صالح العرجان
10/10/05, (12:25 PM)
مع بدأية موسم الربيع الماضي
كان الجو غيم وأمطار قلت اروح للشعيب ( الوادي ) اوسع خاطر واتسلى , عندما وصلت للشعيب واذا
فية شايب لحيتة بيضاء وطويلة , وملامحة غريبة وغامضة
- سلام عليكم ياشايب الرحمان
- عليكم السلام
- الظاهر أنك منتب من المنطقة ذي اقلط اكسر الفنجان عندنا .
قال : أنا رجل خارق ياولدي.
- قلت ويش
- رجل خارق
- خير واذا صرت خارق , حنا مخترقنا الغزو الفكري والعولمة مانتب لاقن عندنا شي تخترقة , يجيب اللة رزق
قال : ياولدي انت سمعت بالسفر عبر الزمن
- نعم سمعت بة , ولكنة شي خيالي .
- ماهو خيالي انا هالحين اقدر أوديك للماضي ان بغيت ولا للمستقبل
- يارجال قل غير هالكلام
قال : أنت جرب ولأنت خسران شي , تبي الماضي ولا المستقبل علمني بس .
قلت : المستقبل منيل بستين نيلة , بوادرة بينة , ان كنت صامل ودني للماضي ابي اشوف الفريس الاولين
والعرب وحياتهم في البادية وعلومهم .
اخذ بيدي وعبر بي الشعيب , شوي ليوم صارت الدنيا ظلماء , ويوم انقشع الظلام لنا في مضارب البدو( تركني وقال ارجع لك بكرة علشان اردك لزمنك )
دخلت المضارب للفريس يحدون , هذا غازي وهذا كاسب البل وهذي خيمة الامير- حياة البدو كما سمعنا بها -
وأنا اتجول في المضارب , واذا فية فارس جالس في خيمتة يعمر دخان في عظم وشكلة مخيف وشنباتة
من ألاذن للاذن , قلت اتضيف عندة
السلام عليكم , ضيف ياولد
- يامرحبا بالضيف اقلط اقلط
- من أي عرب جاي ؟؟؟ هذي والله النشبة عاد كيف ابي افهمة .
المهم بعد جهدا جهيد فهمتة سالفة السفر عبر الزمن . شكلة ماصدقني مير سكت .
قلت : أنا راجع بكرة لربعي وأبيك تفرجني على حياتكم وعاداتكم . قال : ابشر
الرجل فرجني على كل شي , الاسلحة والقليب والصبايا والفريس والمضير والسمن واشياء كثيرة
وعلى فكرة السمن كان سلعة ثمينة عند العرب , لانهم نادرا مايكلؤن اللحم لضيق العيش , فكانو يضعون
السمن على الرز الابيض ويستيدمون بة , وماكان السمن يقدم لآي ضيف .
وللتوضيح فية سالفة رجل أسمة مرأس :
مرأس هذا كان حنشل وقاطع طريق ومقطع أربع , مر على مضارب هاك البدو, وجاء الخيام من الخلف ووجد
خلف احد الخيام صميل مليان سمن , فكة وضرب في السمن لين قال أنا , وردة مكانة واللتف من امام البيت
وصوًت : ضيف ياعرب خاطركم ضيف
-يامرحبا ومسهلا بالضيف اقلط
طبعا كان العرب يتفاخرون بالضيافة واكرام الضيوف ويعيبون على من يفعل عكس ذلك . يقول الراعي
النميري , في هجاء جرير , بيت أعتبرة النقاد أفضل ماقيل في الهجاء :
قوما اذا استنبح الاضياف كلبهمُ
قالو لآمهمُ بولي علـى النـار
نرجع لمرأس متكي على الشداد , يتقهوى ويهضًم السمن , شوي جاب لة المضيف الغداء , طبعا بدون سمن
لان مراس ماهو من ضيوف الدرجة الممتازة - ضيف سياحي –
قال : اقلط اقلط يامراس والعذر من اللة ثم منك , والله ماعندنا سمن والاكان حطينا لك علشان تستيدم
وهو يطالع فية مراس كذا قال : أيدامة قدامة وأنا مرأس ...........
