يدور الوقت ويام الدهر مابين شين وزين=وجو للفرح صافي يجيه الحزن ومزونه
الا ياويل حالي صرت انا والحزن مثل اخوين=والا ياطول دهري صار يمشيبي على هونه
توقعت اني اسلى عن بعض حزني بعد شهرين =ولكن ماتغير خاطري والنفس محزونه
يلومني ولو جوني وشقوا مهجتي نصفين=يلاقونك حبيبي درتن بالقلب مكنونه
واذامني بكيته قيل ياكفي دمع لاتبكين=ولا حسوا بلوعت قلبي يبكي فقد مكنونه
رحل فجأئه وانا الي بانيه فيه الامل بعدين =وخلا ذكرياته في خفوقي زادت طعونه

ياصاحبي كثر الحكي والمشاريه=ماغير احداث الزمن والحقايق
شخصن تغير في حياته مباديه=وشخصن ترسى في حياته طرايق
وشخصن رمد عينه بتكحيلة ايديه=وماهو بعد تكحيل الاعيان رايق
الشمس ماغطت بغربال ياهيه=تبقى الحقيقه واضحه للخلايق
وانا انا درب الردى ماقبل اجيه=لو كان غيري في بحوره غرايق

ماتشين الا تزين بقدرة الله=وماتضيق الا على ربك فرجها