه واضحه وإتظرّف=تحفظ على عمر الدهر والسنيني
إن المنيع .. اهل الحلا والتصرّف=خوال ابويه مرخصين الثميني
وإليا دعيت لحفل ناس أتشرّف=مدام كسبه بالمراجل سميني

[أبو غرام]

العيد هّلِ والتهاني تتالت=والفرح زان بعرس ..احمد.. وبندّر
عيال عمي والبشاير توالت=اسعد لهم.. والشعر.. ورّد وصدّر
هم نسل للي ..لياكبرت ..واستحالت=وصكت على.. زحول الرجال.. يتبدّر
بالباس ..والراي السديد.. إن تعالت=يترك ..سنا الفتنه.. تموت ..وتودّر
جدي ..سعد.. ليا ..صعبت .. واستطالت=غيّر ..مفاهيم.. الخطا ..والمقدّر
كم ..قصةٍ ..عند ..الاجاويد.. جالت=تثبت ..حقيقة.. ماسبق.. او تحدّر
انه .. حزام ربعه ..اليا تصالت ..=وإن ..كشّرت ..دنياه ..لا.. ما تكدّر
وانه .. كبير.. القوم .. والقوم شالت=علمه ..على روسٍ.. تشيخ.. وتصدّر
وهم نسل منهو.. ليا ..محلت ..واستكالت=اهدى.. المنايح ..ظافر الطيب بدّر
نسلٍ ..للازم .. والعرب عنه.. قالت:=..راعي المنايح.. نادرٍ.. منه.. ندّر
يعني.. سلالة ..نسل ..بالطيب ..حالت=جدٍ ..على جدٍ .. عظيمٍ.. تصدّر
..عيال دابس.. للعلا ..ما تغالت=تدفع ..عظيم الروح ..والغير ..ودّر
وباقي النشامى.. ليا.. سمعت واستمالت=..من طيبها.. شاشت.. مع اللي يبتدّر
وبسم .. ابو نايف ..التراحيب ..سالت=تنثر.. جميل .. الورد .. للي ..تقدّر
للي.. حضر للحفل ..النفس قالت:=..أهلاً ..هلا بك ..عدّ.. زخٍ ..تحدّر
والعيد .. جانا .. والتهاني ..تتالت=والفرح .. زان .. بعرس.. احمد وبندّر

[أبو غرام]

شطحه لم تكتمل ..


وش فيك لا جيت المجالس [ تنطّع ]=ماكن فيها من البشر [ شخص ] زيزوم
دايم تخقّا وبالخلايق ..[ تمطّع ]=محدن ملا عينك [على ] كثرها القوم
مسكين [ بشتك ] بالمهابه ..تقطّع=وجوفك [ بلا ] سترن مع الناس .. معلوم
حتى [ حياتك ] ساسها.. الوزّ .. [ والطّع ]=من وين [ ما تاتي ] يجي ..النكث .. مردوم

[أبو غرام]

من القديم .. لايحضرني منها سوى :
.

ياعين هلّي الدمع من حر فرقاه=والليل يكفل وقفته وانتثاره
على الذي قفّى وعجّل بممشاه=ما كننا ياعين لحنا لمساره
الله يسامح صاحبك في سواياه=قطع الوصل ما كان وسم لشعاره
ويرحم زمانٍ كنت راسخ بطرياه=الشوق واضح واللقا به حراره
اليوم قفّى كني ماني ليمناه=واقف وعيني ترتجي منه ..اشاره

عسى ان تنال على استحسانكم

[أبو غرام]

ورشة فكر ..


وش موقفي عندك من احوال الاعراب؟=بالمبتدا وإلا سبقنا خبر شين ؟
مرفوع علمي أو تغشّته الاغراب؟=عقب الغلا مكسور حاله من البين!!

[أبو غرام]

راحن ثلاث سنين والقلب ينخاك=والعين من كثر الرجا جف ماها

[أبو غرام]

يا حمود ذاب القلب في حبه سنين= والعين من كثر الغلا في خطرها
ياحمود عشقي طاوي سنين ودنين=زل العمر ياحمود ماينع ثمرها

[أبو غرام]

.
.
.
ليه يانور المدينه ..
........ باهت ومالك ضياء ؟

نظرة عيونك كئيبه
........ تايهه سبة وفاء
.
.
.
غيّمت فيك المواجع .. والصوادف ماتهون
كسّرت مجداف حبك ..
يبّست غصن الغرام ....
.
.
ماعلى الدنيا ملامه .. ولا لباقي العمر فود
.
.
.
كلها هلّت مدامع .. تغسل القلب وتجود
.
.
تنثر اوراق المآسي ..
............ تقلب أوجاع الهموم
.
.
وأنتي وينك يالمدينه .؟...
........... مالك بهمي ردود ..؟..
.
.
كني في دارك خلاوي .. و ارضكي مابه وجود
مابها فود المباني ..
................ دام محييها الركود
.
.

آآآآآه من زيف النوايا .. كيف خنجرها يطول ؟؟...
......
........... كيف تستدعي المنايا .
... عن ضيا شمسك تحول ....

وأنتي وينك يالمدينه ؟
..................... مالك بهمي ردوووووود
.
.
.
أبو أحمد

[أبو غرام]

وجدانيةٌ لم تكتمل ...


ألا يالله .. لك حمدي .. وشكري=ولك مني .. عظيم الإمتناني
إلهٍ .. لا طلبته .. كل .. مره= يلبي.. - دون يتكاثر- ..عطاني
حليمٍ .. عن .. خطا .. زلات .. عبده=غفورٍ .. رغم .. دوسات ..الطماني
إلهٍ.. عالي ٍ .. بالحيل .. شانه=عظيمٍ .. هيّب .. قلوب .. ومحاني
جباهٍ .. تسجد .. لقدره .. وتخضع=ولولا .. الله .. ماتقبل .. تحاني
إلهٍ .. عزني .. عن كل .. دانس=في شرعه .. دوم .. تحقيق .. الاماني
عن الشهوات ..حافظني .. بذكره=أنام .. الليل ..هاني ..في .. زماني
..
..
إلهي .. يا إله .. الخير .. كله=طلبتك .. نصرتك .. داخل .. كياني
تقلّب .. قلبي .. في لذات .. دينك=يفيض .. بذكرك .. يجيه .. احتقاني
وإلى .. فضت الرحيق .. تصر.. قلبي=يجود ..بقول .. يعلي .. لي .. مكاني

[أبو غرام]

من منطلق .. صعب .. إتفاق .. الحضارات=ومن .. زاوية .. يا كود .. قلب .. العقيده
ماهي .. غريبه .. هجمة .. البعض .. لا.. جات=بالخاصره .. تطعن .. مبادي .. حميده
إلا .. العجيبه .. ناتج .. الجرح .. آهات=ونه .. وكن .. الغدر .. حاجه .. جديده !!
هذا .. هوان .. ولا به .. أية .. مراوات=لولا .. [ هوان ] .. النفس <<< ماهي طريده
[ الغير ] .. ثابت .. ما تبدله .. الاوقات=من .. طلعة .. الدنيا .. يخون .. بحديده
ماله .. امان .. و لذة .. الروح .. والذات=تسمى .. على .. [ نحر ] .. القلوب .. الفريده
هذي .. الحقيقه .. ماتبي .. زود .. انصات=إن .. [ العقيده ] .. تختلف .. عن .. [ عقيده ]
وإن ..[ الزمن ].. يعطيك .. برهان .. وإثبات=ينبيك .. عن .. خافي .. الحشود .. وعقيده
كم .. طوحوا .. [ دوله ] .. وخانوا .. [ برايات ]=ماتنتهض .. [ أمه ] .. وهم .. من .. عبيده
إيه ..[ الروافض ].. مقصدي .. ماهي ..[ اسكات]=ساس الفتن .. للكفر .. ارض .. وسميده
أهل الجهل .. والفسقْ ..[ وتحريف ].. الآيات=مصدر ..[ شكوك ].. الدين .. ومنهج .. عميده
إمألّهة .. حيدر .. على ..[ خبث ].. نيّات=محاربة ..[ صحب ].. الرسول .. السديده
[مخوّنة ].. جبريل .. منبع .. طمانات =محللة ..[ هتك ].. العروض .. الشريده
قومٍ .. تدس .. الحقد .. [ تقيا ] .. لغايات=تنخر .. صروح ..[ وتضعف ].. اشيا .. شديده
يعني .. [ حثاله ] .. ناقصه .. بالمروّات=ماهي .. سنام .. ولاهي .. ابداً .. رشيده
[ والمشكله ] .. بالبعض .. لطرى .. الحضارات=يرجي ..[ السلام ].. وحب .. خلقٍ .. مريده
هذا .. الهوان .. ولا هي .. اية .. خرافات=لولا .. الهوان .. النفس .. ماهي .. طريده
إضرب .. على .. مبدا .. [ الوصل ] .. عدة .. إكســxxxـات=[ وإياك ] .. تامن .. ناس .. ماهي .. مجيده
القرب .. منها .. يعني .. إنك .. بآفات=يمرضك .. [ وبيت ] .. العز .. يقصر .. مديده
ومن .. منطلق .. صعب .. اتفاق .. الحضارات=ومن .. زاوية .. ياكود .. قلب .. العقيده
ماهي .. غريبه .. هجمة .. الغير .. لا جات=بالخاصره .. تطعن .. مبادي .. حميده
يعني .. نصيحه .. كان .. تقرى .. العبارات=[ ما بالراوفض ] .. طاهرٍ .. أو .. عقيده
ويعني .. خلاصة .. فكر .. ماهي .. شعارات=مايجتمع .. [ صادق ] .. وهاوي .. مكيده
ويعني .. نهاية .. قاف .. في .. بعض .. كلمات=سيف .. السطا .. سنه .. بفعله .. مفيده

[أبو غرام]

في تالي الليل بالاسحار=من قبل لا الفجر ياتيني
يالله طلبتك تجافي النار=عني وعن كل والديني

[أبو غرام]

هذا تواصل بسيط
حدث بيني وبين الغالي ابو موسى

حيث كتب سريعاً يقول :





ريلاكس ..ياجائز ترى الوضع حساس =ابستشيرك وانت نعم الرفيقي
لي صاحبً رفعت قدرة عن الناس=واليوم كارهني ولاهو صديقي
غروة ناس شلة اهياس وانجاس=واصبح مابين الناس مثل الغريقي
يبي يعوم بوسط غبات الارماس=وطب البحر واثره طويل وعميقي
قصرت شبوره عن سنا كل نوماس=وجدد سوات الورق براع النعيقي
من وقتها والفكر خبثً ومحتاس=وماعاد اعرف وجهتي من طريقي



راع النعيقي / الغراب اللي يبي يقلد مشية الحمامه

وضيع مشيته ومشية الحمامه :(



فصح بوحه .. وكان ردي له :




أهلا .. هلا بك .. يس .. افكورس .. لا باس=يا صاحبي لا تنزعج .. لا .. تضيقي
إف .. الفرند .. يتوه .. من شلة .. أنجاس= بكره .. يفيق .. لحالةٍ .. ما تطيقي
لا بد .. ما يجرع .. من المر .. بالكاس=وإن .. وَد .. زايف .. بان قدر .. الحقيقي
[ والصبر ] .. جنه .. مبعدٍ .. كل .. وسواس=[ ورفع .. اليدين .. الداعيه ] .. ما تعيقي
[ والنصح ] .. يبل .. عرقٍ .. يعاني .. يباس=والجهل .. زله .. في .. مسير .. العريقي
وإن كان صبرك .. نافذٍ .. سبة الياس=والنصح .. منه .. صاحبك .. ما يفيقي
[ ولّم .. ذا كارك .. نطرق .. افعال .. جساس] =[ نغدر .. وليفك .. دون .. دمٍ .. نريقي ]
غصبٍ .. على خشمه .. يجي يمّك .. انكاس=تمسك يديه .. وتصبح .. احسن .. فريقي
هذي الحلول الظاهره .. [ بين الاقواس ]= جوز ..الذي .. تبغاه .. بيّن .. طريقي

[أبو غرام]

بعض البشر لو تقضِبه .. كل عينيك=مابيّن بعينه ولا .. ايّ حاجه

[أبو غرام]

ياشينها لا صرت بالحيل ......=والخلق كل لحظه تدهل مكانك
ودك لبرهه تنطق الروح : ......=ولا أحدٍ بيوحي دام واقف زمانك

[أبو غرام]

.. وشوشه ..
.
.

لحظات العمر السعيدة قليله
مهما طال عمرك يابن آدم
.
.

لهذا : حاول أن تتمتع بها قبل فواتها
وأعلم أن من أجمل لحظات العمر

.

