هي صحوة النور..هي جارة نجـم هالـي=الله بعينـي عـن المخـلـوق ..رافعـهـا
لاطافت الـروح .. بيـن اقفـأي وأقبالـي=الـورد حيّـا بهـا.. والغـيـم يتبعـهـا

قصيدتـي ذيِ .. كانـت مشغـلـه بـالـي=شهريـن.. تجتـاح تفكيـري.. طلايعـهـا
أنـا أحتـرق .. كـل ماترقـص وتختالـي=وفكري على حرقة الاعصـاب.. يصنعهـا
يعزف لها صـادق الأحسـاس .. موالـي=وأبـدأ بهـا وأتوقـف عنـد .. مطلعـهـا
مـا الـوم حرفـي وملهمتـه .. تهيـالـي=أعذب قصيده يفـوق الوصـف .. واقعهـا
ان قلت صـورة عكسهـا النـور بظلالـي=كيف ادرك أبعادها . بالوصـف وأجمعهـا
وأن قلت هي عزفـي المتـرف وغربالـي=كيف أجمع أضدادهـا .. لعيـون سامعهـا
وان قلت هـي لهفـةٍ بالـروح.. تجتالـي=كيف أسترق وصفها.. مـن لـون طابعهـا
أجمل قصيـد.. أول العشـاق .. والتالـي=مأرضى أبوّصفه.. غرور الوصف.. وأقنعها
شموخهـا فـي عيـون الدالـه السـالـي=أصـدق روايـه.. يجسّـدهـا تواضعـهـا
هي صحوة النور..هي جـارة نجـم هالـي=الله بعينـي عـن المخـلـوق ..رافعـهـا
لاطافت الـروح .. بيـن اقفـأي وأقبالـي=الـورد حيّـا بـهـا.. والغـيـم يتبعـهـا
من لهفة الشوق.. لأعذب جرح .. يحلالـي=أشوفها .. ويـن مـا أسافـر.. وأطالعهـا
لا سولفـت .. للقصايـد .. فـز مرسالـي=على صدى صوتها .. وآآآآآآآآخر مواجعهـا
يهيم بـدر الدجـي.. فـي بدرهـا العالـي=ويغار.. مـن قدهـا الميّـاس ... مفرعهـا
في همسها ريـح ورد.. وعـزف شلالـي=ترسـم تفاصيـل روحٍ مـات .. طامعهـا
السحـر يبـرى لهـا.. والمـوت يبرالـي=أنـام وأشوفهـا ... وأصحـي وأضيعهـا
وتضحك وأجـي للسـلام وتـزرع آمالـي=ويغفي هدب عينهـا .. وأنسـى وأودعهـا
منها .. عليها.. لها.. أسولف وأنـا الحالـي=يبعـد بهـا واقعـي .. والحلـم يزرعهـا
قصيدتـي ذي .. واللـي مشغلـه بـالـي=هي نبض روحي.. وجوهرهـا.. وطابعهـا

الشاعر القدير

*** صالح الضويحي ***

لهذه الباذخة أقف إحتراماً

صح الله لسانك مدد
.
ان قلت صـورة عـكـسـهـا الـنــــور بـــظـــــلالــي=كيف ادرك أبــعـادهـــــا . بالــوصــف وأجـمـعـهـا
وأن قلت هـي عــزفــي الـمــتـرف وغــربـــــالـــي=كيف أجـمـع أضــدادهــا لـعـيــون ســــامــعــهــا
وان قلت هي لـهـفـةٍ بـالــروح.. تــجـــتـــــــالـــي=كيف أســتـرق وصــفـهــا من لــون طــابـعــهــا
.
فنان ترسم بالحرف لوحات جميلة

وتعانق سماء الإبداع بجمال

دمت بهذا العطاء والنقاء

تقبل إعجابي وتقديري

.

.

.