السلام عليكم ورحمة الله وبركاته
أسعد الله جميع أوقاتكم

الوقت يمضي والزمن يهدي جروح=والآدمي ما بين وهم وحقيقه
واقسى جروحـ (ن) تجعل القلب مذبوح=جرح الرفيق اللي بطش في رفيقه
تدري بسيطة مسألة وقت ويروح=تتبدّل أحزاني فرحْ عقب ضيقه
لا تحسبنّي عقب فرقاك بانوح=لا والله إلا العز فيني سليقه
هذي كرامة ما بها ضحك ومزوح=يبطي سفيه العقل ما بَلْ ريقه
اللي يبيني يبشر الباب مفتوح=واللي جفاني يا عساه بحريقه
لكن طلبتك قبل لا قول مسموح=بعلمك درس الحياة بدقيقه
خلّك وفيـ (ن) طيب القلب مشروح=تكسب محبّة واحترام الخليقه
واصحى الحسد والحقد من قلبك يفوح=ايحمّلك ياهوه مالا تطيقه
خوّة رجال العز تبني لك صروح=ولاّ ردي القوم حذرى رحيقه
اليوم طارح باكر تصير مطروح=والآدمي يلبس ثيابـ(ن) تليقه
ولاّ اختصار الهرج كله وبوضوح=فتّح سموعك سجله بالوثيقه
إن كان صار القرد بالعين مملوح=الله يهني الصديق بصديقه
لا ناقص(ن) عمري ولا فاقد(ن) روح=الله يسهل للحبيّب طريقه
ماني وربي عقب فرقاك بانوح=دام الكرامة والمعزّة سليقه
اللي يبيني يبشر القلب مفتوح=واللي يروّح يا عساه بحريقه

وسلامتكم ،،،


تحيـــــاتي / شاعر عظيم المشاعر ،،،
29/6/1433 هـ
20/5/2012 م

إعلم بأن الله علينا رقيبي = لاماغفل لو تترفون وتغفلون
دمي اعرفه هيه يامدعيبي= لو قلتها لو صدقوا لو يقولون
حنا وريف الجار ماندور عيبي =تحكي بنا الاجيال واللي يخبرون
إعلومنا والله وفخر المجييبي =إحماتها يومنها موت وطعون
حنا ومنا ذكر ربي قريبي=اداتنا واسلافنا اللي يوصون
الدين حكمة جدنا ياطليبي=فينا ومنا اسياد ولا يزالوون
منا ولد شيبان يوم الغليبي= بيدة غدا كسرى وملكه بطاحون
ومحمد المقرن برايٍ مصيبي= حكم بشرع الله وغصبٍ يطيعون
منابهه فعلٍ وقولٍ يصيبي= كم واحدٍ بحرابنا مات مطعون
يكفيك بن ملحم بسيفٍ حريبي=طاعت له الاسياد والشرع قانون
ربعه ودرعه بالنهار المريبي =يثنون من دونه وللموت يشرون
منا العجم والدرز راحت سريبي=سريب ظانٍ وِدعت تابع الهون
تشهد بويضا شيخنا يوم اجيبي=ويشهدلناالسلطان واللي يخبرون
ماقل دل ولابتي يانديبي=مايقبلون الذل ولاينيخون
للموت نمشي فوق جمر اللهيبي=لامانعيش الهون وابليس ملعون
برماحنا كم مات شيخٍ صويبي= ويلان من ويلان ياللي تردوون
علمي (مامنا خاين ولاصليبي)= ولا نقبل الزلة على كاين يكون
والعز عز الدين والله حسيبي= ماقلتها زورٍ ولا مدور افتون
دمي اعرفة حتى لو تدعي بي=هبيت عن هالجد مهما تسمووووون

