°~*¤®§(§ شبـــكة ويــلان العـربـيـه §)§®¤*~ˆ°

- منتدى المرئيات والصوتيات (http://www.weelan.com/vb/forumdisplay.php?f=9)

- - دق الهيييييييييييييييل (http://www.weelan.com/vb/showthread.php?t=22400)

رد: دق الهيييييييييييييييل

[quote=جايزمليحان المفوز;358243]

اقتباس:

المشاركة الأصلية كتبت بواسطة ابو واااافي (المشاركة 358132)

ياحمود دق الهيل

قصيدة الشاعر
خلف بن محمد الدحام

أداء
خليف بن فراج بن هذال الاسلمي الشمري

اتمنى تحوز على رضاكم واستحسانكمللحفظ

http://up.ftahilah.com/up//uploads/edd7dc29d1.mp3

ياحمود دق الهيل ياحمود دقه
دقه وخل المستمع له يجينا

ولاتستحي من اللي يتضحك بنقه
اللي على سلم القدم مايبينا

تلقاه تـــــوه بالحضاره تفقه
نسى البداوه وانتقل للمدينا

يطفش ويزعل ويتعنفق برقه
اليا سمع صوت النجر له دنينا

والاَّ النجر كل النشامى تدقه
يا ما اكسبوا بالطيب علم(ن) حصينا

والنجر سلم اجدادنا قبل اطقه
كل(ن) مدحهم من قديم السنينا

دايم معــاني طيبهم مستلقه
بالطيب وعلوم الصخا باينينا

تلقى لهيب النار دايم اعلقـــّه
دايم بفجر المصطبح مسعرينا

في جنبها من صنع بغدي مدقه
زعفر وعود وهيل له باهرينا

وقت الفجر يسمع دنين المطقه
تجمع ربوع(ن) بالوفا غانمينا

ماجربوا درب الردى والمعقه
ذبح الجزل لضيوفهم مكرمينا

واليوم بعض الناس صارت تعقه
وتلـقى البيوت مقفله باليدينا

مادريوا ان الطيب مابه مشقه
وانه فخر لاهل الصخا الطيبينا

بالمدح وعلوم الثنا مستحقه
دايم بفعل الطيب له مسهمينا

درب الكرم دايم بصوبه تشقه
ماهم من اللي للريا قاصدينا

والطيب عز(ن) للعرب ما تعقه
من دور حاتم مكـــرم العابرينا

والمعذره لــــو قصر القاف حقه
الطيب حق(ن) نذكره لو نسينا

وصلوا على اللي بطاعته يستحقه
المصطفى المختار نعــــــم الجبينا

[size="6"][color="red"]من اراد مشاهدة تصميمها عليه الدخول على اليوتيوب

بعنوان ( الشمري دق الهيل )[ ابووافي الله يوفقك و صح السان شاعرها
وتحياتي لك

الله يوفق الجميع ياجايز

شاكر لك مرورك

رد: دق الهيييييييييييييييل

اقتباس:

المشاركة الأصلية كتبت بواسطة بنت الكحيلا (المشاركة 358298)

نقل جميل ورائع

الله يعطيك العافية اخوي ابو وافي

وتسلم على هذا الإختيار الجميل

لك كل الشكر

بنت الكحيلا

شاكر لك مرورك

رد: دق الهيييييييييييييييل

ابو وافي

الله عليك وحفظك الباري يالغالي

قصيدة وكلمات رائعه صح السان شاعرها

وسلم لنا هذا الصووت العذب

مميز يابو وافي دائماً

تقبل مروري واحترامي

كن بخير

رد: دق الهيييييييييييييييل

الله عليك يااااااااااااااااااااااااااااابو وافي
مشكوررررررررررررررررررررررررررررررررر
تقبل مروري

رد: دق الهيييييييييييييييل

اقتباس:

المشاركة الأصلية كتبت بواسطة محمد بن موسى (المشاركة 358423)

هلا ومرحبا ابو فهد

المميز مرورك الله يعطيك العافية

رد: دق الهيييييييييييييييل

اقتباس:

المشاركة الأصلية كتبت بواسطة مبارك كريم المعيتق (المشاركة 358426)

الله عليك يااااااااااااااااااااااااااااابو وافي
مشكوررررررررررررررررررررررررررررررررر
تقبل مروري

هلا بك يامبارك

الشكر لك على مرورك العذب

رد: دق الهيييييييييييييييل

الله يعطيك العافيه اخوي ابو افي

وتسلم على النقل الممتع

تقديري لك