انا عنزي يعني دايم الدوم منصور&ولاينحني راسي الا لرب الادياني

[نايف الجعفري العنزي]

السلام عليكم ورحمة الله وبركاته


قصيده متواضعه اضعها بين ايديكم


اتمنى منكم اعطاء رايكم فيهاا


هي اول قصيده اقوم بنشرهاا عبر الانترنت

ولاتحرمونا من ردودكم واءراكم..



تراهاا تهمني.. اليكم هذه الابيات..



انا لبـــغـــيت القـــاف جـــاء مــجــــبور ********والـفـــــخــر له دوم منطوقه لســـانــي

والشـعر ماجيـــــته وابـــا اصــــير مشـــــهـــور*****هــــــو الـــــي دور عـــليـــه وجـــانــــي

مــــدري يمــكــن مــعــــجب او فيـني مبـــهـــور******بس الاكيد اني لقلته فرح واحـــتوانـــي

يـــدري اني ماقلــــته رغبـــه بحـــــب الحـــــظور****ولا ادور شهرة بوش ولا نجاد الايـــرانـي

وانا شــــاعر ومايــــــجي مـــنــي قصـــــــــــور***** لقلت البــيت يــطعن قلوب عدوانـــــــي

وانا شــــاعر وببـــــتعد عــن بعــض الامـــــــــور****الامــــــور الــــي تزعـــل قلوب خلانـــي

خلانــــــي الـــي لـــهم في القلب قـــدر محــفــور****وماضنتي واحد منهم فكر بيوم ينساني

هــــذولا الاهـــــم وبـــــاقي النــــاس محــــــقور**** ولا بعـــترف بالي فكر بيوم يجـــفانـــي

انا عنـــــزي يعنــــي دايم الـــــدوم منصــــــور**** ولاينحنـــي راســـــي الاا لـرب الاديانــي

وافعـــالنا تاريـــخن موكــــد ومخـــــــــــبوور**** وذكـــــــرنا طيــــب بــكل الازمــانـــــي

حكمنا الــــجزيـــــره ان بغا بــــر وبحـــــــور*** ووصــــلنا القمــر بفعل الشهم سلطانـــــي

يعني الشجاعه فينا شي فطري وماءثــــــور**** والكـــــرم بـــينا وبينه عــــشق وجـداني

هـــاذي عوايدنـــا من جدنا الزير مقهـــــــور**** ويــــــدور ثـــار كليـــــب بـــكل مــيداني

الين ابـاد القـــــوم والـــــــكل مذعــــــــــور**** وتحــــقــــق بهذا ثار جــــدنا الاولاــــني

واليوم ابو متعب فعله ماهو بشي مــــغمـور****زعيم الامه وتشــــهد كــــل الاوطاــــــني

صـــــقر العروبــــــه دوم بالخير مذكــــــور****شديد باسه على كل خاين وجــــــــانـــي

هـــــذا بعـــض مــــن مابــــين الســـــــطور**** ولو بحصي ليلي مع نهاري مامدانــــــي

وباقي القبـــايل ونعم ماقلـــت بها قصــور**** لكن حنا هل الاوله ورح دور على الثاني

والمعذره اذا فيه من هو من هالهرج مقهور**** بس ابيه يــــكون واقعـــــي لو ثـــوانـي

بيحصـل ان كل ماقلت صدقن ولاهو بــزور****وبيقتنع بهالعباره وماحتوت من معـــاني

انه عنزي تعنــي دايم الدوم منصــــــــور****ولاينحي راسه الاا بركعه لرب الادـــــياني

وبعد كل هذا يبي يقول مغرور.. مغـــرور****بس الاكيد الكذب لاحكيته ولاحكانــــــــي



اتمنى ان تـــنال اعجابكــم ولا تحرمونا من رايكم



لكم وافر الاحتـــرام... والعذر ان اخطاءت في الكلام


اخوكــم: نايف العنـــزي

[مشاعر حالمه]

انه عنزي تعنــي دايم الدوم منصــــــــور****ولاينحي راسه الاا بركعه لرب الادـــــياني

وبعد كل هذا يبي يقول مغرور.. مغـــرور****بس الاكيد الكذب لاحكيته ولاحكانــــــــي

نايف العنزي

بلا شك صح السانك يالقرم ولاهنت

لكن عندي ملاحظات بسيطه وهي ثقل في الوزن ^__^

وان شاء الله تتعدّى هالمرحله <== على بالها التختور غسان

تحيتي لك / مشاعر حالمه _ عزوة ابوها

[أبو رائد]

