لي بنت عمن ماوطت درب الأدنـاس

[عبدالكريم العنزي]

يا راكـب ثنتيـن يشـدن الأقـواس = مـن دار ريضـان الحجـر حركنـي

مافوقهـن كـود الدويـرع وجـلاس = وسفايفـن بيـن اربـعـه يلعبـنـي

تحركن مـن عندنـا حيـن الأدمـاس = ومضـي سـواد الليـل مـا بركنـي

حطن علم عذفا يسـار مـن الـراس = والظهـر مـع ورد الحفـر يشربنـي

حطوا لهن مع هشلت الحضر بـلاس = الحضـر ولـي بالخـلاء يسرحـنـي

وليـا لفيـت عنـد مدقـوق اللعـاس = الجـادل الـلـي بالمحـبـة فتـنـي

قولوا على حبل الرجاء نطوى اليـأس = والبيـض غيـره كلهـن يحرمـنـي

لو ينـدوي جرحـي دويتـة بقـواس = وابني رفـاف البيـت منـك ومنـي

ياعم يالي طعت بي هـرج الأنجـاس = طاوعت هرج النـاس وخلفـت ظنـي

طاوعت بي ياعـم دايـس ودربـاس = عـوارضـن صدقتـهـا وابعـدنـي

من لاخذا من درس الأسلاف نبـراس = تمضـي حياتـه بالرجـاء والتمنـي

أقفيت اجر بضامـري كـل هوجـاس = على وليـف بالحشـاء غـاب عنـي

تكفي خواطرهم ليـا جيـت عسـاس = لا تقـل أنـا منهـم ولا صـار منـي

ومريت دار ما تقـل جتهـا الأونـاس = ونيـت ودمـوع العيـون ذرفـنـي

وجيت المراح اللي به العشب محتاس = عشب علـى مبسـط فراشـه يعنـي

محذا سماد النـار ومشاقـة الـراس = وثـلاثـة لا يبـكـن ولا ينبكـنـي

لي بنت عمن ماوطت درب الأدنـاس = مادنسـت يـوم النسـاء يدنسـنـي

ضربتها وأنا احسب الضرب نومـاس = وطلقتهـا يـوم أفخـت العقـل منـي

يا ناس كيف العين تبكي علـى نـاس = وكيف العيـون بـلا رمـد يسهرنـي

لو ينشكي حبه على ذيـب الأخمـاس = يسـرح مـع الطليـان ولا يجفلنـي

ولو ينشكي حبه على الطيـر قرنـاس = أضحي الضحـاء بموكـره مستكنـي

ولو ينشكي حبه على قـب الأفـراس = عيـن نهـار الكـون لا يفزعـنـي

ولو النجوم اللي مـع الليـل غـلاس = يـدرن مـا بقلبـي لقلـبـه بكـنـي

ولـو البيـوت مشددينـه بالفـراس = عيـن بـه الخـفـرات لا ينبنـنـي

نطيت ضراس مـن فـوق الأطعـاس = ولا لوم طـراد الهـواء لـو يجنـي

وهليت دمع العين ووميـت بالـراس = ورفقـت كـور الصيـد يامـا بكنـي

ولو ان غوطة وام سلمان وضـراس = تـدري مابقلبـي لقلبـه افزعـنـي

تلقي سهل جبة هضـوض ومحتـاس = وراس الجبل بالقـاع صـار متثنـي

أنا زبـون الحـرد للخيـل بسبـاس = لاتلشـن شقـر الشـوارب نخـنـي

نفسي تشـوم التدلبـح مـع السـاس = ولا عاش منهو عن خصيمـه يكنـي

ومن شيدو زبنه على ضيد وضـراس = ليـا نسيـت رسومـهـم ذكـرنـي

ياعم انا لي طلبـت الـراس بالـراس = يا عم شـوف رسومهـم مـا محنـي

لو صرت انا المقلاع ماشلت الأضراس = والمـوس مـا يقطـع بليـا مسنـي

ويصار ما ربعك على الـراي جـلاس = وجنحـان طيـران السعـد يلفحنـي

تصيـر دومـن للصقاقيـر مـدواس = مثل الـذي يسمـع صفيـر المغنـي

والله يا لولا بكـرة يـا بـو نـواس = حبه سكن بالقصـي الضمايـر مكنـي

ولله لوهـي ماتبينـي فــلا بــاس = لا شـك خبثـان النفـوس طـردنـي

وانا احمد اللي خالـق كـل الأنفـاس = وجعل وساع القـاع مـا فيـه منـي

دارن بـدار ولا منحـات الأنـجـاس = ياصـار مـا يمنـاك عينـك تقـنـي

في بلدة الغـرار مـع جملـة النـاس = ولاني بمن يرجـي الخلايـق تحنـي

دارن بها الأكرام والطيب لـه سـاس = دايـم تذكـرنـي ليـالـن مضـنـي

[شمــــــــوخ]

