عاجل جدن جدن (( مساعدة شاب بيطيح في ورطه ))

[شمــــــــوخ]

السلام عليكم والرحمه

شوفوا اليوم انا كاتبة لكم موضوع غريب وعجيب ......

كنت قاعده انا وبعلي العزيز نتفرج على التلفزيون ونشرب قهوه وكنا في قمة الرومنسيه كان

معطيني مقفاه ودافس بوجهه في الجريده يعني انه يقرااها وهو بس يبغى يسكتني علشان لاااهذر على راسه وانا بعد مو احسن منه اعطيته ظهري واقلب في قنوات التلفزيوون << هذي رومنسية السعوديين :D

واهم شي اننا لنا ربع ساعه نتقهوى من غير مايتخلل قهوتنا مناقره او هووووشه مثل العاده
وهذا بحد ذاته شي غريب وعجيب :more74:

المهم وانا اقلب القنواات ويجي ذاك الخبر في قناة العربيه مفااده << تراني عصرت نفسي بقوووه يالله طلعت مني مفااده فخلوا بالكم عليها زين :D

خبر خلاني ابقق عيوني زي هذا >>>> :eek: ...

الخبر:: (( سيده قطريه تقيم في قطر تبلغ من العمر اثنان واربعون عاما تريد الزواج بشاب يعمل ويقيم في قطر يبلغ من العمر ثمانيه وعشرون عاما لبناني الجنسيه ولهما سنتان وهما يحاولان الزواج ولكن لم يعطوا التصريح لان هناك قوانين تمنع زواج القطريه من الاجنبي ))

طبعا انا سمعت الخبر من هنا وفغرت ومن غير مااحس بنفسي قلت اوف اوف اوف
والله هذي الي طاحت واقفه فوق ماهو ورور صغير لاااااااااااااا ولبنااااني بعد :D

طبعا زوجي رمى الجريده من يده والتفت وقالي وش قصدك :mad: <<< كن ابو الشباب عصب صح :D

قلت:: قصدي قصدي قصدي <<< تلجم لساااانها

قالي بالحرف :: احمدي ربي ماحد تقدم لك غيري والا كنتي الحين مخلله في بيت اهلك

طبعا انا ماسكت ردت عليه وقلت له وشو وشو؟؟
انا تقدموولي عشره رجاجيل وربع بس كلهم سحبت عليهم <<<< بدا الكذب يشتغل خخخخ

قالي وينهم العشره كان واحد منهم خذك وفكني منك كنت الحين انا برفسووور في المغرب :D

وقام وشال فنجال القهوه ورماه علي وانكسر قمت انا شلت صحن القهوه كله بالي فيه ورميته عليه وانكسر قام شال الطربيزه ورماها علي وانكسرت قمت شلت الكنبه ورميته عليه وانكسرت << <<<< تداخلت المواضيع في بعض

قام اخونا شال الجدار بيرميه علي بس انا وقفت ذيك الساعه وقلت هوب هوب :: مافينا غش

( شفتك يوم سرقت عشره من الكيرم قالي ووانا شفتك يوم طيحتي غطا الحمرا ورجعتيه وسويت نفسي اني ماشفتك قلت خلاص اجل وحده بوحده قالي خلاص قمت رحت اركض للغرفه الثانيه وجبت ريموت الفديو

ورجعت اللاحداث لووورا يوم حنا نتقهوى برومانسيه << << كرهتي الناس في الرومانسيه حقتك هذي الله يقلعك :D

ورجعت قعدت مكاني وغيرت القناه على سبيس تون وقعدت اتفرج على (( انا واخي ))

وابوالشباب يقرأ جريدته وماكني قاعده جنبه

الفائـــــــده :

ام اربعه واربعين اقصد اثنين واربعين هذي مو كن مدة صلاحيتها قربت تخلص ؟؟؟

الشاب اللبناني هذا اكيد حاط عينه على فلوووسها صح ؟؟

,,

:sm31: <<<< هذي الحلووه وش الي حارق رزها ؟؟



بالله وش رايكم في الموضوع ككل ؟؟؟

.

.