والنعم يا نايف

وصح لسانك على هذه الرائعة

[ولد الويلان]

ونعم والله صح السانك يا نايف الجعفري

[هندي المقبل]

نايف الجعفري

تحياتي لك وشكرا لك على هذه المشاركه

وبما انك وضعت قصيدتك وطلبت راينا بها فلن اخدعك واقول لك القصيده مكتمله

اخي نايف يوجد في القصيده معاني جميله لو صيغت بطريق افضل

لكن الوزن في هذه القصيده مفقود تماما
وبعض الكلمات لم يتم توضيفها بشكل صحيح

اتمنى منك مراجعة القصيده مره اخرى وتأكد بأنك سوف تنجح

شكرا لك مره اخرى

[نايف الجعفري العنزي]

نايف العنزي

بلا شك صح السانك يالقرم ولاهنت


صح بدنك اختي مشاعر


لكن عندي ملاحظات بسيطه وهي ثقل في الوزن ^__^

مشكوره اختي ويشرفني مرورك ورايك بعد على عيني وراسي ^__^


ولوو ان كان ودي توضحين لي اكثر وين موجود الثقل في اي بيت بالتحديد


وان شاء الله تتعدّى هالمرحله <== على بالها التختور غسان


من قلب مسويه فيها غسان هههههههههه


بعدين غسان هذا اقص يدي اذا يفهم بالشعر شي ههههه>> تكفى يا ياسر


لكي وافر الاحترام .....والعذر ان اخطاءت في الكلام


اخوك نايف العنزي

[نايف الجعفري العنزي]

وصح لسانك على هذه الرائعة

ماعليك زود اخووي ابو رائد وصح بدنك يالغالي

ومشكور على المرور



ونعم والله صح السانك يا نايف الجعفري

ماعليك زود اخووي ولد الويلان وصح بدنك يالغالي

لك وافر الاحترام

[سعوط المجانين]

صح لسانك ولاهنت

...

[نايف الجعفري العنزي]

وبما انك وضعت قصيدتك وطلبت راينا بها فلن اخدعك واقول لك القصيده مكتمله

ماكامل غير وجه الله ^__^


اخووي السيف يشرفني مرورك


وشخصيا ماخبي عليك سعيد لمرورك

وانتقادك


ولوو اني اتمنى من الاخوان الشعراء يوضحون لي وين الثقل وين الاخطاء بالضبط


طبعا برساله خاصه لا يفضحون بنا هههههه


فيه نااس ارسلنا لهم نطلب رايهم بس ليما الحين ماردوو>>> مايقصد تركي يمكن مشغولين بس

اخووي محمد

لك جزيل الشكر ودمت بود

[نايف الجعفري العنزي]

صح بدنك اخووي سعود


ومشكور على المرور

[مشعل الضوي]

صح لسانك.................

قصيدة جزلة وبانتظار القادم من شخصك الكريم...............

لك تحياتي..........

[نايف الجعفري العنزي]

صح لسانك.................

قصيدة جزلة وبانتظار القادم من شخصك الكريم...............

لك تحياتي..........

اخووي مشعل

مشكور على المرور وشهاده اعتز فيها والله


وشرفتني بمروركتقبل تحياتي

اخوك نايف العنزي

[سندريلا]

الكصيده في مجملها << متأثره بالدكتور غسان توجد بها صور شعريه ولكن الوزن معدوووم تماماً


انا لا اجيز الكصيده << هههههههههههههههههه امزح وربي بس اتخيل نفسي بلجنة التحكيم



صح لسانك اخوي نايف وحاول مره اخرى

[نايف الجعفري العنزي]

انا لا اجيز الكصيده << هههههههههههههههههه امزح وربي بس اتخيل نفسي بلجنة التحكيم



صح لسانك اخوي نايف وحاول مره اخرى



صح بدنك وياشين استهبالك


بس تعالي وش معنى كصيده :D



مشكوره على المرور

[طلال معيض]

اخوي:cake: نايف قصيدتك موضوعها وفكرتها حلوه ولاكن الوزن عندك فيه خلل ادري ان الوزن اللي انت ماشي عليه هو المسحوب واغلب الكلمات الاخيره في الشطر الثاني لاتركب على هذا الوزن ولك تحياتي
اخوك/طلال معيض