ما اشفق على دق الوتر والمواويل

[صالح السالم]

ما اشفق على دق الوتر والمواويل=لو كان تطرب له جموعٍ غفيره
اشفق على الفنجال..والبن...والهيل=وسوالفٍ تجمع وجيهٍ سفيره
لا لقمت من كف ذيب الرجاجيل=وحطت على جمرٍ تلاهب سعيره
في خايعٍ عله قدوم المقابيل=من قبل تغرب لين فج المنيره
اروى عطاش الارض .. والنبت..والسيل=ما غير تسمع يوم تقبل هديره
المهتوي ياقف على ساق ويخيل=ليله مضى واقف وعينه سهيره
حتى ضواه الصبح بقفاية الليل=والغيم زاد بجود ربي بريره
وفاح بطلوع النور عبق المحاصيل=عقب السنين القاسيه والمريره
تزخرف الارض بخضار وأكاليل=والعشب يملا الروض عاطر عبيره
اسج خالي لا كثيرٍ ولا قليل=مرتاح بال وراحةٍ في ضميره
املا الدقايق بالرجاء والتهاليل=واستغفر الله واسئله واستخيره
مبعد عن اهل الهرج والقال والقيل=وشي تبين في السنين الاخيره
تعاقب الايام جيلٍ بعد جيل=وتملا الفتن وجه الحياه القصيره
واليا طغى صوت الغنا والمواويل=وش عاد باقي للوجيه السفيره

[نافع عيد الجديد]

صح لسانك حتى ترضى
قصيده جزله من شاعر جزل
مبدع اينما كنت
اسجل اعجابي
رعاك الله

[عناد الغريب]

صالح السالم

جزل ونشمي

عشت مع جو النص وناسه

ونّس الله خاطرك

مبدع ورائع

دمت بكل خير

[احساس قلم]

صالح السالم
صح لساانكـ
مدد
بلا عدد
تقبل مروري

[بدرفهد الجعفري]

ما اجمل هذا الوصف

صح لسانك يالذيب وتقبل اعجابي الشديد

[خلف الغريب]

صح لسانك اخوي صالح ولا هان بوحك وكفو يا الطيب..

الله يجيب الخير ويبدر لنا بالوسم ويستجيب الله رجاءك ورجاء الجميع..


تحياتي وودي..

[سالم صالح]

صالح السالم

صح السانك قصيدة رااااائعة من شاعر رائع وجزل


تقديري وودي

[سالم العنزي]

صالح السالم
ابدعت بما كتبت واسمتعت انا به وسجلت اعجابي وارجوا تقبله

صح لسانك

[البدر]

صالح السالم

لله درك على هذه الابيات وصح لسانك

تقبل كل الود والتقدير والاعجاب

[الصقار]

لله درك .ياشيخ . وصح لسانك .

فعلا قصيده تستحق الاعجاااب . تقبل مروري وتحياااتي

[عايدالعنزي]

الشاعر

صالح السالم

صح لسانك وعلى شانك

ابدعت يارائع

لك

تحياتي

وتقديري