°~*¤®§(§ شبـــكة ويــلان العـربـيـه §)§®¤*~ˆ°

°~*¤®§(§ شبـــكة ويــلان العـربـيـه §)§®¤*~ˆ° (http://www.weelan.com/vb/index.php)
-   منتدي الشعراء (http://www.weelan.com/vb/forumdisplay.php?f=8)
-   -   **لــــــــوحــــــــة ويـــــــــــلااااااان الـــشــــــعــــــريــــــــــــــة ** (http://www.weelan.com/vb/showthread.php?t=19710)

ماجد الغانم 24/08/10 (02:52 AM)

رد: **لــــــــوحـــــــة ويـــــلااااااان الـــشـعــريـــــة **
 
حيااك الله اخوي بدر تشرفت طال عمرك

...............
.
اهلاً احساااس ...
وهل يخفى القمر ابو هيثم يستااهل ودائماً مبدع

..............
.

هنا لمسة من احساس المبدع

نافع الجديد

خلقت بالدنيا معززومحشوم
.......................من فضل ربي ماارتضي بالمهانه
ادمح خطا الصاحب ولااتبعه لوم
........................وان كرر الغلطه قطعت الميانه
اصبر على فرقاه لو كان زيزوم
......................واحفظ اسراره مثل حفظ الامانه
وانا عن سلوم الاهل مالي سلوم
.........................من بيت عز له كيان ومكانه
من راس قوم روس لاعدوا القوم
........................ يوم ان كل يفتخر في زمانه



صح لساانك يابو عيد

ماجد الغانم 24/08/10 (04:27 AM)

رد: **لــــــــوحـــــــة ويـــــلااااااان الـــشـعــريـــــة **
 
للمبدع سالم الصالح

سبت رحيلك ارضنا وضعها ماش
....................صارت يباس عروقها لك معاطيش
الغصن مات وباقي اوراقه هشاش
..........................تسمع صفير البعد ياوقتنا ليش
هذا خفوقي تربته قاعها ناش
............... ..........ماغير قصرك ثابتٍ مابعد نيش
ماهزه رياح البطا خوف وارعاش
.......................وماصدع ركونه رعودٍ مراعيش
فوق الفواد ومنزلك منزل الباش
.................فكري حرسك وشعلة احساسي الجيش

احساس قلم 24/08/10 (04:48 AM)

رد: **لــــــــوحـــــــة ويـــــلااااااان الـــشـعــريـــــة **
 
ماجد الجعفري
موضوع راقي جد برقيك استاذي
تقبل مروري
-___ ____ _____
لوحة اخرى....
للمبدع معيض بن عريفج
ياشيخ لاتقرا علي لو تكرمت
اللي تبي تقراه قبلك قريته
ياشيخ ابا علمك وانت الزم الصمت
ايلين اغلق من كلامٍ بديته
البارحه يا شيخ عقب العشا نمت
يوم ان كلٍ نايمٍ وسط بيته
مدري حقيقة علم والا تحلمت
خلي لقاني بالمنام ولقيته
عقب الغياب اللي ذبحني وهايمت


ماجد الغانم 24/08/10 (04:56 AM)

رد: **لــــــــوحـــــــة ويـــــلااااااان الـــشـعــريـــــة **
 
الله اختيار جميل اخت احساس للشاعر مميز



.....................
...............
.............


وهنا لمسه راائعه لأحساس راقي ومن شاعر كبيرومدرسة شعرية

سعود العواجي

يالادمي لو شلت حملك بيديك
.................... ماينفعك دمك ولا عظمك الهش !

الفقر لو حبله محكم علابيك
................... آخير من عيشة غنا كلها غش

ودم الكرامه امسكه واحفظه فيك
...............وش ينفعك لاساح من عرقك ونش

وبعض السكوت أحيان لو طال يغنيك
..... أبلغ ليا سولفت ثم قيل لك : اشششششش !!

رائع يابو صالح

.

خالد الغانم 24/08/10 (05:45 PM)

رد: **لــــــــوحـــــــة ويـــــلااااااان الـــشـعــريـــــة **
 


جميل موضوعكــ يـ ماجد

واسمح لي ان اضع هذهـ الراائعهـ للشاعر الكبير / سعود العواجي


شـورك ياعبـدالله مـدام الحـب يطـرق بابـي
.....................................بااسباب بنـت ٍحطهـا الله للخفـوق اعقوبـه

تزعل وانا لاجيت ابرضيهـا تقـول لـي : مابـي
.......................................وارجع وانا اتأسف واقـول بكـل مـره : توبـه !

وليـا رضـت ترضـى بعـد مابهذلـت بااعصابـي
.......................................وتصيـر بـنـت ٍ طيـبـه .. وحنيـنـه.. وحبـوبـه

والله ليـا منهـا زعلـت تضيـق فيـنـي ثيـابـي
...................................وامشى وانا اهذري ولابـس غترتـي مقلوبـه

مـن يـوم مامـرت بجنـبـي لابـسـه بنجـابـي
.................................والجسـم يوحـي للـدلـع مــع انـهـا دبـدوبـه!

.
بيض الله وجهكــ ابو صالح على هالرااائعهـ


ماجد الغانم 24/08/10 (06:36 PM)

رد: **لــــــــوحـــــــة ويـــــلااااااان الـــشـعــريـــــة **
 
حيااك الله اخوي خالد وراائع اختيارك جميل للشااعر مميز فعلاً

................
.
.

وهناا لمسة بابدااع الشاعر الرائع

مزيد المزيد


ويامرؤ القيس كان السر باوجاعي
................... بعض السوالف تموت بفم راعيها

الفكر عزفي ونبض القلب ايقاعي
................. والشعر ونسة عمر والناس ترويها

وان كان صدت كذا عن روض مرباعي
................... لاتحلم اني اجيب العذر وارضيها

والله لو ان الجفا يلوي لي ذراعي
.......................لاقطع ذراعي لها والويه بيديها

اهل النفوس العزيزه عشقها واعي
....................... ماتنحني للغرام اللي يوطيها


مذهل يابو راكان صح لساانك

سعد النفج 24/08/10 (06:40 PM)

رد: **لــــــــوحـــــــة ويـــــلااااااان الـــشـعــريـــــة **
 
لوحة راقيه ..
شكرا الغالي / ماجد على نبش ذكريات القلوب التي تعيدنا إلى ابداعات كُتبت على صفحات الشبكة و لكنها لن تزول ..
.
.
ها أنا أنبش قبر هذه الفاتنه للراقي / علي السابل..

.
يا الشوق وان ماغفى ليلي على كمـه=يصبر على ملح دمعي ظامي وسـادي
وانت انتظارك غياب الروح من يمـه=وعودة حياتي ليـا نـورت ميعـادي
زرعت امان الضيا في وحشة الظلمـه=لحظة حضورك وكانت طلـة اعيـادي
بعيد عن الصخـب والنـاس واللمـه=فرشت لك في ضفاف القلب سجـادي
كل احاسيسي حضور.. وفيك مهتمـه=من حد حس الجنون لحسـي العـادي


الساعة الآن (01:41 AM)

Powered by vBulletin® Version 3.8.7
Copyright ©2000 - 2024, Jelsoft Enterprises Ltd
شركة استضافة: استضافة رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه