ياخي عليهم يالسنافـي حركـات
.............................يتصنعون الطيب والثقل تصنيـع
مثل الذي يحرص بكل الصلاوات
...........................وعلى نجاسه للأسف جهده يضيع
ماينفع التزييف يابـو الذهانـات
...........................خلك على طبعك طبيعي يابو طبيع
اصدق وكن صادق بكل العلاقات
.............................ولاتنتظر من نايد الخلق تشجيـع

.
.
.

تِعُآل ]

آسِگنٍ وٍسِـط عمٍرٍي ..

وٍلگ مٍَنٍيً ( وٍعُدُ ) بـ آني
أشُيل آلهُمٍَ من صِدُرگ

وٍآضمٍهـ َفي حضنٍ َقِلبي ..!

بـ دآوي لگ آنآا جرآحگ

وٍبهدي َفرحي لـ أحزآنگ

وُبخٍليً جرٍحگ آللي َفٍييگ

يًقوٍل :

أبعد ... أنٍآ مٍَآ أبُيگ ...!!

يا كثرالأسماء مكتوبه ومعروضه
أهل الوفا شلقةٍ وأهل الردا شلقه

ورجلٍ عن اللي خسره يدوّر العوضه
ورجـلٍ صناديـق سـرّه دايـمـاً غلـقـه

اللـي يطبّـق سننـه و يتـرك فروضـه
فـي الـدرب لا يامـن الطيحـه ولا الزلقـه

سلومنـا يـا قليـل العـرف محفـوظـه
و وجيهنـا مـن رسـات الفعـل منطلـقـه

مالك ومال القشـر خلّـك علـى الموضـه
منتـب وكيـل الله المعبـود فــي خلـقـه

يامـا قلـوب ٍ بهـا صورتـك مبغـوضـه
من حِـف شاربـه لا يزعـل علـى حلقـه

رافق هل الطيب و أهل الطيب محظوظه
تقـول كنهـا علـى النـامـوس منـدلـقـه

ماني مضيّع (عوض) واعتاض في (عوضه)
ولا تزعـزع وباقـي فـي يــدي طلـقـه

و معـزّب القلب ورّدنـي علـى حوضـه
لــه بالسراجـيـف معـلاقـه ومعتلـقـه

يعني : لا جرّتني الخطوه علـى الروضـه
أجيـه والـروس مـن طـاريـه منفلـقـه

ضيقه .. وهم .. وخيبة ظنون .. والآآم=تجمعت في راس رجال واحد
جاء يرسم البسمه على ثغر الايام=لكن هجده من الصواديف هاجد
وتحطمت من عينه احلام .. واحلام=لانه وصل في وقت ناكر وجاحد
مدري هي الايام .. ماهي بالايام=والا الهموم اضحت مع الناس واجد
ياليت للأنسان مع صبع الابهام=زر(ن) يدقه يجعل الدم بارد
وماعاد يشعر بالألم طول الايام=لأن المشاعر اصبحت شي جامد
تبلد احساسه معه مات الالهام=واصبح جسد من دون روح(ن) تجاهد

الزين كله والحلا .. بزين الوصّوف=اللي قبل سلطان قالها جّدها
اللي بها عن كل خلق الله نوف=في فكرها وفي مزحها وفي جدها
متفرده لو حولها العالم وقوف=وفي حسنهم مافيهم اللي نّدها
ولو تجتمع كل الخلايق في صفوف=محد(ن) قدر بالزين ياصل حّدها
ياحظ منهو صافح لذيك الكفوف=والا لمس بيديه طاهر خّدها
عز الله ان اللي ملك ذيك الهنوف=اسّعد سعيد وفرحته من قّدها
يارب ليّن قلبها لي يارؤف=وترحم قليبن ذاب يشكي صّدها
اللي لها الخفاق ولهان وشغوف=وايديه لمعانق يديها مدهّا
يارب وانت بما جرى لعبدك تشوف=وتعلم بأنه صادق(ن) في ودهّا
انك تيسّر كل صعبات الظروف=وعين العدو يارب بأمرك لدّها
وياحظ منهو فاز في زين الوصوف=اللي قبل سلطان قاله جدها
اللي بها عن كل خلق الله نوف=في حسّنها وفي هزلّها وفي جّدها

.
.
.

وش تقول بشخص مثلي مات فيك
.....................................حبك لحد الجنون ومـا أكتفـا ..
لو تكون باّخـر الدنيـا يبيـك..
.....................................دام شوفك فيه للروح الشفـا ..
كم تمنـى فـي عيونـه يحتويـك
.....................................لجل يسري في حنايـاه الدفـا ..

.
.


أضحك وكني رايق البال خالـي
.........................والناس تحسدني وأنا أموت بسكات

أقضي نهاري بالمزح والتسالـي
............................وأسهر بليلي في هموم ومعانـات

غريبه هالدنيا علـى كـل حالـي
.............................الحزن دايم والفرح بس لحظـات

.
.