حياتك .. بين والديك .. وإخوانك وأهلك
.
.
متى ماذهبوا .. لن تستطيع سد مكانهم
ولن تصل أي لحظة أُنس .. لحظة الأنس معهم
.
.

[أبو غرام]

.. بدايه


الشمعه اللي تقطر المرّ حالي=بآخر ليالي الود تمطر مزونه
من وهجها ذابت لها انفاس غالي=فاحت خوافيها وزانت فنونه
يا ساكنه في منزلٍ دوم عالي=فوق السحاب وموقد النار دونه
هونك على جر الحلا من حلالي=مادمت شاعر فكري ثاير جنونه

[أبو غرام]

الذين يشاهدون محتوى الموضوع الآن : 12 ( الأعضاء 1 والزوار 11)
.................................................. ..........................................

شكراً لكل من مر من هنا
قارئاً .. متصفحاً .. أياً يكن
.
.

شكراً لكم من القلب ..
.
.

وأسأله تعالى لي ولكم التوفيق والسداد

بحمد الله المشاهدات فوقـ 2000 مشاهده

ولو لم يكن إلا واحداً .. لسعدت به وفخرت وخالقي

فشكراً لكم بحجم السماء وما رحبت

أخوكم : أبو أحمد

[أبو غرام]

.. بابٌ لم أقدم عليه إلا قبل ساعه ..
.
.

علّه يرتقي للذائقه ..



مال قلبي في المحبه=لانت اغصان حياه
بللت عطر الموده=ناعسه بالطرف .. آه
زلزلت ارض المهابه=اظهرت حالي خفاه
والعيون السود ناحت=ويل جاشه من عناه
يا سويدائي تعالي=كل ثوبٍ فيكي زاه
ارتديكي ترتديني=حبنا قدرٌ وجاه
ارتشفت العشق سحراً=تاركاً نهي النهاه
دام ديني في هواكِ=لم يعارضني بناه
ارتويكي .. احتويكي=مانعاً كسب الجناه
فاظفري بي واكسبيني=لا تراعي بي وشاه

[أبو غرام]

[ اضحك ] واقول : مستانس=[ لاشك ] .. الهم .. طاويني
[ اقولها ] والقلب مايوانس=.. نيران .. [ بالكبد ] تكويني

[أبو غرام]

.. كيبورديه من رياض العز ..

http://gallery.dll3.com/data/media/5/mw40_L.jpg

(( الشوق ))


لَشّوق لمعه في عيون المواليف=ابلغ من الكلمه على شرفة لسان
حتى الحبر لو ينتثر بالمضاريف=وبل الورق ما يروي اشجان هيمان
الشوق يعني قمةٍ بالمشاريف=ماينوصل ياكود يِقطَعْ له ازمان
والشوق ما يثنيه ضرب الصواديف=ان زانت او شانت تعزوى بالايمان
والشوق ترجام الغلا والمجاديف=قارب نجاة القلب من عارضٍ بان
والشوق بيرق عشق .. نايف على منيف=رمز الوفا ماينشرى بحفنة اثمان
يعني خلاصة فلسفة هاوي الريف=اللي دحم بالحب مجموعة اكوان
ان العيون الزايفه زايغة طيف=متقلبه بالود تشكي عمى الوان
ولَشّوق لمعه في عيون المواليف=اقوى من الكلمه على عظمة لسان
يعني سحابه باهضه بالتكاليف=ماتنسكب إلا مع خافقٍ حان

[أبو غرام]

الذين يشاهدون محتوى الموضوع الآن : 18 ( الأعضاء 4 والزوار 14)

شكراً لكم جميعاً

المعلوم منكم والغير معلوم
.
.
وخالقي لا أكن لكم إلا الود والإحترام والشكر الجزيل
فلقد ملكتموني بطيب حضوركم ومتابعتكم

أخوكم : أنا ^_^

[أبو غرام]

الشكر والتقدير في باقة الود=وعطر - الغلا والانس فيكم - هديه
حقٍ علي - اطرّف - لبدكم .. بد=من - بد خلق الله - لكم مقدريه

[أبو غرام]

.. من القديم ..


عيا يجيني النوم من زود الاشواق=واللي في بالي غافيٍ في سريره
اسهر طوال الليل والفكر ما راق=نفسي على فرقاه حَاله خطيره
خلي تغير صار لا شافني ضاق=وانا على شوفته ابدي السريره
كم ليلةٍ رجلي على بيته تساق=تاقف على بابه وتنكس حسيره
ما عابت الطقه ولا خافت طراق=هابت رداة الحظ ونفسٍ كسيره
الله حسيبه كيف بعثرني اوراق=كسّر ضلوعي دون جبر وجبيره
من دون مايبدي سبايب للافراق=نش الوصل بدّل حلاه بمريره
حتى الصدف ما عاد تسعف بالافتاق=الصدع جامد والمواري دميره
محدٍ يلومن لو ندبته بالاسواق=[ واشيب عينه ] من دعاي ومصيره
يكفيه لو سكران شافن .. صحا..و فاق=أعلن عدال الروح وانّب ضميره
ويكفيه لو حملي على الغير ما طاق=ما شالت ضلوعه حمولٍ كثيره
وعيا يجيني النوم من زود الارهاق=ومن خافقٍ بالظيم يِسمَع هديره
شفّه اعرف اللي تسبب بالافراق=وشفّي اعيد الوصل وابقى نصيره

[أبو غرام]

.. من القديم .. لم يكتمل ..[ ابيات يتيمه ]


لو تنفهق حدب الضلوع وتثنى=بان الغرام المستتر داخل الجوف
بانت مشاعر مستكنه تمنى=كف البكا يوم البكا قطّع الشوف
الله واكبر كيف خلي جنّى=يضرب على درب الزعل دون مايروف
طير السعد غيّر لحونه وغنى=موال حزنٍ هيّض الهم والخوف

[أبو غرام]

وش حيلة المحتاج غير المطاريش=لافرهدت سود الليالي بحرّه
لا خالج المجمول تيهٍ على الطيش=نوبٍ يقض الوصل نوبٍ يبرّه

[أبو غرام]

نص يتشرف بكونه كتب طازجا بالعزيز الغالي

ابو مشعل ..


الصدق باب الرفق والشعر مفتاح
.................... ينظم شعور الود ما بين الاصحاب

تحيةٍ للي على الطيب لوّاح
................. الخدلي اللي بالوفا شد الاطناب

عبدالرزاق اللي غزا الجود واجتاح
................. دار الكرم حتى تسمت به اشناب

نجمٍ غدا في عالي الكون وضّاح
............... يِتبَع ولا يَتبع ولا يرجي اغراب

سيلٍ يفيض ولاهو للهرج بواح
........... ابوٍ لمشعل نسل الاحرار الاقراب

ابنٍ لوايل والندا لمفدع ان صاح
........ روسٍ تصيب وغيرها باللقا تصاب

هذي الحقيقه صاحبي طيب فواّح
.......... نجمٍ ينير ان غاب ضيه فلا غاب

[أبو غرام]

مما راق ..


اللوم لومي على حظي=يركض ولا حاش مزيونه
والمذهب الشين يا ....=يصبح صنق لو يربونه
والرِس لو سال مايمضي=لازم وروده يسبونه
لظه ماطوله لنا يلظي=وخله الى يبست عيونه

[أبو غرام]

لا تقرب الزمل يا حويشي=تنقل هلاكك على متنك
بعض البشر مذهبه طيشي=ظنه قوي قادر لثكنك
مايدري ان الوغى غبيشي=تصلاك لين انقضى دخنك
وقته فلا ينفع الجيشي=تستاهل الموت من رعنك
هذا جزا نافش الريشي=ان غرّك الصمت أو بخنك

[أبو غرام]

ألا ياعين .. راح اللي نوده=بعد ما كان ياعيني .. قريبي
رداة الحظ .. والقِسمه ترده=عن الوصلات يمنعه النصيبي
ياليت الوقت .. يسعفني .. وارده=اعوّض ما مضى لي .. مع حبيبي
فقدت الفرْحْ وانفاس الموده=ونار الفقد .. ميسمها .. عطيبي
دخيلك مابقى بالعمر شده=اجاذبك الصبر وانا صويبي
حمست الدمّ ما بيّحت سَدّه=عن الاصحاب حتى عن طبيبي
ياغيره هو .. وليفي .. والمخده=عليهم انثر العبره .. واجيبي
معاهم خافقي ماضاق حده=هذيك تجيب هذا دون ريبي
اسامر طيف مغليني وصده=شروق الشمس لي بعد المغيبي
مدام الروح تسلى معه مده=ولو يطلب .. بقاها .. تستجيبي
ياعيني بقبل الوحده بحده=اخسر الكون ويكسبني صحيبي
صحيح الجاش ما يحيا بفقده=كلامٍ يفهمه شخصٍ لبيبي

[أبو غرام]

ياحبي للكيبورديات ..


ياعين .. ياعين الفرح والتباشير=ما لاح لك يالعين خلٍ تعفى ؟
ما لا حلك بالمزن .. رعادةٍ غير=سحابةٍ صوته يقض المخفى
الهجر هم وديمة الوصل تنوير=والضم نارٍ من سناها اتدفى
ياعين قولي للغضي بالتصاوير=وبل الغلا ما يروي اللي تهفى
ان ما نثر حرصه على حسن تبرير=والا زرعت القلب بارضٍ تشفى
الود نوض القرب والحب تقدير=والعين يا عيني حياها توفى
يعني يجيني الخل من دون تقطير=والا لبراد الغير عني يتقفى
وياعين .. ياعين الفرح والتباشير=ما لاح لك يالعين خلٍ تعفى ؟

[أبو غرام]

يقول شكسبيـــر:-
‏تحبني أو تكرهني !
‏جميــعها مفضله لدي

اذا كنت ‏تحبني /
‏سوف اكون دائما في قلبك

اذا كنت ‏تكرهني /
سوف أكون دائما في بالك

[أبو غرام]

يقول شكسبيـــر :-
‏تحبني أو تكرهني !
‏جميــعها مفضلةٌ لدي

اذا كنت‏ تحبني/
‏سوف اكون دائماً في قلبك

اذا كنت ‏تكرهني /
سوف أكون دائماً في بالك

[أبو غرام]

أَمَلتُ القلب .. معتقداً .. بأن الحب .. موجودٌ=وأن الوصل مفتاحٌ .. يذيب .. النفس والوَجَلَ

[أبو غرام]

نهية الروح [ تشقا بك ] وعيّا القلب يسمعلي=وعيني من سبب [ عذلي ] لذيذ النوم ما جاها
جرحت الوصل [ بفراقك ] وأمنّي الحال : يرجعلي=صويب من الهوى [ والصمت ] عثى بالنفس وأعّياها

[أبو غرام]

لازلت اخاف الوصل و درب القطاعه=واقول خافي الود يمكن ويمكن
تكفى طلبتك خافقي برتياعه=هواجسي منّك على الجمر يركِن

[أبو غرام]

شطحه صباحيه ... ^_^


ياليتني عندك عن الغير مخفي=العب معك والخلق محرومة الشوف
اقلط على المقسوم والبال يصفي=وانته بوسط البيت مفواحك ال: أوف

[أبو غرام]

ياغرابيل الايام .. دونك العز واقف=لاتناجيك الاوهام .. الحلا بالعواصف

[أبو غرام]

القلب صندوق الغلا والموده=والعين مفتاح الخفا والهواجس

[أبو غرام]

... للتواصل مع قلوبكم الطاهره ..




