سلامه الضوي للأهمـــــــــــــــــية

[فهد الفريدي]

سلام ياهل الديرة اللي كل مالقيت شـام 0 يفرض عليه طيب اهلها والوجوب امرها

حـنا رياجيل النظام ولا نبا غير النظـام 0 واللي تغـطى يعلـم الله مـا كشفنا سرهـا

[سلامة الجعفري]

السلام عليكم وحياك الله يالفريدي انا غايب عن المنتدى لكن اذا انك موجود الآن نكمل الطاروق

[خلف الغريب]

مرحبا بالغائبين جميعا ..

مرحبا بك مليون يا فهد وربنا يستر من طاروقك هذا بس عاد اللي قدامك سلامة الله يسلمه أستاذ في فن المحاورة ..

استمروا لا هنتم وحنا متابعين وهذا انا اجمع الصفوف ..

وين الصفوف..

[حمد الخمعلي]

صح الله لسانك يافهد وانت مولعها من اولها وطااروق يبيله متابعه وخمخه0

شعرااء كباار بالتوفيق لكم ومتاابعين0

[فهد الفريدي]

وعليكم السلام ورحمة الله وبركاته

هلا بك ياسلامة وانا غايب عن المنتدا فتره وصدفه خير ان شالله

حمد وخلف لا هنتم على المرور




أنا موجود انتظر الرد

[سلامة الجعفري]

خلف الغريب/حمد الخمعلي --شكرا على المرور العاطر
وانا امنياتي ان تكون المحاورة مباشرة لكن شكلنا ماحنا متوافقين انا والفريدي

يامرحبا بك عن كرام مايبون الا الكرام ،، واهل المضرة ياعسى رب العباد يضرها
حنا نذكركم بقول النور جلاي الظلام ،، ماكل من غاص البحور الزرق جاك ب(درها)

[حمد الخمعلي]

صح لساانك اخي سلامه

لا انشااء الله بيجي الفريدي وتكون مبااشره

[فهد الفريدي]

وبك البقا ون قلت الحيله على الدنيا ســلام 0 فاللي يناديكم ورا سبع البحور وبرها

يا مقـشر النـفرة ومصعـبهـا بعـد ذاك الريـام 0 اللي منـول لا بـغاها غير يـلهـج درها

[سلامة الجعفري]

المسلم اللي يعبد الله بالصلاة وبالصيام ،، ان مافزع يرجع على نفسه يكافي شرها
ترى القدر محتوم والدنيا تجمع وانقسام ،، عسى الحروب ان كان شبت نار تاطى حرها

[كاتب الجعفري]

صحت السنتكم جميعا ً

.
.
.

[فهد الفريدي]

واشيب عينك من هل الشرهه تبا تلقى ملام0 اثر المصايب بعض من روس الشيوخ تجرها

اركب على ذيك القحوص وخابرك رجل همام 0 تـعرف مناهيجك وتفـرق حلوها مـن مرهـا

[حمد الخمعلي]

صحت السنتكم

متاابع لكم بكل شغف

واصلو لاهنتم

[سلامة الجعفري]

لاتتهمنا وانت باقي في مكان الاتهام ،، حنا رجاجيل نميز والسنع ماغرها
مانته بداري وش نسوي واكثر العالم نيام،،جدواك ماغير القصايد واللحون تجرها

[فهد الفريدي]

انتم رياجيل السنع وانتم هل الما والطعام 0 واهل النفوس اللي عساها ماتبيح بسرها

والله ما شفنا ياسلامه لا قصور ولاخــــيام 0 ماغير ابو عـين كريمه من بلاهـ يصرها

[محمد بن موسى]

الفريدي

الضوي


صحت السنتكم


متاابع

[محمد دعسان]

الله عليكم متابع وتنقل بين الصفوف
لكم احترامي

[سلامة الجعفري]

والله ماترضى لو نحججك فالبيت الحرام ،،لكن زر ثيابك اللي فوق جسمك زرها
تبغى تشوف اللي يبي يضحك ويبكي فالختام،، لين العيون القاصرة بالملح تقل نذرها

صح لسانك يالفريدي ولنا لقاءات اخرى بإذن الله
وصحت ابدان جميع من تابع مشكورا والى اللقاء

[فهد الفريدي]

صح لسانك ولا هنت


وصحت ابدان جميع من تابع


تقديري,,