تهون ضربات العدو لو ركز رماحه تهون=لوفجج ظلوع النحر دامة نطيحي مازعلت
الموت غدرات القفى والى سطت بين المتون=حرام ركزات العدو ارحم ولو فيها قتلت
ماجاد لي كثر الغلآ ياصاحبي غيرالطعون=ولا حصدت من الوفاء في هالزمن زرع(ن) واكلت
أمشي على كيف القدر مثل البدو هم والمزون=اتلي بروق(ن)للحياء وكل مانفض غيمة نزلت
صادق ولي قلب بدوي وافي ولا يقدر يخون=عفيف طهره نيته ويامخطي(ن)فيني جهلت
ولو شفتني طبعي هدي ترى محطاتي جنون=مثل الهدوء المستكن اعصف ولا عنك سألت
أن جيتني طيب وكرم خذني على عزالضنون=ادمح لك الزلة رضاء واكتم بصدري لا نفعلت
وهذا نسميه الوفاء ومايجهله غير العفون=ودامك مثل خطواتهم برتاح ماسأل وش فعلت
وأذا تجيني من قفى ماهمني عزف اللحون=طقطق ياشبة الراقصة يازين مشيك لآدخلت
أنا الأسد ماهزني كلب(ن) ويلعق بالصحون=مثلي ألى منه زئر مثلك يدنق لآ اقبلت
ولا العدو أسمه عدو ماتأمنه مهما يكون=الموت من غدر(ن)يجي ومن واحد(ن)عنه غفلت