انتثر لك شوق ضفيني وفا=لملميني عن عيون الحاسدين
غربليني تحت مرسوم الهوا=جنّبي بي عن زحام النازحين
الرضا معشوق والعاشق رضا=يا سما دارٍ مع النجمه تبين
جيتكي واضح وبالنبره دفا=في وصالك كل شينٍ ما يشين
ارتويتك نبتةٍ جذره نما=والغصون القاسيه فيها تلين
واهتنيتك حلم منكوف الانا=بين ود وبين يمكن ما تزين
ارتجيتك حب مندوب الهنا=فارسٍ ميدانه العرق الدفين
انتثرت بشوق ضفيني غلا=اجمعيني هايمٍ فيكي سنين
وش بقى ماقلت ماظني بقا=كل مافيني يناجي ترجعين
قلتها والبال ماظنه سلا=في غيابك للندامه لا بسين
يكفي انه لو يقال انه غفا=ما يسجل في منام الهانيين
ويكفي انه لو يقال انه سلا=ماتسلى غير وانتي تنطقين
ويكفي انه لو يقال انه فنا=سبة الروحه غياب النايفين
انفجرت بشوق واظهرت الخفا=بعد هذا لا تقولي تنظرين
انتثرتك شوق راعيني ضنا=غذوته مابين خصر ومنكبين
وش بقى ماقلت ماظني بقا=الخلاصه اني بغيابك غبين
والنهايه كان باقي ماعفا=شكوتي للي أوطّي له جبين

[أبو غرام]

http://ziaa.jeeran.com/untitle;d.bmp

[ مــد خــ مدخل ــل ]



أنتثر اشواق وأجمعني وفا=واستلذ الصمت في ظل الصحيب
هايمٍ بالعشق غربلني الهوا=مستميتٍ في رجا ماهو قريب
الغلا ديباج قلبي والرضا=جوخةٍ تِلبس بحضور الحبيب
من يقول العين تلمح او ترا؟=جاهلٍ بالود واوضاع الصويب
الحشا بالوصل منبوته نما=وش تظن بشوفته دامك لبيب ؟
إلا إنه صادقٍ او هو كما=نبتةٍ تتبع ضيا الشمس المهيب



http://pic.jro7i.com/data/media/3/normal_38b69f428.jpg


أنتثر لك .. شوق .. ضفيّني .. وفا=لملميني .. عن عيون .. الحاسدين
غربليني .. تحت .. مرسوم .. الهوا=جنّبي بي .. عن زحام .. النازحين
الرضا .. معشوق .. والعاشق .. رضا=يا سما دارٍ .. مع النجمه .. تبين
جيتكي .. واضح .. وبالنبره .. دفا=في وصالك .. كل شِينٍ ..ما يشين
إرتويتك .. نبتةٍ .. جذره نما=والغصون .. القاسيه .. فيها .. تلين
وإهتنيتك .. حلم .. منكوف الانا=بين .. ود .. وبين يمكن .. ما تزين
إرتجيتك .. حب .. مندوب .. الهنا=فارسٍ .. ميدانه .. العرق الدفين
إنتثرت .. بشوق .. ضفيّني .. غلا=اجمعيني .. هايمٍ .. فيكي .. سنين
وش بقى ماقلت ؟ ماظني بقا=كل مافيني .. يناجي .. ترجعين
قلتها .. والبال .. ماظنه .. سلا=في غيابك .. للندامه .. لا بسين
يكفي انّه .. لو يقال .. انّه غفا=ما يسَجّل .. في منام .. الهانيين
ويكفي انّه .. لو يقال .. انّه سلا=ماتسلّى .. غير وانتي .. تنطقين
ويكفي انّه .. لو يقال .. انّه فنا=سبة .. الروحه .. غياب النايفين
انفجرت .. بشوق .. واظهرت .. الخفا=بعد هذا .. لا تقولي .. : تنظرين
انتثرتك شوق .. راعيني .. ضنا=غذوته .. مابين .. خصر .. ومنكبين
وش بقى ماقلت ؟ ماظني بقا=الخلاصه .. حالتي دونك .. غبين
والنهايه.. كان باقي .. ماعفا=شكوتي .. للي .. أوطّي له جبين



] مخــ مخرج ـــرج [


خابرٍ بالحب منطوقٍ عما=الحلا حالي ولو زاد اللهيب
يعني غاب الصوت او غابوا سوا=عاشق الانفاس في صبره غريب
لجل يِنثر شوق ويجمعه الوفا=ويستلذ الصمت في قرب الحبيب
والنهايه شان وقته او صفا=راغبه مادام لجروحي طبيب

[أبو غرام]

السلام عليكم ورحمة الله وبركاته
أما بعد

فهذه وجدتها بمحض الصدفه وخالقي في اليو تيوب
وهي قصيدة اتفاق الحضارات
بصوت الشاعر الرائع / فواز علي الروقي

إليكم إياها :

http://www.youtube.com/watch?v=KBQf9NR2dvw&feature=related

.
.
أتمنى من يعرف أية وسيله للتواصل
مع الشاعر فواز الروقي .. أن لا يبخل بها علي
فهو وخالقي رجل يستحق التعرّف به .. فلم يأتي به على هذا الامر
إلا الغيرة عن أمنا أم المؤمنين .. فلا حرمه الله أجر
وأعيد وأكرر بأن من يعلم بأي وسيلة تواصل له
ألا يبخل عليّ بها
أخوكم أبو أحمد

[أبو غرام]

تحديث لما سبق ..

حمداً لله بعد البحث

وجدت وسيلة للتواصل معه بحوله تعالى

وسيتم ذلك في القريب العاجل
.
.

[أبو غرام]

أَمِنَ النَجَاةَ مِنَ العِقَابِ فَسَاءَهُ=بَوْح العِيوُن إِذَا العُيُون لَهْا نَظَرْ

[أبو غرام]

اسج بآخر ليلي اكتب خطاريش=اوصف شعور اللي تغشّته الاوجاع
ياصاحبي وإن قلّ فزع المطاريش=خِلك حبيسٍ للسهر قض الاهجاع

[أبو غرام]

width=580 height=410

[أبو غرام]

.. واستمر بكيبوردياتي ^_^ ..
.
.
.




ادع ربك وانحني له وابتهل=يمكن الدعوه تجي معك وتصيب
دام مبنى العرف عندك من جهل=مالك الا دعوتن عَلّه تجيب
من تردت قيمتك مالك اهل=خالفت دنياك هقوات النصيب
علمك امسى من مراقيب لسهل=خابت علومك عسى عمرك يخيب
جيت تصهل ليت مثلك ماصهل=النَعَقْ ماهو صهيلٍ يالبيب
الفكر شَبّ وشبابٍ أو كهل=ومضةٍ تضرب معاك او هي تعيب
يسبر اغوارك ومن بيرك نهل=يخبر العالم عن اسرارٍ تغيب
جيت لك ناصح على مهلٍ فهل=تسمع اللي يعرف العلّه طبيب
ادع ربك يمكن الدعوه تهل=تفرج الكربه وتطفي لك لهيب
غيرها والوقت الاقشر ما مهل=كم حسودن مات من حسرة صحيب

[أبو غرام]

.. ابيات على الطاير كتسجيل خروج


^_^







انا اشهد اني طحت ما سِمّي علي=والعشق مندوبه يفيض من العذاب
واقف على حد الوله اغلي غلي=لا الصوت ينفع والمسج يبقى سراب
قربه هَنا والبعد يصلاني صلي=في غيبته معمورتي ارضه خراب
تعبت اجاهد جفوته كني سلي=العمر فاني والعوض صار اغتراب
اقولها والقلب ماهو به خلي=مزنه روى ريع المحبه والهضاب
اصبحت اهذري بالموده وانجلي=للكل بيّنت الخفا دون احتساب
رضيت به لو كان ياليني ولي=ناره عَمارٍ جعل عاذله التراب
وانا اشهد اني طحت ماسمّي علي=ياللي اصبتن لا تزايد بالعذاب

[أبو غرام]

خلك على مبدا الصدق والصراحه=شخصٍ تبناهن على الراس تاجي
وان قل مردود الحلا والسماحه=عند الولي من يمسك الحق ناجي

[أبو غرام]

.. تسجيل دخول كيبوردي ..
.
.
.


اللي غذاه الوصل ينحل بدونه
.......... // تمسي حياته بالرغد ضك وهموم

حـيٍ و جمر الشوق احرق جفونه
......... // امن الوله يقلط على الصعب ويسوم

بـايع هقاوي لجل ناسٍ يبونه
........ // كافر بعلمٍ يودع الحب مقسوم

كـلمه تقال وحالف إلا يصونه
...... // لولا سطاها ماتعذر عن اللوم

[أبو غرام]

كثير من أمر عليهم وعلى مواضيعهم

وكثير من استمتع بالقراءة لهم ولأركانهم هنا

ولكن قلةٌ هم المميزون الذين أنبهر لجمالية أركانهم

منهم على سبيل المثال لا الحصر وأولهم بلا شك

أبو فهد

محمد بن موسى

فلله درّه من مبدع ومهندس شعري مختلف

[أبو غرام]

لا تقول الحب لعب ومهزله
.... // كم حروبٍ سعِّرت سبة حبيب

[أبو غرام]

انتهيت ومالك بقلبي غلا
....... // راحت العشره مع إقفاة النصيب

الوَلا ما عاد هو باقي وَلا
...... // والوفا ما عاد له سهلٍ خصيب

انتهيت الحب روّح وإنجلا
..... // سهم ما عاده لمعلوقي يصيب

[أبو غرام]

والله إني لملي الصفحه عشانك=وانتثر لك ود واطلبك السموحه
كيف لا والعشق حيٍ في زمانك=كيف لا والقلب ينشدكي طموحه

[أبو غرام]

قرّبي لي الكف اعياني السهر=مشتهي ارقد على كفٍ حنون
وان وصلت الخد منكي بلا نَهر=الرجا في ضمة انفاسك تهون
مشتهي اغفى بلا همّ وقهر=جامليني دامني بقولك أمون
عاشقك والعشق مرسول ومهر=احضنينا يومنا جينا بجنون
حالفٍ مانساك لو يمضي دهر=وان مضى ببقى على العهد المصون
قرّبيني لا تخافي لو ظهر=فعلةٍ تصنيفها باب المجون
دام كون الحب بالجمعه جهر=لا تقولي للحيا قرّب لدون
قرّبيني آه أعياني السهر=في حشاكي سلوتي قرّ العيون

[أبو غرام]

يالله اني طالبك سترك وصونك=ترحم اللي بالخفايا ما تغيّر
الكلام يضيع من خلقٍ يبونك=شفّها بالخير تمضي واتخيّر
تغسل قلوبٍ تصدت من مزونك=تقبل انفاسٍ ترجّى واتطيّر
عن سخطك الناس تبكي يرتجونك=عن جهنم ساقهم لا لا تسيّر
وفي رضاك العمر يزهى في فنونك=جنةٍ من طبّها غصب يتحيّر
يااله الكون نطمع في ليونك=تدمح الزلات ما دامه تجيّر

يا إله الكون نطمع في ليونك=تدمح الزلات مادامه تجيّر

[أبو غرام]

في العجلة الندامه وفي التأني السلامه

حكمه ليست صالحه فقط في الطرق والمرور

[أبو غرام]

مهداه للشاعر محمد الشمري ..
شاعر في احدى المنتديات المجاوره ..
تشرفت بمعرفته ..


ماقلت لك مبدع وغامض ومجنون=واحيان واضح في عيون البريه
يالشمري شفني اتابعك بالهون=اقرى من افكارك نوادر جريه
يمنى الشحم مديتها لك ومنون=تقدير للي عين قافه ضريه
تَسبع ولا تِسبع وتبقى ولاتهون=ويدوم شعرٍ بيّن المقدريه

[أبو غرام]

ان جيت تفرح وان غبت غاب فرحك=يعني مفاتيح الفرح في يديّه
هذا الكلام اللي سبق غدر جرحك=ياليت غدر الجرح ماهو عليّه

[أبو غرام]

خابت ظنونٍ تبيك=ياخسارة عمره فيك
جات تخطي ترتجيك=والجزا غدرك بها

[أبو غرام]

http://www.weelan.org/misc/weelan_35272.jpg


كم .. حذّروني .. من .. غلاك=واقول .. قلبي .. هو .. يبيه
قالوا.. حرامي .. من .. وراك=وانطق .. براضي .. واشتهيه
الحب .. اعماني .. بهواك=والفكر .. عيّا .. يزدريه
اضيق .. بالضيقه .. معاك=وافرح .. لفرحك .. واهتنيه
حتى .. تبيّن .. لي .. خطاك=عزي .. لجاشٍ .. يرتجيه
ما عادني .. راغب .. رضاك=ولا عاد .. نفسي .. تحتريه
طوّحت .. ارضك .. مع .. سماك=اخفيت .. كونك .. دون .. ايه
خلاص .. قررت .. الحراك=من دون .. حبٍ .. او .. شبيه
وان كان .. قلبي .. ما جفاك=خذه .. ما عاد .. إنّي .. ابيه
هذي .. حقيقة .. منتهاك=واللي .. يحبك .. هو .. سفيه

[أبو غرام]

همسه :

مشكلتي أحب قراءة المقابل كثيراً
فلا تعتقد بأني لا ألم بك .. على الأقل
حسب حدسي ..

