وين العيب ؟؟؟

[سعد النفج]

السلام عليكم ورحمة الله و بركاته .. اما بعد

اتمنى يعجبكم الموضوع و يجد ردود طيبه وتفاعل الاعضاء والمشرفين ..

يهدف الموضوع الى ايجاد العيب او الخلل من ناحية الوزن , والقافية , والمعنى ..

والموضوع بإختصار ..

انا راح اكتب بيتين فيها عيب إما ( وزن او قافيه او معنى ) واللي بعدي يحاول يعالج الخلل اللي في البيتين , وكل

اسبوع يتم طرح بيتين او ثلاثة او اربع ابيات لمعالجتها..حتى نعطي الجميع فرصه في إبداء الرأي والمشاركه الفعـّاله

و انشالله نجد فائده في هذا الموضوع..

مثلاً :



يوم الزمن غير موازين الايام=واركى على متني هموم ٍ فضيعه
وقفت في وجهه وانا ناوي له خصام=ماجيت ابنشد عن صدور ٍ وسيعه

العيب هنا :

(من ناحية الوزن)

بعد تعديل الوزن:


يوم الزمن غير موازين الايام=واركى على متني هموم ٍ فضيعه
وقفت في وجهه وانا ناوي خصام=ماجيت ابنشد عن صدور ٍ وسيعه


انشااااااااالله واضح الموضوع


((بسم الله نبدأ))



ودي أقول أو يمكن اسكت واجافيك=وادفن همومي واعترف بالخطايا
دام الزمن للدرب الصعب مشى فيك=ماني مدور فيك طيب و رديه
تبقى أعز الناس من دون تشكيك=وتبقى بقلبى دامت النفس حيه

[محمد الشمالي]

فكره حلوه

أخوي سعد هذي محاوله يمكن تصيب ولاتخيب


ودي أقول أو يمكن اسكت واجافيك=وادفن همومي واعترف بالخطيـه
دام الزمن بالدرب القشر مشى فيك=ماني مدور فيـك طيـب و رديـه
تبقى أعز الناس من دون تشكيـك=وتبقى بقلبى دامت النفـس حيـه

[مهيدي]

موضوع ولا اجمل

يعطيك العافية اخوي سعد ولا يهون محمد

وبانتظار بقية الأبيات

محبتي

[المغربي]

فكره حلوه

أخوي سعد هذي محاوله يمكن تصيب ولاتخيب





ودي أقول ويمكن اسكت واجافيك
وادفن همومي واعترف بالخطيـه
دام الزمن بالدرب الاقشر مشى فيك
ماني مدور فيك طيـب و رديـه
تبقى أعز الناس من دون تشكيـك
وتبقى بقلبى دامت النفـس حيـه

[مزيد المزيد]

سعد


تسلم يدينك وفكره رائعه وجميله ... وشرح واضح ووافي ..

واشوف ان الاخوان اكتشفوا الخلل وعالجوه وبانتظار الابيات القادمه ان شاء الله


دمتم بكل خير

[حمد الخمعلي]

الأخ سعد


يعطيك العافيه على هالموضوع الجميل



لي عــــــوده

[سعد النفج]

يعطيكم العافيه

وشكرا لكل واحد شارك في الموضوع..
و كلكم ما قصرتوا و محاولاتكم رمت الاهداف ..





و آسف على التأخير لظروف خاصه..
واتمنى من كل شاعر او عضو لديه محاولات شعريه ان يشارك بوضع ابيات يتم محاولة تعديلها بعد إعطاء الوقت الكافي للأبيات السابقه والمده ( اسبوع ) بعدها سوف يتم تغيير الابيات من أي عضو يتبرع مشكورا بذلك ..