بدينا باســـــــــــــــــم الاْيلاه=المعتلــــــــــي في سماه
جل ربــــــــــي فــــــي علاه=سبحان الـــــــرب القدير
ومــــــــــــن بدا باسم الله فاز=بـــــالمــــــكارم مايعتاز
وللكـــــــــــــرامه جاد وحاز=مــــــــــنذو سميعٍ بصير
ثمــــــــــــــــن ببدا بالقصيد=واباكتب شــــي ٍ مـــــفيد
ماهو مجــــــــــــــــرد تهديد=انصـــــــــح واحذّرتحذير
والنصـــــــــــيحه لبو البنت=اسمع كلامــــــــي لاهنت
النصـــــــــــيحه تعنيك انت=ياراع العقل المــــــــــنير
جــــــــــــــوّز بنتك يالحبيب=لاتتركها لين اتشـــــــيب
الـــــــــى حصل له نصيب=تر رفضه شيٍ ٍ خطــــير
ياجاك الرجل الــــــــــنزيه=جـــــوّزها واشفق عليه
لاتنشد وش فــــــــــي يديه=الدنيا حبله قصــــــــــير
لايغـــــــــــــرّك كثر المال=والدرهم هـــو والريال
ترا يقـــــــــــــــــفاه الزوال=لايجـــــي منك التقصير
جــــــــوّزها ياجا الخطيب=لوتدفع مما بالجــــــيب
ترا هــــــــــــذا مابه عيب=تكسب بالمسكينه خــير
اســـــــــــــتر بنتك بالزواج=ومن ذنبه شفلك خـراج
انت المعنــــــــــي مايحتاج=انت المعني بالتقصــير
والله الله باهـــــــــــل الدين=واهــــل الخلق الطيبين
تروهم درن ثمـــــــــــــين=لومهنا مالٍ كثـــــــــــير
هــــــــذي وصاة الرسول=هــــواللـــــي فيها يقول
مهــديها لهل العــــــــــقول=ولازم عليها نســـــــــير
ياجاك الرجل المناســــــب=عطه لاتدور مكاســـــب
تراك انت اللي محاســـــب=عن تقصيرك بالاخـــير
لاتطمــــــــــــع تبغا راتبها=توقفها وتقطع ســـــببها
ترك ترحل واتســــــــــيبها=والله يعلم وش يصـــــير
بعدمـــــــــوتك وين اتروح=ومن له من بعدك نصوح
ومن هو يغط المفضــــــــوح=وين المْاوى والمصــــــير
وحتــــــــــى انتن يالامهات=ترا مانتن مـــــــــعذورات
لا تصـــــــــــــــــيرن طماعات=اسعن فــــــــي حسن التدبير
وابا انصح حتــــــــــــى الشباب=هـــــــــــــــبّوا ياؤل الالباب
تادبــــــــــــــــــــــــــوا بالاداب=لاتخلـــــــفون المســـــــــير
تزوجــــــــــــــــــــــوا يالابطال=هاذي صــــــــــفات الرجال
ياحصــــــــــــــلت بنت الحلال=لاتتركــــــــــونه تطـــــــــير
ترو الرجل اللـــــــــــــــي فهيم=ماهـــــــــــو بالــــــوادي يهيم
يســــــلك دربٍ مســــــــــــتقيم=مايمشـــــــــــي مثل الضرير
هاذي نصـــــــــــــــــيحة محب=عـــــــــــــساها تلقا ملــــــب
انا بذلت الســــــــــــــــــــــــبب=والله علـــــــــيه التـــــــــيسير
وصلاتـــــــــــــي على الرسول=عدد مـــــــــــــــاهل الهملول
جعلـــــــــــــــــــــي للسنه ميول=بحق الســـــــــــميع البصير