فــضــ ^_^ ـــاوهـ

[أبو غرام]

العي عي لين يبلش وهو عي=واليا ابتلش وابلشك كب المعايا




حكمة حفظتها منذ الصغر

[أبو غرام]

الله .. واكبر .. بس .. يالو .. اشوفك=والله لسوي .. ايه .. ثمّ .. ايه .. ثمّ .. ايه



;)

[أبو غرام]

.. تسجيل خروج



جيتك على كف الوفا فااارد يديّ=وانته بعد ذوق الوفا تقول : باروح
العين لا سالت من فجوجهااا الميّ=تعني همومٍ ترعد بخافق الروح
تكفى تدارك حالتي يابعد خيّ=القلب من خوف المفارق بدا ينوح

[أبو غرام]

حقيقه مره ..


ادركت من كثر التجارب حقيقه
........................... إن البشر مثل إختلاف الأصابع

به من يصد إليا شعر فيك ضيقه
........................... لاصار حزنك في حناياك قابـع

وفيهم صديق ٍ مايجافي صديقه
............................ وافي وقلبه بالوفـا دوم نابـع

ماكـل مايلمـع يغـرك بريقـه
........................... جمع الجماعه غير جمع الطوابع

لله در محمد بن موسى

فهذا الشعر منذ ان قرأت له وانا اقول
حفظه الباري اينما وجد

مبدع واتشرف بمعرفته ..

راق لي كثيرا هذا النص فستعرته من ركنه

[أبو غرام]

http://www.weelan.com/vb/image.php?u=1847&dateline=1275128559



وينها دنياك غيّبك القدر=ضاعت سنيني اراجي ترجعين
الجفا حسره تضيّق بالصدر=فوق قلبي ترتمي غصب وتبين
ليتني ماخترت بالدنيا بدر=النجوم ألوان لكن ما تعين
وليت فكري بالهوا نهجه غدر=كان يقبل بالخشاش وبالسمين
وينها دنياك غيّبك القدر=لولا خاطر شوفتك ما قلت وين

[أبو غرام]

http://www.weelan.org/misc/weelan_user113_pic147_1267090046_thumb.jpg


ادري بالوصله عواقب او خطا=مار ارضى بالِوزر دامك قريب
دام دستور الهوا اخذ وعطا=فدوتك عمرٍ تعزوى بالحبيب
من يلوم القلب لو حب الوطا=دامها ارضٍ تمثناها الصحيب
اللقا مطلوب و الستره غطا=لا تخاف البوح زلّات اللبيب
بنتظر وصلك ولو طال البطا=منوة اللي مثلي لا يمكن تخيب
اسع بالوصله ولا تخشى السطا=حبنا ما تلمحه عين الرقيب

[أبو غرام]

تسجيل دخول كيبوردي كالعاده ..
.
.
.


ياليت قلبي بالهوى ما تعلّق= ما كان حالي بالخفا يكسر الحال
ما كنت اهلّ الدمع مزنٍ تخلّق=زخٍ على خد الوله يكتب أحوال
كم لي أداري والمشاعر تطلّق=تنشر حقايق للغلا تكشف البال
اشتاق له والعشق نجمٍ تألّق=زيّن سما هايم تغشّته الاهوال
ياليت جاشي ما فتح ما تغلّق=ما كان تاه الفكر والودّ والفال
اليا بغيت الوصل قام يتزلّق=لله ولا الزئبق يضاهيه بافعال
وشلون اجي له واحتوي واتملّق=رجمه وعر متخالفه فيه الاقوال
ولو قلت حبي للرجوم يتسلّق=ما تنفعه والخل يرضع من انذال ؟
ضاع العوض من يوم ثوبه تشلّق=حتى الصبر من جمرة البعد ما مال
راس الحلا لا صار دوم يتصلّق=بالجور محقونٍ وبالضيم همّال
ودك تفكه دام هامه تفلّق=الضرب بالميت فلا يعدّل الحال
ياليتني ابقيت بابي مغلّق=اسلم من النوحه على ذيك الاطلال
وياليت قلبي بالهوى ما تعلّق=ما كان جبت العيد وبينّت الاخمال

[أبو غرام]

راح وفكره اني بجلس واتحرّا=مادرى ان الصداقه غير غير
العشق ماهو مثل ماهو تورّا=الهوى غير الموده غير غير
راح ولكن بالحقيقه ما تبرّا=فكره ماهو مثل فكري غير غير

[أبو غرام]

هذرلوجيا .. لرسم الابتسامه
.
.
.



كُلّمَا بَانَ حَيَاهَا إِرّتَجلّتُ=بَيّتَاً احَفظُهُ قَدِيّمَاً من زمانا
ويّلَ قلبي لو فقدت مافقدتُ=وقتها تاهت مقولة : وش بلانا ؟
والمصيبه من ردودٍ يومً شفتُ=بص .. افندي .. ايه عاوز .. من ورانا ؟
قلتُ [ واوي ] ليتني لَهْ ماعطفت=عَطفُنا جمعٌ تكسّر من عَيانا
ليتني من قبل اشوفك ارتطمت=براس عاير بس ماتضوي سمانا
آلت : النَفْسُ المُحِبّهْ ماتعدت=وصل قولك يا حبيبي .. من زمانا
بعدها .. تهذري عليه - والّتفُت -=وانا مدري وش تبي ..جملة.. ورانا ؟
قلت والقول على قول : التفتُ=ليتهم رقدوا ..ولا .. جيتي معانا
الحقيقه يابُنيه انفغصتُ=وانغفص فكرٍ معايه واحتوانا
آني مدري بالحقيقه لا غفوتُ=أوني مدري بالطمانه يا طمانا
ليتني غيرتً يومني بحثتُ=أو لبِستي ثوب غيرٍ يا هنانا
ابن عمي .. هون .. كلماتٍ تصدتُ=تسحب بساط الموده من وفانا
قولي ..تأبرني.. وانادي .. انبهرتُ=آآي .. يازولٍ ..ادايره بضمانا
اشكره او زاف او حتى خبطتُ=المهم اللبس هذا هو غثانا
آلت اوعى تجرح احبابٍ تلبتٌ=لولا قدر الحب ما شُفتا هوانا
قلت انتي اللي كذبتي ما كذبتٌ=لعنبو حيس سلبتي اللي معانا
قالت استاهل؟ ومن ثم صَمتٌ=سَكتُنا في السلم تعني له رضانا
وكُلّمَا بَانَ حَيَاهَا إِرّتَجلّتُ=بَيّتَاً احَفظُهُ قَدِيّمَاً من زمانا



وسلاااااااا ^_^ ااااااامتكوووو

[أبو غرام]

الطفاقه شي والحنكه ذهب=وش يجيب الشي دامه كالحديد
لا تجي بالساع وتجيز النهب=الخطا محدن يجيزه يا بعيد

[أبو غرام]

كثّرة الكيبورد اليوم ^_^

.
.

تسجيل خروج

.
.


المزح نفح الروح عما يضيقه=بابٍ يجيله كل محتاج للعون

[أبو غرام]

سعدت بالكيبورديه الصباحيه من الغالي ابن نفج
وهذا ردي الكيبوردي الصباحي عليها ^_^



حيث كانت قصيدته تقول :




يــــــا صــــــا حـــبـــي يــــــوم الــخــلايـــق مـهــاجــيــع
عــيـــنـــي لــقــلــبــي مــــــــا رجـــــــــت بـانــتــفــاعــه ..


كـــــــل يـــــــوم تـــشــــرب مـــــــن عـــذابــــه قــراطــيـــع
و الـقـلــب ضــايــع فــــي هـبـايــب ضـيــاعــه..


يــــــــا جــــايــــز مــلــيــحـــان مـــــــــا هـــــــــي مـــرامـــيـــع
قــــــل وش ســبــايــب عــزلــتــه و انــدفــاعــه ..


بــعــض الــهـــوى خــلّـــف قــلـــوب ٍ مـواجــيــع
و اعــلـــن عــلـــى دنــيـــا الـمـحــبــه وداعــــــه ..


و راع الــهـــوى يـطــلــع صـــعـــاب الـمـطـالـيــع
يـــرقـــب عـــلـــى زيــــــن الـــحــــلا و اتــبــاعـــه ..


يـتـبـع حـسـيـن الــوصــف مــــن ريــــع ٍ لــريــع
و يــقــيــس جـــرحـــه بــالــزمــن و اتــســاعــه ..


و تـــــال الــهـــوى حـــــب ٍ تـــلاشـــى بــتــوديــع
و الـحــب يـــا المـطـنـوخ يُــطــوى شــراعــه ..


لــــيـــــت الــــهـــــوى يــــومـــــر بــــالايـــــام و يـــطـــيـــع
ليا قلت هوّن قال : سمع ٍ و طاعه ..




فكان الرد الكيبوردي السريع يقول ^.^ :



أهلاً هلا باللي لفونا مجاميع=نفرح بهم كالمزن عقب انقطاعه ..
( يابن النفج ) ( يا سعد ) ( يا مخالف الهيع )=( يا زارعٍ ) بالجاش ود الجماعه ..
قافك لفا ولّع بي اليوم توليع=جدد حروبٍ ما بغيت اندلاعه ..
يالشوشلي ان كان حصّلت توديع=غيرك غشاه الهم دون الوداعه ..
لصبح كئيب مفرع الراس تفريع=واليا غفا هجره يقض انجضاعه ..
ينعى زمانٍ ماحدر به مداميع=لاشك فاض الدمع عقب ارتفاعه ..
لولا الحيا بالضيم للعالم يذيع=ينثر خفا زفرات نفس ومجاعه ..
عزمه وباسه صابهن بعض تقطيع=والدين صمام الهوى عن صياعه ..
خِله جفاه وحالفٍ له فلا يبيع=مجنون يسمع بالوفا من طباعه ..
يعني هفا بالعشق او شارف يضيع=واللي يحوف الحب يحرق صباعه ..
مار امطخ اليمنى وقبّل بتنويع=احدٍ يجيه الخل يعلن وداعه ؟ ..
هذي الحقيقه لو مشاعرك ما تْطيع=لاتقرب الرجعه ولو بَه لِمَاعه ..
والوقت قاتل للقهر والتراويع=والغصن الاصفر لا حيا طال باعه ..
العشق يقشع سابق العشق تقشيع=واليا انزرع بالوصل زان استماعه ..
هذي نصيحه كان ودك لي تطيع=الذكرى افضل من تمني رجاعه ..
وان قلت .. لله .. ماني لشورك مطيع=ابشر بمندوب الخطر واندفاعه ..
نسلب لك المجمول نفدع بتفديع=غصبٍ ينيخ لخافقك .. ما ستطاعه ..
لاشك ما بدّل فراش ومهاجيع=إلا كريه الصنف لاقي بضاعه ..
لكن على ما يشتهي .. امرك .. نطيع=كله ولا تبقى اسير الضباعه ..


^_^

وسلامتكم

ماستطاعه = بمعنى ما اقتدر عليه .. المقصود به الحبيب .. <<< يدرّس قواعد هالايام ^_^

[أبو غرام]

ياليتني عندك عن الناس مخفي=محدن يشوفن ياغلايه سواكي
ألعب على كيفي ولا هو بكيفي=غصبن علي انساق قلبي هواكي

[أبو غرام]

إِهدااا خاص ااااء
.
.
.


ضَاقت عليّ كأنها تابوتُ=لكنما يأبى الرجاءُ يموتُ
ياصاحبي إن غبت عنك مودعاً=بعدالرحيل ينفع الياقوتُ ؟
عجّل فقد سحق الزمان مشاعري=بركان شوقي هائجٌ مكبوتُ
تبكي وتندم في غدٍ لكنما=واضيعاته اذا الاوان يفوتُ


ياتعبنا..
___ياسهرنا ..
ياقهرنا ..
____يا اربانا..
.
.
.
.