نرجع لموضوعنا , نمت ذاك الليل عند الفارس , وفي الصباح توادعت منة علشان ارجع لزمني .
قال الفارس : خلني اوصلك الي الشعيب وبالمرة اشوف الشايب اللي انت تقول واسلم علية .
وفي الطريق سألتة : انت عندك الاسبوع ذا معارك جريات حروب ؟؟؟؟؟
اجاب : لاواللة . الاسبوع الماضي كان عندي اوفر تايم , ولكن الاسبوع ذا عندي اوف
-اجل وش رأيك تروح معي للمستقبل , تشوف حياتنا وعيشتنا مثل ما أنا جيتكم وشفت حياتكم وعيشتكم
مني ومنة اقنعتة يروح معي
قال : بس أخذ فرسي وشلفاي معي
-يارجال حنا في حكم بن سعود أمن وامان وشريعة اسلامية , مافية داعي للفرس والشلفاء
الرجل رفض يترك فرسة وشلفاة
-انت تسمعني خذ فرسك وشلفاك , ماهيب على ظهورنا ولاهيب ناقصتنا شي .
عبرنا الشعيب مع الشايب , نفس الطريقة الاولى , شوي وحنا في الرياض ندقل مع طريق الملك فهد السريع
أخذتة الى البيت , وجلستة في الدكة برا , علشان أورية معالم الرياض على الطبيعة . وزهمت واحد من الاخوان وقلت : رح دورلي عظم بعير هرش ولاناقة فاطر وبسرعة علي , شوي والعظم حاضر, وانا اطسة من
الشاوري لين أمتلى( على قولة الفارس الشمري ) . واللة واقبسة وامدة على الفرس : مسااااااااااء
الخييييييييير ياعنب , عمر المخرومة , كيف الرجال رأسة , وانا قاعد اشرح لة الحضارة والتطور, هذي طال
عمرك سيارة حلت محل الناقة والحصان , انتم من اول تروحون من نجد الى مكة في شهرين , وهالحين لو
اركب السيارة أنا وياك مايذن المغرب الا حنا في الحرم , اعقب وانا ولد أبوي , يهبا اللي صنعها, وهذي عمارة الفيصلية اثنين وخمسين دور وهذي عمارة المملكة ناطحة سحاب , اعقب وانا ولد أبوي يهبا اللي بناءها .
-ياولدي انا أبي انشدك , الطيور وراءها كبيرة عندكم ؟؟؟؟
-طال عمرك هذي طيارات تشيل الناس مثلها مثل السيارت , وتقطع الكورة الارضية في ثمان طعشر ساعة .
اعقب وانا ولد أبوي - الناس تطير- يهبا اللي صنعها .
- وهذي اشارات مرور تنظم سير السيارات .
- طال عمرك شايف الرجال اللي يغسل سيارتة هناك هذا شاعر مبدع لايشق لة غبار .
- اللة يذكرك الشهادة ياولدي , ذكرتني الشعر والقصيد الزين . سمعني سمعني من قصيدة .
- هذا طال عمرك يقول : علي الطلاق بالثلاث ان اللي يشرب الدخان مثل ربات البيوت
- يعقب , خيال الخيل وأنا ابو فلان , في ذمتك ؟؟؟؟؟ أي باللة في ذمتي , وموجودة وموثقة في كتاب ,
خيال الخيل وأنا ابو فلان وهو يصل أم العبية علية وهو يلهبة بالشلفا لهو طول رسنها, وهو يسند من
وراءة يعتزي ويحدي ( ياسابقي يحرم عليك النوم ) .
وانا أجي لصاحبنا ( الشاعر) متمدد على بطنة ينازع في الروح , وأنا اتمدد على بطني جنبة واحط
فمي في أذنة : مية مرة وانا اعلمك أترك القصيد والخربطة اللي على غير سنع
مير ما تفهم العلم . اقعد بها هالحين .