لي بنت عمن ماوطت درب الأدنـاس مادنسـت يـوم النسـاء يدنسـنـي

ضربتها وأنا احسب الضرب نومـاس وطلقتها يـوم أفخـت العقـل منـي


*****

ماشاءالله قصيــــــدة قويه والله


هذي اللي غناها راشد الماجد في بداياته أعتقد أول ألبوم له

الله يعطيك العافيه عبدالكريم...


بس ماقلت لنا منهو شاعرها ؟


أنا والله مايحضررني أسمه ..


على العموم صح لسان كاتبها وسلمت يداك لنقلها لنا ...


أختيـــــــار ممتاز


مشكور لاهنت


..

شمـــــــــــــوخ

[نمش الشمري]

الله يعطيك العافيه على هذا النقل الجميل

ولا هنت


وهذه القصيده هي من النوادر وشاعرها هو :


شرعان الرمالي ............ وهو من أهل جبه ومن قبيلة شمـّـــــــــــــر

تقبل تحياتي .

[مشاعر حالمه]

الشمري..

اختيار جميل جداً ...

تشكر اخوي وصح لسان الشاعر ....لاهنت ...

تحيتي لك / مشاعر حالمه ...

[*أهداب*]

القصيده للشاعر::فهيد بن شرعان بن فاران الرمالي الشمري ..

وتدور احداث القصة في قصة عشق بين الشاعر وبين ابنة عمه الى وصل الامر الى الزواج ..
وكانت هذه المراة من اجمل بنات قبيلتها وعرفت بجمالها الكبير وعرف الشاعر فهيد بحبه لها ..

وكان النساء في ذلك الوقت (يروون) الماء من البئر وكانت تذهب هي وخمسة من بنات قبيلتها وذات يوم اتاهم قاطع طريق وطلب ان يقبلهن وحده تلو الاخرى ولا يقوم بقطع (قربة) من ترفض ووافقن جميعهن الا هي لم ترضخ فقام بشق
( القربة ) وخوفا من الفضيحة قام باقي النساء باشاعة خبر بين القبيلة انها مكنته من نفسها ..

ونتيجة لبعض العراك الذي حدث شق ( القربة ) وانتشرت الكذبه فيما بين القبيلة حتى وصل الامر الى فهيد وقام بتطليقها لكنها كما يبدو بينونه صغرى يستطيع ان يسترجعها من خلالها...

وبعد مضي 3 اشهر جاء قاطع الطريق وبين حقيقة الامر وعندما علم فهيد بالحقيقة ذهب الى عمه لاسترجاع زوجته لكن عمه رفض في البداية فكتب هذه القصيدة التي كانت سببا في عودة زوجته اليه ويقول فيها :

ياراكب ثنتين يشدن الاقواس
************** من دار ريضان الحجر حركني
الى آخر القصيدة


وبعد القصيدة رجعت له ابنة عمه وعاش معها باقي العمر

ان اسماء المناطق المذكوره في القصيدة جميعها في منطقة شمر ( واغلبها في ديار سنجارة من شمر )
مثااااال لذلك :
* عذفا / وهي الان قرية في النفود وقد كانت سابقا آباروهي لقبيلة شمر.
* الحفر / وهي كذلك آبار في النفود ( ليس مدينة حفر الباطن الموجودة الان ).
* الغوطة وكذلك ام سلمان وكذلك اضراس / وكل واحدة منهن معروفة ايضاً بالقرب من حايل وهي لقبيلة شمرايضاً.
* جبة / وهي سابقاً آبار ويقطنها فخذ الغفيلة من سنجارة وهي التي ذكرها ابن رشيد في بداية رحلته الى العراق .
وهذه جميع ماذكرت من آبار وقرى ومدن وجبال معروفة انها ديار لقبيلة شمر لذا لا غبار على انها لـ فهيد بن شرعان بن فاران الرمالي الشمري




شكراً للناقل .....