والله دنيا
والله دنيا
والله دنيا
والله دنيا
والله دنيا
والله دنيا
والله دنيا
والله دنيا


http://www.youtube.com/watch?v=Vck-4N92mqI

[أبو غرام]

الموت موت القلب من زود مافيه=اليا تمادى مات من كثرة اخطاه

[أبو غرام]

ياقلب لا تبين تجاريح الايام=ياقلب لا تبين خفايا شعورك
ما بالبشر ياكود شامت ونمام=ناسٍ يرقّصها تعاسر جبورك

[أبو غرام]

لي بالمحبه والموده عناوين=ابوابٍ اكتبها تفسّر عنايه
تشرح عن العثرات ومقابل البين=وترصد حقايق عن حقايق هوايه

[أبو غرام]

روحي معاهم جعل دربك سهالات=انا مع ذاتي وصادق كلامي
ماتغرني الضحكه ونثر البشارات=والود غير الحب غير الغرامي
جيتك وفا واخلاص وحفظ المقامات=وارفع مقامٍ مايراعي مقامي
جيتك اخو جيتك وليفٍ ورايات=جيتك على كل الامور القرامي
وان كان بالفرقى جمايل وغايات=روحي عسى درب الجفا لك سلامي
اقولها والفكر يرثي البدايات=والجوف حافظ قدركي والعظامي

[أبو غرام]

الهوا لو قالوا انّه مايسير=واقفٍ للخِل الأول مامضى
اشهد إّنا ضعنا في عتم المصير=الرجال تموت والحسره قضى
لكن إن الكذب والحبل القصير=ماعثى بالحال ولا شب الغضى






الهوا مجنون واموره تِغير=تسلب الاشواق وتعيش برضى
والهوا مطيور لا جيته تطير=فوق ارض الحب عايش بالفضى
والهوا في قربه اوضاعك تنير=الحظيظ اللي بمندوبه حضى






والهوا لا راح أنّبك الضمير=جمرته تودع حياتك باللضى
لكن انك ماتموت ولا تبير=تلقى من ينجيك عن حرّ الشظى
يعني قول ان الهوا لا مايسير=كذبةٍ ماتنزرع بارض حضضى

[أبو غرام]

قالت :=
يانور قلبي يا غلاه وهيامه=قلبي على شوفك شفوقن ومشتاق
حبك غزا قلبي وعزز سهامه=ما عاد لي حيله على البعد وفراق
فقلت : =
ما عاد لي بالخلق ودرق الملامه=بشت الحيا لجلك رميته بالاطلاق
نورك شفا جرحي وقض الظلامه=والعين من غيرك فلا تقبل عناق

[أبو غرام]

لا تقول ان الهواجس تستريح=الهواجس ما تبي منك شفقه
ما تشافى ما تهاون ماتبيح=لين تكسب من على النخل عذقه

[أبو غرام]

ان عشت بالدنيا شجيعٍ وضرغام=والعقل معهن مكتسي بالرجاحه
انا اشهد انك عشة في عيشة اكرام=والعاقبه جنه تساوي رباحه

[أبو غرام]

اهتنيت الود وارخيت الوفا=واعتمرت الوصل مقسوم الخليل
والمشاعر حسستني بالدفا=والرجاوي ثابته عند الحليل

[أبو غرام]

شكراأأ بحجم السماأأأء

لكل من مر من هنا

[أبو غرام]

من القديم ..فلتمسوا لها العذر





زمجري يحروف شعري شعللي قاف القصيد=جمهري بالشعر قومٍ ماتحب الجمهره
جرهديهم يالنوادر زلزليهم بالوريد=علميهم بالمعاني كيف شعر المقدره
شاعرٍ قافه تعلا يوم منطوقه فريد=شجرته في كل غصنٍ تورق وفيها ثمره
ونوّه اللي لا تجلى واضحٍ لو هو بعيد=لو يكون النوّ جره من قلم في محبره
تجتمع حوله مشاعر واتعصّب له اكيد=تثبت لقلب المنافق كيف كان ومحقره
هاجسي لامن تبيّن يحتضن هرجٍ سديد=يسبر اللي مايشاف بعين ثمٍ يحضره
طاحت اشباه الحثاله دامها مثل العبيد=ماتعلم لين تضرب لين يوطى صابره
شايشه وقت العوافي قبل مايحمى الحديد=خانسه عند الحقيقه ثاويه في مثبره
آسم رقابه نكايه وسمي يصبح له نشيد=كل يوم تعانق اسمي راكزٍ في منحره
وزمجري يحروف شعري مثلكي لا مايبيد=النحت في الصخر ماهو مثل بعض الابخره
وافهم افهم يا صغيّر دامك بجوي بليد=الحشو مايدحم إلا من يشابه ناظره
اهد وارتع بالفضاوه مالك بهام الشديد =شيٍ أكبر من مقامك يوم صنفك مبزره

[أبو غرام]

يالتني اقدر على البعد وفراق=مار البلا بالبعض كنه اوخيك
اقرب من النسمه ومحيي للاشواق=وِدّه ملامس شي من قدر ابيك

[أبو غرام]

العيد جانا والتهاني تتالت=وانا بدون الخل ماني معيّد
افرح لهم واضحك وبالعين بانت=لهفة رجا إني مع الخلق أعيّد

[أبو غرام]

ياكثرهم اللي يبونا نتفرق=من فرحهم العيد يصبح بعيدين
ناسٍ عروقه بالخفا ما تعرق=متعوده قطع الوصل بين الايدين
لكن على ماقيل قبل اتطرق=هذي يميني فارده دون الادنين

[أبو غرام]

قالت .. وقلت : =
قالت : هويتك والغلا هايمٍ فيك=والعين ياعيني رجاها تشوفك
قلت : الهوا عذبٍ ومتمسكٍ بيك=والروح ذهلى من تكامل وصوفك
قالت : طويتك للوفا والوفا ليك=باللين ياخلي اجيك واحوفك
قلت : البقى بالوصل وبالوصل احييك=عهدٍ عليه يالحلا ما أعوفك
من بعدها واوضاعنا هيك في هيك=مره كذا ومرات يمكن تروفك
متذبذبن حال الهوا لوهو يعطيك=ذي حكمتي يا سامعي لا تطوفك


:)

[أبو غرام]

أهلاً هلا بك ياهلا بك هلا بيك=يالشاذليه النادره في وصوفك
يازين حظي يوم تقبل خطاويك=من لهفتي حتى النغم في حروفك

[أبو غرام]

أهلاً هلابك ياهلا بك هلا بيك=يالنايفه يالنادره في وصوفك
يازين حظي يوم تقبل خطاويك=من لهفتي اسمع نغم في حروفك



عذراً فلم أنتبه إلا للتو وخالقي.. ورجوع بالحق ولا رجوع بالباطل

[أبو غرام]

تمّيت في خمسه وعشرين صفحه=انثر لبعضي يوم بعضي تنثّر
ياهاجسي جوّك فلا بان نفحه=توّك تحرّك يوم غيرك تعثّر

[أبو غرام]

كل عام وأنتم بخير

من العايدين الفايزين

[أبو غرام]

................

[أبو غرام]

بما إننا في ليلة عيد

والكل يتحرى العيد .. ويبي العيد .. فأنا قررت أجيب العيد ^_^

ولكن هالمره بجيب العيد فيني .. وماني معلّم من كان معي أو ما راح أجيب معي أحد

حرام خطي والله ... مابصيرش أفضح خلق الله .. كذا اصير جبت اعياد مو عيد ههههههه ^.^
.
.
.
عموماً

يطري علي .. موقف لا يمكن أنساه ( والله لا يحل اللي سوو فيني الموقف )

وهو عام 2002 م

حيث كنت توني وش حليلي فطفوط لكني طايح باللي يقاله : النت ^_^ .. وعلى وجهي

يعني اقرب مثل ينطبق علي وقتها : بدوي طاح بله مريسه ^_^ ههههههه

لأني لقيت النت وطبيت فيه طب ..
على العرض مو على الطول بعد
خخخخخخخخخخخخخخ

المهم

اذكر وقتها كانت العالم قابعه وطايره بشي اسمه البالتوك والدردشات الصوتيه

وكنت مدرعم دايماً هناك ^_^ ..
خاصةً البالتوك ( بعد ماطبيت بالغرف الصوتيه ) بس وربي ماقد حطيت على المربع صح إلا مره أو مرتين ^_^
ههههههههههههههههههههههههه


عموماً .. مو ذا موضوعنا <<<<<<<< مو قايل لكم بيجيب العيد ^_^


المهم إنهم بالدردشات الصوتيه .. طاحوا بحركه وهي وضع اغنيه اهداء للجميع

وكانت الاغنيه واضحه ورووووووووعه .. تسمعها صافيه ^_^

وكنت انا مستغرب .. كيييييييييييييييف يسوون هالشيء ؟

طبعاً اخوكم البدوي القروي مايعرف .. وعلى نياته .. فقال بس : اكيد عندهم بالبيت ستريو كبير يشغلونه

^.^ <<< ابوووووو يالفطانه وووووك

المهم ماقدرت آخذ ستريو الشقه .. لأن اخوياي هناك متمسكين فيه وكل ليله سامري هناك ^_^

حتى يوم تطوعوا تطوعوا جميع ^.^ <<<< ماشين على مبدأ قدام لعنبو صدام .. أو مبدأ الريوس مفصول ^_^

الريوس =يعني الرجوع للخلف ^_^ <<<<<< ابوك يالشرح هههههههههه


عموماً

مو ذا المهم بالموضوع <<<<<< الحين ما كنك جبت العيد بالخلق ؟ ^_^

المهم

بلشت بالفكره حقت الاهداءات لاني كنت ابيها حييييييل
فطَرت لي فكرة إني أشغل اغنيه من موقع اغاني .. وكان وقتها موقع طرب توب وطروب وطرب .. هن افضل شي

فكنت احب اسمع لكاظم ومحمد عبده .. خاصة كاظم آخر الليل .. مجنون ..

وكنت طول ما اجي واهذري عندهم .. ولا جا وقت الاهداءات ... احب اصرقع << معذور ماعرف اهدي ^.^

فكثّرتهن عليهم فقالوا مره .. ياولد

تراك من جد وملااااااا مره سويت لنا اهداء .. << على فكره كنت كل ما اتبنّص ارجع بنك غير

عدا النذل البالتوك ما ارجع الا بعد 24 ساعه ^.^ <<<<<<< خبرة تشّويت اللهم ياكافي ههههههههه

مالكم بالطويل يتعبكم ^_* ..

اكمل فا اقول : تهورت ذاك اليوم
.
.
.
.
وياااااااااااليتني ما تهورت انا وفرتي .. حيث اني رحت سلمكم الله

واخترت اغنيه من اغاني .. علي بن محمد او مدري اصيل ابو بكر .. المهم الاغنيه طايره

وانا خلقه طاير ومطفوق
هههههههههههههههههههههههههههههه

المهم حطيتها وسويت فيها عبقري .. واقوم سلمكم الله .. واحط سماعة الاذن اليمنى على سماعة الاذن الثانيه ^_^


على بالي وحده للاغاني تبث باذني والاخرى اسمعهم بها اذا تكلموا <<<<< ما قالكم قروي وبكراتينه بعد ^_^

هههههههههههههههههههههههه


لا والطامه اني متحمس وارقص .. والانذال اللي بالغرفه .. اللللللللللللللللله لا يحلهم ^_^

يرقصون ويعنني مروقين معي .. وانا اغني مع الفنان .. اثاريه مافيه غير انا راجن الغرفه بصوتي ^.^


لا وفيهم واحد يقاله خوي صدقي لي حتى ينبهني

الا واحد نذل

هذاك لا يمكن انساه ... كان يسوي معي على التكست كذا :

))
((
))
((
))
((
))

((_
_))

النذل

^_^

كنت احسبه منسجم معي بالاغنيه ويهز

ههههههههههههههههههههههههههههه

وانا مدرعم ولاااااااااااااااااااااااااا همني .. حتى رحمني واحد وقال قبل تنتهي الاغنيه<<<شوفوا متى رحمني بس ^_^

ياولد تراك ازعجتنا وتراهم يكذبون عليك .. ترى ما طالع الا صوتك ^_^

انت ويييييييييييييييييييييييييييييين رايح يامقروش ^.^

.
.


يخرب بيتهم .. وشوي وادوخ من الحيا ^.^ <<<<< ماكان يتوقع إن الحيا يدوّخ ^_^

وأغيب واهرب واعض شليلي .. ولا ارجع لهم الا بعد شهر ..
بعد ما تعلمت ^_^
واول ما رجعت واول مادخلت على نفس الروم
وألقط المايك << قوة ارسال^_^


واقوم واعطيهم اهداء ويوم انتهيت من الاهداء .. لعنت كوثر خيرهم لانهم ماعلموني قبل ^_^ ... فكان من القراده

ان اللي علمني .. من ضمن المجموعه .. فقال : تراهم طلعوا من هنا .. وماعادهم راجعين تفرقوا خلاص

فقالوا اللي بالغرفه : ليه وش السالفه ؟ ^.^ <<<<<<< شوفوا حظي بس

فقالهم النذل السالفه
وماتوا ضحك وبدا التهزيء .. وصرت بدل ماني مفضوح أمام مجموعه بس وغرفه وحده بس واللي بها تفرقوا
طلعت منفضح بين رومات ذاك الموقع كله .. كل مادخلت روم

قالوا وصل البدوي .. بالله اهد لنا اغنيه^_^
ههههههههههههههههههههههههههه

.
.


وهربت ولا عاد رجعت لهم من جديد

اللللللللللللللله لا يحلهم هذولمك ^_^

وكل عام وانتم بخير

وعقبال ما نجيب لكم عيد ثاني ^_^

هههههههههههههههههه

وشكراً

همسه : اللي يبي يتعلم منكم كيف يحط اغنيه وهو يحسي ترى مستعدين

لدينا الخبرة الان ^_^

ههههههههههههههههههههههههههههه

[أبو غرام]

لا زلت اهني النفس واقول حظه=توه تعدل يوم ربي لكي جاب
عيدي تبدّل والسعد بان رظه=مضارب الفرحه تبدت للاصحاب
ياضي حالي يوم قلبي يخظه=غرون تمكن بالحشا ضف الاعجاب
كف الغلا والشوق راكد ولظه=احيا عروقن بالهوا واهجه ذاب
الضيق ليلن والهوا غصب قظه=والروح صارت تذكره دون ترتاب
الله واكبر كيف الاشواق غظه=مشاعرن تنقل من ركاب لركاب
بدلت ثوبي وارتضيت المغظه=وهيّفت يم اللي تناصوها الاحباب
مدينتن مافيها راجي مفضه=الانس فيها عمدةٍ فاتح الباب
ولازت اهني الروح واقول حظه=مدام رويان الغصن حي ما غاب

[أبو غرام]

كيبورديه .. للتواصل معكم

خاصه بالعيد .. ومحبي العيد ;)


عيدك تبارك الا عيدي تبارك=في حضرتك العيد عندي بعيدين
ياليتني محظوظ قربك ودارك=ابقى على نهج الفرح والفرح زين
او ليتني بالحيل جنبك وجارك=والله ماتبعد عن الفكر والعين
العيد عرفك والبقا في شعارك=كلمه ثمينه باقيه عندي لدين
امنّتني حفظه وأمنّت كارك=نبقى على درب الوفا والغلا لين
احظى بشوفك واهتني في مدارك=واروي ضمى عاشق تأزم من الشين
النار حيه والرجا ضم نارك=برد الشتاء ماينفعه ضم الاخوين
بالله مامرك مسير وزارك=طيفٍ يشابه صاحبك يشكي البين
بالله ماحسيت في يوم شارك=واثلج شعورك مثل ما تثلج يدين
بالله ماظنيت مجنون بارك=مدمن ولا يمكن يفارقلك العين
هذا الهوا مركوب والطار طارك=من وين ما تبغاه يمشيلك الفين
وعيدك تبارك الا عيدي تبارك=رسالتك تعني لي العيد عيدين

[أبو غرام]

الراي بين الخلق مخطي على مصيب=متأرجحن مابين هذي وهذي
واللي تعدا للعيا ما نفض جيب=مسكين عظمه من قفا الخلق غاذي
ياهيه ياللي ما صعدت المراقيب=يمناك تقصر واللحم منكِ هاذي
خلك على سَلم الوطا والقصاصيب=ياجاهلٍ بالعرف والزول شاذي
اياك تقربني تذوق العواقيب=درب السلامه دوّره ثمّ حاذي
هذي نصيحه قبل ما افقد الطيب=ما كل نفسٍ تستطيعه وتاذي
والله لعطيلك نماذج واعاجيب=منها تقول الموت من وين خاذي ؟

[أبو غرام]

بعد ان انتهى الكيبورد
اتى التمحيص
فكانت النتيجه :


الراي بين الناس مخطي على مصيب=متأرجحن مابين هذي وهذي
واللي تعدا للعيا ما نفض جيب=مسكين عظمه من قفا الخلق غاذي
ياهيه ياللي ماصعدت المراقيب=يمناك تقصر واللحم منك هاذي
خلك على مربى الوطا والقصاصيب=ياتايهن بالبصر والزول شاذي
إياك تقربني تذوق العواقيب=درب السلامه دوّره ثمّ حاذي
هذي نصيحه من قبل مفقد الطيب=ما كل نفسٍ تستطيعه وتاذي
والله لنوّع بك نماذج واعجايب=منها تصيح : الموت من وين خاذي؟
مار انثبر لتقول صعبه لك اجيب=ماتسترك مغشى وخلفه تلاذي

[أبو غرام]

عجيبه حالتي وياك=اقض النوم من شانك
ولاجيتك وانا انصاك=تصك أقفال بيبانك

[أبو غرام]

سبحانك اللهم وبحمدك .. لا إله إلا أنت أستغفرك وأتوب إليك
.
.
.
منذ صباح الأمس وحتى الساعه العاشره مساءً

لم ترد أخبار كأخبار الوفيات لهذا اليوم

مجمل ما وصل الى مسامعي فاق العشره

اللهم احفظنا بالاسلام قائمين وقاعدين ونائمين وعلى جنوبنا
اللهم احسن خواتمنا وتقبلنا قبولاً حسن
واللهم احفظنا من بين ايدينا ومن خلفنا وعن يميننا وعن شمالنا
ونعوذ بعظمت ان نغتال من تحتنا
.
.
العمر قصير فعلاً .. فاستغله بذكر الله

ألا بذكر الله تطمئن القلوب

[أبو غرام]

لا إله إلا الله

أستغفره وأتوب إليه

[أبو غرام]

يبقى الجهل عنوان فكر المهابيل=اليانحرث فاحت خوافي سذاجه
علاجهم لا شفتهم بالمقابيل=حقر السفيه ومرتضين السماجه

[أبو غرام]

اشيم عن هرج الخفا والحثاله=من طلعتي مانزل لهم بارض وسلوم
مالي بهم بالطيب ربع وزماله=لله ولا يلحق مقامي بهم لوم

[أبو غرام]

إن كان ظنّك بالهجوم السلامه=يمناك تقصر من خطا الظلم والزور
ما كل من يسبق ينول العلامه=والكذب عزمه للملا غصبٍ يخور
لا تفتكر انك رقيت القرامه=مثلك على ماقيل في جرهدٍ بور
تستاهل الخيبه ولا لك ندامه=ياكيف تنسى ان الزمن وقت ويدور
مار انتبه للوعر وارض العدامه=قدامك المشوار ومن بعده السور
وان كنت تبغى النصح وفج الظلامه=يمناك صوبنها عن الظلم والزور

[أبو غرام]

الله يلوم اللي يلوم المواليف=لاصار لبس الخل لبسٍ إلهي
محلا من النظره وفتح المظاريف=إلا لذيذ الطعم لا صار راهي

[أبو غرام]

تبقى الحثاله في زمان الحثاله=متنومسه ظنه على الراس والعين

[أبو غرام]

تحت الإنشاء ..


ذيبٍ عوى لج الضلوع المحاديب=هز المسامع يوم بالصوت نادى
جاوب صدى والصوت لا جاوب يجيب=خافي الحشا يوم الحشا له تنادى

[أبو غرام]

الرجال اصناف والدنيا دروس=والبشر مافيها رايه او علم
والحظيظ اللي تربى مايحوس=نايفٍ يبقى على روس القمم
من قديم الوقت والهمّه ضروس=عاليه لو كان ما تملك قلم
مارضت بالضيم او بعض الجلوس=دون حلمه ما تصاغى للرمم
وان سمعت القاف او نبض الهجوس=تدري ان العز مبناه الألم

[أبو غرام]

الكيبورديه الثانيه قبل النوم ..
.
.
عسى ان ترضي الذائقه



ياعيونٍ كل ما ناشن فرح=حال دون الفرح مندوبٍ حزين
كن سايق سعدهن منهن طرح=فائهن للتاء سوّد بالسنين
صار نبض الروح ترجامه ترح=واعذاب اللي حياته ماتزين
لو يشين الوقت او خله جرح=قال عادي بالنوايب مغتذين
ماعرف للانس او عمره مرح=من حياته بالمصايب للدفين
مره قالوا انه بالصدفه سرح=في مغبة انشغال العاذلين
قالوا انه للغظي هاض وشرح=بيّن الخافي على كف الونين
وقبل ما ينهي الحلم صابه قرح=وانتبه والاهو بارض العابسين
هن عيونٍ عانقن فرحه ترح=كلّ ما لمسن سَعْدْ امسى غبين
ناصبٍ له بالتعاسه له صرح=مايهده عزم او حظٍ سمين

[أبو غرام]

ان صخا بك وقت او هو ما صخا=خلك لكتم المشاعر لا تبوح
البشر وان شح نزفك او رخا=ماتفيد ولا تلملم للجروح

[أبو غرام]

الذين يشاهدون محتوى الموضوع الآن : 11 ( الأعضاء 1 والزوار 10)

انتم مكسبي الدائم فلا حرمني الله تواصلكم

اخوكم ومن يسعد بكم / ابو احمد

[أبو غرام]

..


الله يديم العز والخير يبلادي=والله يحفْظ اللي لكي شايل الرايه
اللي تعزوا بالهمم وحّد ايادي=عقب الضعف صارت لنا وحدته غايه
عبدالعزيز الامام القرم والبادي=مطوّع الكايده في حقبته آيه
شيخٍ على النايفه والصعب ورّادي=فجّاج نحر العدا من دون تروايه
كريم مايلحقه بالجود نقّادي=حاكم سياسي فلا تكفي به روايه

[أبو غرام]

العز ما ينكسب بالسهل والهيّن=حرٍ طليقٍ قليلٍ يمسك خطامه
ماينحني لواحدٍ إلا له يبيّن=جوده وفعله وفوقه عزة إسلامه

[أبو غرام]

بيت بالويلان .. ولاتهون باقي القبايل والحمايل ..


منبع الطيب الشمال ومنقع العز عنزه=واللي يرجي للكمال [ يعيش ] ويماشي عنزي

[أبو غرام]

أكبر قهر دفعتي للطيب والجودي=والعاقبه قطعة اليمنى من اقصاها
ياصاحبي هالوقت لو كنت كالعودي=جمر الردى يحرق الطيبه ويشناها
ضريبة القرم لامن عانق سنودي=ضرب القفا بالخفا والظلم يزهاها
حسبي على اللي غدا بالخلف ماجودي=من حرّته يزرع الكذبه ويدراها
لا خايفن خالقه ماله عن النودي=متزهمل الناقصه متعصّب رداها
اكبر طموحه يصيب الطيش بارودي=لا واحسافة اماني ضاع مبناها
مايدري ان العطا من شيمة جدودي=والروح تكسب من الافعال احلاها
اشيم عن هافي الكلمه ولازودي=والحقره قَسْم العفن لا زاد يلقاها
مالي بهم يافتى قاله ولا ردودي=دار الخلا نزلهم بالصيف وشتاها
ياكود نشمي نعد بعرفه الفودي=ارضه كريمه ووبل العز اسقاها
في هرجته كنّه القاضي وموعودي=منه الزلل غايبن والكبد ماذاها
يسخا بكف الوفا ويجسّر عضودي=وانا على مامضى اماثل اعطاها
اكبر قهر غلطته ان جات بحدودي=ان كان مقصودها للعين اعماها
ان كان برق الحسد يلوح بصعودي=برقي على ديرة المذكور ما جاها
ماكنت اعرف البشر وانه كما البودي=هياكله لامعه والزيف يكساها
حتى لفت غارقه بالبهت والكودي=وقته عرفت الجسد يشكي طغا عظاها
لا صار قلب الفتى غاير وملهودي=ظليمة النفس تسهل حين بغضاها
اكبر قهر دفعتي للطيب والجودي=والعاقبه عضته لليمنى واقصاها
ياصاحبي بهالزمن احذر من العودي=للسَلّم الاول مدام الخلق بعياها
واياك تحكم على الازوال والبودي=حتى تشوف الصدق عامر ويهناها
عند النجاح اتحضر وتقول ياسعودي=يمناك هاته ترى يمنايه غطاها
اقولها والخطا مابيّح سدودي=يالله عسى ظالمي بالنار ولِّظَاها

[أبو غرام]

لا إله إلا أنت سبحانك

أستغفرك وأتوب إليك

[أبو غرام]

كيبورديه .. سريع سريع قبل النوم ^_^


مشكله لا طحت في حب مهبول=تدفعه قدام ويردك ورى
ترجي الفرجْه عسى الفرجْه تنول=والسفيه يوطّي النجمه ثرى
لو تموت يقول عمرك ما يطول=دالهن بالفكر ما عنّك درى
انتبه لا جيت تعشق للخبول=فردهم للعشق بايع ما شرى

[أبو غرام]

العز عز البلد من عز حكامه=معهم يفج الفضا ويعانق القمه
مدامت افكارهم اتوافق احلامه=العز يصبح بسيطٍ في ذرى الهمه
محدن تعزوى الردى ويعاشر اعلامه=ويمسي امير البلد ويبت للامه
اللي يعد الثرى من حسبة رمامه=ماهو بكفون يكف زحول ملتمه
وفي حكم آل سعود نكاوز الهامه=حتى غدينا نجومٍ تلمع مهمه
من عهد لاطم عتاة الشر وازلامه=عبدالعزيز الموّحد فارج الغمه
إلعهد ابو متعب الصنديد واقدامه=وحنا على منهج التوحيد ونضمه
سياسةٍ تكفل المسلم على اسلامه=تحفظ حقوقه وتعلي الخير وتجمه
واللي لفاها معاهد يتبع إلهامه=يامن على الروح والميثاق له ذمه
هو مذهب العود الاول واظهر اسهامه=وعياله اللي تصرّ العلم وتعمه
الله يخليهم ذخر العز وحزامه=والله يمد الولاه وفضله يتمه
حكامنا جنسهم من نادر الخامه=متشابهين الوفا والجود والدمه
عليهم عد الصيام وعد من صامه=ازكى تحيه ودعوه تذهب الحمه
والعز عز البلد من عز حكامه=مدامهم باذلين الجهد للامه

[أبو غرام]

يقول محمد الرويان وصح بوحه مقدماً:

يا(.......) ياكل الغلا وين اراضيك
مشتآق لعيونك وضحكك وهمسك

بسمك صحيت اليوم اصرخ انآديك
حلمآن طول الليل بسمك ورسمـك

وفـزيت من زود الغـلا قلت احييك
شفقآن ابوس الخـد واضم جسمك

وقمت اللتفت يا(.....) ياقلب مغليك
اصرخ بعال الصوت واردد أسمـك

ولا صحيت الا على قــول وشفيـك ؟؟
امـي : تقول سلطـآن ارفق بنفسـك


اووووووف يا هــو حلــــممممممم


وانا اقول : مااااااود تقرى مثل هالنصوص آخر الليل

^_^

خخخخخخخخخخخخخخخخخخخخ

.
.
.

