اشتقت لك يا فرحة العمر وين أنت = يا اللي عيوني منك ينبع ضياها
لولاك يا الغاية بدنياي ماكنت =أشفق على أيامي يطول مداها
سرقتني مثل الكرى لي تمكنت = من مهجة ما قبلك أحد غشاها
أشوف حسن كل شي تحاسنت = لو به ذهاب النفس أشوفه مناها
ما خبر يوم في منامي تطامنت = إلا أن بعثت الطيف لي في دجاها
أهين نفسي لك بمرضاك لاهنت = وأتبع هواك بعسرها عن هواها
رجلي تيامن غصب كانك تيامنت = وأن خذت باليسرى تياسر خطاها
كل بعينه زين ويلا تبينت = كل زهد في خلقته ما بغاها
لو فات لك تسعين بالعمر ماشنت = في عين نفس علقت بك رجاها
آمنت بك في عالم الحب آمنت = يامتلف روح العنا يا دواها

هلا ابنور الفجر زاح الظلامي = هلا به ألف ترحيبه أو حيه
هلا به عد مزن في غمامي = وماهبت نسيم المطلعيه
أقدم له تحيات أو سلامي = جواب يوم بادر بالتحيه
فهيم أو يفهم المعنى كلامى = لبيب العود لفتاته ذكيه
معاه إيتم إنسى وانسجامي = إبدونه حالتي حاله شجيه
وحبي له تسبب في غرامي = أنا راضي أو نفسي له هديه
تملكني وملكني بالزماني = وأنا سلمت له بنفس رضيه
فلا والله لي مثلي إيلامي = وفعل الخير مايجزى ابسيه
رعاك الله يا ظبي العدامي = أمير و الغواني لك رعيه
جدير ابكل حبي واحترامي = أو يكفيني متى ترضى عليه