مشاهدة النسخة كاملة : سلامه على الطاير
كاتب الجعفري
17/06/10, (02:03 AM)
قم ياسلامه بعد مازان بدع الكلام= والله يبارك بناسٍ راقيٍ ذوقها
نبغى نشد الحزام وقوم شد الحزام= اما تجي فوقها والا نجي فوقها
سلامة الجعفري
17/06/10, (02:13 AM)
الليل ياصاحبي ماني على مايرام =والعاشقة هي سبايب هم معشوقها
اقول مافيه داعي بيننا للخصام = اقودها للمراح وبعدي اتسوقها
كاتب الجعفري
17/06/10, (02:27 AM)
الليل ابارد على الجمه ورود الحيام= مادام شفت المخيله لاحت بروقها
انته تحاول تسوي ياسلامه زحام= لو مصر تبغاك مالدت لفاروقها
سلامة الجعفري
17/06/10, (02:37 AM)
عساك تروى وتصدر يارفيع المقام =والشمس بكره علينا يطلع شروقها
اللي عليكم حلال اصبح علينا حرام = هذا يخالف هوى العذرا ومنطوقها
كاتب الجعفري
17/06/10, (02:42 AM)
انا زبون المهمه صبح والا ظلام=ابسقى الشجره اللي نشفت عروقها
حنا نجيها يابن وايل بحسب النظام= وانته تبي بالغصيبه تسلب حقوقها
سلامة الجعفري
17/06/10, (02:48 AM)
ماانته بعايش على طول الزمن فالغرام=ياسابق الناس دربك درب مسبوقها
اهل النظام نعرفهم ماعليهم ملام=المشكلة في قلوب ٍ ذاب معلوقها
كاتب الجعفري
17/06/10, (03:04 AM)
اللي لقى ياوسيع العرف بعض اهتمام=اطيب من اللي من اول طاح من موقها
صحيح شاعر وتملك في رصيدك وسام=لكن تبي لك كماه بدون رقروقها
سلامة الجعفري
17/06/10, (03:23 AM)
احذر تغويك ياكاتب حلوم المنام=وانته عليك الحكومة سدت طروقها
مارد جود الكريم الا يدين اللئام =ناس ٍ تسكر على الانسام وتحوقها
كاتب الجعفري
17/06/10, (03:45 AM)
الفارس اللي لاثار الحرب سل الحسام =ياخذ نياق العرب لاهملّت نوقها
انا من اهل الكرم واحب كل الكرام=وابشري الغاليه لاجيت في سوقها
صح لسااااااااانك وتصبح على خير
سلامة الجعفري
17/06/10, (03:51 AM)
لاحل سل الحسام اضرب بصلب العظام = حتى دمي العدا تطلع من حلوقها
لكن ليا ارتاح جسمك فوق ريش النعام = عساك تدعو لناس ٍ قلت وفوقها
تصبح على خير والجميع
احساس قلم
17/06/10, (06:47 AM)
الله عليكم وصح السنتكم
طاروق رائع لشاعريين رائعييين
دمتو بخيردوما
كاتب الجعفري
17/06/10, (11:43 AM)
احساس قلم
صح بدنك ويكفينا مرورك
ازكى التحايا
معيض بن عريفج
22/06/10, (07:37 AM)
هههههههههههههههههههههههههههههههههههههههههههههههه
الله الله عليكم يارائعين
تحياتي لكم جميعا
محمد بن موسى
22/06/10, (05:58 PM)
الله عليكم مبدعين شعراءنا
لله دركم
نافع عيد الجديد
22/06/10, (05:59 PM)
صحت السنتكم جميعا
طاروق كايف وشعار مبدعين
نادر بن دوشان
22/06/10, (08:12 PM)
,
طاروق رائع , وابيات راقيه . . .
صح السنتكم , شعراء متميزين . . .
تحياتي
,
كاتب الجعفري
22/06/10, (10:56 PM)
معيض عريفج
محمد موسى
نافع الجديد
نادر دوشان
شرفنا مروركم لاهنتوا
تقديري للجميع