&&&&&& زلت بي اقدام الخطا&&&&&&&&&&&&&

[حمد الوايلي]

السلام عليكم ورحمة الله وبركاته

كل عام وانتم بخير واعتذر عن انقطاعي الطويل وذلك لظروف مرت بي اجبرتي عن هذا الغياب وان هذا المنتدى من اعز المنتديات على قلبي وارجو المعذره. وهذه قصيده ارجو ان تحوز على رضاكم


راحت على كف القدر والمقادير=لحظة فرح كنت اتمنا تجيني
صورتها وما ريحتني التصاوير=هذا بخيالي مارايته بعيني
كانت امل تشرف عليه البواشير= وكانت هدف تمضي عليه السنيني
ياما مشيت وقطعتني المشاوير=وذللت صعبات الطرق في يديني
يحدني جسر الامل واكمل السير=وازعج نهايات البحر في حنيني
واصبحت غصن(ن) يعتلنه عصافير= ويهتز ياخذ دور هزه ونيني
وصرت ازعج الونات صمت ومجاهير=ونات نحيي كل جرح(ن) دفيني
اسوقها واقول ياخاتمت خير=والله على المصاعب يعيني
.يصير فيني من الاحاسيس تفجير= ويصير فيني واهج(ن) يصتليني
من شانها قامت تفيض التعابير= ومن شانها قامت تسطر يميني
تكتب غلا لشبه الورود النواوير= اللي ابيها من غلا وهي تبيني
ترسل تقول من الاسى والمعاذير = وتبيني اصبر واتحمل سنيني
الى متى واحنا ورود ومصادير=والى متى يالعاطفة تجرحيني
اصبحت قصة من قصص هالمشاهير =واصبحت اقصر واترك اللي يبيني
ماتعب لشخص(ن) له نصيب(ن) مع الغير=ومااهمل قريب(ن) بالغلا يرتجيني
لان السرف بالعاطفة وجة تبذير =ويتعب قليبي واستزيد بأنيني
وياللي تركتي لك معزه وتقدير =عبر النطاق الداخلي واصليني
احتاج وصلك وارتجي منك تيسير=.وان كان عندك حب بالله عطيني
خليت لك نبع الغلا داخلي بير= وانتي بكيفك لاضميتي ارتويني
والحب لامنه حصل فيه تقصير =ينحل عقده ويختفي مايبيني
وختمت قافي وكل مافيه تعبير=عن كل حاجة داخلي تحتويني

[خلف الغريب]

السلام عليكم ورحمة الله وبركاته

كل عام وانتم بخير واعتذر عن انقطاعي الطويل وذلك لظروف مرت بي اجبرتي عن هذا الغياب وان هذا المنتدى من اعز المنتديات على قلبي وارجو المعذره. وهذه قصيده ارجو ان تحوز على رضاكم


راحت على كف القدر والمقادير=لحظة فرح كنت اتمنا تجيني
صورتها وما ريحتني التصاوير=هذا بخيالي مارايته بعيني
كانت امل تشرف عليه البواشير= وكانت هدف تمضي عليه السنيني
ياما مشيت وقطعتني المشاوير=وذللت صعبات الطرق في يديني
يحدني جسر الامل واكمل السير=وازعج نهايات البحر في حنيني
واصبحت غصن(ن) يعتلنه عصافير= ويهتز ياخذ دور هزه ونيني
وصرت ازعج الونات صمت ومجاهير=ونات نحيي كل جرح(ن) دفيني
اسوقها واقول ياخاتمت خير=والله على المصاعب يعيني
.يصير فيني من الاحاسيس تفجير= ويصير فيني واهج(ن) يصتليني
من شانها قامت تفيض التعابير= ومن شانها قامت تسطر يميني
تكتب غلا لشبه الورود النواوير= اللي ابيها من غلا وهي تبيني
ترسل تقول من الاسى والمعاذير = وتبيني اصبر واتحمل سنيني
الى متى واحنا ورود ومصادير=والى متى يالعاطفة تجرحيني
اصبحت قصة من قصص هالمشاهير =واصبحت اقصر واترك اللي يبيني
ماتعب لشخص(ن) له نصيب(ن) مع الغير=ومااهمل قريب(ن) بالغلا يرتجيني
لان السرف بالعاطفة وجة تبذير =ويتعب قليبي واستزيد بأنيني
وياللي تركتي لك معزه وتقدير =عبر النطاق الداخلي واصليني
احتاج وصلك وارتجي منك تيسير=.وان كان عندك حب بالله عطيني
خليت لك نبع الغلا داخلي بير= وانتي بكيفك لاضميتي ارتويني
والحب لامنه حصل فيه تقصير =ينحل عقده ويختفي مايبيني
وختمت قافي وكل مافيه تعبير=عن كل حاجة داخلي تحتويني



الكريم حمد الوايلي :

يشرفني ان اكون اول متصفح لرائعتك

اذا انقطع احد عن هذا المنتدى فيجب الا يحضر الا بمثل هذه القصيدة ...

ابداع مع امتاع ..

صح لسانك ....

[حمد الوايلي]

اخوي ابو خالد الفقيري الشرف لي بمرورك الكريم

[عدنان مرضي]

هذه تشفع عن الغياب ياحمد


وعذر وافي


صح لسانك بكل حرف منها


دام حضورك المميز


دمت بود

[مشاعر حالمه]

حمد الوايلي

اي والله هذي تشفع لك الغياب

صح الساااانك يالقرم ولاهنت

وكل عام وانت بخير وعيدك مبارك

تحيتي لك / مشاعر حالمه

[حمد الوايلي]

المهم انكم عذرتوني وبارك الله فيها من قصيده اللي شفعت لي عندكم

اشكر كل من عطر صفحتي بمروره الكريم واخص
اخوي /عدنان مرضي
واختي مشاعر حالمة

[عبدالله الحجيلان]

حمد الوايلي




صح قلبك

[ماجد الغانم]

الأخ العزيز

والشاعر الرائع

حمد الوايلي

صح لسانك ...ولاهنت قصيده في غاية الروعه


لله درك .......ولافض فوك

دمت بكل خير

ودام هذا التميز والأبدااع

[حمد الخمعلي]

الاخ حمد الوايلي(((السمي)))


هلابك بعد هذا الغياب وأتيت بما يشفع لغيابك


((عندي ملاحظه في هذا البيت))
اسوقها واقول ياخاتمت خير
والله على المصاعب يعيني


أرى ان الشطر الثاني العجز فيه كسره ويمكن تكون خطأ املائي (((((والله على المصاعب يعيني)))))

وأعتقد ان هذا لا يفوت عليك وربما نسيت لا تكتبها وتأتي صيغته كلآتي((((والله على كثر المصاعب يعيني))))


اتمنى ان تتقبل هذه الملاحظه


تقديري لك

حمد الخمعلي

[حمد الوايلي]

هلابك ياسمي وشكراً على الملاحظه وقد كانت خطأ املائي
فالبيت هو:اسوقها واقول ياخاتمت خير= والله على كل المصاعب يعيني

شكرا على هذا المرور الهادف وشكرا ودمت سالما