الشمعه اللي تقطر المرّ حالي=بآخر ليالي الود تمطر مزونه
من وهجها ذابت لها انفاس غالي=فاحت خوافيها وزانت فنونه
يا ساكنه في منزلٍ دوم عالي=فوق السحاب وموقد النار دونه
هونك على جر الحلا من حلالي=مادمت شاعر فكري ثاير جنونه

مال قلبي في المحبه=لانت اغصان حياه
بللت عطر الموده=ناعسه بالطرف .. آه
زلزلت ارض المهابه=اظهرت حالي خفاه
والعيون السود ناحت=ويل جاشه من عناه
يا سويدائي تعالي=كل ثوبٍ فيكي زاه
ارتديكي ترتديني=حبنا قدرٌ وجاه
ارتشفت العشق سحراً=تاركاً نهي النهاه
دام ديني في هواكِ=لم يعارضني بناه
ارتويكي .. احتويكي=مانعاً كسب الجناه
فاظفري بي واكسبيني=لا تراعي بي وشاه

[ اضحك ] واقول : مستانس=[ لاشك ] .. الهم .. طاويني
[ اقولها ] والقلب مايوانس=.. نيران .. [ بالكبد ] تكويني

لَشّوق لمعه في عيون المواليف=ابلغ من الكلمه على شرفة لسان
حتى الحبر لو ينتثر بالمضاريف=وبل الورق ما يروي اشجان هيمان
الشوق يعني قمةٍ بالمشاريف=ماينوصل ياكود يِقطَعْ له ازمان
والشوق ما يثنيه ضرب الصواديف=ان زانت او شانت تعزوى بالايمان
والشوق ترجام الغلا والمجاديف=قارب نجاة القلب من عارضٍ بان
والشوق بيرق عشق .. نايف على منيف=رمز الوفا ماينشرى بحفنة اثمان
يعني خلاصة فلسفة هاوي الريف=اللي دحم بالحب مجموعة اكوان
ان العيون الزايفه زايغة طيف=متقلبه بالود تشكي عمى الوان
ولَشّوق لمعه في عيون المواليف=اقوى من الكلمه على عظمة لسان
يعني سحابه باهضه بالتكاليف=ماتنسكب إلا مع خافقٍ حان