°~*¤®§(§ شبـــكة ويــلان العـربـيـه §)§®¤*~ˆ°

- منتدي الشعراء (http://www.weelan.com/vb/forumdisplay.php?f=8)

- - الله يــ خرب بيته .. (http://www.weelan.com/vb/showthread.php?t=2137)

عيد صح لسانك ولسان طلال الشمري

وأدام الله هذه المحبه بينكم

دمت بخير

صح لسان الاثنين

اقتباس:

المشاركة الأصلية كتبت بواسطة صالح الضويحي

شبيه حرٍ لا كفخ حصل الصيـت
ركاز مـزاع اللحـم والشـلاوي
لا يابعد حيي وحيي مـع الميـت
يا عيد روحي يالخوي يالنـداوي

وابيات جزله بمعناها ومغزاها ومنصاها

لا جابك الطاري تفاخرت وابديـت
اني لبو فيصـل خـويٍ مخـاوي
ياما عن الجاهل صفحت وتغاضيت
ويا ما عن المبلي تشيل البـلاوي
وللمرجله يا ما عنيـت وتعنيـت
مشيك على هالدرب حث الخطاوي

ورد ينبض بالصدق والرجوله والوفاء

وبين الاثنين يتحدث الشعر بعلو الصداقه وسمو العلاقه

والوفاء الذي يتميّز به الاوفياء من الرجال....

صح لسان طلال الشمري وصح لسان عيد المطرفي

فكلاهما قال وأجاد.

احترامي وتقديري

القدير : صالح الضويحي : بمرورك سما الموضوع وتباها الكاتب ، لا عدمناك ..

تقبل محبتي وإعجابي وتقديري ..

اقتباس:

المشاركة الأصلية كتبت بواسطة بندر المطرفي

ليس مستغربا على ابي فيصل هذا الابداع

صح لسان طلال وصح لسانك يا صديغي

بندر

حياك الله يابندر ، صح بدنك يا صديجي ..

تحياتي ..

اقتباس:

المشاركة الأصلية كتبت بواسطة عبدالله الثابت

عيد المطرفي صح لسانك انت والشاعرطلال

والله انك رديت رد يشرف الشعر

ابداع

الله ياعيد

الله يخرب بيت من يحسبـه بيـت
لاصار هذا بيـت عنـده يسـاوي
اخذت جـزلات المعانـي وخليـت
لبقية الشعـار هلـس الحكـاوي
عرش الكرم فوقه جلست وتمركيت
وتشرب طواريق القصايد قهـاوي
قافك دوا قلبـي ومنـه تشافيـت
دوا عليـلٍ مـا لقالـه مــداوي
كفّيـت والله يالسنافـي ووفّيـت
ذكرني بقافـك قصيـد الخـلاوي
لحّنت قافك بـه ثملـت وتغنيـت
كني على درب الشقا صرت غاوي
يا دنيتـي يـا منيتـي لا تمنيـت
انت الوحيد اللي تجيـب المنـاوي
عزي وعزاي وعزوتي لا تعزويت
لامن زعجت الصوت يمّك عزاوي
انت السما والليل والغيـث هليـت
سحاب جودك بالنـدا يـا نـداوي
هليت ثم صبيت وامريت وارويـت
يا مشبعٍ بيديك من بـات طـاوي
ييا مشبعٍ طير السما كان هديـت
تشبـع بهداتـك ذيـابٍ تـعـاوي
وقت الشدايد مسنـدي لا توازيـت
ضربٍ على العدوان ماهو بـياوي
لا صارت القاله فزعت وتهاديـت
مثل الذي لاشاف شوقه هـواوي
لا هاجت العجه حشا مـا تخفيـت
ستر العذارى لا رمـنّ الغشـاوي
لا جابك الطاري تفاخرت وابديـت
اني لبو فيصـل خـويٍ مخـاوي
ياما عن الجاهل صفحت وتغاضيت
ويا ما عن المبلي تشيل البـلاوي
وللمرجله يا ما عنيـت وتعنيـت
مشيك على هالدرب حث الخطاوي
كل بيت عن قصيده

تقبل تحياتي

ابو فضي : .. والله مرورك الكريم هو شرف الشعر والقصائد ..
وكلامك شرف لي وشهادة اعتز بها من شخص له خالص محبتي ..

تحياتي ..

اقتباس:

المشاركة الأصلية كتبت بواسطة تركي صالح

صح لسانك

أخ عيد

وصح لسان

الشاعر

طلال الشمري

وما قصرتوا يالغالي على الابيات الرائعه

وتقبل فائق تحياتي وتقديري

أخي : تركي الصالح : صح بدنك طال عمرك ، ولك من المحبة والتقدير والإعجاب مثلها ..

تحياتي ..

اقتباس:

المشاركة الأصلية كتبت بواسطة فاضي عبدالعزيز

عيد المطرفي
صح السانك والسان طلال الشمري

والله ونعم بالجميع لاهنتو

ونعم بحالك طال عمرك ، صح بدنك عالمرور العذب .

تحياتي ..