شمــــــــــــوخ

[سندريلا]

هههههههههههههههههههههههههه


اول شي الغريب والعجيب بالموضوع توني ادري انتس متزوجه مبروك شموخه منه المال ومنتس اللجه والصجه واذا قدرتي جيبي له بزر يملى عليكم حياتكم يمكن رجلتس يهون عن قراية الجريده



بعدين ترا مو بس السعوديين عندهم رومنسيه عندنا وعندكم خير بس حنا العكس انا اللي اقرا وهو اللي يقلب بالقنوات



بعدين ام اربعه واربعين شتبي ؟؟ عسى ماتكلفت بس لبناني مره وحده ياكبر شرهتها المسكينه ان حصلت ابو اربعين تحمد ربها وتحب يدها مقلوبه وزين انهم ما وافقوا بس غريبه مايوافقون مع ان عندنا عادي بس شكلهم خايفين على اللبناني يتعقد


اللهم لاشماته حتى العجز مهن قاعدات راحه


مشكوره شموخه يخليج ربي

[نواف العنزي]

هههههههههههههههههههههه
ام اربعه واربعين اقصد اثنين واربعين هذي مو كن مدة صلاحيتها قربت تخلص ؟؟؟

الشاب اللبناني هذا اكيد حاط عينه على فلوووسها صح ؟؟


ليـــــــــــــــــــش لا لا ...............


الله يوفقهم................

الاخت / شمــــــوخ
يعطيك العااااااافيه على نقل هذا الموضوع..............

دمتي بخير......................

[محمد الدلماني]

قالي وينهم العشره كان واحد منهم خذك وفكني منك كنت الحين انا برفسووور في المغرب:):)

ايوالله انتم يالحريم تحطمون امال الرجل:)


المهم لانه لبناني تبيه واكيد غيره ماراح يطالع لها والعكس طبعا من ناحيته


زواج مصلحه سريع النهايه

[عبدالكريم العنزي]

الفاضله /شمووووووووخ



يعطيك العااااااافيه على الطرح الراااااااائع




دمتي بخير

[شمــــــــوخ]

هلا وغلا عنزيه نورتي موضوووعي :)

ياختي من جد ياكبر شرهتها لبناني حته وحده وعمره 28 بعد :D

أحس أنه بيندفن معها بالحياة


تسلمين ياعسل بس مدري ليه ماوافقوا عندكم يمكن على قولتس خايفين عليه المسيكين يتعقد :D

.

.

تشكراااااااااااااااتي لتس يادبه

[شمــــــــوخ]

أهلآ نواف

مشكور لحضورك

بس حبيت أنوه أن موضوعي غير منقووول الخبر من القناة والباقي من بنات أفكاري :D



.

تشكرااااااااااتي لك

[شمــــــــوخ]

أهلآ بالدب محمد :D

عجبتك هذرتي الزايده أجل :p

بس صدقت أكيد زواج مصلحه ورى الموضوووع

.

تشكرااااااااااتي لك

[شمــــــــوخ]

مشرفنا عبدالكريم

هلابك ومشكوووووور لاهنت لحضورك


.

.

[عبدالله التركي]

الاخت العزيزه شموخ انتم يبنات الــــــــــــــــــــــــــــــــــــــ21,22،55،9 900000000000 شو حارق رزقكم مادام ام اربعه واربعين تقدر تسعد ابو سبعه وعشرين يعني تعتقدين ان الفنانه صبوحه على غفله احسن ودمتي بود

[@@لين الورد@@]

من وجهة نظري

انهم يحبون بعض

<<<<<متأثره من المسلسلات

وهذا اقل الاحتمالات عندي


والاكيد انه داخل على طمع

مشكوره شموخه

وتكفين لاتابعين قنوات اخباريه

ترى ماجاب لي القولون الا الاخبار

[حصه الوايلي]

(( سيده قطريه تقيم في قطر تبلغ من العمر اثنان واربعون عاما تريد الزواج بشاب يعمل ويقيم في قطر يبلغ من العمر ثمانيه وعشرون عاما لبناني الجنسيه ولهما سنتان وهما يحاولان الزواج ولكن لم يعطوا التصريح لان هناك قوانين تمنع زواج القطريه من الاجنبي ))

غاليتي شموخ
رغم ان الحب لايعترف بعمر ولازمان ولامكان فهو سهم يخترق القلب الا انه يموت ان كان لهدف معين كمصلحة
او من هذا القبيل
وليس في قطر بل في كل مكان في العالم تحدث مثل هذه الحكايات
اعرف شخصيا صديقتي مديرة مدرسة اكبر انباءها في ثالث ثانوي وهي مطلقة تزوجت من شاب في العشرينات
من العمر ولم يسبق له الزواج:)
لك ارق التحايا

[شمــــــــوخ]

حياك الله أخوي عبدالله التركي


وربي مدري ليه أنا منحرق رزي :D

بس ودي أعرف هوو ماخذها لسواد عيونها والا به شيء ثاني ومصالح

لأن فارق السن كبير بينهم << يالفقتس بس :D


.


