لا تظلمينـي فـوق ظـلـم الـزمـن لــي=يكفينـي الـلـي مــن زمـانـي جـرالـي
يا ما شربت المُـر مـن حظـي السـي=ويـا مــا صدمـنـي قاسـيـات الليـالـي
ويامـا فــؤادي جــاه كــيٍ بـثـر كــي=ويـا مــا ويـامـا شـفـت هــم ونكـالـي
أطـرد سـراب القايلـة وأحسـبـه مــي=وأعـيـش وقـتـي بـالـرجـا والامـالــي
أقطف ثمـر غـرس التأمـل وهـو نّـي=وأثبـت بوجـه المعضـلات العضـالـي
وأصنع من خيوط الامل شعلة الضي=وأعبر محيط اليأس باقـوى إحتمالـي
وأطوي سجـل اللايمـة والاسـى طـي=وأصعـد علـى بـرج التفـاؤل لحـالـي
أصبر وأكابـر كـن مـا صابنـي شـئ=وأرفـع شبـح نــون النـظـر للمعـالـي
أخفي مصاب الحال حتى عن الخّـي=عيـب أشتكـي وانــا الــذي ينشكـالـي
مــا دامـنـي وقــت المهـمـات كالـفّـي=ينصانـي الشاكـي ويزبـن ظــلا لــي
ومتـرك مسارالعـز مـا دامـنـي حــي=رغـم الظـروف اللـي تشـل الرجالـي
ولي الفخر لا قيـل هـي عشقتـي هـي=تــاج الـرزانـة والـبـهـى والجـمـالـي

ياصاحبي , لو نقول : الطقْ يفك اللحام ؟=( طق المواليف ) .. مايقطع .. مواصيلها ,
وشلون ما أهتم بكْ ؟ وانته محط إهتمام=ومحبتك في ضميري .. ( مسرجٍ خيلها )
( تعال ) .. يكرم جنابك .. ياعزيز المقام=بلاش , من طاري الدمعه .. ومندّيلها !!
أقول : أحبّك , وانا صادق عليّ الحرام !!=لازال .. غيث المشاعر , ( دارجٍ سيلها )
إما إستلمني ( غلا ) ؟ وإلاّ عليك السلام=لابدْ ( فرقاك ) ؟ .. توصليني مراسيلها

سـامـح الله زمـانـي .. لـيــه جـــار وخـــذاك=وآه يــــــا قــــــو قــلــبــك لـــيـــه .. خـلـيـتـنــي !!
صاح من نار بعدك خافق (ن)ما نساك=وصحـت بفـزع لصوتـه بـس مــا اوحيتـنـي
عـقـب مــا فـــاض قـلـبـي بـالـغـلا وأمـتــلاك=فــــي شــقــا ســاحــة الاحـــــزان ..صـبـيـتـنـي
ليـتـنـي قـبــل اعــرفــك مــــا ابـتـلـيـت بــهــواك=بــــس مـــــا عـــــاد تـنــفــع لـيــتــك ولـيـتـنــي !!

صحيح من هو قايل الوقت دوار ..!=شفت المحبه .. كيف يرخص ثمنها
من أولٍ شيمه .. وقيمه .. ومقدار ..!=واليوم أظن ماعاد به شي ... منها

لـــو شـــان وجــــه الــزمــن مـابـيـنـك وبـيـنــي=وطــول المسـافـه حرمـنـي سـكـر ايـامـي !


يكفيـنـي انــي لا نـمــت وغـمـضـت عـيـنـي=بديت اشوفك بقربي .. داخل احلامي !

عجزت لا اعرف يالغلا وش نواياك=واتــعــبــت رجـــلـــي بـالـمــشــي والــوقــوفــي
حــيــرتـــنـــي واحـــــتـــــرت يـــالــــتــــرف وايـــــــــــاك=واحـــتـــارت الافـــكــــار مــعــهـــا الــحــروفـــي
مـــــــــــرة تـــــقــــــول الــــقــــلــــب مــــــيــــــت لـــلـــقـــيـــاك=ومــــــــــرات عـــيـــنــــك يـــمــــنــــا مـــــــــــا تـــشــــوفــــي

قّـــــــل لـلـمـواعــيــد وطـــعــــون الــجــفـــا والــعــتّـــب=الـبـارحـه مــاتــت أحــلامــي .. ولا زلــــت حــــيّ
أنا رضيت السكوت .. إللي يساوي ذهّب=مــــدام يــــدّي بـ/ نـــــار .. ويّـــــد مـثــلــك بـ/ مـــــيّ
خّـــل الـمـسـا ... لـلـجـروح القـاسـيـه والـتـعّـب=أنا دموعي حكت في غيبتك ( كل شـيّ )

لـوغـيــرك الــلــي يـســولــف ماتـحـمّـلـتـه=لكـن علـى شــان عيـنـك هـانـت ألامــى
لـلــحــب مـفــهــوم عـــمـــرك مـاتـخـيـلـتـه=مـاأظــن يستـوعـبـه تـفـكـيـرك الـسـامــى
لاتـعـتــذرلــي وابــنــســى كــــــل مـاقـلــتــه=وش ينفع العذر لامن ضاعت أيامى ؟

يـآحـظ /.. منهـو بـالـه اليـوم [ مرتـآح ]=نـومـه هني ../ يـرقـد وعينـه قـريـره
{ مثل الطفل } لا طآح في مرقدهـ / طآح=لا شآغله همه ولا " هم غيـــره ـ" !

‏​‏​‏​‏​‏​‏​​‏​‏​‏​‏​‏​‏​‏​‏​‏​يادمعة ٱﻟمغبون هونكﻋﻟى الموق =لٱتجـرحينــه فـوق جــرح الـغبينه
ﭑلقلب من قـيض التفاكير .. محروق=وٱلحَـظّ الأقشر كم لنا فاقدينـه
لكن عسـى اللي نآفعِـن كِلّ مخلوق=يرْفـع عَـن المغْبـون ۆإلا يعـينَـه

البارحه مابين همي والاوراق=جر القلم طاروق حزنأ يسليه
واسترسلت ابيات شعري من اعماق=الموقف اللي مر وازريت اعديه
موعد لقا مبني على نية فراق=كان الاخير وضيق الصدر طاريه
ولاهي غريبه لو اقول الصدر ضاق=لكن الاغرب كيف ماودعه فيه
كانت دموعه تختنق بين الاحداق=ونظرات عيني تقتله ثم تحييه
كني جلست اعلمه كيف يشتاق=وكنه يعلم شعري شلون يرثيه
شح الزمن بمواصله والمسا ساق=حزن القصايد والعتب والمشاريه
ياليل والله ماورى ليلك اشراق=النور عانه يسحبه في خطاويه
عشاق قلي ويش او ليش عشاق=الا ضحايا وقت مدري شسميه
يقطع سنين العشق يادرب الاشواق=ياليت بيدي شي واقدر أسويه