رد: "وش هو (حافز)ويش يعني ويعني"
[quote=بنت الكحيلا;401182]
هذا الحوار دار بيني وبين احدى صديقاتي التي لم يحالفها الحظ فيما يسمونه حافز
دقت على الهاتف بصوت ن فجعني = قلت الخبر وش فيك وش صار تبكين قالت يا بنت الناس حافز خدعني = وانا على حلمه تورطت بالدــــــــين حافز بورطه يا الكحيله وضعني = وش حيلتي يا كيف اسد الدياييــــن شرط العمر من خير (حافز) منعني =عمري تعدى فوق سبع وثلاثــــين كنه على وجهي بشرطه صفعني =ابكي ونار الظلم وسط الشرايــــــين العلم طرده للأسف ما نفعني=راح العمر وانا اطرد اسنين وسنـــــــــــين ما ظن ابو متعب لو انه سمعني = يرضى لنا الحرمان وحنا الضعيـــــفين قلت اسكتي هرجك بقلبي لذعني =لا تقهرين القلب بالله تكفـــــــــــــــــين واللي عن( هياط) الحوافز رفعني = دامك صديقة عمر ما تبكي العــــــين وش هو (حافز ) ويش يعني ويعني = تبكين يا بنت الاصل لجل الالفــــين بكيك على الهاتف وربي وجعني =مير استريحي وابشري في (وفا) الدين quote] بنت الكحيلا / صح السانك وسلم بنانك قصيده ذات معنى وذات قوه شعريه من شاعره متمكنه ومبدعه ياسلام عليك لا تاتي الجزاله الا من جزل وأنتي جزله وقصيدتك جزله بارك الله فيك وبيض الله وجهك على هذه القصيده الرائعه لك مني جزيل الشكر والتقدير |
رد: "وش هو (حافز)ويش يعني ويعني"
اقتباس:
المشاركة الأصلية كتبت بواسطة مشعل التريباني http://www.weelan.com/vb/mecano/buttons/viewpost.gif لله درك اختي على هذا الابداع والله يخلف عليكي ان شالله نعم هذا اللي حاصل الله يفرجها للمسلمين تسلم اخوي مشعل التريباني والله يسمع منك يارب شاكره مرورك الكريم لك كل التقدير |
رد: "وش هو (حافز)ويش يعني ويعني"
اقتباس:
المشاركة الأصلية كتبت بواسطة محمد البويليد العنزي http://www.weelan.com/vb/mecano/buttons/viewpost.gif الشاعره // بنت الكحيلا صح لسانك واعتلا شانك قصيده جزله من شاعره جزله وتتكلم عن واقع ومعناة الشعب السعودي عن حافز وظلمه والملك أطال الله بعمره ماهو مقصر ولاكن البلا من البطانه الفاسده عسى الله ينصفنا من الطغاة الظلمه كل الشكر لك دمتي بخير صح بدنك اخوي محمد البويليد والله يعلي شأنك يارب والجزاله في مرورك الكريم لك كل الشكر |
رد: "وش هو (حافز)ويش يعني ويعني"
اقتباس:
المشاركة الأصلية كتبت بواسطة فارس مهل المهيدي http://www.weelan.com/vb/mecano/buttons/viewpost.gif اسئل الله ان يفرج عن كل مديون ويفرح كل مهموم كلام كبير وفعل اكبر وصح لسانك يااختي تقبلي مروري ,,,, ودمتي بحفظ الرحمن اللهم امين اخوي فارس مهل المهيدي وصح بدنك والله يعطيك العافية واعتذر لك طمرت اسمك ورديت على اللي بعدك بدون قصد لك شكري وتقديري |
رد: "وش هو (حافز)ويش يعني ويعني"
اقتباس:
المشاركة الأصلية كتبت بواسطة حمد الضوّي http://www.weelan.com/vb/mecano/buttons/viewpost.gif الشاعره القديره بنت الكحيلا صح لسانك وإعتلى شانك قصيده رائعه في موضوعها وحبكتها لافض فوك إختاه ولا قلتي إلا الصحيح بارك الله فيك الله يرزق المسلمين الحلال الطيب ويرزق شبابنا وشاباتنا بالوضائف اللي تغنيهم عن حافز وغيره دمتي ودام إبداعك تحايا صح بدنك اخوي حمد الضوي والله يعلي شأنك يارب والله يسمع منك اخوي والإبداع في مرورك الكريم لك كل الشكر |
رد: "وش هو (حافز)ويش يعني ويعني"
كفو يابنت الكحيلا
وفيتي وكفيت وصح لسانك .. هذه الايام اصبح حافز حديث الناس وللأسف مايحدث فيه غبن كبير واستغفال للشعب بشكل واضح اتمنى من الاداره العليا لهذه البلاد لهذا الامر لانه خطيرررررر جدا جدا لله درك يابنت الكحيلا واللع يغنينا بحلاله عن حرامه ويغنينا عن هالالفين اللي ذلونا عليها !!!! |
رد: "وش هو (حافز)ويش يعني ويعني"
الشاعره القديره // بنت الكحيلا
صح لسانك واعتلا شانك قصيده جزله من شاعره جزله وتتكلم عن واقع ومعناة الشعب السعودي عن حافز وظلمه وبيض الله وجهكِ يوم تبييض الوجيه وتسويده على كفالة السداد الدين من ظلمها حافز تقبلي تحياتي وتقديري |
| الساعة الآن (11:59 PM) |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd
شركة استضافة:
استضافة
رواد التطوير
مايكتب في هذا المنتدى لايعبر بالضروره عن وجهة نظر ادارة الموقع وانما يعبر عن وجهة نظر كاتبه