الحيرة اللي تزرع بوجهك الصمت =بعها وخل أشفاك ينقط حلاها
أضحك تراني من عذابك تألمت =ياللي خذيت من المحبة وفاها

الحظ يخطي بعض الآحيان ويصيب =كم فات موقف طيب ما احداّ فطن له
مهما تجاوزت العذاريب بالطيب =عذروب واحد ينسف الطيب كله

بـرفـوق يـالـلـي تـكـتـب الـحــرف بـرفــوق=وقـــف وانـــا بعـطـيـك بــعــض الـحـقـايـق
عن جملة اصحابً ظهر منهم البوق=اللـي جعـل صــدري مــن الـهـم ضـايـق
تــــر الـبـشــر يـامـنـبـع الــعــرف والــــذوق=مـتـخـالـفـيــن الــطــبـــع بـــيــــن الــخــلايـــق
فـيــهــم كـريــمــاً مــايــجــي مـــنـــه الـــعـــوق=وتلـقـاه فــي كــل .. الملـمـات .. لايــق
وفـيـهـم رجـــالً تـلـبـس الـثــوب مـشـقــوق=جــمــعــة "هــمــلــق " جـعـلــهــا لـلــحــرايــق

كــــــــــان ودك تـــفـــهــــم الــعــلــم (الــوكـــاد)=جيت لك (واااضح)00ولاجيت أعـدي
(لاتـدقّــق)00يــنــقــلــب (وضــعــك) نــكــاد=(مشّـهـا)00خـلـك كــريـــم ن وأجـــــودي
(المواقف)00تكشف (أصناف العباد)=و(يتضح)فيـهـا (الكريـم)مـن (الــردي)
لاتـلــومــن00يــوم (كـــبّــــرت الــــوســــاد)=راقــــــــــــد ن بــيــن(الــثـــريّـــا والــــــجــــــدي)

(..؟..)00صاحبي مدري علامه!!=أشـوف إنّـه يغيّر في (كـلامـه)
يقول أشيـاء غريبـه ماتصـدّق=عسـى ماهـي بدايه( لإ نفصامـه)
أبد00ماهو(بذاك)الشخص الأوّول=تغيّر00نـسـأل الله السـلامـه
ورغم اللي حصل00مازال قـدره=(رفييييييع)وعالي ن عندي(مقامه)
فـأنـا مـازلـت في(قدره)متـيّـم=وهو فاااارض على(القلب)احترامه
وأنـــا ماني(بوافي)لونسـيـتـه=لانه00طيب00وأخلاق00وشهامه

يـاشـيـنـهــا (غــلــطــة الــغــالــي) ويــاكــبــره=وياهي (قويّه)ليامن جت من (الغالي)
وياقو(قلـبـي)عـلـى الـصـدمــه ويـاصــبــره=ويـاطـول بـالـي علـيـه مــن(أول وتـالـي)
أيـــــوالله إنـــــي خــذيـــت مـن(الـغـلا)عـبـره=وعرفـت أميّـز بها(العلقـم مــن الحـالـي)
لياصارمـالـك نصـيـب ولا(مـخـش ابــره)=أبـعــد و(شـكـواك)لـلـي بـالـسـمـاء عــالــي

شــــــــــــكـــــــــــــراً .. لـكـــــــــــــــــــــــــلّ الــــــــــــلـــــــــــــي غــــــــمـــــــــرنـــــــــي بـطــــــــيـــــــــبـــــــــه ..=وشــكـــراً .. لـكــــــلّ .. الـــلـــي .. بـجـــرحـــي .. نــســانــي .....!!
كـــــــــــلّـــــــــــن بـيـــــــــــآخـــــــــــذ .. فــــــــــــــــــــــي حـــــــيــــــــاتــــــــه .. نـــــصــــــيــــــبــــــه ...=ومـاردّت اللـي فــات ... ( .. كـثـر .. الأمـانـي .. ) ....!!
أحـــــــــــيــــــــــــان أقـــــــــــــــــــــــول .. أن .. الـــــلــــــيــــــالــــــي صــــــعــــــيــــــبــــــه ..؟؟=وأحيان .. أقـول .. العمـر .. ياقلـب ... فانـي .........!!
الـــــــــــلـــــــــــي يـــــــــــبـــــــــــي فـــــــــــرقـــــــــــاك .. يـــــــاقــــــــلــــــــب .. ســـــــيــــــــبــــــــه ...=مـــالـــك .. عـــلـــى قـــلـــوب الآوادم ... ضــمــانـــي ..........!!
والــــــــــلـــــــــــي يـــــــبـــــــيـــــــك .. أتـــــــــــعـــــــــــب .. وهـــــــــــاتـــــــــــه .. وجـــــــيـــــــبــــــــه=وأفتح له .. أكبر بيت ... بين المحاني ...............!!
والـــــــــــلــــــــــــي يــــــــــــوقّــــــــــــف فــــــــــــــــــــــــي الــــــــــــــــــــــــدروب الــــــمــــــريــــــبــــــه ....=لآ يــقــول .. مــالــي ذنــــب .. ولآنــــي ... بـجــانـــي ........!!

