مشاهدة النسخة كاملة : من الزعل ياشيخ سحبت السفير
راعي الفاطر
02/05/05, (07:40 PM)
يابو عادل مرسلٍ يمه وزير
نايبي يالقرم وملبّس عباه
رافضين الصلح وارسلي نذير
ليت الشيخ اليوم يعدل عن خطاه
يحسب ان الحرب مداها قصير
الحرايب ليه وش يكسب وراه ؟
يالحميدي لا تعجّل بالمسير
عندكم قريب لو تقرط حصاه
من الزعل ياشيخ سحبت السفير
وصفقه من الروس تمت مشتراه
احتسبنا الحرب وكلفنا الخبير
والبوارج حركت تبغى نواه
بالمدرج جاهزتن للمطير
والسلاح كروز ومبرمج ذكاه
قل لابو وضاح والسيد بشير
المعارك دايره تطحن رحاه
احمد المعبود بيديني ((اسير))
احفظ القران وشروط الصلاه
زغّرتن البيض واولهن عبير
يالعذارى مالهم مني نجاه
الحميدي النبات
04/05/05, (01:45 AM)
اهني اخوي ابو وضاح
على استسلام راع الفاطر
وهوالان تحت الاسر
ومنظور للفراج عنه
بعد ماسلم كل القوة
وعلنها صريحه
حزب ابووضاح
نجح في كامل عملياته
امام راع الفاطر
ياسلم العود الحال تعود
تهون ياراع الفاطر
ورد بعد استكمال
الموقف وقبل الفعل
مايصلح وبكره اتشوف
لاهنت ولاهان شرواك
تحياتي للجميع
موسى المشعان
04/05/05, (05:20 AM)
الله اكبر عقب ركبه للحمير
------------------------------ يصنع الصا روخ ويحدد مداه
ياجماعه هذا هرجن ما يصير
------------------------------انصحولي حمود لا يكثر خطاه
كل يوم منتدانا له هدير
-----------------------------لو يكضه هرش ما يوقي جما ه
القصايد ما هو ندحه للعصير
------------------------------حرصولي حمود من راع القناه
لاهو ريس ياجماعه ولا وزير
------------------------------ولاهو تاجر تركض العالم وراه
ولا هو ظابط يرتجف منه الخفير
-------------------------------لا يضيع حمود من زايد عيا ه
سل سيفه يا جماعه من الجفير
------------------------------وجاب جيشٍ ما عرفنا وش الغاه
الأ سد ما روعه كثر الصفير
------------------------------لا يصير حمود القمه من عشاه
والله انه ما يقرب للغدير
-------------------------------حالفن ياغير ينكس في ضماه
هات سالم والعليمي والمدير
--------------------------------والوعد ياحمود من بعد الصلاه
هذا شيخ المنتدى برتبت مشير
------------------------------- لا تقرب ياصديقي من حماه
مع تحيات موسى المشعان
راعي الفاطر
04/05/05, (02:47 PM)
في زمان اليوم كل شيً يصير
والبشر بالعلم تسبح في فضاه
لو درست العلم يوم انك صغير
ماانشدت اليوم عن شرط الزكاه
يابو محمد انت شاعرنا الكبير
ومركزك بالمنتدى كلٍ قراه
الصحابه قبلنا ركبت حمير
اقروء التاريخ وتعّرف من رواه
يابو محمد مادريت انك عشير
تنتخي يالقرم وتدّور رضاه
انصح الخطيب قله لايطير
الحرايب نار ياكلكم سناه
يابو عادل ابو محمد مستطير
ياالسنافي يلزمه فرشت عباه
قل لابو ممدوح يعجل بالمسير
وعينّه يالقرم ريس لرماه
الحميدي النبات
04/05/05, (06:17 PM)
هذا المرد
على راعي الفاطر
هو ليه ما يشوف
ألا
أبو وضاح وأنا
ليه ما يدور غيرنا بالمنتدى
الطووووووووووووووووووووويل
العرررررررررررررررررررررررررريض
أستلم
يابو عادل لايهمك لا تغير
.............. سلم القوات وأعلن لي ولاه
شخصٍ مقيريد ولا مثله تصير
.............. لا يطشك بالبحور المضلماه
انا ناصح وانتبه قول الخبير
............... لا يحطك في طريق ما مشاه
شف زعيم القوم هذاك المشير
............... السنافي انتبه تقرب حماه
والمدافع والاسطول اللي تدير
.............. دمرت يالقرم واسمع في نباه
راعي الفاطر راعيٍ ٍما هو مدير
............. عارفينٍ يالبناخي مستواه
به مزايا طيبه سيفٍ شطير
............. مار بعض احيان سيفه ما حماه
سلطته لاشاف مجمول غرير
................. ما يفكه يابو عادل وابتلاه
ضاع عمره مع اماني مع غدير
............... مار تكفى ذكره وقت الصلاه
أبشر يابو وضاح
تامرامر ياعزيزي
تحياتي للجميع