أقسى ألم لا صرت بالحيـل مجـروح
من شخص [[ حالف ماتجي منه زلّه ]]

من كثرّ ما اشوف الحلا فيك .. اسميّك=انتي مكرهة الرجال بنساها
ماهوب من طيشك وقلة مباديك=الفاتنه تفتن وهي في غطاها
من شاهدك ولا حصل له يصافيك=والله لتبطي صورتك مانساها
بأخلاقك .. دروسً لمنهم حواليك=ان المره ماهي بقلّة حياها
واللي مكبّرك بعيوني ومدنيّك=ماانتي من اللي : من بغاها لقاها

تعال .. واسحب كلام الشوق .. من فمّي=ماغيرك احدً يحرّك.. عظمة لساني
انا لك ..ومرتعك.. من كمّي ل كمّي=وانت اول انسان حبيته وحّباني

الله يّديم الحكم .. ويّديم الاسلام=ويعّز دار المملكه مع اهلها
دار السعود .. مدلهة كل منضام=يارب تحفظ سهلها مع جبلها

بعض البشَر لآ من حشَمته طمَع فيك
...................................وبعض البشَر لآ من جفيته يودّك

وبعض البشَر يتعَب على شآن يرضيك
.....................................وآغلى من اخوآنه بـ قلبه يعــــدّك

ويآ صآحبي هَـ آلحين بآنت خوآفيـــك
....................................عَلَّقـــتني مآ بين مزحـــــــك , وجدّك

وش جآك مني يآعشيري وآنآ آخيك
..........................................قبل آمس آنآ صآحبك , واليوم ندّك

لآضاق صَدري من عَنَى وَقتنآ آجيك
.........................................وآشوف دمعآت الغَلَآ فوق خَـــدّك

والحين تظلمني وآنآ منّك و فيــك
....................................بـ كل إحترآم آقول : يآ خُوي حــــــدّك

ثَمِّن كلآمك يآ عَسَى الله يهديك
........................................لآصآر مآي الوَجه يعجز يـــــــردّك

ثوب الردَى يآ صآحبي مآيقَدِّيك
........................................الثوب لآ ثوبك ولآ القَــــــــد قَــدك

آنآ آوَّل إنسآن اِذآ ضقت بَـ آجيك
......................................حتى , ولآ آذكر يوم وقَّــفت ضــــدّك

مآتَذكر اِنِّي بـ الوفآ كنت آجآزيك
........................................وانته تجآزيني بـ ظلمك وصَــــــــدّك

لكن خلآص اليوم والله مآبيك
........................................النفس طآبَت ؛ سَــــو مآهــــو بــ ودّك

الطعنَه اللي من وَرَا الظهر تنهيك
...........................................وشلون لآجآتــك من اللي يـــــودّك

ياصاحبـي منتـه علـى الـود مجبـور=ومافيـه داعــي للعـبـط والكـلاحـه
انـا معـك واضـح ولا الــف وادور=طبعي صريح ان كان تبغـى الصراحـه
ماني مـن اللـي كـل يـوم ولـه دور=يلعـب علـى كـل الوجيـه بوقـاحـه
يحلف بربـه وان شهـد زور فـي زور=اهـم شـي انــه يحـقـق نجـاحـه
والا انـا ياصاحبـي وافــي شـبـور=ولطـرد ورى ايـات فرصـه متـاحـه
امشي طريقي يابيـض الوجـه بالنـور=ولاهمنـي كلـب العـرب مـع نباحـه
واثق بنفسـي ولايجـي منـي قصـور=اقـدم المجهـود وارجــي صـلاحـه
ولرضي على ناصر على حساب منصور=ومن بعدهـا منصـور ارجـي سماحـه
أكـون حّـد وكلمـة الحـق دسـتـور=لوكـان مالـي مـن وراهـا ربـاحـه
أبيّـن المخطـي واقـدم لـه الـشـور=واوجهـه لأسبـاب تضـمـن فـلاحـه
ما اعيش بالحيـلات لـو كنـت مقهـور=لو كـان كـل الوضـع مافيـه راحـه
ان عشت ما ارضى عيشة (الجبّو) والثور=اللـي تسـاوت مـع بعـض بالبراحـه
امـا اعيـش ورافـع الـراس كالطـور=والا امـوت وعـز راســي كفـاحـه

لاعاد ترجيني ولا عاد ابرجيك=كلاً يرّوح يالغلا في طريقه
دربك خضر واللي يجيبك يوديك=حان الفراق وبان نور الحقيقه
دامك بخستي حق من كان شاريك=وبعتي غلاه وعشرته في دقيقه

تدري وش سوّت بي [ آخر رساله ]=خلتني أذرف غالي الدمع و ( أنوح )
وأبكي على حبٍ سحرني ( وصاله )=حتى سكن بين ( الشرايين ) و ( الروح )
قلبي تعلّق به / وعلّق .. ( آماله )=وبدد ( هموم ) وضمّد جروح وجروح
ياغايبن والقلب ينزف سؤاله :=من له أغني و أعزف والشعر وأبوح ؟
انا أرفض التوديع في كل حاله ..=وغلاك ( ثابت ) ماهو أيام ويروح
ولوّ إنها بالفعل ( آخر رساله ) =إنتـه هنا ( بين ) الشرايين والروح .