الله لو فيه لعبة تكملة الكلمات الناقصه

كان احط اسامي ابيها او ما ابيها

بس اوهق ابو موسى ^_^
ههههههههه

[أبو غرام]

لا ترتجي .. من خافق .. الخصم .. رحمه=ان تنكسر .. ماتنكسر .. زيّ .. بعضه
ابدى .. لزومه .. يحرمك .. كلّ .. نعمه=لا تنتظر .. قلبٍ .. غديت .. انت .. معضه

[أبو غرام]

ياشينها وان جت من إنسان غالي=تخنق هوا العبره ولو اقطع ازرار
الكلمه اللي نكّلت بي نكالي=مجبورٍ ابلعها ولو اخلق اعذار
لولا الغلا ماني بقابل اصالي=جمر الكلام اللي غدا منبعه نار

[أبو غرام]

فل الحجاج وخاطري لا تضكه=اضحك يالعن ابو عيونٍ تبكيك

[أبو غرام]

يالله يا لجمال هذه الانشودهـ

http://www.youtube.com/watch?v=lwBq8jI3ikY

[أبو غرام]

تصميم لنص : اشد ما يمضي على الشخص لا فاق

للمبدع والحنجرة الذهبيه .. وصاحب الجميل الذي لن أنساه ما حييت

فايز الفايز

http://www.youtube.com/watch?v=-lYBJYD9lrY

[أبو غرام]

وكذلك له تصميم : شق الفضا

http://www.youtube.com/watch?v=L9pT1VUrPKw

[أبو غرام]

معضله تفسير هوجاس النوايا=يانوايا هاجس التفسير معضل

[أبو غرام]

لا تدور الاعذار و لاتكثر اللوم=ان كنت ناوي البعد دربك سهاله
تعبت من قول الهوا حظ مقسوم=والعشق دربه فج ارض الشكاله
ماني معنّي البال بالوصل واسوم=اللي يبيني يرخي اوثق حباله
طبعي كذا طيب ولا اتبع القوم=ولا كل من صدّر اناشد خياله
لو كان مثله نادر الوصف زيزوم=الموت اهون من هوان الخماله
اللي يبي للقرب مايرمي اللوم=إلا الذي يرجي الجفا والنكاله

[أبو غرام]

ياسعود ماهي كلمتن بي تعدت=الوضع اصعب من خفا الجرح ياسعود
دارٍ نهضته .. هي .. بداري تردت=ياكيف ابسلى وبالحشا قلب ملكود؟

[أبو غرام]

تعودت المرور على بعض زوايا وأركان الركن الهاديء
وفي كل مره امر بها اجد الجديد والمثير والجزل
وكافة تصنيفات الأدب وفنونه
ولكن
كثيراً ما يستوقفني الشاعر محمد بن موسى
ذاك الذي عرفته شخصا فوجدته من افضل الرجال مرجلةً
وذاك الذي عرفته شاعراً فكان من أعذب وأجزل الشعراء فكراً
وذاك الأب المكلوم .. الذي أحزن القلب قراءة نصه بابنته (( اسيل ))
رحمها الله وجعلها شفيعة في والديها
يكفيني .. حينما علمت قصتها .. وقصة وفاتها واين كان والدها
وكيف تعامل مع الخبر ومع محيط الاهل والاسره .
.
.
بالمختصر
هو رجل نادر .. أسأل الله له التوفيق والتعويض والسداد
واتشرف وافخر بمعرفتي به ..
ابو احمد

[أبو غرام]

من القديم ..
أرسل أحد الأخوة الاعزاء يقول :

يالعبد لا تشكي على غير مولاك=مايجدي المخلوق لو تشتكي له
لو تشتكي للعبد ما ثاب شكواك=ماله على حل المصاعب وسيله
لا صار ماتقضي لزومك بيمناك=مقسوم رزقك ماتحوشه بحيله
لا تحتمل معروف هذا ولا ذاك=لو قل مالك والموارد قليله
...............=
طبعاً هي ليست له .. =ولم أكن أعلم .. فجاريته قائلاً :
.............=
يالعبد لا تشكي على غير مولاك=خوف العيون تشوف نفسك ذليله
لو تشتكي للخلق تطنا وتشناك=العين تكشر والايادي بخيله
وش لك بيمنى ما تحقق لك رضاك=ساسه ثرى مخلوقتن من هزيله
خلك مع اللي صورك ثم سواك=يعلم شكاوي النفس دون الخليله
لو ترفع يدينك فلا خاب مسعاك=في ليلتن فيها المهاجع جميله

[أبو غرام]

لم اكن لأنشر ما دار بيني وبين الشاعر محمد الرويان
من بعض الكيبورديات ..ولعل هذه احداها
ولكن وحين قراءة نصه عن الشفيعة بحوله تعالى
ابنته اسيل .. كان لي هذا التواصل السريع معه
في ذلك الوقت ...

أعلم بانه لم ينشر الان ما نشره إلا من خلال أمر ألم به
ففقد الضنا .. لا يضاهيه فقد .. مهما تحدثنا ..
والحلم بالمفقود .. يأجج ويجدد كل جرح .. ومنزف
.
.
نسأله تعالى أن لا يرينا وإياكم مكروه ..
وأن يلهمه الصبر والسلوان
إنه أرحم الراحمين ..
.
.
(( 1 ))


لو كان ما بالنفس ياخوك ينذاع=ماضاقت فجوج الفضا من جهدها
ماسالت الدمعه على حر الاوجاع=ولا ناحت العبره من اللي كمدها
مار البلا بالنفس تقدير الاوضاع=والمرجله تتبع هوى من عبدها
والبوح ما يجدي مع كل ملتاع=الهمه ان طاحت ضعيفن لكدها
يامحمد الرويان لو الزمن طاع=ما كان عشنا الهم حزة نكدها
ما كان شفنا الموت تثليث وارباع=واخماس واسداسن تزايد وزدها
ولو القدر يسمع لجاجات الاضلاع=وقف حمول الضيم واعلن زهدها
عدل مماشينا على كيف ماراع=وابعد صواديفن عظيمن لهدها
دنياك ماله من شكى القلب مسماع=لاشك تمضي في مسيرة هددها
مامن حلا ياكود تنويع الارواع=إما بنا وإلا بغالي هجدها
مقيولتن مافيه من وهجها اطماع=وتالي وجودك جثتن في مهدها
رحلة عمر وان كان في حالها انواع=تحصيلها يبقى على ماعمدها
وختامها نجم الصبر دل من ضاع=ونار الالم رضى الولي هو خمدها


(( 2 ))


الناس تومن لكن البعض جزّاع=ولا كل نفسٍ تقبل اللي هجدها
بعض البشر لا طاح بالقاع ما ثاع=يثوي كما ابراجن تهاوت عمدها
يمكن يا لولا الخوف من ذايع يذاع=ولولا المآل ونار يخشى هددها
يسأم مسيرة رحلته ثم ينصاع=لابليس ويلعن حالتن ما حمدها
اقولها وانت الذي حيل بتّاع=ماترهبك دنيا تزيد برمدها
الله يحفظك عن صواديف الارواع=تنعم بلطفه تنسى ماضي نكدها
شخصن كريمن اخون لكل من طاع=ربه وقال النفس ترضى بجهدها

[أبو غرام]

^_ّ


اتبع هوى قلبي ولو كان بالشام=من لا تبع قلبه تغربل من البين
الحب دغدوغ الحشا دافي إلهام=به الفرح ياضح على الخد والعين

[أبو غرام]

رنج روفر جيب واجن كلبوهن بالمقام=عندي افضل من جيوب اللكزس اوهو الفكس آر

.
.
.

^_*

[أبو غرام]

ياضيقة الصدر وش جابك..؟؟=ماكنت بالامس ناسيكي ..؟؟
ممداني افرح من افراقك..!!=واقول للنفس جافيكي..!!
الا وغدرك غرز نابك..!!=خلا المشاعر تشاكيكي..!!
الله حسيبك على سواتك..!!=مادمت عاجز اناحيكي..!!
الجرح جرحك وطعناتك..!!=دايم تجدد بطاريكي..!!

[أبو غرام]

======== مغلق بالشمع الأحمر حتى إشعار آخر =======

[أبو غرام]

ياهيه وشلك بالجفا والتغلي ..؟؟=ماقلت لك ياهيه إصحى تغلا ..؟؟
من سام عشرة صاحبه بالتخلي ..!!=ناسي مقولة من تغلا يخلا.. ؟؟

[أبو غرام]

كيبورديه ..

بعد قراءة قصه مؤلمه ... <<< يتأثر بالقصص أحياناً

.
.
.
.

فتقبلوها على لسان حال : صاحبها


ضاق صدري .. بالمكان .. وضقت .. منه..!!=والبعض .. في .. قربه .. يتوه .. الامان..!!
دام .. من .. يضحك .. الى .. صديت .. عنه..!!=عالج .. ضلوعي .. بطعناتٍ .. ثمان..!!
الشرف .. والنسل .. وناسي .. وشهو كنه..؟؟=والبهت .. والجور .. واوزار .. الطمان..!!
والقدر .. والعرف .. ونفسٍ .. مرجهنه..!!=غافله .. والغدر.. تمم له .. ثمان..!!
ضاق .. صدر .. ومايلام .. بقولة .. إنه..!!=ضايقٍ .. بالخلق .. واضلاع .. المكان..!!
اليمين .. اللي .. تعضك .. لا .. تقنه..!!=وشلك .. بيمنى .. تلبسك .. الهوان ..؟؟
واللي .. جرحه .. من .. قريبه .. وش .. تظنه ..؟=يسعد .. بشوفه .. ويقبل .. بالمهان ..؟؟
ضاق .. صدر .. ولا يلام .. وحيث ..إنه..!!=ضايمه .. سمّوه .. بحزام .. الزمان ..!!


بئساً لكل رجلٍ سلب مال أيتام
بحجة أنه وكيلهم والقائم عليهم
.
.
بئساً لكل أبٍ متنكر
تزوج في الخارج
ثمّ تنكر لأبنائه من تلك الزوجه
.
.
بئساً لكل من كان من المفترض أن يكون
عوناً لشخصٍ على هذا الزمان
فكان فرعونا
.
.
.
ختاماً

بؤساً لكل غادرٍ أو متنكر

[أبو غرام]

يالله
.
.
لكم يغمرني الفرح حينما أجد أسماء معينه
قد مرت من هنا
.
.
يالله
لكم هو شرف لي وتنوير لمتصفحي مروركم
فشكراً لكم من الخاطر
.
.
إهداء
لكل من مر من هنا

[أبو غرام]

الجادل اللي ما تلد لأي عين وأي لون=أرويت ضامي شفها حتى غدت بي هايمه
ما عاد تنظر للمدى لالا ولاتنظر لدون=دامي نسايم فرحها ارضيت كيف الصايمه

[أبو غرام]

قلت احاول آتسلى وآتلهى واستدير .. !!=......... واترك الدنيا وراي وما عليَّ من علم .. !!
كنت عازم مادريت ان المحاني تستخير .. !!=........ والعيون ان وافقت مضنونها تنسى الألم .. !!