ياصاحبي كانك على الوضع محتّج=مخطي ولا تملك دليلٍ وحجّه
تبي تعدلّها وهي ضلعه أعوج؟؟=رجلك لياضاقت بك الأرض سجّه

ياشينها لامن تناسى جميلك=شخص(ن) تودّه وقتها ماتحمّل
زرعت شوق !!وصد تجني حصيلك=في بعضهم ماودّك إنّك تجمّل
ماهو صحيح إن قيل(قلبك دليلك)=لو هو صحيح أخذت حقي مكمّل

ياللي خسرت(الصبح) في عتمة ( الليل)=واســـرجــــت خـيـلـك(لـلـكــلام الــمــشـــوّه)
ليـتـك حـضـرت وشفـت(كـل التفـاصـيـل)=ومـــن بـعـدهــا وش (مـاتـسـويّـه ســــوّه)
مــاهــوتــخــلــيــنــي بــوجــه(الــغــرابـــيـــل)=ويـــــــــن الـصـداقـه؟(يـالـخــوي) والأخــوّه؟
أبشّـرك(صـدفـه)حـضـر..نـافـل الــجـــيـــل=الله (يــبــيّـــض وجــه) حــضـــرة ســــمــــوّه
اشعل(شـمـوع الـحـب) واضـوى القـنـاديـل=وتــــــو (الـبــشــايــر فـــــــي مـحــيّــاه) تــوّه
الـــلــــي مـعـي(مـازال) يــرســل مــراســـيـــل=يـــزيـــد فـالـســاعــه _بـقــلــبــي عـــلــــوّه)
(مــعــزّتــه)مــن دون ذكـر(الـتـفـاصــيــل)=تـــزيــــدنــــي فــيـــه(احـــتـــرام وإخـــــــــــوّه)

جيـت اعـتـذر للـحـرف والشـعـر والـقـاف=وجــيــت اعــتــذر لـلـدمــع والـلـيــل والــبــوح
جـيـت اعتـذرللهمـس مــن قـلــب مـيــلاف=قــلــبٍ مــــلاه الــوقـــت طـعــنــات وجـــــروح
يـابـنـت أنـــا كـنــي عـلــى جـــال مـيـهــاف=مـثـل الـــذي بـــس ينـتـظـر نـزعــة الـــروح
خـايـف وانـــا مـــن قـبــل مـاكـنـت خـــواف=واضحك وانا فـي داخلـي صرخـة النـوح
لوجـيـت اعـبـر لـــك يـخـونـن الاوصـــاف=انـــســــان مــتــحــطــم ولا فــــيــــه مــصـــلـــوح
مات الأمل , واهداف ماعندي اهداف=مـن بـعـد مــا انــا كـلـي اهــداف وطـمـوح
ماجـيـت لــك مــن شــان تـرحـم وتـرتــاف=جــيــت اســألــك ايـاتـنــا الــيــوم مــذبــوح؟؟

بليز لوتسمح على(هونك) شوي=خفف من السرعه(بلاش الطفاقه)
لياجيت أبي منك(الغلا) طالبك عي=وإذا زعلت(اقطع معاي) العلاقه
وإن قلت هذا شئ..قل لا..ماهوشئ=عشان (أضيّع) بين حلم وحماقه
ميت الشعور..يعذّبه ضامر(ن) حي=يمكن نهايه..أو..بشيرانطلاقه

هرجنا لامن هرجنا...يبي والله يطول=مار خل (السالفه )..واقصرحبال الجدال
(الطبايع) تختلف و(المذاهب) والعقول=اقطع (الله لايهينك)مناديب الوصال
مشكلتنا لو(فرضنا) لها كل الحلول=حلها إن (التوافق) معاك من (المحال)
خلّني امشي مع(البيد) مابي لك (ذلول)=شمس (عز) ولا (مهانه)على شأن (الضلال)