جيتك وأنا فكري من الهم صافي=وأقفيت في فكري تدور الدواليب
تكشّفت كل الامور الخوافي=في قدرة المعبود يامدعي الطيب
راع الوفاء يبقى مع الناس وافي=يدرى خويه عن جميع العذاريب
يعني (يابو ...) ولا أخفيك خافي=الوقت شيّب راعي الطيب تشييب
هاذي تواصيفي .. وهذا أعترافي=ماهو كلام أمقلّب الهرج تقليب
المال خلا راعي الاصل هافي=وخلا هفي الاصل فوق المراقيب
دحش العرب عوّد يخط القوافي=والحر عوّد لا يودي ولا يجيب
الله ياذكرى السنين العجافي=يوم أنها بالشلف والا المشاعيب
فيها تعرف العلم ماهو عوافي=للي مثل شرواك حش العراقيب
ياصاحبي مايجهل الناس خافي=الضيف قلبي والخطايا معازيب
ماجيت أبشكي ضيقة الحال حافي=ولا جيت أدور بالقصايد مكاسيب
البوم مايشبه لحرن أسنافي=والفرق شاسع ياحصان الاطاليب
أنا عزايه ذكر الافعال كافي=من نسل حرن مايجي سكة العيب
صخرّت لعيونه أجزال القوافي=قصة حياته شامخه بالمكاتيب
مثل السفينه والبحر والمرافي=لا هاجت الامواج وين المقاضيب؟
أبعترف لك لو قهرك أعترافي=ماني من اللي يتبعون الرعابيب
من عادتي لاقفيت مانظر أخلافي=في مؤقفي يشهد جميع الاصاحيب
لي منطقٍ مثل الذهب بالاشافي=يسمو عن هتاف الجماهير ياذيب
ولي حكمةٍ ماجابها غير قافي=يرجح بها كف الموازين ويصيب
ولي كلمةٍ ياهل العقول الخفافي=يحضر بها فكر الرجاجيل ويغيب
يارب يامجري هبوب السوافي=الطف بنا عن حاميات اللواهيب
لا ضاق صدري قلت ياخير كافي=أنت العظيم المقتدر عالم الغيب

بسم الله الرحمن الرحيم

السلام عليكم ورحمة الله وبركاته

رزق شاعرنا الجميل

الاستاذ/ خلف الغريب

بمولودة جعلها الله من مواليد السعادة

وبر بها والديها..

ونفع بها

ومن هذا المنبر نزف التهاني والتبريكات للشاعر خلف

مودتي للجميع

ياغلبا .... لون أخ ـ :ـويه .. مثل بد:رك =ما / كان الناس ...ياغلبا ...اتغلبـ :ني
ياغلبا .... لي :له البارح ..وانا : أدرك=غيابي ..بالحضور ..اللي ..تعب :ني
سكبت ..الشعر ماء ..وسال ..حدرك=وبلل ..طارف رجولك ..واغبني
الى ذاك الخيال اللي ..بقد :رك=سكبني ..بغرشه شعور ٍ ...سكب : ني
وهو من فوق صاج المر :مدرك=ك أنسام الربيع ..اللي ..بها :إب :ني
ينادي ..ل الحضور ..بغي ..غد :رك=شعور العقل ..باللي ..به غرب :ني
بعد ما اشرق بليل الغرب ..صد :رك=على صد الغياب ..اللي ..كتب :ني
بدا ..يسويه صاج الموت ..خد :رك=وعاش الطيف ..واستسلم ..ل أب :ني
وهو ..طفل علاه الشيب ..مدرك=شباب الامس ..واللا لمس ..مبني
على احساس الغي :اب ..اللي لقدرك=وقدر البدررر ..خي ابوه ..ابني
يا : إن الغي ..اب .. طوب لمبنى جدرك=ويا :إن الجدر ..طوب لغي مبني
يااااااااااااااااااااااااااا : غلبى لون اخوي اليوم بد :رك=ماكان الناس ياغل :با ..أتغل :بني

سلام الله ياذكر الله ياماشالله يابعض الناس
يحــبكون الدعاوي واخــر الايام مكشوفــة
منـول يا سلامة تقطـع الفرجة وباسك بـاس
وهالحينـه طـلال يـطوفك ولا تـقـدر تطوفـه

ابطيت ماجاني خبر= يالله عسى وصله قريب
اصبر وياطول الصبر = كله من فراق الحبيب
لوهو نزيل ٍ في قبر =ابكيه فجر ٍ مع مغيب
مير البلا جفّ الحبر =لليوم ما عنّه مجيب
الموت له عنّي شبر=ولا والله يفيد الطّبيب
كسر العظم يلقى جبر=كسر المحبّة مايطيب
أكبر وحظّي ماكبر=كنّه على الدنيا غريب
آخذ دروس ولاأعتبر= والكون في عيني كئيب
يالله تبلّغني خبر = لعلّ يبرا بي عطيب