قصيده لشاعر/بندر بن سرور رحمه الله

[عامر العنزي]

الله من عين طرقها صواديف
عميت ويبسن بالعروق الصخافي
شفت الوزا بالعين من عرض ماشيف
شفته وغيري من فطن له وشافي
وقت تغير فيه حتى العواصيف
جا في عواصيف الرياح أختلافي
شره قناطير وخيره مقاطيف
يفطن له اللي يرضع الديد غافي
كم واحد جاله زمانه على الكيف
واغترته نفسه يبا الجود وافي
يطلع مطاليع العلا بالسواليف
بين العذارى عد روحه سنافي
يفرح بهرج بالقفى يكره الضيف
قتات والقتات بالنار هافي
يعلق قصيره علقة النار بالليف
عي ولد عي زنوده ضعافي
ان رخصت الحذوه توفي عن الحيف
وان غليت الحذوه مشى اللاش حافي
يرقد ويلحق والدينه تخاليف
دايم ومرقد ميت النار دافي
هو مادرى ان الجود يبغى تكاليف
سهر الليالي مقبلات مقافي
يبغى يدين للعطايا مغاريف
ويبغى رجول ماتمل الوقافي
والصبر بنحور السنين الشواحيف
اللي قساها مثل حد الرهافي
مايقدرون الجود سود الأطاريف
مشاركة بيض النسا باللحافي

يقدر عليه اللي حكم نجد بالسيف
واودع مباغيض القبايل ولافي
عبد العزيز اللي يبث المصاريف
يجدع قناطير الذهب بالفيافي
يمشي على دربه جموع مراديف
نو تحدر ماه والجو صافي
يشدي لواقيط الزبيدي بعد ريف
ومما كسى البيدا تفيد الضعافي

[بنت الكحيلا]

الله يرحم الشاعر بندر بن سرور

ومشكور اخوي عمر العنزي

نقل رائع الله يعطيك العافية

[عامر العنزي]

الله لا يهينك يابنت الكحيلا
مشكوره على مرورك

كل الود

[نافع عيد الجديد]

اختيار جميل لشاعر علم
الف شكر لك

[عامر العنزي]

دمت يا بن جديد

[نايف نزال الهبداني]

تــــــــسلم يمينك ياعامر على الابــــداع المميز

[هيـاا العـازمـي]

.
.

بندر بن سرور

قامة شعرية لن تكرر رحمة الله عليه وأسكنه فسيح جناته

إختيار موفق يا عامر

يعطيك العافيه

تقديري

هيـــــاااا

[عامر العنزي]

الله لايهينكم على مروركم لكم منني ارق التحاياء