صدفه كذا من دون موعد لقيته = صدفه ثمينه عن ثمانين ميعاد
غاب و على موعد لقاه احتريته = عامين و اعلن دمع الاحباب ميلاد
لا ما فقدته و الله اني بكيته = و جو الحروف بغيبته حزن و حداد
انساه لا و الله انا ما نسيته = ما نساه لو جسمي بلاروح ينقاد
ما هي صداقه لا وربي هويته = و صرت اتحرا طلته كل ما عاد
واذا الاماني تنفع اقول ليته = يحس فيني و أول العشق ينعاد

تعال خذني بالرضى و الا خذني إختطاف = لو اختلف معناهن .. اهم شي اني معك
هذي سماي بغيبتك و ارضي تعيش الجفاف = ارجوك تسمع قصتي مثل ما كنت اسمعك
ابعترف لك و انت قدّر حروف الاعتراف = اموت بك و انته على جرح قلبي ما اسرعك
ارحم سعد و الا اذبحه دام قلبك ما يخاف = و اطعن ما دام الشوق ما هو بقادر يردعك

يا صــاحبــي لـيه الجفـا=بـيـنـت لـك شـي ٍ خــفــا
شوفك لمن شافك شفـا=ما اخطيت ليا قلت الصحيح
يا مالك ٍ قلبي خجلت = او من هوى بالك زعلت
ما شفت وجهك من وصلت = قلي علامك يا فصيح
قلبي من الفرقى شقي = يا ناعم الطرف اش بقي
متى على الله نلتقي = ما ترحم الحب الجريح
بعدك لك الله ما هنيت = و اكتم دموعي ما شكيت
بك يا هوى البال ابتليت = و القلب من بعدك طريح
غيرك و لو قام و قعد = ما يوصل لحبك أبد
انت الهنا و انت السعد = حسنك جمع كل المديح
سعد عن احوالك سأل = لقاك تعرف ما حصل
و سكوتك الجارح قتل = شخص ٍ من غيابك يصيح
قلّي وش اسباب السكوت = يا جارحي تبخل بصوت
و انا على صوتك أموت = خفف جروحي يا مليح
افهم ظروفي و الفراق = ارجوك صعب و لا يطاق
متى يجي وقت العناق = لا تصير في وصلك شحيح