- ابو محمد ( قالها بصوت خافت )
-ابشر وش تبي
-ودني المستشفى
-وش تقول
-ودني المستشفى
-أنت ماتقول علي الطلاق بالثلاث ان اللي يشرب الدخان مثل ربات البيوت , ها علي الطلاق طلاقا ماهوب
طلاقك ماتشوف المستشفى بعينك , لتطفي وانت هنيا ( خل المسلمين ترتاح منك ) .
ثم اذا منك شفتة بيودع خلاص , طبق عليك اسلوب الوقاية خير من العلاج ( التطعيم المتقدم )
أضربة بأبرة اعدام القريحة علشان تريح المسلمين اللي قدامة منة ثم خلة يطفي على راحتة ,
رجعت للفارس : ياولد أنت صاحي ولا مجنون , هنا فية حكومة وشريعة اسلامية وقصاص ,
مشينا مشينا خلني اردك لأهلك قبل مايعدمونك الرياجيل , وديتة للشعيب وسلمتة للشايب وتوادعت منة ورجعت للبيت
حصلت الشرطة ينتظرونني .
سلام , عليكم السلام
السالفة كذا كذا كذا , وهالحين نبي نسألك ماتدري من اللي ذبح جارك ؟؟؟؟
-والله اتلى علمي بة العصر وهو يغسل سيارتة بعد كذا مادري عنة , رحت مشوار وتوني راد .
قيدت الحادثة ضد مجهول وانتهت السالفة ..........
بعد صلاة العشاء وعلى قناة Cnnخبر عاجل , مرسلنا في السعودية جمس كذبوني وافانا بالتقرير
التالي (( قام أحد الارهابيين المنتمين لجماعة أسامة بن لادن , بقتل أحد المواطنين السعوديين
امام منزلة , وبطريقة وحشية لاتمت لحقوق الانسان بصلة , وقد قتلة بسلاح غير معروف لدينا
ولكن خبراء الاسلحة اكدو وبعد الفحص الدقيق ان هذا السلاح مصنف على قائمة الاسلحة المحضورة دوليا )) .......
انتهي الحديث ................
كان الجو غيم وأمطار قلت اروح للشعيب ( الوادي ) اوسع خاطر واتسلى , عندما وصلت للشعيب واذا
فية شايب لحيتة بيضاء وطويلة , وملامحة غريبة وغامضة
- سلام عليكم ياشايب الرحمان
- عليكم السلام
- الظاهر أنك منتب من المنطقة ذي اقلط اكسر الفنجان عندنا .
قال : أنا رجل خارق ياولدي.
- قلت ويش
- رجل خارق
- خير واذا صرت خارق , حنا مخترقنا الغزو الفكري والعولمة مانتب لاقن عندنا شي تخترقة , يجيب اللة رزق
قال : ياولدي انت سمعت بالسفر عبر الزمن
- نعم سمعت بة , ولكنة شي خيالي .
- ماهو خيالي انا هالحين اقدر أوديك للماضي ان بغيت ولا للمستقبل
- يارجال قل غير هالكلام
قال : أنت جرب ولأنت خسران شي , تبي الماضي ولا المستقبل علمني بس .
قلت : المستقبل منيل بستين نيلة , بوادرة بينة , ان كنت صامل ودني للماضي ابي اشوف الفريس الاولين
والعرب وحياتهم في البادية وعلومهم .
اخذ بيدي وعبر بي الشعيب , شوي ليوم صارت الدنيا ظلماء , ويوم انقشع الظلام لنا في مضارب البدو( تركني وقال ارجع لك بكرة علشان اردك لزمنك )
دخلت المضارب للفريس يحدون , هذا غازي وهذا كاسب البل وهذي خيمة الامير- حياة البدو كما سمعنا بها -
وأنا اتجول في المضارب , واذا فية فارس جالس في خيمتة يعمر دخان في عظم وشكلة مخيف وشنباتة
من ألاذن للاذن , قلت اتضيف عندة
السلام عليكم , ضيف ياولد
- يامرحبا بالضيف اقلط اقلط
- من أي عرب جاي ؟؟؟ هذي والله النشبة عاد كيف ابي افهمة .
