الطيب فينا عند شيب وشبان= وهبه منالله كاسبيين معاليه
من وقتنا الماضي لياوقتنا الان=نفخر بوايل كان جابوا لطا ريه

اخوان والله هو جمعنا ب( ويلان ) = صرح على طيب المبادي مباديـه
ما عاد تفرقنـا مسافـة وبلـدان = دام البناخي مجتمع مـع بنيخيـه
لنا المـبـادي سـاس والشعـر عنوان = والشـعـر تـسـمـو بالمـبـادي مـعـانـيه
ناخـذ ونعـطـي بـيـنـنا مـثـل الاخـوان = عـلـى الـوفـا نبني صـروحه ونحـمـيـه
ويلان طاريها على راس مابان = رجم ٍ طويل ٍ يتعب اللي رقا فيه
فكرة صليب الراي زيزوم فهمان = لـو مانعرفـه يعلـم الله نغليـه
ياراعي الفكره سلايل كحيلان = الطيب عندك جاهزاتاً معانيه
أنا بوايل عزوتي شانهم شان = اللابه اللي دايم المدح زاهيه
عنوانها رمزن ويصـــــدح بـالاذان = اللي لفانا جعل ربي يحـييه
وسط العيون وقدرهم فوق له شان= بين الحنايا مابهم من نعديه
روضة شعر والورد من كل الألوان = منبرأدب والذوق من ذوق راعيـه
وبالخاطرة والنقـد للهرج ميـزان = أقلام يطرب له من الفـن قاريـه
الطيب فينا عند شيب وشبـان = وهبه منالله كاسبيين معاليـه
من وقتنا الماضي لياوقتنا الان = نفخر بوايل كان جابوا لطا ريه

تاريخنا يبقى على مر الازمان=يبقى و صفحات الزمن ما تغطيه
و حنا لهذا المنتدى مثل الاركان=او كننا قلب ٍ نبض في محانيه

وصفه اذا شبهة صوره عن إنسان = إنسان راقي يحمل الورد بيديه
يفوح عطره ورد في كل ميدان = واللي يمره ريح ورده تلاقيه

المشاركة الأصلية كتبت بواسطة ناصرالسويلم (المشاركة 238711) سليمان الجعفري كللي فخر أنك هنا ياسليمان ؟؟؟ في شبكة ويلان كلن تحييه بالمجد لك عليا ومن روس عربان ؟؟؟ وعندك سلوم الطيب يالحرحاميه أشكرك جزئل الشكر على ترتيبك لبيوت اخوانا الشعارفهذا بحد ذاته عمل طيب تشكر عليه تقديري للجميع

(المشاركه خارج الموضوع ايضا)

تحيتاً ترفع على راس مابان = لناصر ابن سويلم كل الفخر فيه
مدحتني ياطيب الساس والشان = وانت اخذت المجد وراقي عواليه