ياشينها..تعطي ( جميل ) وتمنّه=ولأدنى سبب..تقلب إلى شخص ثاني
لولاأن ( زلات ) الرفاقه نكنّه=بصدورنا..ماللرفاقه..معاني
وأكبرخطأ خيل ( الأنا ) لك تعنّه=وتعيش في دنياك..شخص(ن) أناني

بعض النوايا تبين بصاحبه بدري=لوهو يحاول يسوي ستر ولباسي
ياعلّني ما توفّق كان أنا مدري=إن المصايب تجي من أقرب الناسي
يامن تسلّين سيف الجرح والغدري=تبطي نواياك ماتلحق على ياسي
هيّن تبي تتعبين ومانزل قدري=والله تموتين ذل ولا انحنى رأسي
يضيق صدرك بهّم وينشرح صدري=هي عاد تنفع رياحك والجبل راسي؟؟

الدرب شين..وصعب..من يضمن الدرب=والليل موحش..والرياح استدارت
من يبتدئ بالحرب..لايأمن الحرب=ماهي على كيفه..إذا الحرب ثارت
أحلام كانت شرق..وأحلام بالغرب=ماعاد فيها..كل الأحلام طارت
ماتنتعالج بعض الأخطاء بالضرب=مادام (فعلاً)سلعة السوق بارت

هطـل غيـث القلـم بالحبـر الازرق وأزهـر الـكـراس=وطــــال الـلـيــل واخـطـانــي مــنــام الـجـفــن بـنـعـااســه
حداني للسهر عشق(ن) فرق بالقلب ناس وناس=وحدانـي للشعـر ضيـق الخفـوق وقـلـه أونـاسـه.!!!

راح الـــذي بالـطـيـب كـفّــى ووفّـــى=راح الذي تبكيه هامات الاوطان
قالـوا علـى الاخـبـار نـايـف تـوفّـى=لا والله الا فـرحـت اذنـــاب ايـــران

لاتـصــدق هـرجــة الـبـنـت يـامــا لـلـغـنـاه=هـرجـهــا واجــــد ولافــيـــه يــاخـــوك ثــمـــره
لايغرك لو غدا قولهـا .. أيهـن .. وآه=دايــم النكـبـات تاتـيـك مـــن قـصــة مـــره
اسمع لقول(ن) يوصلك لحبال النجـاه=عــشــرة الــرجـــال لـلـبـنــت دايـــــم تــدمـــره
قلتها من تجربة درس بفصول الحيـاه=مايواكر حر(ن) اشقر لشروى الحمره
وما أعم بهرجتي كل من تلبـس عبـاه=ومـا افـرق بيـن بـيـض الوجـيـه واسـمـره
لـكـن الكلـمـه عـلـى تـبـي تـبـحـث خـفــاه=وقـصـدهــا باأللـسـلـسـه والـتـغـنـج تـقــمــره

نفهم بعض من دون غمز واشارات=اللي بقلبك فاهمه لاتحاتي
خلك بعيد ولاتجيب المطمات=مادامني ساكت تغانم سكاتي
واحذر تجي في درب كله متاهات =وتضيع في بحر الشقاء ياغناتي
وماينفعك عقبه ولو قلت هيهات=لادار فوقك يالضعيّف رحاتي
هرجك فهمته ياقليل المروات=ونغزً ورى الشاشات طبع البناتي
واجه اذا لك حاجةً قبل الابيات=والا عليك الصمت واسمع وصاتي
دور على غيري وخل التفاهات=ترا كلامك مايزعزع ثباتي
والا انا واثق وكل قناعات=وبدري تسوي يالزلابه سواتي
عندي عن امثالك حروز ومناعات=وماتاقف لشروى الحثاله حياتي

مـــانـــي .. بـلـيـبـرالــي .. ولا عـلـمــانــي=انــا عـلـى .. هــدي الـنـبـي .. والـسـنـه
مؤمن .. ومقنعني صحيح .. ايماني=وارجــــــي الـــهـــي .. رحــمــتـــه والــجــنـــه
والــخــايــب .. الـــلـــي غــــــره الايـــرانــــي=ماغيـر لـه .. ونـه .. ومعهـا .. غنـه
يـلــطــم عــلـــى صـــــدره مـــــع الامـتــانــي=ويـجـر .. ونــه .. مــن وراهــا .. ونــه
خــاســـر ويـمــشــي لـــــه ورى خـســرانــي=وخــابـــت مـطـالـيـبـه وخــيّـــب .. ظـــنـــه