المهم بعد جهدا جهيد فهمتة سالفة السفر عبر الزمن . شكلة ماصدقني مير سكت .
قلت : أنا راجع بكرة لربعي وأبيك تفرجني على حياتكم وعاداتكم . قال : ابشر
الرجل فرجني على كل شي , الاسلحة والقليب والصبايا والفريس والمضير والسمن واشياء كثيرة
وعلى فكرة السمن كان سلعة ثمينة عند العرب , لانهم نادرا مايكلؤن اللحم لضيق العيش , فكانو يضعون
السمن على الرز الابيض ويستيدمون بة , وماكان السمن يقدم لآي ضيف .
وللتوضيح فية سالفة رجل أسمة مرأس :
مرأس هذا كان حنشل وقاطع طريق ومقطع أربع , مر على مضارب هاك البدو, وجاء الخيام من الخلف ووجد
خلف احد الخيام صميل مليان سمن , فكة وضرب في السمن لين قال أنا , وردة مكانة واللتف من امام البيت
وصوًت : ضيف ياعرب خاطركم ضيف
-يامرحبا ومسهلا بالضيف اقلط
طبعا كان العرب يتفاخرون بالضيافة واكرام الضيوف ويعيبون على من يفعل عكس ذلك . يقول الراعي
النميري , في هجاء جرير , بيت أعتبرة النقاد أفضل ماقيل في الهجاء :
قوما اذا استنبح الاضياف كلبهمُ
قالو لآمهمُ بولي علـى النـار
نرجع لمرأس متكي على الشداد , يتقهوى ويهضًم السمن , شوي جاب لة المضيف الغداء , طبعا بدون سمن
لان مراس ماهو من ضيوف الدرجة الممتازة - ضيف سياحي –
قال : اقلط اقلط يامراس والعذر من اللة ثم منك , والله ماعندنا سمن والاكان حطينا لك علشان تستيدم
وهو يطالع فية مراس كذا قال : أيدامة قدامة وأنا مرأس ...........
نرجع لموضوعنا , نمت ذاك الليل عند الفارس , وفي الصباح توادعت منة علشان ارجع لزمني .
قال الفارس : خلني اوصلك الي الشعيب وبالمرة اشوف الشايب اللي انت تقول واسلم علية .
وفي الطريق سألتة : انت عندك الاسبوع ذا معارك جريات حروب ؟؟؟؟؟
اجاب : لاواللة . الاسبوع الماضي كان عندي اوفر تايم , ولكن الاسبوع ذا عندي اوف
-اجل وش رأيك تروح معي للمستقبل , تشوف حياتنا وعيشتنا مثل ما أنا جيتكم وشفت حياتكم وعيشتكم
مني ومنة اقنعتة يروح معي
قال : بس أخذ فرسي وشلفاي معي
-يارجال حنا في حكم بن سعود أمن وامان وشريعة اسلامية , مافية داعي للفرس والشلفاء
الرجل رفض يترك فرسة وشلفاة
-انت تسمعني خذ فرسك وشلفاك , ماهيب على ظهورنا ولاهيب ناقصتنا شي .
عبرنا الشعيب مع الشايب , نفس الطريقة الاولى , شوي وحنا في الرياض ندقل مع طريق الملك فهد السريع
أخذتة الى البيت , وجلستة في الدكة برا , علشان أورية معالم الرياض على الطبيعة . وزهمت واحد من الاخوان وقلت : رح دورلي عظم بعير هرش ولاناقة فاطر وبسرعة علي , شوي والعظم حاضر, وانا اطسة من
الشاوري لين أمتلى( على قولة الفارس الشمري ) . واللة واقبسة وامدة على الفرس : مسااااااااااء
الخييييييييير ياعنب , عمر المخرومة , كيف الرجال رأسة , وانا قاعد اشرح لة الحضارة والتطور, هذي طال
عمرك سيارة حلت محل الناقة والحصان , انتم من اول تروحون من نجد الى مكة في شهرين , وهالحين لو
اركب السيارة أنا وياك مايذن المغرب الا حنا في الحرم , اعقب وانا ولد أبوي , يهبا اللي صنعها, وهذي عمارة الفيصلية اثنين وخمسين دور وهذي عمارة المملكة ناطحة سحاب , اعقب وانا ولد أبوي يهبا اللي بناءها .
