ربعي هل الطوله=تنومس فعوله
ومن ضاق جوله=لاتضايق نصاها
ربعي بني وايل=بها الشك زايل
يوم القبايل=مايقرب حماها
مكرمين الضيف=يوم التكاليف
يوم السنين تخيف =تكرم لحاها

القاف به تانيس=عالج هواجيس
من عصر عاد وقيس=واللي وراها
والشاعر لنّه حسّ=للقاف سيّسّ
من هاجسن يوجسّ=روحه كواها
يبدا في التعبير=مثل التصاوير
ويحضّر التحضير=يكشف غطاها
حتى ليا انه دكّ=بالبال وانضكّ
الباب فكه فكّ=نظّم سراها

اجيك انا لو كان فيها كلايف=مشاي والا فوق حر هجيني
اجيك انا ........حمر الشفايف= مادام انا بالحب وانتي تبيني
اجيك انا باجيك ماهي لفايف=بوضح النهار ولاهمني الشامتيني