رد: اكتب كلمه واللي بعدك يعبر ببيت شعر
بين صخب الصمت واحساس الرزايا................وضياع الحب وسط العــــــنجهيه
قال لي لاتنتظر مني.........عطايا.................خنت حبك وعيشي بدور الضحيه " " الحـــــــــــــــــلم "" |
رد: اكتب كلمه واللي بعدك يعبر ببيت شعر
تسلم يالبدر على هذه الفكره المميزه
وشكرا لجميع الاخوان الذين تفاعلوا مع الموضوع ----------------------------
الحلم طيش وجنون الحلم عذبني = حلم ٍ حلمته واشوفه دوم قدامي حلمٍ تغير بعد ماكان عاجبني =واشوفه اصبح حقيقه بأخر احلامي يمكن يبي قبل لايظهر يجربني = وانا اكرر واقول ان الهدف سامي الكلمه التاليه الذكاء |
رد: اكتب كلمه واللي بعدك يعبر ببيت شعر
ما عرفت الا معه طعم الغباء....ليتني دايم وانا عنده غبي
صرت معه اغبى من اغبى االاغبياء...بس اقول آمر تدلل وش تبي واكتشفت ان الخسارة في الذكاء...بهذلنا بالهوى سود العبي كيبوردية ..ههههه الكلمة : الصباح |
رد: اكتب كلمه واللي بعدك يعبر ببيت شعر
لله يصبحك ويصبح الجميع بالخير
ايوالله يابو خالد ....بهذلنا بالهوى سود العبي وبي اختار قصيده لك .. صباحك من خزامى , من نفل , من شيح , من نوار بروض من مزون الوسـم الاول طالـت أعشابـه صباحك فجر عاشق سامـر النجمـات بالاشعـار.. صباحك مبخرة من عـود جـاوة فاحـت اطيابـه خلف الغريب الي بعدي الشوق |
رد: اكتب كلمه واللي بعدك يعبر ببيت شعر
تحياتي لكم جميعا
وشكرا لكم على التفاعل المميز وتمون ياخلف الغريب على نقل الموضوع والي تشوفه هو الزين . - لي ملاحظه بسيطه على ماسبق وهو ان بعض الابيات تأتي فيها الكلمه والابيات لاتمت لهذه الكلمه بصله . ياليت الابيات تكون اقرب للكلمه وتعبر عنها. ===== احساس يجذبني لها كل الاوقات = احساس ٍ يسمونه اهل الهوى الشوق الكلمه التاليه : "ويلان" |
رد: اكتب كلمه واللي بعدك يعبر ببيت شعر
انا ابن وايل لا تخالفن الاشوار .... وقع المصايب ما رفع ضغط دمي
انا من ( الويلان ) لا صار ما صار.....وراح المزاح وحل هرج مهمي اتبع هواي وعين عمار بالنار...ولا همني هرج الخبيث المخمي خلف الغريب قبل 11 سنة ...وانا هكالحين شباب ياالله حسن الخاتمة .. اللي بعدي ...( رمضان ) |
رد: اكتب كلمه واللي بعدك يعبر ببيت شعر
صبحك الله بالخير ياخلف
ابا اقولك شي كلمة رمضان معاده شف لك كلمه غيرها بس اعجل علينا الله لايهينك |
| الساعة الآن (03:38 AM) |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه