عــــلوم هامه ...جدآ

[شمــــــــوخ]

سلام الله عليكم

وشلووونكم ... معليش بتربع هنيا وأهذري لكم شوي من دميجتي :D بس يمكن تستفيدون من حتسيي << ماظنيت :D


النوم:

حضرت مره .. محاضرة وكانت تتكلم المحاضره عن تنضيم الوقت ..
كانت تحاول تقنعنا ان الوقت ملك لك ..
قالت كم ساعه تنامون.. قلنا مابين 8 ..7 .. وحده تقول 11 ساعه
ناظرت لنا بستحقار .. قالت انا انام 4 ساعات بس ..

قلنا كيف .. الجسم محتاج راحه .. محتاج وقته ..قالت لنا هي مساله إداره .. تعويد.. النوم بحد ذاته موب اساسي .
. اهم شي ان جسمك يرتاح
واذا عودتيه على راحه معينه .. راح تقدرين تنظمين نفسك .. وقالت .. كل انسان وجسمه بعض الناس مايكفيها اقل من
7 ساعات والسبب موب الحاجه للنوم بحد ذاتها

السبب اجهاده الزايد .. او هروبه من مشكله معينه .. او حتى سمنه مفرطه ..والدليل ان اغلبكم اذا سافر تغير نومه
بشكل مريع .. فصار ينام اقل ..
خاااصه اذا كان الجو صحي كــ بر او مزرعه او شي طبيعي ..
كلامها اثر فيني .. ونومي قل بشكل بسيط .. اول ماكنت ارضي باقل من ثمان ساعات .. الحين بديت مابين ست
ساعات الين سبع ..
.
.
مدري .. انتم وش رايكم بكلامها هالدكتوره .. مقنع ؟


تأثير الأسامي:

مدري هو انا الي احسه ولا هو صدز ..

جانا ولد لخوي .. وسميناه بسم أبوي الله يحفظه ..

كل ماشوفه اتوقع فيه صفات الوالد ؟؟
موب شرط صفاته الحميدة .. أقصد الطبع بس ..

مثلها اسامي البنات .. لاني بجد في وحدة مصرقه من بنات عمي ولسانها ينط نط من قوته ..
ونفس الشي مرت
عمي مثلها ..من فتره انصدمت بوحدة مصرقعه وبنفس الاسم بعد .. :D
.
.
معقولة الاسم له هالتأثير ؟ ولا تهيا لي ؟


صوم يوم الميلاد ؟؟

.. طلعت مشوار مره مع السواق.. وكان معي أخوي الصغير

شغل المسجل على أغاني ... مابين أغاني هنديه ولبنانيه:D

قاله أخوي : غريبه اليوم مادخنت ياتعبان موب بالعادة ؟
قال : انا صايم ..
قاله أخوي : وش طرالك .. صاير مطوع من وراي ؟؟
قال : لا بس اليوم عيد ميلادي .

سألني أخوي أحد يصوم عيد الميلاد ؟

صراحه انطرمت .. مدري اقوله حلال ولاحرام .. بدعه ولا وشوه على طول قلت سكرالمسجل وحول الرادوا على
اذاعة القران .. << بلاي شيخه دايمن افتي له :D
.
.
من منكم فكر يصومه؟ والا قرأ فتوى عنه ؟يعلمني ..

عرس لندني:

قسم ان في شيء يقهر وبنفس الوقت يضحك :D ..مدري وش أقول حظ ولا قرادة ..
هاذا ياطويلين العمر والسلامه يقال ان في طبيب .. ماشاءالله عليه راتب وضيفه وكلش ..

أعجبته زميله له طبيبه وتقدم لخطبتها زي اي واحد .. طبعا ابدوا الموافقه المبدئيه .. والولد تشوف على البنت .. جاء الصيف وكانت البنت من عائله جيدة ماديا فراحوا يصيفون بلندن .. صدفه شافها واحد وسأل عنها .. أعجب فيها وعرف منهي فتقدم لها ووافقوا ..

وتزوجت الرجال الجديد .. كل ذا ايزي موب مشكلة

لكن بيت القصيد .. ان هالشاب الأطخم هو ولد عم الطبيب ويدري عن خطبة ولد عمه ..وخاطب على خطبته .. والبنت اختارت الثاني بسبب انه مريش ماديا بشكل مريع ..

اللي يزيد القهر كيه .. ان الطبيب يداوم مع الطبيبه كل يوم .. ويشوفها عيني عينك ..
اويت له بجد ..:(
.
.
ماودكم نروح نتوطي في بطن ولد عمه ؟:D


أخيــــرآ...
.
ذا فصل حاول فهم..
لاتقول ماشي أنفهم ..
كل العرب فاهمه ..
اليووم يوم الهمم..
هاذا المهم ولاأهم..
وامور كم هامه..
ضاعت وسط ذالزخم..
وانت أفهم يافهيم ..

..

الموضوع كله من بنات أفكاري :D

..

ياصبركم علي بس.. انا حامت تسبدي مني

ماودكم نقلب الموضوع شات ؟:D

شمـــــــــــــــوخ

[فاضي عبدالعزيز]

شموخ

سلم فكرك وبناته الجميله


النوم:

ممكن واعتقد ذالك وكل ماقلل الانسان من نومه وفر زياده من ساعات العمر


واستثمر شي من الثلث المهدر









صوم يوم الميلاد ؟؟

اكيد بدعه لم يعمله الرسول( صلى الله عليه وسلم)

ولااحد من اصحابه رضي الله عنهم وارضاهم




عرس لندني:



هي صحيح خيانه ولكن لااحد يعلم يمكن خيره

وفك الله الطبيب الحبيب من شر

وا لمؤمن لايحزن على مافاته ولااحد ياخذ غير ماقسم الله له

والزاج هو قسمه ونصيب







أخيــــرآ...




لم افهم شي ههههههههههههه

[شمــــــــوخ]

ياحي الله عمو فاضي

حمدالله على السلااااااااااااااااامه فينك ياراجل وربي لك فقده ياأبوجاسر :)

تسلم للرد السريع

ومشكووور لحضورك وتراي حتى أنا مافهمت أخيرآ << طيب ليش كاتبته هع هع


.

.

تقديري لك

[مزيد المزيد]

شموووووخ


يخررررررب حررريشك حيرتيني معااااااااك



يعني ماشاء الله عليك تقريبا" عشر نقاط اللي مريتي عليهاا وكل ماجي لنقطه تجذبني الاخرى .



ع العموم صوم الميلاد اول مره نسمع فيها والاقرب انه بدعه .......



وبالنسبه للاسامي اكيد لها تاثير على الشخصيه والتي تتكون من الصغر فالطفل عندما


يرى ان الجميع ينادونه بنفس اسم عمه او جده سيتابع هذه الشخصيه لكي يكون قريب منها اكثر


ويعجبه ان ينعتونه بانه يشبه فلان بتصرفاته لان هذا الاحساس يجعله يعي انه موجود وله كيان في هذه البيئه .



دمتي بكل خير

[محمد الدلماني]

ماودكم نروح نتوطي في بطن ولد عمه ؟

هههههههههههههههههه


لابالله هم بلندن وحنا بالشرق الاوسط اللي ظاع نفطها بلاشي ههههه:):d



شموخ الدكتوره ظايعه اللي تقول مو لازم النوم الا لازم ونص واهمها تسكيرة العين مو بس الراحه الجسديه

لان عمر ابن الخطاب رضي الله عنه اللي ماكان ينام ابدا وكان يقول ان نمت الليل ظيعت ربي وان نمت النهار ظيعت الرعيه

كان نومه غفوات يعني نوم تسكير عين وليس راحه للجسم فقط


وبالنسبه للاسم اشوفه مجرد احساس للتشابه


شموخ طلعتي منتي هينه::)


يسلموو على هالحضور الرائع

[@@لين الورد@@]

شموخ دائما مواضيعك من كل بحر لؤلؤه ومن كل بستان زهره

بس مابي حيل اعلق على كل نقطه

بالنسبه للنوم المعروف انه الصحي مو اقل سبع ساعات

والنوم للهروب من مشكله والله انها صادقه

بالاختبارات يتسلط علي النوم بس نايمه ومن اول يوم اخلص اختبارات والله يطير النوم واقعد مصحصحه

[مبارك السويدي]

يعطيكى العافيه على الموضوع المميز 0 ودمتى بحظ الله ورعايته

[سندريلا]

عزيزتي شمــــــــــــــوخ



بالنسبه للنوم انا شخصيا انام 4 ساعات فقط بس اذا كانت متواصله اقوم مصحصه ورايقه عكس لما انام 8 ساعات متقطعه

كلامها واقعي من وجهة نظري الشخصيه .


اما بالنسبه للأسامي وتأثيرها اعتقد ان التشابه جاء بالصدفه ولكل شخص اطباعه الخاصه لكن احتمال يكون للتنشئه دور مثلا ولد مسمينه على اسم جده يكون دور الاهل انهم يعلمونه كيف كان جده وشلون كانوا الناس يحبونه ولازم يكون قد الاسم اللي اختاروه له وكذا

هذا كل مافي جعبتي والف شكر شموخ على العلوم الغانمه

[شمــــــــوخ]

أهلآ مزيد

أعذرني ماقصدت أدوخ القراء بسوالفي بس قلت التنويع حلوو ومطلوب للأستفاده


ومشكوووووووور لطيب المتابعه والرد

,

تقديري لك

[شمــــــــوخ]

أهلآ محمد

والله مدري الدكتوره اللي ضايعه والا أنت :D

أجل ضااااع نفطنا بلااشي :D << مهوب عاقل السياسي فهد على غفله :p


مشكووور لحضورك وردك

بس ليش مانب هينه يعني وش طلعت هااه ؟ :D

,,

[شمــــــــوخ]

أهلآ لين منوره عيووني

وأنتي الصاادقه النوووم مايزين الا بالأختبارات الله يوفقتس أن شاءالله


ومشكوووووووووووره على ردتس يالغلاا

,,

[شمــــــــوخ]

مبارك هلا بك


مشكوووووووور لحضورك

[شمــــــــوخ]

عنزيه هلا بتس عيوووني

وتسلمين وصادقه لاصار النوم متواصل لو ساعتين يكفي الجسم


مشكور ه عزيزتي نورتيني

,

[عبدالكريم العنزي]

المميزه / شموووووووووخ



دائماً مميزه بمواضيعك


وشاكر لك على هذ الطرح




تقبلي تحياتي

[شمــــــــوخ]

الله يحييك عبدالكريم


الشكرلك ولحضورك

,,

[الدبلوماسي]

نظريه معقوله ولكن لابد من راحة العين ايضا فلو نلاحظ بالسهر احمرار بالعين وعوار ولا يهدا الى بالنوم



شكرا اختي شموخ

[شمــــــــوخ]

حياك الله يالدبلوماسي


أسعدني حضورك وردك


ومشكووووووووور لتواجدك