قاف السديري في ظلام الوقت ذيب(ن) مايهاب=ايخمّـد الفتنـه ويطفـي نارهـا وعروقـهـا
مطنوخ بدروب المراجل ذيب من بين الذيـاب=سيوف عزي في سما الطالـه تلـوح بروقهـا
ماهمني حقد الردي ولا خفت من نعق الغراب=وهروج من يغتـاب نفسـي ماتهـز عذوقهـا
ولا شحنّي من يصدق فـي تلعـات الرقـاب=لا بـد ماتفتـح لـه الدنيـا قفـل صندوقهـا
ويشوف براق الحقايق لا فضح زيف السـراب=ويميـز العقّـال مـن وقفاتهـا ومنطوقـهـا
اقولها وارقا برجلي فـوق هامـات الصعـاب=لو لقمتي عند الـردي فـي ذمتـي ماذوقهـا
اعز نفسي عن دروب الذل واسـوق الركـاب=على علوم(ن) للمراجـل جازلـي طاروقهـا
يوم(ن) غيري لاحداه الوقت ياكل لـه تـراب=المرجله عنده عـدم والنفـس طايـح سوقهـا
ادخل على الله من سواد الوجه وصكات الغياب=امـا حيـاة العـز والا المـوت يامعلوقـهـا

يالله تحفظ نور عيني واهاليه=وتجعل لهم في كل خطوة سلامه
وتستر عليه من الطريق وبلااويه=ونشوفهم بعد السفر بالسلامه

اليوم حالي غير عن كل الايام=أمّر يوم يمرني في حياتي

طال انتظاري في رجاء دق جوال=ولادق جوالي وطال انتظاري
سبحان ربً غير الحال بأحوال=اللي على قلوب المخاليق داري
هو الذي يعلم وش بخافقك جال=ويعلم خفايا النفس سر وجهاري
والا انت عندي دايماً منزلك عال=تسكن صميم القلب بأمرً وزاري

ياسلامـي عـد مزنـن تهلـل ثـم سـال=وعـد رعـاد السحايـب وعـد بروقهـا
للرفيق اللي علومه علـى روس الطـوال=عاسف امهـار القصايـد ورافـع سوقهـا
صاحبي سلطان بشكيلك اوضاعن أجـلال=كود تبرى النفـس ويفـك ربـي عوقهـا
يـوم انـا شفيـت فنجـال دلـه بالعـدال=مالقيت الا الغـدر فـي طعمهـا وذوقهـا
والخيانـه بنهـا والتلـون حـب هــال=ول ياكيـف الـردى والنفـوس وبوقـهـا

ماودي تناظر عيوني تشووفك=تشووف منزالك ويكثر تغليك