[أبو غرام]

ياتاج راس البيض طال انتظاري=ياملهمة شاعرك في كل ما جاد
عينك مبيت الزين سبة دماري=وجيدك دفا قلبٍ من البرد قد باد
العاطفه تنثر رحيق احتضاري=في غيبتك يا خلقة الروح والزاد
يامزنةٍ اروت جراهد قفاري=منكي عبير الورد و العشب زبّاد
اتوه في حبك واحث المساري=لجلك تهون امورٍ عظام وكواد
وختامها ياميرتي في قراري=عسى حشا جوفك يضفن بلا نداد

[أبو غرام]

امن المشاكل حملتك للجماله=ومن المشاكل شيلتك للرحم حيل
البعض فكره في جمالك خماله=ورحمة جنابك كنها تكيله بكيل

[أبو غرام]

ياليتني ماغليت حضرة جنابك=ما كنت اعاني كتمة الصد والعوق
لكن فؤادي غصب عني سرا بك=واليوم يشكي نجلة السرق والبوق
يستاهل الضيقه مدامه غدا بك=وش جرّأه ينهب من مطارف السوق

[أبو غرام]

.
.


قالواً قديماً في الأثر=الحب مرسول العذاب
والبيض كالدّر الاغر=والعين يملأها التراب
والعشق فيكِ لامفر=وإن تمخضت القراب

[أبو غرام]

كيبورديه ..


تتغنج هنا وتتمختر على كيفها

موجهه خصيصاً لأبو فهد

محمد بن موسى


^_^

.
.



يابو فهد اقرب نبي نسمر شوَيْ=نطرح هموم الوقت نلعن ثواها
اضبط لنا الدله على الكيف ياخَيْ=من خبرتك احكر لنا زل ماها
نقطع ظلام الليل من واهج الضَيْ=حتى الملل يفنى لشدة لظاها
سوالفٍ يفطن لها هاجسٍ حَيْ=ما كل من يقرا يترجم خفاها
البارحه والقرص في غيهب الفَيْ=تشابهت به قمرها مع قطاها
توافدوا في ساحتي صاحي وغَيْ=ومطنوخْ ومتنكر وماشي بعماها
الحظ جمّعهم و سادسهم العَيْ=ياصاحبي ماهي على ما تراها
رد الخبر بل الحناجر من المَيْ=الراي مزنٍ وانت تملك سماها
الصمت شيمه كاويه خافقي كَيْ=منها العلامه تايهه في مداها
تعبت اراقب باحتي يابعد حَيْ=ياكيف ابعرف غايتي ومشتراها ؟



اسعد كثيراً بالتحاور والتحدث مع هذا الشاعر
فهو بلا شك مكسب ومعرفته شرف

[أبو غرام]

:D موجهه ( لشمعة حياتي ) إلى بنتي غرام ..


مره انفلقت وقلت يومين وتروح=وراحت مآثر فلقتي والاثر باق
من بعدها حلفت لو صرت مطروح=حرام ما اسكت ولو خاطري راق
جاك الكلام اصحي تعيشين بصروح=وتقولي بابا كل ما عاهدن باق
لله ولا يمكن ولو انزف جروح=خلاص قرقرت الخطا والخطا عاق

وبيني وبينك همسةٍ صادقة بوح=كلش على امرك عدا الكعب والساق


:p

.
.
ياربي سامحني ( استغفر الله وأتوب إليه )

والله إني ظلمة بنتي وتجنيت عليها

بس ياربي رايق .. ومالقيت أحد أمون عليه كثر بنوتتي
^_^ <<<<<<<<< أمحق مونه
هههههههههههههههههههه

[أبو غرام]

ارحبووووووووووووو ^_^

ويالله حي كل من مر من هنا

الذين يشاهدون محتوى الموضوع الآن : 15 ( الأعضاء 4 والزوار 11)

يالله حيهم كلهم
المعروف منهم والزائر .. اخوكم ابو احمد

ابو غرام

جائز المليحان

يرحب بكم ويدعوا لكم بالتوفيق .. فجل ما يكفيه من فخر
هو تواجدكم النيّر هذا وتشريف صفحته

ودي & تقديري

[أبو غرام]

تعبت اهوجس في رضاك و وصالك=القلب يرجي والفكر رافض الحال
هي معضله اجمعك ويا خيالك ..؟=او كايده ان قلت لك صبرنا طال ..؟

[أبو غرام]

خلوهـ يبعد خلاص القلب قد عافه ..
............ ما عاد له في صميم الروح منزالي ..
اللي عظيم الغلا بارز ولا شافه ..
........... مجنون يتبع هوا القيلات والقالي ..

[أبو غرام]

من ينقل الهرج فالهرجه بتنقل به=ومن يسمع السوّ يبلى بسوةٍ مثله
ومن يبني الظلم فالخيبات تنخل به=والقهوه وان كيّفت ما ينشرب حثله

[أبو غرام]

مِن الْمُؤْلِم ...
ان تَعْرِف ان مَن تُحِبُّه
يَسْتَخْدِمُك لِيُشَغِّل فَرَاغِه فِي وَقْت
حُزْنِه
وَيِنَسَاك فِي وَقْت أَفْراحِه



راقت لي كثيراً
من متصفح الأخت مشاعر شامخه

[أبو غرام]

حينما أسعدنا المنتخب ولاعبيه المميزين
أبناء هذا البلد المعطاء
والذين قاتلوا واستماتوا من أجل
بلدهم ورفعة علمه في كافة الميادين
وعلى كافة الأصعده ..
أتت هذه المتواضعة السريعه ..
.
.
علّها ترتقي لهم .. وترضي ذائقتهم ..
فكي خوف ألا تكون في غير محلها لهم
وغير منصفةٍ كذلك
.
.


الاخضر اللي اغلب اوراقه اغراب=متجنّسه لجل اللعب في صفوفه
ماينتصر والفاه مدحول بتراب=يستاهل الخيبه وبقعاء تحوفه
من لا بنى عزه من أبناه ما طاب=ومن لاجنى حرٍ تقوبع ردوفه
اللي يخيل الهَام يصعِد له اسباب=مايترك المنوه بداية حروفه
عمر الاماني ما تعلت بالاسهاب=وكثر المشوره نوب تجلب نشوفه
من يطلب العزه يكف الذي جاب=جهد وحماس ونفس ماهي عزوفه
خلقن تجوب المعركه فن وارهاب=فوز البلد في رفع ( رايه ) تشوفه
هذي الحقيقه .. من تهقوى بهم ( خاب )=وماعاد يسعف قول جات بظروفه

[أبو غرام]

نصيحه /
إن أردت الذهاب .. فهنالك ألفَ طريقه
أوفق من البهت والكذب
والتجني


همسه خاصه : من الجبن إتباعك لهذا الأسلوب

[أبو غرام]

يادار وان شنتي علينا بعض يوم=الزين باقي في ربوعك مقيمي

[أبو غرام]

خلك مكانك واقف هناك لا هنت = لا تقترب مدام مالك مكانه
الهرج يكثر والخلاصه تمكنت=ومبروكْ أخذت مني أغلى أمانه

[أبو غرام]

الكلمه اللي قلتها .. ترجي لي من بعده اطيح=ابشرّك عدّت وانا واقف ولا اثني رجل
آقف على هام الجبل واصعد إليه ومستريح=والغيبه اللي جبتها تتعبك وتوردك الخجل

[أبو غرام]

الله يسامح ظنونك صَدّقَت بيّه=ياكيف تقدر تقول إني معك خاين .. ؟
صنت الوفا بالخفا والنار بك حيّه=والسعد بمواصلك في بحتي باين .. !
مسموح روّح مع اللي أخلف النيّه=بكره طعون الغدر في قلبك تعاين .. !
اللي تبع هقوة العذال واليّه=يكوى بناره يقال الدين يا داين .. !

[أبو غرام]

أقول ..؟ وإلا .. لا لا .. ماني بقايل ..

....مابي كريه النفس... يعرف سماها ,,,

[أبو غرام]

فلسفات كيبورديه خاصهـ ..

الكآبه : باب لا يطرقه إلا جريح

الكره : ديوانٌ ضمّ الحسد من الآخرين

الخوف : سحابة الهاجس الأخيره .. أو صمّام الأمان الأخير

الأدب : بحر من بحور المعرفه .. يظن الكثير أنه غاص وسبح به وأبحر

التفائل : آخر محطات اليأس حيث لا سلبية من بعده

القبح : الإكتفاء بأقل مميزات الحسن وأبعدها عنه

البهت : ذكرك أخاك بما يكره زوراً

الانصات : سلاح ذو حدين .. قلة من يحسنون إستخدامه

الطاعه : الانقياد الاعمى بلا تفكير

الحب : من مكونات الحياه وأسس الوجود .. يصعب تفسيره مهما تكشّف

الملل : حالة إكتفاء غير مطاقه

الأمل : آخر براثن الليل الكالح قبل بزوغ الفجر الصالح

الكيبورديه : حالة توقف العقل عن العمل وترك دفة القيادة للقلب وحده

الختام : تمهيد النهايه

حكمة اليوم :

من حكى لك حكى فيك

[أبو غرام]

أحيان تفقد من خطا الوقت خلان=واحيان تكسب من عياه احترازه
=
ياجعل من بدّل مواردك شقيان=الخايب اللي تاه فيه انتهازه

[أبو غرام]

للعين حق وللمواجيب ميزان=ولاكل من شاف الجزاله وصلها
الطيب كايد والعلا ساح ميدان=والهمه نجمه فارقه عن قمرها

[أبو غرام]

لا تقول ولا تبرر لاتعيد=تمتمات الوصل صعب اعيدها

[أبو غرام]

{ ..الجفا { .. والغدر { .. ومفارق صديق
........................ وجملة اسباب الردى ماجيبها

{.. جيت لك {.. وافي {.. على هيئة غريق
...................... والدّناءه جمّلتك بطيبها

[أبو غرام]

آه يا زهر الأماني لا تخيب=لا تراعي بالخطايا حالها
غلطتك ان وافقت ضيقه تجيب=راسها من هامها إلساسها

[أبو غرام]

عيب انادي بالنوايا واستجير=واستحث العفو يطرق بابها
من بغاني يذرف الدمع الغزير=الندامه مابه احدن عابها

[أبو غرام]

يا عيونٍ كل ما قامت تخيل=شافت الخلق البريه دونها
العيون ان زانها حسنن ذبيل=البقى للرمش جمّل حالها
لا تظني كثرة الجمعه قليل=كم ذليلٍ راح سبة قلّها

[أبو غرام]

قمه وروعه غير تسخّير وابداع=تفرّد البصمه علامة علمنا
واصعب من البوسه على عقب الاكواع=يسبر خفانا جاهلٍ ما علمنا

[أبو غرام]

قالت :=
يا منشغل عني وانا منشغل فيك=اصبح بصدري لك من البعد حره
تعود لساني على كلمة ابيك=واشتاق لك باليوم مليون مره
..=
..=
فقلت :=
لا تظلم المشتاق مدام يرجيك=عينه وقلبه في هوا من يبره
ان قلت ابيك يقول مشتاق وابيك=حبك ملا جوف الحشا والمجره

[أبو غرام]

اشهد اني طحت ماسمّي علي=والشعر مندوب عشقي والغرام
جيتلك والقلب فيكي ممتلي=ياهنايه يوم جاوبتي الهيام
كنت اظن اني عن الوصله سلي=مادريت العمر دونك بالحطام
اشهد اني قبل اعرفك واختلي=مافرقت المي واشباه الغمام

[أبو غرام]

ما كل بابٍ لا انفتح ندخله سبق=بعض البيبان نردها وانغلقها
خطو الفتى فكره كما ومضة البرق=يسبر خفايا الباب ويعرف حلقها


هذا تواصل مع الشاعر محمد بن موسى

يوم قريت له ابيات عن البيبان .. وشكلنا نبي نقلبها منجره هنا

^_^

هههههههههههههههه

[أبو غرام]

عصر الخميس اللي مضى من حياتي=روّح وأنا لازلت حافظ له أسرار
هو يرجع التاريخ ويجلب هناتي ..؟=أو ترضخ الدنيا وتقلب بالادوار ..؟
تاه الفرح حتى الامان فسباتي=ضايع ولا عوّد ولا خفف اضرار
يا سّرِ وإن خانت معاي امنياتي=تبقى في وسط الجوف يا سرٍّ نوّار
عصر الخميس اللي غدت به عباتي=روّح وأنا من ضيقة الفقد محتار