مشكور لاهنت

[مصلح النشمي]

.



اختي شموخ



الحين المطلوب نسولف عن الرومانسيه والا عن النصاب وزواجه(وجه متوهق)



على فكره ياليت تحطين موضوع خاص عن الرومانسية في الحياة الزوجية===لان الاغلبية ماخذينها طقطقه الرومانسية ويفصلون بين الزوجه والرومانسية!!



اما عن النصاب والقطريه

فأخالف من قال ان الحب لايعترف بعمر!!!

هذاك اول

اما اليوم لا ومليووووووووووووووووووووووووون لالالالالالا

يعني وحده تاريخ الانتهاء ظاهر على الشاشة وهو في ريعان شبابه اتعقل ان يولع بها وان يحبها للحب نفسه!!

وكيف نساعد الذئب على اغتنام الفريسةّ!!!!!!!!!!!!

ولو لم تملك جنسية البلد الذي يعمل به ..هل يفكر بالزواج بها,,يعني لو انها لبنانية يعطيها وجه/..؟؟ ما اظن!!



شكرا لك شموخ وشكرا لطرحك المتميز كالعاده


تحياتي لك

[شمــــــــوخ]

هلا وغلا لين

الله يحييتس نورتيني ....

وأنا وش عندي غير الأخبار ومتابعتها هي يالأخبار يالمجد مافيه غيرهم :D



أما يحبون بعض هذي مدري أشك فيها ياختي مدري ليه :cool:

تسلمين لطيب المشاركه :)

.

.

تشكراااتي

[شمــــــــوخ]

هلا وغلا بــ حصه نورتيني من جد :)

عاش من شافتس


وأنتي صادززه ياحصه هالنوعيه موجوده بكل مكان بالسعوديه وبقطر وبكل مكان بس الخبر اللي جا بالأخبار كان عن هالقطرية ..


وخصوصآ عندنا في عالم المعلماات كثير هالنوعيات تكون كبيرة بالسن وتأخذ واحد بالعشرينات

بس أعتقد أنه مو حب وشيبي فيها وتاريخ صلاحيتها منتهي :D

أكيد طمعاان بالرويتب :o

تسلمين حصه للمشاركه الرائعه

وأتمنى أشوفتس متواجده على طوول هنا :)

.

.

تقديري يالغلا

[شمــــــــوخ]

هلا بك مصلح

سولف عن كلششششش :D

أنا بمواضيعي اللي أكتبها ماحب التقيد بموضووع واحد يعني خذ راحتك :)

بالنسبة لردك

أنا أوافقك بصراحه أكيد عنده مصلحه من ورى هالزوااج

.

وأن شاءالله بيكون هناك موضووع عن الرومانصيه :D للمتزوجين اللي ماعندهم ماعن جدتي :D


.

مشكور لحضورك ولطيب المتابعه

.

[فايز البذيلي]

شموخ


يعطيك العافيه على الموضوع

وعلى موافاتنا بحياتك الشخصيه

اما بالنسبه لام الشباب وابوهم انا اقول شئ طبيعي جدا

ومو شرط داخل على طممع وعلى فكرة هالكلمه طمع خلت بين اوساطنا الخليجيه العوانس وتفاقمهم

واذكر بشهر 12 عربي مقيم اجنبي على كفالة الاخ ظامي

تزوج من سعوديه وكان الامر
بيعي اانا بصراحه استغربت رحنا للامارة علشان التصريح بالزواج وتوقعت ان الموظفين بيستغربون يوم رحنا

سألت الموظف من فضولي طلع لي ملف الطلبات فيه 53 طلب زواج اجنبي من سعوديه وكخلصين يعني راضين اهلهم


وقلت الحمد لله على النعمه لا والغريب الجنسيات المتقدمة وتفاوت الاعمار حتى النيبالي متقدم


لك الشكر واعذريني على المداخله

تحيتي

[شمــــــــوخ]

نيبالي ؟؟؟

لا بالله كدن خير بناتنا ..

فايز

أنا موضد أنه يتزوجها بس الغريب فارق السن كبيييير بينهم يعني مو سنه ولا سنتين ولا ثلاث

يعني شيء غرريب ويثير الأنتباه بعد..

وماظنيت العنوسه بسبب الزواج من لبناني وغيره عندنا أسباب ثانيه أجتماعية وشروط الأهل وغيره

.

شاكره لك مداخلتك

وحياك الله