-ياولدي انا أبي انشدك , الطيور وراءها كبيرة عندكم ؟؟؟؟
-طال عمرك هذي طيارات تشيل الناس مثلها مثل السيارت , وتقطع الكورة الارضية في ثمان طعشر ساعة .
اعقب وانا ولد أبوي - الناس تطير- يهبا اللي صنعها .
- وهذي اشارات مرور تنظم سير السيارات .
- طال عمرك شايف الرجال اللي يغسل سيارتة هناك هذا شاعر مبدع لايشق لة غبار .
- اللة يذكرك الشهادة ياولدي , ذكرتني الشعر والقصيد الزين . سمعني سمعني من قصيدة .
- هذا طال عمرك يقول : علي الطلاق بالثلاث ان اللي يشرب الدخان مثل ربات البيوت
- يعقب , خيال الخيل وأنا ابو فلان , في ذمتك ؟؟؟؟؟ أي باللة في ذمتي , وموجودة وموثقة في كتاب ,
خيال الخيل وأنا ابو فلان وهو يصل أم العبية علية وهو يلهبة بالشلفا لهو طول رسنها, وهو يسند من
وراءة يعتزي ويحدي ( ياسابقي يحرم عليك النوم ) .
وانا أجي لصاحبنا ( الشاعر) متمدد على بطنة ينازع في الروح , وأنا اتمدد على بطني جنبة واحط
فمي في أذنة : مية مرة وانا اعلمك أترك القصيد والخربطة اللي على غير سنع
مير ما تفهم العلم . اقعد بها هالحين .
- ابو محمد ( قالها بصوت خافت )
-ابشر وش تبي
-ودني المستشفى
-وش تقول
-ودني المستشفى
-أنت ماتقول علي الطلاق بالثلاث ان اللي يشرب الدخان مثل ربات البيوت , ها علي الطلاق طلاقا ماهوب
طلاقك ماتشوف المستشفى بعينك , لتطفي وانت هنيا ( خل المسلمين ترتاح منك ) .
ثم اذا منك شفتة بيودع خلاص , طبق عليك اسلوب الوقاية خير من العلاج ( التطعيم المتقدم )
أضربة بأبرة اعدام القريحة علشان تريح المسلمين اللي قدامة منة ثم خلة يطفي على راحتة ,
رجعت للفارس : ياولد أنت صاحي ولا مجنون , هنا فية حكومة وشريعة اسلامية وقصاص ,
مشينا مشينا خلني اردك لأهلك قبل مايعدمونك الرياجيل , وديتة للشعيب وسلمتة للشايب وتوادعت منة ورجعت للبيت
حصلت الشرطة ينتظرونني .
سلام , عليكم السلام
السالفة كذا كذا كذا , وهالحين نبي نسألك ماتدري من اللي ذبح جارك ؟؟؟؟
-والله اتلى علمي بة العصر وهو يغسل سيارتة بعد كذا مادري عنة , رحت مشوار وتوني راد .
قيدت الحادثة ضد مجهول وانتهت السالفة ..........
بعد صلاة العشاء وعلى قناة Cnnخبر عاجل , مرسلنا في السعودية جمس كذبوني وافانا بالتقرير
التالي (( قام أحد الارهابيين المنتمين لجماعة أسامة بن لادن , بقتل أحد المواطنين السعوديين
امام منزلة , وبطريقة وحشية لاتمت لحقوق الانسان بصلة , وقد قتلة بسلاح غير معروف لدينا
ولكن خبراء الاسلحة اكدو وبعد الفحص الدقيق ان هذا السلاح مصنف على قائمة الاسلحة المحضورة دوليا )) .......
انتهي الحديث ................