°~*¤®§(§ شبـــكة ويــلان العـربـيـه §)§®¤*~ˆ° - اول مشاركه اضعها بينكم00ياهاجـــسي

اقتباس:

المشاركة الأصلية كتبت بواسطة مرزوق نومان (المشاركة 244884)

السلام عليكم ورحمة الله وبركاته

فالبدايه اشكر اخوي الشاعر حمد الخمعلي الذي قدم لي الدعوه لهذا المنتدى وانا سعيد بتواجدي بينكم0

اقدم لكم هذه المتواضعه آمل من الله ان تحوز على رضاكم0

ياهاجسي حضرت لك بس من وين=ابدا وانا توي مع الشعر بادي
مركزٍ جهدي على رحلة سنين=ولا قطعت برحلتي ربع وادي
عديت لي عشره وعشره وثنتين=من شجره لشجره يزيد امتدادي
واعدد أغصان الشجروالله يعين=والغصن محسوبٍ عليه وكادي
يحسب علي بكل غصنٍ ثلاثين=متخالطٍ بياضها والسوادي
واعد شوك الغصن باربع وعشرين=ابغى احرقه واثريه يحرق فوادي
والغصن تلقى به من الزين والشين=ومن استفاد الطيبات استفادي
وليا كسبها من يحسب لبعدين=يفوز فيها فوز ماهو بعادي
وانا بفضل منقط الشوف بالعين=دايم على رب العباد اعتمادي
ما امشي بسيرة مخلفين القوانين=امشي على سيرة كرام المبادي
ماشي على درب الرجال الشريفين=وعلى دروب العزمسرج جوادي
اسعى لها والعمرماهوب عمرين=وكلش على الله لابذلت اجتهادي
واخر مصيري منتهي بين ثنتين=تحت الثرى تصبح عظامي سمادي
مدري متى والناس ماهم بدارين=العلم عندالله رب العبادي
بس الاكيد انا نزولٍ مقفين=شين مؤكد جد ماهو عتقادي
الباقي الله والمخاليق فانين=يفنى من الدنيا النفس والجمادي

تحياتي للجميع

بداية الله يحييك اخوي مرزوق وما اجمل هذه المصافحة الاولى التي تدلنا على قدوم شاعر جميل وعذب وحكيم..

ابيات تحكي لنا النظرة العميقة والحقيقية التي ينظر بها شاعرنا الجمل لهذه الدنيا وفعلا ينبغي للجميع ان يحتذي هذا الطريق ..

وانا بفضل منقط الشوف بالعين=دايم على رب العباد اعتمادي
ما امشي بسيرة مخلفين القوانين=امشي على سيرة كرام المبادي
ماشي على درب الرجال الشريفين=وعلى دروب العزمسرج جوادي
اسعى لها والعمرماهوب عمرين=وكلش على الله لابذلت اجتهادي

كفو والله وانت عزيز من عزيزين وكريم مبادئ والدليل هذه الابيات الجميلة ..

الف صح لسانك وتقبل مروري..