راحت مجاهيم بن غافل مغاتير= وتفرق الجمع الحشيم الغفيري

[مشعل التريباني]

بسم الله الرحمن الرحيم
الشاعر\ مشعل عسام التريباني الشمري
بن ادم طماع ويكذب حتى على نفسه انا يوم طلع الشيب بلحيتي اقول بنفسي مهو كبر هالحين حتى الوغدان بهم شيب شي عادي ويوم خذيت لي فتره قصر الشوف شوي وقال الطبيب تحتاج نظاره وقصيت نظاره قلت بنفسي يمكن من وسائل التقنيه الحديثه كمبيوتر وتلفزيون وجوال مهو كبرولكن يوم جاقبل يومين ارقلت حدى سنوني وشلته وركبت بداله حاولت اكذب على نفسي ماقدرت عرفت انه كبر فكتبت هذه الابيات بهذه المناسبه
((راحت مجاهيم بن غافل مغاتير))في 18\12\1434هـ

يالله تحســـــــــن خاتمتناعلــــــى خير(1) لاوالله الاّ لاح فــــــــيــنا الــــــــنذيري

راحــــت مجاهـــيم بن غافـــل مغاتير(2) وتفــــــرق الجمع الحشـــــــيم الغفيري

وقرّب بعــــيدي عقب بعد المشــــاوير(3) وصار الطويل اليوم عندي قصيري

وقصرت خطا رجلي وقصرت تقصير(4) والرجل صارت مـاتطيق المســــيري

والعمــــريمضـــــي والليالـــــي مدابير(5) فــــي كل ليله يقترب لـــــي مصيري

مار ارجــي اللــي كــورالارض تكوير(6) اللـــي علم ماكان يخفـــــــي ضميري

ربن كـــــــريم وفـــــي يديه الــــتدابير(7) اللــــــي علـــى زلات عبده ســــتيري

علام مايخفـــــى علـــــى الله قطــــمير(8) يعلم كــــبير اعمــــالنا والصــــــغيري

يالله ياكافــل طعـــام العصـــــــافـــــير(9) تجعل لنا حضــــن بصفـحك وفــــيري

ياكافــل الارزاق مغــن المعاســــــــير(10) يارازق الــداب الكــفـيف الضـــريري

يارب صفــحك ياولــــــي المــــــقادير(11) اغفـــر ذنوبـــي يا العلــــــي القديري

[سعود المسعودي]

صح لسانك وبيض الله وجهك

جزل ودائم وانت جزل

[مشعل التريباني]

الاخ سعود المسعودي
شكرالك على المروروالاطرى الله لايهينك ياسعود

[أبن شعف الفدعاني]

صح لسانك .. أبيات جزله أخوي مشعل،، الله يعطيك الصحه والعافيه
تحياتي لك . .

[اللحالي الغيداني]

(راحت مجاهيم ابن غافل مغاتير)
تسلم ع القصيده الجزله من شاعرجزل

وتسلم ومن مثلك زبون المخاسير=والوقت مثل السّيف حدٍشطيري
والمعذره منك ومن الجميع لوانا شاعر بمعنا الكلمه كان جاريتك

[مشعل التريباني]

بن شعف الفدعاني
اللحالي الغيداني
شكرالكم جميعا على المروروالاطرى الله لايهينكم

[سليمان الجعفري]

صح لسااااانك قصيده جميله من راااس شاعر متمكن

وتحكي الواااقع وهكذا حااال ابن آدم يالله حسن الخاااتمه

تحياااتي لك

[مشعل التريباني]

سليمان الجعفري
مرورك شرف لي الله لايهينك ياسليمان