لاتجرحون القلب يكفي كفايه = قلبي تاذى ودمرته البهاذيل
يكفي من اللوعات جاير اسايه = خلاص كفو عذلكم ياعواذيل
اللي وقف وقت الشدايد معايه = منسى جميله لو يزور الحساء النيل
يقول انا درعك وانا لك حمايه = ومهمى يميل الحمل انا اعدل الميل
لي الشرف لا قلت يسوى اصدقايه = محمد المسعد اليا ضقت حلحيل
يعل يفدونه ربوع الوشايه = ويفداه من بنسى جميل الرجاجيل
انا شهد ان الطيب له ساس غايه = في وقتها ماينتظر قولٍ او قيل
لا هو ولد عمي ولا من اقربايه = يومٍ نخيته قال فصل وانا اشيل
وفعلاً وقف وقفت شرف لنهايه = وان سهل الله ماتضيع الجمايل
واللي وقف وقت الشدايد معايه = برفع له البيضاء على كل طايل