والابيات القادمه:


تذكرت الزمان اللي مضالي بين هم و غم=تذكرته ولاودي أعيد اللي يجذبني
انا مثل الذي ضايع وتايه بين بر و يم= وتابوت العنا من فوق موج اليم يعذبني

[القايد]

ودي أقول أو يمكن اسكت واجافيك
وادفن همومي واعترف بالخطيـه
دام الزمن بالدرب القشر مشى فيك
ماني مدور فيـك طيـب و رديـه
تبقى أعز الناس من دون تشكيـك
وتبقى بقلبى دامـت النفـس حيـه

يعطيك العافيه ياسعد على هالموضوع الجيد المفيد

واعتقد تمت معالجت الابيات أعلاه من قبل أخوي محمد الشمالي


وين العيب في هذه الابيات التاليه يوجد بيت واحد سليم من العيوب أطلع البيت السليم

وبين عيوب الباقيات






لولى ولولى عزتك كان ماجيت=ولولى طعونك كان ماصرت غالي

كلمة جفى تقولها ماتدريت= ذوقتني بسبابها المر حالي

هدمت مابنيت وبنيت لك بيت= وبقيت بين الناس شخصاً مثالي

ياما وياما بالمواقف تعاليت=ونا معك مخلصت بول وتالي

[سعد النفج]

القايد


يعطيك العافيه..

وانا كتبت بيتين .. ينقصها الوزن و المعنى وهي:



تذكرت الزمان اللي مضالي بين هم و غم=تذكرتـه ولاودي أعيـد اللـي يجذبنـي
انا مثل الذي ضايع وتايه بين بر و يـم=وتابوت العنا من فوق موج اليم يعذبنـي

و لكي تكون موزونه و ذات معنى, سوف يتم تبديل (يجذبني) مع (يعذبني):

بعد التعديل:


تذكرت الزمان اللي مضالي بين هم و غم=تذكرتـه ولاودي أعيـد اللـي يعذبني
انا مثل الذي ضايع وتايه بين بر و يـم=وتابوت العنا من فوق موج اليم يجذبنـي



و محاولة معالجة قصيدة القايد,,,



لولا ولولا عزتك كان ماجيـت=ولولا طعونك كان ماصرت غالي
كلمـة جفـا تقولهـا ماتدريـت=ذوقتنـي أمرها بعد حالي
هدمت قلبي بعد ماكان لك بيـت=وبقيت بين الناس شخصاً مثالـي
يامـا ويامـا بالمواقـف تعاليـت=ونا معك واخلصت بـول وتالـي


محاوله و اعذرنا يالقايد على القصور ,,

[ماجد الغانم]

الأخ العزيز

سعد النفج

يعطيك العافيه

على هذه الفكره

والشكر موصول للأخوان على تفاعلهم الطيب

وأن شاء الله تعم الفائده على الجميع

تقبلوا تحياااتي

[سعد النفج]

أبيات تحتاج إلى معالجه فمن هم أعضاء اللجنه الطبيه..



ان قلت عادي قلت عادي و عادي=لعيونك انطق عادي ألف مره
يا زينها من شفتك يا غناتي=عساك لايام السعد والمسره

[منصور الجلعود]

أبيات تحتاج إلى معالجه فمن هم أعضاء اللجنه الطبيه..



ان قلت عادي قلت عادي و عادي=لعيونك انطق عادي ألف مره
يا زينها من شفتك يا غناتي=عساك لايام السعد والمسره

صح لسانك/
الصدر:
في اليتين موزون /رغم اختلاف التقفيله وهي لاتؤثر/وللكمال: يازينها من شفتك بالرقادي(طبعاً بالحلال)
العجز:
البيت الثاني موزون , البيت الأول العجز بحاجه لوزن/لعيونك أنطق عادي(ن) ألف مره


ولك ودي وتقديري



,

[سعد النفج]

منصور الجلعود يعطيك الف عافيه ومشكور

و محاوله جيده


و البيتين هما:

ان قلت عادي قلت عادي و عادي=لعيونك انطق عادي ألـفين مـره
يا زينها من شفتـك يـا ودادي=عساك لايـام السعـد والمسـره