ياشعور الشّعر مرْحب جيت في وقتك تغنّي=جيت والإحساس فيني فيّض انواع الحروف
ياجميل الرّوح أهلاً ماعلى القومه تعنّي=من رئيتك قام قلبي والمحبّة في صفوف
كل عينن من عيوني ودّها ابنظرة تهنّي=للحسين اللي ملكها جامع إلْكِلّ الوصوف
الحروف اتروح عنّي رقص والْحان اوتثنّي=والمشاعر في تغنّج همّها هز ّالكتوف
لك يرفّ الود طاير والمدامع ودعنّي=ولك يسير الحب زفّه يوم طقّوله دفوف
ويل حالي يا حبيبي كيف صار الشوق جنّي=كيف يفضحني خفوقي يوم صوّت لك شغوف
أنت حلمٍ من حلومي جيت وهمومي تونّي=جيت واستبشر زماني يا بعد كل الألوف