عــيـــونـــك// الـــجــنـــز

[حامد العيد]

عــــيــــونــــك


[B]
ابرحل في سما عيونك وابسكن داخل عيونـك=ابرحل/وين ما ارحل/مادام عيونـك اوطانـي
ابحضن كل هالعالم وابرسـم حلـم مجنونـك=طفل يتجـرع بلهفـه ثنايـا ليلـك الحانـي
مدارات الهنا بسمه تـداوي باقـي طعونـك=كواكب تنتحر فيني لاجانـي طيفـك يعانـي
رسمتك للأمل شمعه يدغدغ عطرها شجونـك=رسمتيني أمـل ليلـة خفاياهـا غـلا ثانـي
ابي عمري مدد عمرك وليلك شمس في كونك=وابي كل الظلام اللي يسودك يسكن احضانـي
نسيت اقول ياعمري يعـل عيونـي يفدونـك=ترى باكر/امل باكر/عيونك تحضن اعيانـي
ترى باكر لك اللهفة تسوق بشـوق مفتونـك=يقبل ثغره اطيافك فـرح فـي ليـل تحنانـي
ابي باكر اضم نارك ابي تصرخ بي ياعونك=ابي تغرقني بحورك وكـل عـذري لربانـي
ابي باكر لاجابك لي يغرقني بهوى مجونـك=ابي باكر/ابي باكر/ تلعثـم حرفـي بلسانـي
نسيت اللي ابا اقوله ولكن ما انسى مضمونـك=كلام تحفظه شفاتـي ابـد مايـوم يعصانـي
حضنت عيونك بعيني شكت عيني من جنونك=رحلت بعينك لدنيا عرفـت ان العمـر فانـي
هلابك اسكن فصدري/انا ادري مسكني عيونك=غدت اوطاني/او تدري؟ عيونك كلها اوطاني



الـــجـــنـــز




بالله يالابس عباتك على الجنز=تمشي بشارعنا وكنك بلبنان

تمشي تهصر والدلع منك قد نز=صحيت في راسي ثمانين شيطان

شفها شياطيني تراقص وتهتز=عباس صاح لكاظم وقال نيشان

من شافو العين بطرفها وهي تخز=من برقع خده تباين لي وبان

حتى نحرها/ اف ياصدر مرتز=اغنج تغنج ذاوي الخصر فتان

الفتحه اللي ساقها واقف رز=ياكيف جنزه يحتمل قسوة انسان

العلك ذاب بشفة دمها قز=بالله علكه كيف تقواه الاسنان

صحيح من قال الطويله بها عز=وصحيح من قال ــــــــ لهن شان

شبهتها بعيون حر اليا قز=طريدته ثم انشهق طير حوران

لو شافها شاااااااااااايب بمشيه تهزز=تلقاه يجمح غادي كنه حصان

بالله يالابس عباتك على الجنز=شيطان ويرقص حولك اللفين شيطان

:more19: لكل من مر من هنا

[ابو ريناااااد]

حامد العيد

رائعتين من ولادة أفكارك الرائعة أخي


نتمنى ان نرى جديدك



فلله درك

محبك
ابو ريناااااد

[كبرياء انثى]

صح لسانك

اعجبتني الاولى ولاتهون الاخرى

هلا بك اخوي

[تركي صالح]

حامد العيد

صح لسانك وسلم بنانك

على هذا الحظور المميز

ودمت بكل خيراً وعافيه

وتقبل فائق التقدير والاحترام

[عبدالله عايد]

حضنت عيونك بعيني شكت عيني من جنونك
رحلت بعينك لدنيا عرفـت ان العمـر فانـي
هلابك اسكن فصدري/انا ادري مسكني عيونك
غدت اوطاني/او تدري؟ عيونك كلها اوطاني



لو شافها شاااااااااااايب بمشيه تهـزز
تلقاه يجمح غـادي كنـه حصـان
بالله يالابس عباتـك علـى الجنـز
شيطان ويرقص حولك اللفين شيطان



حامد العيد

صح لسانك وكفيت ووفيت

قصائد في غاية الروعة ونتمنى نقراء لك المزيد

دام هذا الحضور بهذا الابداع وتقبل تحياتي